رواية عبرة الفصل الرابع 4 بقلم آية عبدالسلام
رواية عبرة الجزء الرابع
رواية عبرة البارت الرابع
رواية عبرة الحلقة الرابعة
يوم عدى ورا يوم لحد ما بقى شهور اتعود عليها اوى حبها بكل جوارحه بقى بيتعلم منها حاجات كتير من غير ما ياخد باله ادمن ابتسامتها وهزارها حتى عصبيتها بقى شئ لذيذ على قلبه معتش بيشوفها فريسته بقى بيشوفها محبوبته بقى بيشوف فيها البيت والدفا اللى اتحرم منه طول عمره بسببها قرب لربنا اكتر واكتر وبقى بيبعد عن صحابه الفاس”دين حبه بحبه لحد ما قاطعهم خالص لدرجة انه نسى الاتفاق بينه وبين محمود .. بس هل السعادة هتدوم
اسيل بإبتسامة : وبس يا سيدى زى ماقولتلك من ساعت ما اخويا الكبير الله يرحمه مات بقيت اعتمد على نفسى عشان اعرف اعيش
اسيل بإستغراب : بدر انتَ معايا
بدر بإنتباه :ها
اسيل بضحك : لا دا انتَ مش معايا خالص مين اللى واكل عقلك خلاك تفكر فيه كدا
بدر من غير تفكير : انتى
اسيل بإحراج : هاا
بدر بإبتسامة وحب بص قدامه على البحر وقال : تعرفى يا اسيل ان انا يعتبر طول عمرى لوحدى امى ماتت وانا صغير وابويا للاسف ماكنش معايا كان كل همه انه يكَبر شركاته ومشاريعه صحيح كان معايا فى نفس البيت بس كان بعيد عنى عمره ماقعد معايا شوية زى اى اب وابنه عمره ماعلمنى الصح من الغلط حتى دينى عمره ما علمهولى وللاسف صاحبت شلة شباب حرفيا كانوا بيعملوا كل حاجه غلط وحرام لحد ما اتعلمت منهم وبقيت بعمل زيهم وبعدين بصلها بعشق جوه عنيها : لحد ما جيتى انتى غيرتيلى كل حاجة فى حياتى خلتينى اقرب من ربنا خليتى ليا سبب انى اعيش بسعادة واكافح عشانه وهو حبك يا اسيل .. انا بحبك وبعدين قام وقومها معاه وركع على رجله وطلع علبه وفتحها وقدمهالها
بدر بعشق وهو راكع على رجله : تتجوزينى يا اسيل
اسيل كانت واقفه مصدومة وبتعيط من الفرحة ومش مصدقه نفسها بس بعدين هزت راسها بالموافقة
بدر بفرح وسعادة : بجد يا اسيل انا مش مصدق نفسى طب قوليها عشان اصدقك
اسيل بحب وسعادة : موافقة
بدر قام بفرح ولبسها الخاتم بسرعة وشالها وفضل يلف بيها
بدر بضحك وسعادة : بحبااااااك
اسيل بضحك : نزلنى يا مجنون
بدر نزلها وحضنها وقال بترجى : قوليها يا اسيل قوليها وريحى قلبى
اسيل بحب : مبحبش قدك يا بدر
بدر زود من حضنه وماعتش حاسس بقلبه من كتر دقاته وعيونه دمعت من الفرح .. مسك ايدها وحطها على قلبه وقالها بكل حب : كل دقه فيهم بتصرخ بإسمك إسمك انتى بس يا اسيل
• عدى اسبوع وانهاردة خطوبة وكتب كتاب اسيل وبدر اللى اصر انها تكون على اسمه فى اسرع وقت
بدر بقلق وهو بيدور حوالين نفسه : هى اتاخرت ليه كان المفروض تكون هنا من ساعة
ابوه بسخرية : لتكون عملتها وهربت ما انا قولتلك بلاش البت دى واتجوز واحدة من مستوانا
بدر بعصبية : بابا لو سمحت اسكت اسيل عمرها ما تعمل كدا وبعدين قاطع كلامه موبايله اللى بيرن برقم غريب
بدر رد بإستغراب وخوف فى نفس الوقت : الو مين معايا
بسخرية : تؤتؤ يا حرام تلاقيك هتم”وت من القلق عليها بس متخافش هى فى ايد امينة
بدر بخوف : قصدك ايه وبعدين انتى مين صوتك مش غريب عليا
اسماء بحقد وسخرية : ايه نسيتنى بالسرعة دى يا بدور انا اسماء اللى ضحكت عليها وابوها مات من الق”هرة بسببك
بدر بخوف وإرتعاش : اسماء اللى بينى وبينك اسيل ملهاش دخل فيها صدقينى انا مستعد اعملك اى حاجة بس متإذيهاش هو ملهاش ذنب
اسماء بشر : ولا انا كان ليا ذنب ور”وح بر”وح رو”حها هتبقى قصاد رو”ح ابويا اللى مات بسببك وفى نفس الوقت هح”رق قلبك طول العمر زى ما حر”قت قلبى واه قبل ما انسى اخرج برا القاعة هتلاقى هدية هتعجبك اوى وقفلت فى وشه
بدر بإرتعاش : اسماء الو الو وطلع يجرى على بره وهو حاسس انه هيغمى عليه من كتر الخوف ليكون اللى فى باله صح
خرج بره بسرعة لقى عربية سودا كبيرة رم”ت حاجة ملفوفة فى قماشة بيضه ومليانة د”م
بدر وهو مش حاسس بقلبه : لا لا مستحيل اكيد مش اللى فى بالى لا وراح مكان الحاجة ببطئ وكل خطوة بيخطيها بيحس كإن رو”حه بتتسحب ببطئ وكإنها قاصدة تعذ”به
بدر وصل وشال الملاية من عليها ببطئ وايده بتترعش جامد بس صرخ بفزع وعدم تصديق
بدر بصراخ وعياط : لااااااا اسييييبل قومييييي متعمليش فيا كدا لااا لااا عشان خاطرى وفضل يهز فيها جامد وهو شايفها غرقانة د”م بالفستان اللى نقوه مع بعض
كل الناس اللى كانت فى القاعة اتجمعت بخوف من المنظر ومش مصدقين اللى شايفينه وفى منهم اللى صرخ بخوف ومنهم اللى عيط من المنظر وبيبصوا على بدر اللى شبه اتجنن وهو لسه بيهز فيها جامد
• اشرف بحزن : هى دى كل الحكاية ومن ساعت موتها وهو كدا و للاسف عقله مستوعبش الصدمة واتجنن وكل شوية يمشى فى الشوارع ويقول سامحينى انا اسف انا السبب .. سبحانه مغير الاحوال تعرف ان من كتر غناه كان بينام على ريش نعام ثم اكمل بحزن دلوقتى مبينامش غير جمب قبرها على الارض
امجد بتأثر ودموع : يااه هو فى كدا انا اول مرة اعرف ان الحب ممكن يوصل للمرحلة دى
اشرف بتنهيده : الحب الحقيقى اللى بجد يابنى عمره ما يروح
امجد بتساؤل : واسماء ايه اللى حصل فيها
اشرف : اتقبض عليها واخدت حكم الاع”دام بس ماكنتش ندمانة خالص بالعكس كانت فرحانة جدا وقالت ان لو الزمن رجع بيها تانى هتعمل اكتر من كدا
امجد بحزن : تعرف يا بابا ان القصة دى غيرت فيا حاجات واهمهم انى افضل محافظ على دينى وصلاتى و عمرى ما الع”ب ببنات الناس ابدا
اشرف بحب : ربنا يهديك يا بنى وبعدين بص ورا امجد بإستغراب واتقلب بخوف
امجد بخوف : فى ايه وبص وراه لقى بدر وهو بيجرى وسط العربيات
اشرف وامجد قاموا بخوف بس وقفوا مكانهم بصدمة لما لقوا عربية خبطته جامد ووقع سا”يح فى د”مه
امجد بدموع : لا وطلع يجرى عليه ووراه ابوه
امجد دخل وسط التجمع بصعوبه ومسك بدر وقاله : متخافش هنلحقك اوعى تغمض عيونك
بدر بإبتسامة وفرح : لا دا انا ماصدقت اروحلها اخيرا وبعدين مسك فيه جامد وقاله : وصيتى ليك انك تدفنى جمب اسيل عايز ابقى جمبها فى كل حاجة حتى فى ترب”تها وبعدين بدا يطلع فى رو”حه بس قبل ما يقفل عنيه لمحها وهى واقفه قدامه وبتبتسمله
• العبرة فى الموضوع ان فى ناس للاسف بتخلف ومش بتربى بيبقوا مفكرين ان ولادهم مبيبقوش محتاجين غير الفلوس وبس وللاسف قلة الاهتمام والتربية بيفكروا انهم يعملوا كل اللى هما عاوزينه براحتهم من غير ما حد يحاسبهم لان مبيبقاش عليهم رقابة وللاسف فى كتير منهم بيدمروا ناس فى طريقهم غير مهتمين باللى ممكن يحصلهم فلو انت مقتنع ان الفلوس هى كل احتياجات ولادك متخلفش احسن
تمت
لقراءة الرواية كاملة اضغط على : (رواية عبرة)
