رواية عبثيات سمر وزياد الفصل الثالث 3 بقلم يمنى جمال
رواية عبثيات سمر وزياد البارت الثالث
رواية عبثيات سمر وزياد الجزء الثالث
رواية عبثيات سمر وزياد الحلقة الثالثة
سيبتها ومشيت ،وروحت اشوف شغلى بعدها بحوالى تلت ساعة لقيتها بترن ومفهمتش حاجة منها غير تعالى خدنى….قلبى وقع بعد مكالمتها دى …طلعت جرى بالتاكسى لحد عندها ..
_زياد …قولتها وانا بعيط وطلعت أجرى عليه .
_شوفتها وهيا بتعيط ومنهارة كدا وحسيت الدنيا وقفت قدام منظرها كدا ..خدتها فى حضنى وبدأت اطبطب عليها ..مالك بس فى اى ، حد قالك حاجة ؟؟
_الاسي…س،تنت…
_اهدى خالص محصلش حاجة ،وانا بقعدها على الكرسي ،لقيت خدها احمر ، مسكت وشها ودورته نحيتى ، سمر مال وشك ؟؟
فتحت فى العياط اكتر …
خدتها تانى فى حضنى وقعدت أهديها …
_سمر يا حبيبي ،انت لو مهدتيش مش هتعرفى تحكى ، أهدى يا بابا ،اهدى يا حبيبي.
_حااا،،ضر ،انا دخلت وانت عارف انى اتأخرت المرة دى كماا،،ن ، الاسيستنت مرضاش يدخلنى وزعقلى وقالى شوفى جاية منين ،وقالى اهلك يعرفوا بتروحى فين قبل دروسك ،والا انت مفهماهم انك محترمة وبتروحى دروسك وكدا
..شديت معاه فى الكلام وشتمتة ، والطلاب خرجوا على صوت الزعيق دا ،قام ضربنى بالقلم ، والمستر خد الطلاب ودخل ومعملش حاجة .
(سمعت كل دا منها وانا عيونى بتطق شرار ، وجنانى طار ، شدتها من أيدها وسحبتها ورايا ،دخلت السنتر لقيته واقف بيشرب سجاير ولا على باله،مسكته طحنتة بمعنى الكلمة ولا بقى نافع يبقى راجل ولا يبقى ست حتى )
دخلت القاعة لقيت المستر واقف بيشرح خد ال فيه النصيب هو كمان …
_احنا بنطلع بناتنا برة البيت وواثقين فيهم يا حلو انت وهو ، إنما واحد ناقص ،اختة كدا ،فمفكر بنات الناس كلها زيه ، اتفو عليكم وعلى اشكالكم ، وشديتها وطلعت .
بعد وقت على النيل …
_عاملة اى الوقت ؟
=لقيتها شاورت بدماغها ..،يعنى الحمد لله.
_حقك عليا من الدنيا الوحشة دى ، وحقك على قلبى كمان ، تاكلى حمص ..؟
_هزت رأسها بلأ …
نزلت من التاكسى جبت ليها وجيت تانى مديت ايدى ليها …يلا خدى .
_لو مكنتش تحلف ..
لقيتنى بضحك عليها وعلى جنانها دا ..هبلة والله .
_زياد ..
_نعم …لقيتها بتنده عليا بنبرة مهزوزة ..
_م…ماتقولش لبابا على ال حصل ،مش عايزاه يزعل ،ومش عايزاه يعرف أن حد قال كدا على بنته، ع،،عارفة أن هو واثق فيا بس بردوا الكلام دا وحش اوى ،اوى والله
(وهيا بتتكلم بتعيط ومش قادرة تتكلم..،صعبت عليا ، قلبى وجعنى عشانها ..مديت ايدى امسح ليها دموعها )
_م تزعليش ، دا انا شلفط وش الواد عشانك ، وبيتهيألى مستقبلة ضاع ..قولت كدا ولقيتها ضحكت .
_ايوة يا سوسو يا عسل ،اضحكى عشان الدنيا تضحك ، يا بااااى على لوية بوزك …يا خرابى بجد .
_مش عاجبك بوزى يا زياد ؟!
_يا ستى عاجبنى ، هتقلبى عليا والا اى ، دا انت قمر فى كل حالااتك .
____-_-_-_-
_اماااااا ، اماااااااااااااااععاااا
_الا كل الناس بتحب ولادها ينادوا عليهم ،الا انا ، تعرف لى
_لي يا حجة .
_حجة فى عينك ، ابو شكلك ، مخلفة جاموسة والله.
_لى بس كدا يا ام زيزو ، طالما ام زيزو يعجبك ، إنما اى حاجه تانية م يعجبكش .
_هو فى زي زيزو، شال الهم بدرى يا حبه عينى .
(قعدت على السرير ولقيتها دمعت كدا ..واتخنقت فى الكلام ..)
_مالك بس يا حبيبتى ؟
_افتكرت ابوكم ، وحشنى والله
_الله يرحمه ، ادعلية ،هو الوقت فى مكان احسن من هنا .
_الله يرحمه ، كنت عايز اى يا احمد ؟
_خلاص وقت تانى .
_يبنى اخلص ، عندى غسيل مواعين عايز اى .
_عايز 500 جنية ..قولت كدا وطلعت أجرى عند الباب ،تحسباً لأى شبشب طاير منها .
_ نعم …م انت لسة واخد اول امبارح زيهم ، بتودى الفلوس فين يا حمار انت .
_الااااه انت بتتحولى لى طيب ،مهى دى فلوس الدروس اعمل ايه انا، ياما قولتلكم ، انا مش عايز اتعلم كار التعليم دا مش كارى ، عايز اشتغل حلاق ، أو ممكن رقاصه فلوسها كتير .. قولت كدا وانا مربع ايدى وببص للسقف بفكر ولقيت الشبشب طاير بيسلم على وشى .
_والله انتم مش أهلى ، لو لقينى فى الزبالة قولوا.
_خش ذاكر يا اهبل يبن الهبلة.
_اهو دا ال بناخدة منكم .
__-_-_-_-_-_-_-
_شكراً
_شكراً على اى يا هبلة ،ادخلى يلا واقفلى الباب كويس .
بعد وقت وزياد واقف فى البلكونة …فونة رن
_الو..أيوة انا زياد …بتقول اى ..حاضر حاضر جاى حالا
_الشاى يا زيزو …
سابها ونزل يجرى حتى مردش عليها ..
_ماله زيزو يا ماما .بيجرى كدا لى ؟
_والله ما اعرف يا احمد …
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عبثيات سمر وزياد)
