رواية عالم موازي الفصل الثاني عشر 12 بقلم رشا منصور

رواية عالم موازي الجزء الثاني عشر

رواية عالم موازي البارت الثاني عشر

رواية عالم موازي الحلقة الثانية عشر

دنيا….
بعد ما البنت اللى جاتلي من المستقبل اختفت من قدامي قولت أكيد كل ده تهيؤات علشان أنا عايشة لوحدى من بعد ما اهلي ما عملوا حادثه وماليش غير جدتى قاعدة فى بيتها قرب المقابر ورافضة أنها تسيب البيت علشان تفضل قريب من مدفن جدى اصل كان بينهم قصة حب كبيرة آوى
وبعد نص ساعه لقيت التليفون بيرن وأول ما رديت لقيت جارة جدتى بتقولى أنها عاوزة تشوفني نفس الكلام اللى قالته البنت بتاعه المستقبل جريت بسرعه أول ما وصلت لبيت جدتى فضلت احضنها ولقيتها بتوصيني ع البيت واني احتفظ به وعمري ما ابيعه واديتني الشال الأحمر ذكري منها وماتت😔 فضلت أبكي أنا ماليش حد كل أهلي ماتوااا
وجهزنا الجثمان. للدفن
وروحنا المدفن والجيران ساعدوني فى كل حاجه وفجأة سمعت صوت جدتى بينادى ببص لقيت البنت بتاعه المستقبل واقفه بعيد وفى أقل من لحظه لقيتها واقفت قدامي محستش بحاجه وفقدت الوعي
معرفشي فضلت أد إيه وأول ما فوقت لقيت الجيران حواليا وسمعت البنت بتاعه المستقبل بتقولهم أخرجوا أنا صاحبتها هفضل جنبها مش هسيبها وفضلت ابصلها وابص حواليا بحاول أستوعب اللى حصل
جدتى ماتت أنا وحيدة فى بنت من المستقبل بتقول ان حياتي فى خطر’ طب المفروض أعمل ايه
ولقيتها واقفه بتكلم نفسها قولت كملت دى طلعت مجنونه’
أنجي. …
بصيت ل دنيا بعد ما كنت بكلم يجنأ وقالتلي قرينة دنيا بتقول أنها تايهه وعقلها مش قادر يستوعب وخصوصا فكرة أنها بقت وحيدة وجدتها ماتت
قولتلها يعني هو اللى بيحصل ده فى حد عاقل يستوعبه أصلا
وبصيت ل دنيا وقولتلها أنا مش مجنو’نه متخا’فيش أنا معايا ناس من المستقبل بس مش قادرين يظهروا لكي المهم يا دنيا ركزى معايا كويس
انتى هيجيلك عرض تشتغلي مدربة فى جيم وتكونى شاطرة جدا لدرجة إنك هتفتحي مكان وهتدرسي رياضة اليوجا وهتقدري تزودى الطاقة الإيجابية هتكتسبي كل يوم خبره ومعرفه وهتبدئي تعملي جلسات روحانية وكنا ستة بنات أصحاب أوى
وفى يوم قررتي تعملي جلسة لتحقيق الأمنيات واليوم ده اتفتحت بوابة العالم الموازي وخرج منها جن وفى خطر’ عليكي لأن البوابة اتقفلت وهما فاكرينك السا’حرة اللى قفلتي البوابة علشان كدا أنا اتنقلت للماضي علشان احذرك’ خليكي فى الرياضة واليوجا وبلاش علم الأرواح
ده له ناس بتفهم فيه ويقدورا يقفوا ويوجهوا اى جن.
طول ما أنا بتكلم دنيا بصالي ومش بتنطق لدرجة شكيت أنها فقدت النطق ؟
آسيا….
كنت واقفه مش عارفه أتصرف سامويا متعصبة. جدااا وشهياص واقف مش فاهم اللى بيحصل و شلتوت فضل يصر’خ والكل بيبصلي منتظرين أني أنطق واحل المشكله. دى قولت لهم لو سمحتوا الموضوع ده لازم له قاعدة ميتحلش ع الواقف كدا ولقيت سامويا هتبدأ تتعصب لحقت بسرعه قولت
أنت غلطان فى حق سامويا يا شهياص أنا هحاول بقدر الإمكان أوضح سوء. التفاهم ده وهى بتحبك وأكيد هتقدر خوفك’ عليها ده انت كنت هتحا’رب الأنس علشانها
لقيت سامويا اتكلمت بصوت هادي بعد ما كانت عصبيه وقالتلي بجد يعني هو بيحبني أنا مش دنيا
قولت لها شوفتي بقي أنك كنتى غلطانه. لقيت شهياص قال
هى سامويا بتشك’ فى حبي لها أثبت لها ازاى إني بحبها احر’ق لها المركز بالانس اللى فيه
قولت له أنت بتتلكك عجبك كدا يا ست سامويا يعني بدل ما ننقذ واحدة هنو’لع فى الكل بقولكم إيه تعالوا ورايا وانت يا شلتوت روح ل أنجي هى محتاجك دلوقتي وتبقي ارجعلي وشوفلي اى حاجه للضغط.
وبصيت لهم قولتهم يلا قدامي واسمعونى كويس جو أفضل انقل جملة جملة ده مش نافع أنا هوضح لكم اللى حصل كله وبعد ما أخلص كلامي تقدروا تتكلموا انتوا
وخدتهم وقعدنا فى حديقه المركز النوراني وابتديت احكي اللى حصل ل أنجي وتور’يطها فى زمن مختلف. وان دنيا بتحاول تساعدها وكلنا بنحاول علشان نرجعها ل جوزها اللى بيحبها وبتحبه ول أبنها لؤي اللى ملوش ذنب. فى كل اللى حصل ……الخ
أنجي. ..
بعد ما دنيا ما فاقت من الغيبوبه وابتديت أكد عليها أنها تبعد عن عالم الأرواح وجلسات التحضير لقيتها بتقولى
أنا مش مقتنعه بكل اللى بيحصل رغم ان فى كلام من اللى قولتيه حصل لكن فى حاجه صح فى كلامك أنا فعلا غاويه قراءة عن العالم الآخر ونفسي اتعمق فى علم الأرواح
قولت لها اتعمقي ياختى زى ما أنتي عاوزة بس بلاش الجلسات اللى وديتني لزمن تاني دى وهتقطم’ رقبتك’ أنا حذ’رتك وخلاص وفجأة اختفيت
ورجعت ل شقتي ولقيت اتصال من يحيي بصيت حواليا لقيت شلتوت بيقولى ردى عليه بسرعه
رديت علي يحيي لقيته بيقولى أنا أكدت ع المأذون والقاعه والمصور وكله تمام يا قلبي
قولتله مبروك يا حبي أنا مش متخيلة امتي يوم فرحنا وفضلنا نتكلم ونحكي كتير لحد ما شلتوت شاورلي أنه هيمشي قفلت مع يحيي وقولت ل شلتوت استنى طمني عليك شهياص عملك حاجه قولي اتكلم أنا قلقانه عليك
شلتوت….
بعد ما آسيا طلبت منى أروح ل أنجي نقلتها من عند دنيا ل شقتها فى زمن مختلف علشان نواصل الأحداث الزمنية ولسه همشي شاورتلي واستغربت كلامها وقلقها عليا معقوله
فضلت باصص لها قولتلها خا’يفه عليا قالتلي
أنارشامنصورعارفه إنك عفريت من الجن الأزرق يعني قو’ي لكن أنا قلقانه. عليك لانك طفل صغير بعيد عن أهلك ومامتك أكيد قلقانه عليك وأتمني أنك ترجع لها مع إنك هتوحشني أوى
قولتلها أول ما تنحل مشكلتك أكيد هرجع لها وانتي ترجعي ل لؤي أبنك أنا عارف إنك مشتاقة له
إحنا بنحاول فى أكتر من اتجاة علشان تستعيدي حياتك من جديد. …
نروح للوقت الحاضر
دنيا….
بعد ما عرفت ان أنجي اتنقلت للماضي اخدت ميعاد مع عالم روحاني فى المركز النوراني
وقعدت مع الروحاني وحكيت له كل حاجه حصلت ولقيته قالي فى حاجتين لرجوع أنجي للزمن الحاضر مرة تانية
إلا أعمل جلسة تحضير أمنيات مرة تانية وانجي روحها تحضر الجلسة ونتمني كلنا رجوعها للوقت الحاضر
او فى حالة فشل الطريقة دى هتحتاجي ل عفريت من الجن هو اللى هيقدر ينقلها زى ما نقلها أول مرة للماضي
خرجت من المركز وانا عماله أفكر ازاى أقنع العفريت أنه يرجعها للوقت الحاضر إذا كان العفريت نفسه عاوز ينتقم’ مني زى ما أنجي قالتلي إيه الحيرة دى بس ياربي😔
سامويا…
بعد ما قعدنا مع الروح اللى ظهرت لنا وحكت لي عن الانسية أنجي وجوزها حبيبها وابنها الطفل الصغير لؤي
صعبت. عليا قصة الحب دى تنتهي وقررت إنى اساعدها مع إنى مش عارفه ازاى لسه الروح آسيا موضحتش ليا إيه المطلوب مني اعمله بس قولتلها إني هساعد بقدر المستطاع
آسيا. …
بعد ما حكيت قصة أنجي ل سامويا وشهياص لقيت سامويا قلبها رق وقالت أنا هساعد فى روجع الأزواج لبعض لينتصر’ الحب بس قوليلي إيه المطلوب مني
وطبعا شكرتها وقصدت أوضح ل شهياص اللى سامويا قالتله علشان هو كمان يهدي ويساعدني لكن لقيته قالي
أنا لحد دلوقتي مش فاهم إيه المطلوب مني بالظبط أنا الانسية دى متهمنيش وكونها ترجع ل جوزها ولا لآ أنا مش هستفاد حاجه خلي الأنس يساعدوها
قولتله ما أنا مش طلبه منك غير انك تسيب دنيا وهى بتحاول تشوف حل وأحنا موجودين مع روح أنجي فى الماضى بنحاول بردو نشوف حل كلنا بنحاول المهم أنك متوقفش فى طريقنا لا انت ولا سامويا لقيته قالي
شهياص…
أنا أقدر أرجع أنجي بسهولة وهبعد أنا وأصحابي عن دنيا وأصحابها بس بشرط
تخلي الانسية توصلني للسا’حر اللى خطف’ سامويا وإلا هو’لع فيهم كلكم وخلي بالك مافيش وقت كتير للانسية بتاعتك
آسيا. …
يااااااالهوي…. ده هنعرفه ازاى الحقني يا شلتوت