رواية عالمي يكتمل لك الفصل السابع 7 بقلم شروق مجدي

رواية عالمي يكتمل لك الجزء السابع

رواية عالمي يكتمل لك البارت السابع

رواية عالمي يكتمل لك الحلقة السابعة

ابتسم عليها بخبث وجذب العكاز وسند عليه وهو يقف يقترب منها ويقول : بس انا يومها مشوفتش الحسنه انا بقول على يوم تاني خالص
رمشت بعينيها عدت مرات وهي تعود للخلف بتوتر : هااااا انت قصدك ايه
اكمل بخبث: انا واثق اني شوفتك و كلمتك قبل كده و حضنت….
قاطعته بخجل وهي توجه يدها على باب الغرفه: ال دكتور وصل ها وصل انا هروح افتح له ، وجاءت تهرب منه ولكن اقترب يمنعها من الهروب ترك العكاز من يده وكاد ان يقع تمسكت بخصره سريعا وهي تساعده على الوقوف ليسند عليها اقترب منها بشده وجاءت له صوره وهي تقترب منه وتقبله بقوه زادت ضربات قلبه ووجه نظره على شفتيها بصدمه وذهول وهو يقول : معقول ده
تأكدت هي انه تذكر تلك القبله او شئ عنها من نظراته لها ابتعدت سريعا عنه بخجل وقع على الارض بقوه من فعلتها وهو ينظر لها بصدمه
وكادت الدموع تسقط من خديها وهي تضع يدها على شفتيها بخجل وتقول : لا لا ده محصلش
فتح عيونه بقوه على مظهرها وانفجر من الضحك عليها وهو يلاعب حاجبيه بشقاوة ويقول لها : هو ايه اللى محصلش بالظبط مش فاهم قصدك ايه
نظرت له بغيظ وتوتر من غبائها معه وقالت وهي ترحل : انا هروح اشوف الدكتور وانت خليك مرمي كده احسن تستاهل انت مستفز اوى على فكره
ضحك بقوه على غضبها الطفولي منه وهو يقول : امممممم شكلى كده هتسلى جدااااا بس انتي ايه حكايتك يا عشق،ة الخيال اللى في دماغي مستحيل يكون حقيقه انتي محجبه وانا بشوفك بشعرك بفستان تحت البحر كل صورك معايا كده يعني مستحيل يكون حقيقه هتجنن ،، بس لو مش حقيقه ازاي هي كمان عارفه ده انا متأكد انها فاهمه انا بتكلم عن ايه، عاد برأسه للخلف وهو يقول بتعب : ماهو مستحيل يكون حلم وانا وهي عارفين مش ممكن ده كلام مجانين اكيد ااااااه
فاق على صوت الدكتور يقول : ريان باشا قاعد كده ليه
نظر باتجاه الباب وجدها تقف خلف الطبيب وهي تفرك يدها بخجل شديد،، وجه عينيه على شفتيها بحيرة شديده هل يعقل ان يكون حدث هذا
ظلت تفرك يدها بتوتر وهي تنظر بعيد عنه للهروب منه
الطبيب وهو يجهز الاشياء: لا حضرتك مش معايا خالص
انتبه له ريان : لا مع حضرتك اهو اتفضل انا بس كنت بفكر مش اكتر
اكمل الطبيب : ابدا كنت بقول كويس انك بتتعلم على العكاز ده افضل كتير
ريان : انا عايز انزل جيم ينفع انا وزني نزل جدااا و حاسس ان ده هيساعدنى في رجوع جسمي اسرع مش قادر اتحمل الربطه دى انا مكنتش كده
عشق بفرح: وتنزل جيم ليه فى هنا اوضه جدي و خالى ياسر ومحمد كلها العاب رياضيه كلنا بنتجمع بنلعب فيها
الطبيب: حلو جدا افضل من الخروج حالياً
تذكر ريان خالد وطريقته معاها وقال باندفاع : كلكم مين انتي وخالد مثلا
نظرت له بغضب من رد فعله امام الطبيب بهذا الشكل وقالت وهي تتجه للخارج : قولت كلنا انا هعمل للدكتور حاجه يشربها
اغمض عيونه بغضب من موقف خالد لو كان بكامل صحته لتمني هذا الفظ الفرار من تحت يده ويتوسل له ان يرحمه
بدء الطبيب العلاج ومعه عشق التي تتجنب النظر لريان بسبب نظرات الحيرة التي في عينيه عليها
بعد وقت انتهى الطبيب وذهب
جاءت تقف ولكن قاطعها بصوته الرجولي القوي الذي بدأ يعود له من جديد : فين اوضه الالعاب
عشق : افطر الاول ونروح ليها بس كنت استني لما اجي و اساعدك
ريان بضيق : محتاج اتعرف عليها مش اكتر و صافيه موجوده لو احتجت حاجه
اغمضت عيونها بغضب هي لا تريد احد غيرها يساعده ولكن وقفت وقالت : زي ما تحب اتفضل
عالمي يكتمل بك بقلم شروق مجدي
ابتسم بداخله على غضبها وسند على الفراش وجلس عليه ثم تمسك بالعكاز ووقف وهو يقول: اتفضلي
خرجت امامه الى غرفه الألعاب الرياضية بمجرد ان اشتعلت الاضواء انبهر ريان بجمالها وهو يقول: دي غرفه جدي معقول دي جميله جداا
عشق بفرح : عجبتك احنا اكيد جددنا فيها كتير بس هي في الأصل بتاعت جدي
توجه للداخل وهو يقول باعجاب: حلوه جدااا
ثم اقترب منها وهو ينظر على شفتيها الوردي و عنقها بحيره شديده
نظرت للاسفل بخجل منه ولكن قاطعها صوته الحاد الذي لا يحمل نقاش : امسحي اللي على شفايفك ده انتي احلى من غير حاجه
رفعت عيونها له بذهول ولا تنكر انها خافت من صوته ونظرته الحاده عليها و تلقائي مسحت فمها بيدها بخجل وهي تقول : دي حاجه بسيطه يعنى
ترك يد من العكاز وهو يتمسك بكف يدها ويقول بضيق : كل ده وحاجه بسيطه واكمل بتحذير : مش عايز اشوفك كده تاني سامعه
رمشت بعيونها وهي لا تفهم لما سمعت كلامه وطاعته بهذا الشكل تمسك بمعصمها بحيرة كبيره وهو ينظر له و لعينيها : ايدك خفت ولا لسه
توجعت بصوت خافت وهي تبعد يدها بخجل بعيد عنه : ايدي مالها مفيش حاجه فيها
اكمل بتوسل : انتي اتوجعتي لما قربت من ايدك دي عشق انا متأكد اننا اتقبلنا قبل كده اتكلمنا قبل كده بس اللى بيجي في بالى ده مستحيل صور خيال واللى واثق منه انك عارفه انا بتكلم على ايه ارجوكي قولي في ايه بالظبط محتاج افهم
تحدثت بتوتر : ولا في اي حاجه انت اللى بس الغيبوبة قصرت عليك وجاءت ترحل ولكن أوقفها صوته الغاضب وهو يقول: انتي كدابه انا كلمتك قبل كده غنيت ليكي قبل كده شوفت شعرك لمستك انا رقصت معاكي و حضن،تك بو،ستك
نظرت له بغضب وتحذير : انت قليل الادب ايه اللى بتقوله ده احترم نفسك ولو فضلت تتعامل معايا بالاسلوب ده انا مش هجيلك تاني ولا هساعدك في حاجه تاني انا محجبه واللى بتقوله ده فيه حرمانيه انت ازاي اصلا تتكلم معايا كده وتمسك ايدي كده انا كنت بقول تعبان بس انت خلاص فوقت اهو وكويس وفي فترة سريعه لو فضلت باسلوبك ده مش ها…
قاطعها ببرود : تمام وانا مش محتاج لا مساعده ولا شفقه منك عشان تعبان شكرا على اللى عملتيه معايا في حاجه تاني ولا المحاضره انتهت يا انسه عشق
تنهدت بضيق وهي تقول : مين اللى المفروض يزعل دلوقتى انا ولا انت
ضغط على شعره بغضب وهو يضغط باليد الاخري على عكازه ويرفع رأسه للسماء وتنهد بتعب شديد : يبقى انا محتاج دكتور نفسي اكيد ماهو اللى بشوفه ده جنان جنان رسمي مش ممكن يحصل ابدا وانتي مش عايزه توضحي ليا اي حاجه . ثم اقترب منها بتعب وهو يقول : طب وصوتك انتي كنتي بتتكلمي معايا عن احلام وانك عايزة تلفي معايا العالم انا سمعتك وانتي بتعتبي عليا اني مجتش ليكي في الحلم حلم ايه اللي كنتي بتتكلمي عنه ده واكمل بتوسل : محتاج افهم هتجنن
نظرت له بحيرة ثم رفعت يدها تنظر للساعه و هي تقول : انا لازم امشي عن اذنك واتجهت للخارج سريعا
ابعد العكاز الاخر من يده وهو يسند على احد الالعاب الرياضية ويقول بضيق : ماشي يا عشق انا هخليكي تتكلمي بطريقتي تمام .
………………………………………………
اهلا بيكم في دقت قلب مع عشق الصاوي موضوع حلقتنا النهاردة عن الحيرة ،، الحيرة في كل حاجه في قرار او موقف أو كلمه تتقال ممكن تغير مصير
شخص من حال لحال ، بستغرب جدا الناس اللى تقول او توعد وبعد كده عادي أصلها مجرد كلمه هو الكلام عليه جمرك
اه على فكره الكلام عليه جمرك الكلمه عهد الجواز كلمه أبدا حياة بيها ،،الطلاق كلمه تنهي حياة،، الصداقه كلمه وعهد بين أصحاب،، وغيره كتير اوي هو الشخص ايه غير كلمه يوعد بيها بس الفكره هنا في الحيرة ازاي ممكن تقول و امتى يكون الوقت المناسب وهل هو ده الوقت المناسب ولا انت اللى فهمت غلط وزي ما قال الاستاذ أحمد ذكي في فيلم اضحك الصوره تطلع حلوه الانسان ايه غير كلمه
اسيبكم مع اغنيه للفنان وائل جسار نخبي ليه
( ♥️ نخبى ليه فى اسرارنا؟ وانا وانت مفيش غيرنا
ولو ننسا مشاعرنا نكلم مين يفكرنا ياروح الروح بتنسـاني ، وانا فاكر ومش نساَى ، تغيب عن عينى من تاَنى ،ومن غير حب اعيش ازاى ،ومهما تغيب بعيش وياَك ،واشوفك وردة في الشباك ،ودمعة حب فى عنيا، بتستناك يا احلى ملآك ، قالولي الحب لة علآمات
فى نبض القلب والهمسات ، وروح بتطير تنادى عليك
ورعشة ايد فى السلآمات ، في عز سكوتنا نتكلم
عيونا بتحكى وبتحلم ،وانا حسيت بأنفاسك
تدفى أدياَ و تسلم ، بقولك آه ومن غير صوت
تحبنى موت وأحبك موت ، وأحساسنا يونسنا
وأقوى من الحياة والموت )
………………………………………………
ابتسم عليها وهو يقوم بعمل بعض التمارين الرياضية وهو يستمع لها على الراديو حركاتها كلمها أسلوبها يقول انها تخبئ عنه شئ غير واضح له ولكن حتما سيعرف مع الوقت ولا ينكر اعجابه ب اختيار تلك الاغنية الجميله وظهرت عدت صور لها وهي تتمايل بين يديه على كلمات اغاني مثل تلك ابتسم تلقائيا
قاطعت تفكيره دخول صافيه تقول له : مستر ريان ممكن تاخد شاور كفاية كده اهل حضرتك على وصول
ريان بضيق لمقاطعة احلامه : تمام حاضر ناديلى بابا وانا جي
انسحبت للخارج بهدوء وهو يفكر بتلك العروسه الجميله عروسه بحره وحده واقسم ان تكون له وحده ملكه هو فقط فهو غارق بعشقها حولها هاله من الغموض تسحره و تجذبه لها بقوه
………………………………………………
بعد قليل جائت العائلة والكل سعيد بعوده ريان من جديد عدا خالد بالتأكيد بسبب انجذاب عشق له
خرج ريان لهم وهو يسند على عكاز واحد فقط قرر ان يتحامل على نفسه حتى يشفى سريعا
الجميع رحب به بشده الا خالد كان بعيد ينظر له ببرود وريان ايضا ينظر له بغضب شديد من وقت لآخر
اسراء بهمس : اففففف ده قمر اوي يابت جان خالص
هدير: مش احلى من طارق اكيد
لكزتها اسراء بضيق : طارق ايه انا بتكلم عن ريان حلو اووى
هدير بلا مبالاة: اه حلو حلو اوعي بقى
اقتربت اسراء من ريان وهي تجلس بجانبه وتمد يدها له : هاااى انا اسراء بنت عمتك شاديه اكيد مش عارفني ولا ايه
ريان : لا الحقيقه حتى صوتك مسمعتوش قبل كده في بعض اصوات سمعتها والبعض لا
خالد : امممم طبعا اكتر صوت مألوف ليك صوت عشق مش كده
محمد بغضب : خااالد
نظر له خالد بلا مبالاة: في ايه اقصد عشق وعمي ياسر مش دول اكتر اتنين كانوا معاه برضه اصل عشق حنينه اوووي بتحب تعطف
ابتسم عليه ريان بخبث وهو يفرك انفه بيده ويقول : عندك حق فعلا عشق اكتر صوت انا حافظه يمكن اكتر من بابا نفسه الحقيقه لو شكرتها عمري كله مش كفايه
تنهد خالد بضيق وتحدث كريم بهمس له : لم نفسك بقى احترم مراتك يا اخي شويه مش فاهم انا عشق عملالك ايه في مخك
اقتربت منهم عشق بفرح بمجرد رؤية ريان وسطهم بهذا الشكل اسعد قلبها كثيرا : السلام عليكم منورين
عزت بهمس ل هند : انا شايف ان عشق متعلقه ب ريان اوي
هند : الاهم انها بطلت تحلم وبقت احسن كتير والاحلى ان ريان كمان متعلق بيها
عزت : وايه عرفك بقى
ضحكت بخفه وهي تقول : بص على عيونه اللى مرقبها من وقت ما دخلت وانت تعرف
بعد وقت وقفت عشق واتجهت للمطبخ لتعد كوب شاي بلبن ساخن بمجرد دخولها انسحب خالد خلفها بدون ان يلاحظه احد
عشق بغضب : انت ايه اللى جابك ورايا هو انت معندكش دم يا اخي مش كفايه الى عملته
خالد باسف : انا جي اتأسف عن اللى حصل ده مش عارف ازاي عملت كده حقيقي حقك عليا مكنتش في وعي خالص ، ثم اقترب منها وهو يقول : انا بحبك يا عشق بحبك في ايه ريان احسن مني عشان تحبي وانا لاء
عشق: ايه الكلام ده انت خلاص اتجننت رسمي وانا مش هسكت بعد كده
ريان وهو يقترب منهم ويبعد عشق عنه بخفه من يدها ثم وضع العكاز بينهم على بعد متر تقريبا وهو يقول : لو شوفتك معدي المسافة دي بينك وبينها صدقني هيكون يوم وفاتك
عالمي يكتمل بك بقلم شروق مجدي
ضحك خالد بسخرية عليه : يوم وفاتي ومن مين بقى انت بعكازك ده اتكلم كلام يعقل طيب
اقترب منه ريان ببرود شديد وهو يقول : لا ماهو ده كلام يعقل اوي عشق لو قربت منها ولا شوفتك بتبص عليها من بعيد صدقني مش هرحمك تمام ولا ايه وانا كلامي بقوله مره واحده بس
امسك خالد بقميص ريان وهو يقول بغضب : انت مين عشان تمنعني عنها
ترك ريان العكاز من يده وتمسك ب خالد لينقض عليه ولكن اقتربت عشق بخوف وهي تقول: كفايه بقى اخرج يا خالد ايه الفضايح دي ابعد يا ريان كفايه يا خالد
اسراء : هو في ايه
خالد ببرود : ولا حاجه اصل ريان كان هيقع كنت بمسكه مش اكتر واتجه للخارج ببرود
اقتربت اسراء منه وهي تساعده وتقول : مش تاخد بالك يا ريان انت لسه تعبان مش كده براحه
اشتعل قلب عشق بالغيرة من تمسك اسراء به هكذا وظلت تنظر لهم بغضب وعيون ريان موجهه عليها بحيره من كل شئ حوله تنهد بتعب وهو يقول : انا خارج الجنينه
اسراء بفرح : وانا جايه معاك يلا بينا وجذبت يده للخارج
ولم يلاحظ دموع عشق من محاوله تقرب اسراء له غبيه لم تعلم انها الوحيده بقلبه وروحه و كيانه عشقها لعنه احتلت جسده بقوه تلك الفاتنة
………………………………………………
ظلت اسراء تتحدث كثيرا وهو لا ينظر لها بل ينظر امامه ببرود ويفكر بعشق فقط الى ان وقعت عينيه على شجره التوت واقترب منها باعجاب شديد وهو يقول : جميله اوي الشجرة دي
إسراء: عاديه يعني مجرد شجره توت بس جدتي بتحبها اوي بتقول رمز حبهم هي وجدي
اغمض ريان عيونه وهو يتذكر كلام هكذا عن تلك الشجره ليس واضح امامه ولكن انتبه لصوت عشق تقول : عملت لك حاجه سخنه تشربها
ابتسم بخفه واخذ الكوب منها وهو يقول: جي في وقته جداا
اسراء ببرود : امممم اصل عشق بتحب تقعد هنا تحت الشجره كتير مش عارفه ليه
ريان وهو ينظر لعشق بحب : انا برضه قولت الشجره دي ليها سحر خاص وجمال غريب
ابتسمت بخجل شديد واكملت: كنت بجيبك هنا بالكرسي تقعد تحتها تغير جو
اكمل بهمس لها دون ان تستمع لهم اسراء : وتقعدي تحت رجلى تسندي راسك عليها وتحطى ايدي على دماغك و تتكلمي عن حبك لياا
فتحت عيونها بصدمه وهي تشاور على نفسها بتوتر : اناااااا لا لا خالص على فكره
ضحك بقوه عليها ولكن قاطعته صوت اسراء تقول بغضب : انا دخله اشوف ماما ورحلت بغضب
عشق بخجل : ينفع كده شكلها زعلت
ريان بهمس وهو يقترب من اذنها : اعمل ايه ان كنت وانتي معايا عيني مش شايفه غيرك يا …. عشقي
نظرت له بصدمه وهي تحرك عيونها يمين ويسار بتوتر
تنهد بتعب وهو يقول بشقاوة: يا بنت الناس انا متاكد ان هنا (ووجه يده على عنقها)بخفه واكمل : في حسنه اوعي كده اشوف
ابتعدت بخجل : انت اتجننت ولا ايه
قاطعهم رقد فتاه تقريباً لا ترتدي ملابس من الاساس بشعرها الاحمر القصير وهي تحتضن ريان بقوه و وقاحه وتقبله في وجنتيه بشغف : رياااان حبيبي ريااااان انت فوقت انت واقف قدامي معقول ده
ذهلت عشق من تصرف تلك الفتاة بكل وقاحه والغريب ان ريان ايضا وضع يده على خصرها وابتسم وهو يقول : ايه المفاجأة الحلوه دي
ولكن فاقت على صوت سيده تقول : ابني حبيبي واقتربت منه تقبله بقوه والاخر يحتضنها بقوه ويبتسم عليها
فهمت عشق انها امه ولكن المثير للغضب تلك الفتاه الوقحة التي تتحسس يده وتحتضن خصره بكل وقاحه دون مراعاه لاحد
اقترب منهم الاخر يقول : اوه حمد الله على السلامه يا ابن اختى
ريان ببرود : اهلا يا خالى العزيز نورت بلدي اكيد
جورج ببرود : امممم صحتك جت على مصر يا ابن اختى
ريان: جدااااا مش قادر اقولك ولسه هبهرك كتير
تنهد جورج بضيق من تهديد ريان الواضح له واكمل : هنشوف يا ابن اختي مين فينا الرابح
إنجيل: انتوا لسه زي ما انتم من خمس سنين ثم وجهت نظرها على عشق وهي تقول : مين دي يا ريان
ريان بحب : عشق بنت عمتى هند ودي ماما يا عشق انجيل
ابتسمت عشق بخجل ولكن ظلت انجل تنظر لها باحتقار لا يعجب ريان
جورجينا : اه عرفتها الدكتور قال عليها هاي انا جورجينا بنت خاله وحبيبته
فتحت عشق عيونها بصدمه واتجهت للداخل سريعا تحت نظرات ذهول ريان من كلام جورجينا
جورجينا : هي مالها دي
ابتعد ريان بغضب : هي مين دي اللى حبيبتي مش فاهم
جورجينا : انا ايه مالك نسيت ولا ايه
ريان بغضب : انتي اللى شكلك نسيتي ان قولت مليون مره انتي بنت خالى وبس وهنا احنا في بلد شرقي الزمي حدودك
انجيل: بس خلاص انت وهي وانتي جورجينا مش وقته ريان تعبان
ياسر ببرود : اهلا اهلا نورته مصر معقول ده
انجيل: اكيد مش هعرف ان ابني فاق ومش هاجي ولا ايه
ياسر : لا طبعا مستحيل تفوتي فرصه زي دي
تنهد ريان بتعب واتجه للداخل وهم خلفه الى ان وقعت عينيه على عشق تجلس بعيد تقراء كتاب وحدها
رحب الجميع بعائله ريان والجميع ينتقد تلك الفتاه جورجينا من طريقه وقاحتها مع ريان وهو يبعدها عنه بكل برود وهو يختلس النظر لعشق يتوسل لها بنظراته ان تفهم ما يريد قوله لها
ولكن. هي لا تعطي له اي اهميه بالمرة بداخلها يحترق ولكن تظهر العكس
وهناك من فهم نقطه ضعف ريان الان ليضغط عليه بها للانسحاب من المعركه مره أخري
………………………………………………