رواية عالمي يكتمل لك الفصل الرابع 4 بقلم شروق مجدي

رواية عالمي يكتمل لك الجزء الرابع

رواية عالمي يكتمل لك البارت الرابع

رواية عالمي يكتمل لك الحلقة الرابعة

اتجهت عشق لغرفتها بعد حديثها مع جدتها المبهج لقلبها وجهزت وصلت فرضها وجلست تقراء القرآن
ونظرت للسماء بفرح وخوف وهي تقول : يارب يارب انت اعلم بحالي يارب يقوم بالسلامه ليا ويكون خير ليا ورفيق الروح يارب العالمين اللهم اجعله زوجي واماني يا الله طمعانه في كرمك يارب يارب يعرفني ياااارب لما يفوق
وقفت واتجهت للخارج وذهبت لغرفته ولكن اوقفتها الممرضه بحزم: ممنوع يا فندم لو سمحتي
عشق : هو ايه اللى ممنوع ده ابن خالى
الممرضه: خطر على حياته يا فندم
عشق : انا خطر على حياته بقولك ايه اوعي من وشي
اقترب منهم ياسر : صباح الخير في ايه
عشق : عايزة ادخل لعالمي وهي رفضه
ياسر بعدم فهم : عالمي ايه
توترت واكملت بخجل : اقصد ريان
ياسر : طب انتي كويسه يابنتي دلوقتي
عشق : الحمد لله يا خالو ممكن ادخل بقى
الجده : سبيها تدخل يا صافيه وخليكي برا لو احتاجت حاجه هي هتقولك وانت يا ياسر تعالى عايزاك
الممرضه: بس ده غلط يا فندم
الجده: اسمعي اللى بقولك عليه ،،وانتي يا عشق خدي بالك أمك لسه هنا 🤭😂😂
ابتسمت عشق بتفهم واتجهت لغرفته
ياسر بعدم فهم: هو في ايه
ضحكت الجده بقوه وهي تحرك كرسيها لغرفتها: تعالى وانا اقولك جوا تعالى
………………………………………………
اقتربت منه عشق بغيظ : شايف حضرتك حتة بت زي دي تقولي انا ممنوع ادخل ليك تقولى انااا كده ،،طبعا انت عجبك و تلاقيك مبسوط بالست هانم وانا هطق من الغيظ
( عند ريان بمكان لونه ابيض لا يوجد له ملامح غير ضوء ابيض حوله فقط استمع لها بأستغراب وهو يقول : الله مش ده صوت البنت اللى لسه كانت من شويه بتقول كلام مش فاهمه ونفس صوت البرنامج اللى كان بابا بيسمعه هي متعصبه كده ليه وحاول يستمع مره اخري لحديثها )
اكملت بغيظ : امممم ويا تري بقى هي اللى بتعمل لحضرتك كل حاجه هاااا انطق طبعا ولا بتتكلم كأني بكلم نفسي ونظرت حولها وضحت بقوه : ما انا فعلا بكلم نفسي اااه جننت عشق يا ريان بيه
( ريان : وطلعت مجنونه كمان الله فين بابا،، مين دخل دي عندي صوتها مزعج اوي😓 )
اقتربت من وجهه وهي تضع يدها على وجنتيه وتقول : من هنا ورايح انا اللى هعمل كل حاجه ليك لحد ما تفوق فاهم مش هتحمل انا واحده تلمسك غيري ابدا ماما تمشي بس وانا هغيرلك هدومك وروق عليك وترجع ريان الجان الجامد
( ريان : اروق عليك دي سوقيه جداااا وبعدين تغيرلي ايه،، ايه الوقاحه دي ابعدي يا بنت انتي )
لمست يده بعشق وهي تقول : هو صح انت مجتش ليا ليه امبارح في الحلم ها لا ازعل منك اوعي تبطل تيجي ليا حتى لما تفوق اوعى تبطل فاهم
( ريان: حلم حلم ايه،، لا دي هوبا خالص🤪 يا جماعه ازاي بس واحده زي دي عندي مين دخلها مش كفايه المكان ده اللى محبوس فيه هو انا ناقص ☹️ )
وقفت عشق بتوتر وهي تقول : ماما صحيت اوزعها واجيلك اوك وقبلت خده برقه وذهبت
( ريان : لا ما تجيش احسن ايه ده مين دي )
………………………………………………
هند : انتي فين يا عشق
عشق: كنت في الجنينه يا ماما
هند: بقيتي كويسه يا حبيبتي
عشق : الحمد لله يا ست الكل بخير
هند : طب يلا نفطر ونمشي
عشق بتوتر : هو انا ممكن بعد اذن حضرتك اقعد هنا كام يوم
هند: هنا ليه
فوزيه: هو في مشكله عشان تقعد عند جدتها يا هند ولا ايه
هند : لا طبعا يا ماما مش قصدي بس يعنى هي نادر لما بتقعد هنا لوحدها
اقتربت منها عشق وهي تتحايل عليها : عشان خاطري يا ماما محتاجه اغير جو ممكن وحياتي
عالمي يكتمل بك بقلم شروق مجدي
ياسر بفرح ودموع يحاول ان لا تنزل بعد معرفته بالأمر من امه : سبيها يا هند عشاني انا
هند: طيب خلاص اقعدي براحتك ياستي وانا هبقى اجي اطمن عليكم
فوزيه: يبقى يلا نفطر و اتكلى انتي على الله بعدها
كانت عشق سعيده انها ستظل بالقرب منه و سعيده لمعرفه خالها بالامر حتى تكون على راحتها معه
بعد الفطار رحلت هند وودعت ابنتها اقترب ياسر منها بفرح : معقول ده الشخص الى شقلب كيانك من خمس سنين هو ابني ريان
عشق : ايوه يا خالو هو ، خالو محتاجه اعرف حالته و ازاي اقدر اتعامل معاه
ياسر : والله يا بنتي ما عارف في الاول الدكاترة قالو اتكلم معاه ممكن يكون سامعك بس مع الوقت وان مافيش امل بقى كده زي مانتي شايفه محدش يتكلم معاه انا بس لما بكون مخنوق بتكلم شويه وخلاص من حزني عليه وان مش لاقي حد يسمعني غيره وامه ولا هي هنا الله يسامحها بقى
وفتح هاتفه وهو يقول لها : شوفي صوره قبل الحادثه شوفي كان حلو ازاي وليه هيبه كده كان الكل بيخاف منه
نظرت للصور بفرح هو نعم هو هو بنفس هيئته التي ياتي عليها كل ليله هو نعم هو ااااه يا حبيب الروح 💕
عشق : ان شاء الله يكون في امل على ايدي بعد ربنا
ياسر : انا متفائل جدااا لان امبارح الصبح الدكتور قال في مؤشر كويس فى اجهزه الجسم وكمان واثق فيكي و مصدقك لان فعلا اغلب الاغاني والمواضيع اللى في البرنامج بتاعك قريبه جدا من ذوق ابني
ابتسمت بخجل و جذبت هاتفها وهي تفتحه على صورته المرسومه له وتحتفظ بها وقالت : دي صوره انا روحت لرسام مخصوص وفضلت فترة لحد ما رسمته صح زي ما بيجي في احلامي
حاول ياسر منع دموعه من النزول وهو يقول : ابني ده ده لبسه اللى عمل بيه الحادثه لبسه هو واقترب من عشق يحتضنها بفرح وهو يقول: ياااارب الحمد لله انا واثق فيكي يا بنتي الحمد لله يارب انت الشافي يارب واكمل لها : عشق ممكن اطلب منك تقوليله انى مفتقده اوى وأنه وحشنى وانى وحيد من غيره حتى لو حوليا عيلتى ،، هو بعيلتى كلها واني محتاجه اوووى وصليله كده لو جه في الحلم ليكي ممكن
عشق بتفكير : هحاول حاضر بس مش كل حاجه بعرف اقولها في الحلم يعنى مش ببقى واعيه اني معاه في الحلم ووصل رسائل وهكذا بيكون عقلي الباطن المسيطر اكتر بس اوعدك هحاول
ابتسم لها بدموع : ربنا يبارك فيكي يا بنتي
عشق: كنت عايزة اغير له هدومه و اسرح شعره و احلق له ذقنه وااا
ياسر بضحك : حيلك حيلك ههههه كل ده
عشق بحزن : مش هينفع ولا ايه
ياسر : لا هينفع يا ستي تعالى معايا اتجهت معه للداخل تحت نظرات الجده الداعية لهم بصلاح الحال
نظرت عشق بغيظ للممرضه وهي تتمسك بيده لتركيب محلول له
ياسر : استني يا صافيه عشق عايزة تعمل ل ريان حاجات قبل ما تعلقي المحلول
صافيه: حاجات ايه دي
عشق : عايزة اعمله حاجات تحسسه من جواه أن فى امل كبير أن يعيش وأنه يرجعلنا من تانى بدل ما انتى بتتعملى معاه على انه مريض بيموت او مالهوش اهميه 🤨😠
صافيه: نعم هو حضرتك عايزانى اعمل ايه بالظبط
عشق : انا اللى هعمل مش انتي اولا عايزة اغير الهدوم دي والبسه هدومه اللى كان بيلبسها وبليل يغير لبسه عشان ينام ويحلق ذقنه ويحط برفن بتاعه عايزةاعمل حاجات كتير انتي هتساعديني ولا اعمله الحاجات دى كلها لوحدى
الدكتور من خلفهم بتأكيد: طبعا تساعد انا شايف ان كلامك ده كويس جدا ويمكن يعمل حاجه مع بعض المؤشرات إللى ظهرت في الأجهزة
عشق بفرح : بجد يا دكتور يعنى ممكن اتعامل معاه كشخص صاحي
الدكتور: طبعا ممكن جدا
عشق : ممكن يخرج الجنينه كمان
الدكتور : نبدأ هنا في الاوضه الاول ومع الوقت لو في تحسن هقولك امتى يخرج الجنينه بس اتمني مع الوقت الامل ده والنشاط ده مش يقل
عشق بفرح: مستحيل ان شاء الله
الدكتور: ساعديها يا صافيه في اللى هى عايزاه مع الحظر والتركيز على كل ادويته بانتظام
صافيه: حاضر يا دكتور تحت امرك
عشق : هروح اجهز له لبس من لبسه واجي
ابتسم ياسر ورحل معاها لمكان حقائب و ملابس ريان وهو يدعو الله أن تكون سر عودت ابنه للحياة
( عند ريان: هو في ايه انا لعبه يا جماعه،، ومين دي اصلا انا تعبان مش عايز فرهضه دي بتقولك هدوم و حلاقه ومش عارف ايه ااااه هو اي حد فاضى يجرب فياااا 🥺😟)
ذهب الطبيب واتجهت عشق لغرفته بعد ان بدلت ثيابها ورفعت شعرها للاعلي وجدت ان الممرضه بدأت ب ازاله ملابسه تحدثت بغضب : انتي بتعملى ايه
صافيه : بجهزه لحضرتك
عشق : انا قولت تساعدي مش اكتر ممكن توعي بقى انا اللى هعمل كل حاجه له من فضلك بلاش لمس ليه تاني
ابتسمت صافيه عليها وعلى غيرتها لذلك الشاب فهي معها حق رغم ضعفه الا انه وسيم وجذاب وجسده رياضي رغم انه فقد الكثير من وزنه
بدأت عشق بحلاقه ذقنه اولا براحه وهي تتحدث معه : متخفش مش هعورك ها بس لما تحلق كده هتبقى حلو و كيوت اوي
( ريان بغيظ : كيوت طب خلصيني بقه انا مش ادك يا بنتي انا تعبان )
ابتسمت بفرح بعد ان انتهت وقبلت خده وهي تقول : اهو كده احلى كتير
( ريان بصدمه : انتي عملتي ايه بتستغلى اني مش حاسس و تتحرشي بيا نهارك مش فايت 😲😲)
بدات بخلع ملابسه وجذبت صافية ماء فاتر وبدأت عشق بمسح جسده بعناية مره بماء فيه القليل من الصابون ومره بماء نظيف ثم بدأت ان تلبسه مره اخري وهي سعيده تيشرت وطلبت من خالها المساعدة فى أن يلبسه البنطلون
عشق : ممكن تخرجي انتي يا صافيه لو احتجت حاجه هنادي عليكي
( ريان : لا لا يا صافيه اوعى تسبينى مع المتحرشة دى )
صافيه: تمام بعد اذنك
بدأت عشق وضع البرفن الخاص به وبدأ بتمشيط شعره وقص أظافره ثم انتهت وقبلت يده بحب وهي تقول: لا لا بقيت وسيم خالص كده هغير عليك اكتر
( ريان : شوفي مع اني تعبت وجسمي واجعني بس مبسوط من اللى انتي عملتيه حاسس اني مرتاح ونظيف ورحتي حلوه شكرا يا عشق من سنين محدش اهتم بيا كده )
جلست على الكرسي المجاور له وهي تقول : تحب بقى نعمل ايه نتفرج على فيلم ولا تقراء رواية او كتاب ايه رايك اقولك انا هقرأ ليك رواية امبراطورية النمل للكاتب برنارد فيربير
( ريان : نمل نمل ايه دي سلسله وانا حفظها قولي قولي اهو بدال ما محدش معبرني طول اليوم )
جلست وهي تبدأ القراءة بإحساس لدرجه كان مستمتع بصوتها وكانه يسمع الرواية لاول مره
بعد قليل وقفت وهي تقول له : هصلي جنبك واجي اكمل ولا مليت بص انا حبيتها اوي وعايزة اكملها فا هكملها معاك اوك اوك هههههههههههه
( ريان : اممممم اوك لذيذة اووى البت دي لاء مسليه جداا صراحة حلوه حلوه يعنى 😂😂 )
فعلا بدأت صلاتها الى ان انتهت وهي تدعوه له و ازالت الأسدال وجلست مره اخري بجانبه
بعد وقت فتح ياسر الباب عليها وجدها تجلس بجواره وتتمسك بكف يده وهي تكمل قراءة الكتاب
ابتسم ياسر عليها وهو يقبل رأسها : حتى لو ابني مرجعش للحياة عمري ما هنسي اللى عملتيه معاه ده
وقفت عشق بخوف : لا يا خالو هيرجع انا واثقه ان شاء الله هيرجع
ياسر : طب تعالى ناكل وبما انك قعده تقري له بقى في كتاب هو كان بيحب يقرء فيه و ملحقش يكمله تعالى بعد الغداء اديهولك
عشق : هو ليه حضرتك حاطت حاجته في الشنط كده
ياسر : مش لسبب بس بزعل لما بشوف حاجته قدامي وهو مش بيستخدمهم
عشق: ممكن أرتب حاجاته حاسه لما تبقى الاوضه فيها حاجات غير الاجهزه ممكن ده يغير من جو الاوضه و يخليه حلو ليه
ياسر : انتي تعملى اللى انتى عايزاه يا حبيتي تعالى يلا نتغدا الاول وبعد كده اعملى اللى نفسك فيه
( ريان : انتى تعملى اللى انتي عايزاه يا حبيبتي الله هي مراتك ولا ايه انا مش عايز حد يلعب فى حاجتي انتي يا بت انتي حاجتي لاء أنا بقرف جدااا طب رشي كحل على ايدك الاول يا جماعه مش كده بجد )
………………………………………………
عشق بفرح : كده يا ريان باشا كل حاجه جهزت و الاوضه بقت جاهزه لاستقبال القبطان واقتربت منه بفرح وهي تقول: قبطان قلبي لما تفوق لازم نركب سفينه سوا انا وانت و نلف العالم فاهم
( ريان : قبطان قلبك و نركب و نلف العالم انتي يابت انتي ملكيش اهل تسأل عليكي ايه التسيب ده )
عالمي يكتمل بك بقلم شروق مجدي
تنهدت واكملت بفرح وهي تتمسك بيده : بحلم باليوم اللى نكون فيه سواء اليوم الى تفتح فيه عينك عشانى ،، عشاني انا يا عالمي وكل حياتي
( ريان : لا دي لسعت خالص انا حاسس ان في تحرش ابعدي يا بنت انتي )
اكملت وهي تقترب منه وتضع رأسها على صدره وتبتسم : تعرف انا فرحانه اوي ان انا الوحيده اللى قدمت ليك هديه عيد ميلادك اول امبارح امممم فاكرها لما قربت منك ووو احم بوستك انت كنت فرحان اوي و حضنتني جاااامد كنت تجنن وانت في حضني كده
( ريان : انا يا بنتى عيب كده امتى ده مش بقول مجنونه هو انا صدري وجعني ليه كده انتي نايمه عليه ولا ايه يا جماعه حد يلحقني دى مجنونه )
اكملت بفرح : بعيد عن ان ماما صحتني وقطعت البوسه الجامده دي بس كنت حاسه انك بوستني فعلا تخيل ريحتك كانت حوليا اوي عارف بقولك كده ليه عشان لما تفوق مستحيل اقولك كده اصلا
( ريان : قد ايه انا غبي دى حتى الدنيا فرص يعنى طب كنت استغليت الموقف وزودت شويه اوك اوعدك المره الجايه لو حاسس هحاول اتعمق اكثر بس يا تري انتي حلوه ولا ايه )
عشق : ودلوقتي بقى اكمل لك النمل ولا نشوف كتاب حضرتك لغه الجسد ل ابراهيم الفقي بصراحه اتفأجت انك بتقراء عربي و لكاتب عربي توقعت ان حبك اكتر للغات
( ريان : نمل ايه يا جاهله اسمها امبراطوريه النمل على العموم كمليها )
عشق: ولا اقولك انا عايزة انام الوقت اتاخر
اتجهت فوزية للداخل وهي تقول : مش هتنامي بقى يا عشق ارتاحي شويه يا بنتي
عشق وهي تنظر له بحب: حاضر يا تيتا واكملت بفرح : هو يعنى انا ممكن انام هنا على الكنبه
فوزيه: وليه يابنتي ظهرك يوجعك
عشق بفرح : صح انا انام جنبه
(ريان : انا قولت No ربايه خالص )
ضحكت فوزيه عليها : امشي يا بت قدامي
اكملت بغيظ: طب اغير له هدومه وانام
فوزيه: ماشي
انتهت عشق ونظرت له بحب وهي تقول : لامش هسيبك لا انا هنام على الكنبه جانبك اوك وفعلا جهزت الأريكة ونامت عليها وهي تنظر له بفرح الى ان نامت
………………………………………………
فوزيه: اهلا يا خالد ايه اللى جابك النهارده
خالد : ايه يا جدتي ممنوع ازورك
فوزيه: لا اصل غريبه من امتى ده دايما كريم هو اللى بيطل عليا انت وشك والضيف
خالد : عادي عرفت ان عشق كويسه و قعده معاكي قولت اجي اطمن عليها
فوزيه: و مراتك عارفه
خالد بضيق : لا ومش لازم تعرف ، عشق فين
فوزيه: عند ريان جوا
جاء خالد يقف ليدخل لها وهو يقول: عند ريان ده بتعمل ايه
فوزيه: استني رايح فين اصبر لما ادخل اقولها عشان تلبس الطرحه
خالد بغيظ : وهي قدام ريان ده من غير حجاب
اكملت بأستغراب: وهو شايف ولا حاسس اصلا يابني اوعي كده
عالم روايات شروق مجدي
فوزيه: انتي صاحيه يا عشق
عشق وهي تمشط شعر ريان : اه صاحيه يا تيتا كنت بغسل لريان وشه
فوزيه: خالد برا عايزك
عشق : اففففففف خالد عايز ايه على الصبح
فوزيه : بيقول عايز يطمن عليكي البسي حاجه لا تلاقيه داخل زي القطر
فعلا لبست الأسدال بغيظ منه
( ريان : مين خالد ده خلاص مش عايزه تشوفو يا جدتي ماشيه بقى خلاص ،)
فتحت عشق الباب و ندهت عليه و استأذنت الجده وخرجت تصلي فردها
بمجرد خروج الجده اغلق خالد الباب وهو يقول : عامله ايه يا عشق
عشق بتوتر : بخير نعم في حاجه
خالد: ابدا جيت اطمن عليكي كنت هموت من قلقي عليكي
عشق ببرود : انا كويسه شكرا على السؤال يا خالد ممكن تتفضل بقى
خالد : انتي هنا عند ريان بتعملى ايه
عشق بغيظ : انت مالك انت ها ونظرت لريان ولكن اقتربت منه بلهفه وهي تقول : يا خبر نسيت المخده تحت راسك انا اسفه حالا هشيلها اسفه اوي
( ريان بغيظ :لا مش مهم اتفلق انا لما نشوف مين ده يا هانم )
استغرب خالد منها وقال : هو انتي اللى كنتي بتسرحي شعره ومالك بتتكلمي كده ليه معاه كانه سامعك
عشق : خالد انت جي تطمن عليه وانا كويسه في حاجه تاني
خالد : ابداا عايز اعرف انتي واخده اجازه اد ايه من البرنامج عرفت من مامتك
عشق : انا حرة اخد الاجازه اللى انا عايزاها لو على البرنامج هتنزل حلقات قديمه خالد من فضلك ركز مع مراتك تمام افضل ليك وليا
خالد : انتي عارفه اني مش بحبها واني عشان اهرب من حبك اتجوزتها
عشق : خالد انا لحد فترة قريبه كنت بقولك يا ابيه وقولت قبل كده مش هينفع ما بالك وانت متجوز انت اصلا بتقول ايه و بتتكلم في ايه من فضلك اتفضل برا وياريت نبطل كلام ده ونحترم بعض
(ريان بغيظ : اطلع برا ياد انت،، ده انت شخص مستفز صح بتقولك أبيه ده اي الرخامه دي )
خالد : انتي ٢١سنه وانا ٣٣ ياعني ١٢ سنه فرق نفس الفرق الي بين جدي وجدتي و عمتى شاديه وجوزها في كتي…..
قاطعته بغضب : انت زي اخويا و متجوز انت بتقول ايه اصلا هتخرج برا يا خالد ولا اخرج انا
نظر لها بحزن واتجه للخارج
( ريان : خرج احسن برضه بس انتي نونو خالص ده انا كمان ابيه يبقى نحترم بعض كده وبلاش كلامك المحرج ده ليا )
عشق بغضب : عجبك كده ها مش لو كنت فايق كنا زمنا متجوزين وبعدين انت بقالك يومين فين مش بتيجي ليا في الحلم ليه هااااا
( ريان : دي بتزعق ليا انا الله وانا مالى هو ينكد عليكي تطلعيهم عليا انا وحلم ايه يابنتي ما انا لو اعرف مكانه فين ده ولا فين الباب كنت جيت كملت البوسه اللى مش فكرها اكيد يعنى😘😘 انا شايف انك تشربي اللبن وتنامي يا حلوه انتي لسه صغنونه خالص يا بطه )
عشق : انا زعلانه منك يا ريان جدااا لحد ما تيجي تصالحني بس ها
……………………………………………..
مر شهر كامل عشق تجلس بمنزل جدتها وتذهب لعملها وتعود له مره اخري وبدء ريان يشتاق لجلوسها معه عند ذهابها للعمل ، فهي اصبحت تتحدث معه في كل شئ وهو سعيد بحديثها هذا ولكن لا يأتي في احلامها وهذا يزعجها منه كثيرا ولكن سعيده بوجودها جانبه
واكد الطبيب على تقدم في حاله ريان كبيره ومؤشرات جسده تعطي اشارات قويه وهي نتيجه جيده لحالته ، لاحظ الجميع اهتمام عشق بحاله ريان ولكن فسر الكل بانها تشعر بالحزن عليه لانها رقيقه جدااا و حساسه ولكن هذا يزعج خالد لدرجه بدء يشك انها تحب هذا الميت في نظره ونظر الجميع
الى ان جاء يوم تجمع العائله تفاجأ الجميع ان عشق اتجهت لهم بكرسي متحرك يجلس عليه ريان بمسند رأس
نزلت دموع ياسر على حال ابنه وهو يقول: معقول ده بقالي سنين مشفتش ابني قاعد كده
عشق بفرح : الدكتور قالي امبارح انه يقدر يتحرك في البيت وحبيت اعملها لحضرتك مفاجأة النهارده
( ريان : بس انا مش عايز افضل هنا يا عشق حاسس بنظرات شفقه خديني من هنا من فضلك )
خالد بضيق : شايف ان حالة ريان عدت معاكي الشفقه بقت هوس
عشق : اولا ريان مش حاله ده بني ادم ثانيا انا مش بشفق عليه ده ابن خالى وده واجبي عليه
اسراء: ماهو ابن خالى انا وهدير برضه ومحدش فينا مهتم اوي كده زيك
عشق : والله الموضوع متعلق ب المشاعر والاحساس
وواضح اني غلط لما جبته هنا انا خرجه الجنينه
عزت والد عشق بهدوء : عشق جهزي نفسك عشان تروحي معايا
عشق : ليه يا بابا
عزت بعدم فهم: هو ايه اللى ليه كفايه كده ارجعي بيتك ولا انتي شايفه ايه
تنهدت بحزن : حاضر عن اذنكم وسحبت كرسي ريان للحديقه بحزن
( ريان : يعني ايه ده لا عشق اوعي تمشي انا مش هعرف اقعد من غيرك لا عشق قولي حاجه مش سامعك ليه ردي عليا )
وقفت عشق تحت شجره التوت وجلست امام قدم ريان وهي تضع رأسها على قدمه ووضعت يده على رأسها وهي تقول : فوق بقى يا ريان محتاجه ليك اوي محتجالك مش عارفه ازاي امشي و اسيبك بس ماتخفش انا هجيلك كل يوم وامشي بليل
، ولا انت مش عايزني ماهو انت بطلت تيجي في الحلم ودلوقتي اه مؤشرات جسمك بخير بس انا عايزه اي حاجه تقول انك معايا حاسس بيا و مسحت دموعها وهي تنظر له وتقول : تعرف هما صح انا لازم ابعد عشان انت تفوق وتدور عليا صح ،،صح يا ريان
( ريان : لا يا عشق اوعي تمشي انا ما صدقت الاقى حد بيحاول أنه يرجعنى للدنيا تانى واحب الدنيا اللى انا فيها دى معاه بعد مع كنت لوحدى ،، مش هقدر ابعد عنك و مسمعش كلامك والبرنامج بتاعك وكلامك عن احلمنا سوا انا لو عارف اخرج من هنا كنت خرجت وجيت ليكي وظل ينظر حوله بغضب : بس مش عارف مش لاقي باب اخرج منه يا عشق صدقيني مش لاقى )
نظر طارق بغضب من بعيد على جلوسها تحت قدمه هكذا واقترب بغضب وهو يقول : عشق
………………………………………………