رواية عالمي يكتمل لك الفصل الخامس 5 بقلم شروق مجدي
رواية عالمي يكتمل لك الجزء الخامس
رواية عالمي يكتمل لك البارت الخامس
رواية عالمي يكتمل لك الحلقة الخامسة
نظر طارق بغضب من بعيد على جلوسها تحت قدمه هكذا واقترب بغضب وهو يقول : عشق
انتبهت له بتوتر و مسحت دموعها بظهر يدها وهي تقف وتقترب منه
طارق وهو يقترب منها : انتي قاعده كده ليه و بتعيطي ليه ايه اللى حصل
عشق : ولا حاجه كنت بفكر مش اكتر
وضع يده في جيبه وهو يتنفس قليلا للتقليل من غضبه ثم اكمل حديثه بصوت يبدو هادي : انتي حالتك بقت مش كويسه يا عشق وانا ملاحظ ده ومش عارف اعمل ايه بس باللى انا شوفته حاليا انتي محتاجه تروحي مصحه علاجيه تغيري جو و اعصابك تهدى
عشق : ايه اللى بتقوله ده ليه كل ده انا كنت مخنوقه وبفكر مش اكتر
اقترب منها وهو يضع يده على خدها ويقول بحنان: عشق انتى بطلتى تحلمي يا عشق ، فارس الاحلام او الشخص اللى كان في خيالك راح علشان لقيتي البديل ، واحد فاقد الحياة تتكلمي معاه و يحسسك انك مش في وهم شخص تاني ، شخص حي ميت حبيبتي انتي كده في خطر اهتمامك بريان ده مش طبيعى ابدا الكل بدأ يلاحظ وبابا قرر انه يبعدك عن البيت خالص وعنه ، انتي بقيتي متعلقه بيه بشكل مش طبيعي ابدا ويقلق
عشق : انا مش مجنونه يا طارق و تنهدت بتعب ثم جذبت هاتفها من جيب فستانها وفتحت صوره ريان امامه وهي تقول : انا بطلت احلم لانه بقى حقيقه بقى قدامي هو بنفسه ظهر اخيرا بعد سنين عذاب وخوف و حرمان وحب وصل للعشق
طارق وهو يصوب عينه على هاتفها بعدم فهم: انا مش فاهم تقصدي ايه بالظبط فهمينى اكتر
مسحت دموعها وهي تكمل برجاء التمسه في صوتها: طارق ساعدني ارجوك انا مقدرش ابعد عن ريان،، ريان هو الشخص الى بحلم بيه من خمس سنين
طارق بصدمه : مستحيل طبعا عشق انتي كده حالتك بقت ……
قاطعته بدفاع ورجاء ان يسمعها : اربط الاحداث ببعض وانت تصدق ولو واحد بالمية انا من خمس سنين حلمت بشخص مربوط في سفينه غرقانه ، وهو من خمس سنين عمل الحادث في سفينه ومن الوقت ده وهو في غيبوبه مع الوقت بدء يتعايش مع الوضع بعد مكان دايما بيستنجد بيا و يشدني ليه وانا بخاف من غضبه ومن الدم اللى حواليه ، وقت ما وصل مصر وكان في المستشفى انا قولت لساره انه في حاجه مبسوط مرتاح و بيقول انه حوليا ومن وقت ما شفته وانا مش بحلم بيه لاني بقيت جنبه ، كل الدكاترة أجمعه ان حالته ميؤوس منها بس من وقت ما انا ظهرت في حياته وهو بدء يتحسن فعلياً وانت شايف بنفسك اهو النتيجه ونظرت لريان
ظل طارق يحاول ان يستوعب حديثها ويحاول أن يصدقه هل معقول ان يحدث هذا
اكملت هي برجاء وهي تتشبث بيده : ارجوك يا طارق ساعدني انا قولت لك كده لانك اخويا وصاحبي اللى هتقف جنبي بلاش تبعدني عنه هموت يا طارق والله نفسي هيقف انا وهو روح واحده لو بعدت عنه هو هيرجع تاني لنقطه الصفر وانا مش هقدر اتنفس تاني
نظر لها وهو يشعر بكل كلمه تقولها ودموعها تتساقط على وجنتيها
رفع يده ومسح دموعها و احتضنها بقوه وهو يقول : حاضر يا عشق بس قبل ما اساعدك لازم نروح لسارة وتعرف كل ده اكيد في تفسير للي بيحصل ده عشان ابقى مطمئن عليكي اكثر
حركت رأسها في حضنه وهي تبكي وتقول : حاضر موافقه و تظرت له برجاء : بس تساعدني صح
ابتسم لها وهو يهز رأسه بالموافقة
ولم يلاحظ كل منهم الدمعه التي سقطت من جانب عين ريان الشمال عليها وهو يقول بداخله
( ريان بدموع عليها وعلى عذابها في بعده : عااااايز اخرج من هنا حد يخرجني من هنا عشق عشق سمعاااااني انا محتاج اخرج ياااااارب ياااااارب عايز اخرج علشانها بلاش دموعك دي قلبي مش قادر يتحمل صوتها ما بالك لو شوفت دموعك هعمل ايه كفايه يا عشقي كفاااااية )
طارق : طب ليه مش قولتي لبابا وماما على الاقل
عشق : عشان محدش منهم هيصدق ولو حد صدق انت عارف اللى هيحصل اول حاجه انهم يقرره اني ابعد عنه اصل هتوقفي حياتك وده شخص ميت وكلام انت عارفه كويس بدليل اهو بتظهر استجابة للعلاج ومع ذلك قرر بابا اني ابعد عنه حتى ماما موافقه ومش فارق معاها اخوها اللى فرح ان ابنه بدء يتحسن بصوره واضحه
قاطع حديثهم عزت وهو يستغرب حالتهم : الله انتوا بتعيطوا ولا في ايه
انتبه كل منهم له فقال طارق : ابدا يا بابا دي لحظات اشتياق اصلها وحشاني
عزت بصوت غامض وهو ينظر لهم: ما علشان كده بقول كفايه عليها كده
طارق : عندك حق
انتبهت عشق له وهي تقول : قولت ايه
غمز لها طارق وهو يهمس : اسمعي الكلام بس وانا اساعدك ماتخفيش Deal
………………………………………………
بالفعل جهزت عشق للذهاب مع اهلها واقتربت بدموع من ريان النائم على الفراش وهي تقول : اسفه غصب عني ارجوك حاول عشاني اوعى تضعف يا ريان اوعي واقتربت منه وهي تضع قبله على جبينه رقيقه طويله جداااا لم تعلم ان رائحتها تتسلل بقوه داخل اعماقه لتحى قلبه و تحرره من قيوده
( ريان وهو يستنشق رائحتها بهيام : اااااه يا عشق اااه منك قلبي مش قادر يتحمل بعدك خليكي جنبي يا عشقي ارجوكي قلبي وجعني عليكي انتي عملتي فيا ايه )
تنهدت بتعب وهي تبتعد عنه : هجيلك كل يوم بعد الشغل وافضل معاك وامشي بليل طارق وعدني انه هيقف جنبي لحد ما انت تكون بخير بس انت
ووضعت يدها برفق على وجنتيه وهي تقول : فوق بقى و فتح عيونك يا حبيبى ،،ثم وضعت يدها على شفتيه برقه: كلمني عايزة اسمع صوتك يا قبطاني وعالمى 😘😍
( ريان وهو يشعر بيدها التي تحركها على وجهه برقه تكلم بشغف وهو مغلق العين يستمتع بلمساتها له : قلبي هيقف يا عروسه بحري كفاية مش قادر اتحمل حبك ده كتير على قلبي اوي )
ابعدت يدها عنه واخذت حقيبتها ورحلت وأغلقت الباب خلفها وهي توصي صافيه عليه برجاء شديد وطلبت منها انها تضع الراديو بجانبه في موعد حلقتها كما كانت تفعل هي
وبالفعل تساعدها صافيه ولم تعلم كيف لفتاه مثلها تحب شخص ميت كهذا وقلبها نقى كل هذا النقاء لحبه وإيمانا بالله انه عائد لها بيوم من الايام
هي تسمعها تدعي له في صلاتها برجاء ودموع
رحلت عشق ولم تلاحظ للمرة الثانية نزول نفس الدمعه من عينه عليها بسبب الحرب بداخله ان لا ترحل وتتركه
………………………………………………
سارة : الحقيقه مش عارفه بس كلامك فيه شيء صح بمعنى الاحداث مترابطة جدا والصوره كمان انتي عمرك ما شفتي ابن خالك ده اصلا فعرفتي منين أنه قبطان و الحادثه كمان عرفتيها منين وشكله اللى وصفتيه للرسام ، وتحسن ريان الملحوظ ده ف كلامك ممكن يكون صح
طارق: طب والحل نعمل ايه دلوقتي نسيبها تكمل علاج معاه
سارة : طبعا لان ده حسن من حالته وحالة عشق النفسيه انت سامع بنفسك بتقول بطل يجي ليها بالحلم ووقفت الأدوية لانها شعرت بتحسن كبير
ونظرت لعشق واكملت : انا في جوايا حاجه مصدقه كلامك ده خصوصا اني بحب اقرأ شويه في علم الروحانيات وان ممكن الروح تسرح وتروح لمكان تاني أثناء النوم وهكذا ، بس وارد يا عشق يفوق مش فاكرك اصلا،، وارد ان روحه دي تكون خيال ليكي فقط لكن هو كا ريان لاء
عالمي يكتمل بك بقلم شروق مجدي
عشق بدموع: معقول ده ممكن
سارة : اكيد ممكن طبعا وده هيكون صعب عليكي خصوصا لو في حد في قلبه او انك لسه هاتعرفي عنك وعن شخصيه عشق فاهمه اقصد ايه
عشق : مش مهم المهم يفوق يفوق بس وكل حاجه ان شاء الله تعدي انا مستعده احارب لآخر نفس فيا عشانه
تنهد طارق بخوف من القادم عليها ولكن ليس بيده شئ غير الانتظار فقط
………………………………………………
عشق : اهلا بيكم في برنامج دقت قلب وحشتوني جداااا وعايزة اقولكم موضوع حلقه انهاردة هو انسحاب الروح من الجسد امتى،، امتى ممكن تحس ان روحك تنسحب من جسمك لدرجه مؤلمه اوي لقلبك انا كعشق بقول لما تفارق شخص هو روحك اصلا وكل العالم بتاعك و غصب عنك تبعد عنه دي اكتر حاجه مؤلمة اوي للجسم والقلب يلا مستنية الإجابة على السؤال و اسيبكم مع اغنيه روحي لأصالة (♥️ روحي وخداني تاخذني معاك
و عايزني أدوب في هواك
وأقول لك أمرك
أؤمرني منايا رضاك
معاك إنت الحياة تتعاش
ومن غيرك دي ما تسواش
وطول عمري أنا وقلبي بنستناك
دي الحقيقة حبي ليك له مية طريقة
عمري ما هسيبك دقيقة لو لفين وياك
دي الحقيقة حبي ليك له مية طريقة
عمري ما هسيبك دقيقة لو لفين وياك…………♥️)
………………………………………………
ياسر بفرح وهو يحتضنها : عشق ياروحي انا قولت انك مش جايه تاني
عشق : مستحيل يا خالو ابنك ده روحي الى عايشه بيها وقبلت جدتها بفرح وذهبت لغرفته سريعا وهي تقبل جبينه و تهمس له : وحشتني
( ريان : عشقي عروسة بحري وحشتيني اوي يا عشقي اوي )
بدأت عشق تبديل ملابسه بمساعده ياسر وصفاء ثم وضعته على الكرسي وذهب للحديقه وجلست تحت شجره التوت معه وهي تقول : انا بقى هحكيلك النهارده قصه حب جدو و تيتا اي رايك🥰🥰
لاول مره يحرك ريان يده ببطء وهي لم تلاحظ
اقتربت الجده بالكرسي الخاص بها ومعها صندوق يحتوي على بعض من اظرف زوجها الغالي لها والهدايا ايضا وهي تقول لهم : طب ايه رايك احكي انا بقى بالتفصيل
فرحت عشق وجذبت يد ريان وهي تجلس على الارض : ابسط ياعم اسمع بقى العشق الى بجد 🤭☺️
تنهدت فوزيه بحنين للماضي: جدك قالى الجوابات والهدايا دي نبقى نقولها ل اكتر ولاد او احفاد عاشوا قصه حبنا وانا قررت اقولها ليكم انتم ولما ريان يفوق هقولها تاني ليكم
ابتسمت عشق بفرح
( ريان : انا مبسوط لانك جنبي يا عشق جنبي وبس احكي يا جدتي )
بدأت فوزية تقص عليهم كل شئ بالتفصيل لدرجه بكت عشق وريان ايضا بداخله على حبهم لبعض القوي لدرجه كبيرة
وحرك قدمه ببطء شديد وهم لا يلاحظون هذا ايضا
………………………………………………
بعد مرور ثلاث ايام اتجهت عشق للداخل معه ووضعت الكرسي بجانب النافذة وهي تقول له : تحب تنام شويه ولا اجيب كوبايه شاي بلبن و نقعد سوا هنا ايه رايك ،،يبقى تمام هاخد شاور و هغير هدومي بسرعه واجيلك وذهبت من امامه
بعد وقت فتح عيونه ببطء وهو لا يشعر بشيء. ظل يفتح و يغمض بتعب شديد الى ان لمح خيال فتاه امامه لا يراها جيدا
كانت تخرج من المرحاض ترتدي بورنس طويل و تنشف شعرها ثم بدأت ترتدي ملابسها وهي على ثقه عاليه انه لا يراها فهو بالغيبوبة الكامله
ظل ينظر لها لا يرى الا ضباب فتاه وصوتها وهي تغني بعض كلمات لا يفهمها ثم اغمض عيونه مره اخري وذهب الى غيبوبته
………………………………………………
بعد ايام بعالم الاحلام ❤️❤️
(مخصماك وابعد عنى انا مش طيقاك ، سيبنى مش عايزه ابقى معاك ، متورينيش وشك تانى ،
قالها ريان وهو يصدم كتفه العريض بكتفها بضحك وهي تقف تربع يدها على صدرها بغيظ ولا تتحدث له وتنظر امامها فقط ، ولكن هو غارق في جمال عيونها وشعرها الغجري الاسود الطويل وفستانها ذات الحملات العريضه القصير المنفوش بالون الاحمر الناري
اكمل وهو يقف امامها ويضع يده على خصرها الصغير ويقرب انفه من انفها و يحركها عليها بغناء:
مخصماك ، مجنون بجد انا مش فهماك ،مش عايزه عينى تكون شيفاك ، ولا اسمع صوتك ف ودانى
رفعت يدها بغيظ تضعها على صدره لتبعده عنها ولكن وضع هو يده على يدها بحركه دراميه وهو يقول : اااااه قلبي شفتي دوستي عليه ازاي اااه وجعني
ضربت قدمها في الارض بغيظ وهي تقول: قولت لك ابعد عني ابعد بقى وجاءت تبعده ولكن ضغط على يدها بقوه و اليد الاخري لفها حول خصرها وهو يقربها اكثر ورفعها امامه وهو يهمس لها : انا وانتي جسد واحد فاهمه اوعي تفكري تبعديني عنك لانك وقتها انتي اللى هتموتي مش انا بس
واكمل وهو يهمس في اذنها بصوت مبحوح : روحك هتنسحب منك قبل مني يا عروسه بحري
رفعت يدها حول عنقه وهي تضع رأسها فيه و تتنفس رائحه جسده و تهمس له بصوت خافت : وحشتني هونت عليك كل ده انت كنت فين
ضمها بقوه من خصرها وهو يرفع رأسه للسماء و يتنهد براحه ثم دفن رأسه في شعرها وهو يتنفس راحتها ويقول بصوت يحاول ان يكون هادي من كم مشاعره اتجاها الآن : كنت معاكي حواليكي انا ولا يوم كنت بعيد عنك انتي الحياة والهواء انا في قلبك وانتي جوا قلبي
تنهدت براحه كبيرة كانها لم تتنهد من سنين رفع رأسه يسحب الهواء الخارج منها ويقترب من شفتيها إلى أن اندمجت أنفاسهم ببعض فكان مستمتع للغاية
ابتسمت عليه واكملت بشقاوة: امممم واحشك اكسجين عشق
اكمل وهو يقترب من شفتيها اكثر بصوت خافت ويهمس لها بشغف: تؤ وحشتني فرولايه عشق اووووي😘
ابتسمت بخجل وهي تضع يدها على يده : طب اااا نزلني بقى
ريان بشقاوة: انتى لسه وخده بالك انك في حضني
عشق بعد ان اصبح وجهها احمر بقوه و شفتيها ترتعش بخجل شديد : قبطاني نزلني عيب كده ووو انا اصلا اصلا لسه زعلانه منك
راقص حاجبية بشقاوه امامها وهو يقول : تؤ الفراولة الاول بتاعتي ومش هكون طماع وخليكي تقربي انتي الاول وغمز لها بمشاكسه : اقرب انا يا ملكة قلبى 🍓🤭😘😘
شهقت بخجل وهي تضع يدها على شفتيها وتحرك رأسها يمين ويسار بحرج ثم قالت : انت قليل الادب
ضحك بقوه عليها وهو يراقص حاجبيه و يقول: حد يشوف الشعر ده والعيون دي والفستان ده ويبقى مؤدب برضه 🤭😂😂😂
شهقت بصدمه و ضحك بقوه عليها وهو يرفع يده وينزل يدها من على فمها وهي تائهه في ضحكته استغل توهان روحها واقترب منها وهو يهمس بعشق امام شفتيها ويحتضن خصرها بقوه : انتي مش فاهمه نظرتك دي بتعمل فيا ايه
عشق بتوهان : ااااايه
اكمل هو وهو يقول كل كلمه و يقبلها برقه على شفتيها بين الكلمه و الاخري : اني….. هموت….. و تكوني….. ملكي…… مشاعري…. وصله معاكي اني …… نفسي …..اجرب…… جنونك …… واجيب منك ……. ولادنا …… حالا 🤭❤️
شهقت بصدمه وبعدته بقوه وهو يضحك على منظرها وفك. يده لتبعد عنه تحدثت بغضب : انت بقيت قليل الادب كده ليه من امتى وانت بتقرب وبتقول كده وتعمل كده واقتربت منه وهي ترفع يدها امامه بغضب : هاااا انطق انت كنت فين وبعيد عني يا بيه انطق
تحدث هو ببرائه شديده : انا ولا حاجه ده انا كنت بقرأ كتب ثم اكمل وهو يراقص حاجبيه بشقاوه عليها : في قلت الادب شهقت بصدمه ، وضحك هو بقوه عليها مره اخرى😂😂
وضعت يدها في خصرها بغضب : رياااااان
توقف عن الضحك ونظر لها بغضب: مين ريان هااا واقترب منها بغيرة شديده وهو يجذب معصمها ويضغط عليه بقوه : مين ريااااان ده انطقي 😠🤨
عشق بوجع : حاسب ايدي انت وجعني مش قادره
لم ينتبه لحديثها واكمل وهو يضغط على يدها اكثر : بقولك مين ريان داااااا ازاي اسم راجل غيري يجي على لسانك
تحدثت بدموع : انتاااا ،،انت ريان انا عرفت اسمك ،، سيب ايدي حرام عليك مش قادره 😭😭
ابعد يدها بذهول وهو ينظر لها بصدمه لم يشعر بضغطه عليها من غيرته القاتله جلست هي على الارض تبكي بقوه وهي تتحسس يدها بوجع
نزل امامها وهو يشدد على احتضانها ويهمس لها : اسف حقك عليا اسف
استيقظت على صوت هاتفها لميعاد العمل جلست على الفراش ورفعت يدها لوجهها وجدت انها كانت تبكي بالفعل جائت تحرك يدها الاخري وجدت انها تؤلمها بقوه نظرت لها بصدمه علامات يده ما زالت على معصمها هل يعقل هذا كيف ليده انت تعلم في الحقيقة هكذا
وقفت بتعب وهي تجهز وتصلي فرضها وتدعو له ثم جهزت للذهاب لعملها بعد ان حدثت صافيه و اطمئنت عليه
………………………………………………
عالمي يكتمل بك بقلم شروق مجدي
عشق : حلقتنا انهاردة حلقه حب حب وبس ، عايزة احكي لكم انهارده حكاية عشق حصلت من زمن فات حكاية قلبين الحلم هو اللى جمعهم راجل
راجل كان حياته شغل،، شغل وبس،، بدأت تخترق عالم احلامه فتاه جميله ناعمه هادئة لدرجه كبيرة الى ان تعلق بها بقوه ولكن الغريب بعد مرور سنه كامله تتجسد امامه في جسد الحياة لا الاحلام ، روح جسد ينبض في قلب امراه حرقت كل النساء في قلبه
وظلت هي وحدها على عرشه كلمه امرأة بالنسبه له هي فقط ، لا نساء غيرها عايزة اقولكم دي حكايه جدي وجدتي اللى عرفتها من قريب وقررت اشارك اجزاء منها معاكم بعد الفاصل و اسيبكم مع اغنيه كوكب الشرق ام كلثوم نسيت النوم ودي الاغنيه المفضله ليهم
( نسيت النوم وأحلامه ، نسيت لياليه وأيامه ، بعيد عنك حياتي عذاب ، ما تبعدنيش بعيد عنك
بعيد عنك حياتي عذاب ، ما تبعدنيش بعيد عنك ، ما ليش غير الدموع أحباب ، معاها بعيش بعيد عنك
ما ليش غير الدموع أحباب ، معاها بعيش بعيد عنك ، غلبني الشوق وغلبني، غلبني، غلبني ……)
………………………………………………
مر شهران وعشق بين عملها وبيتها وسارة وريان الذي يتحسن بالفعل وبداء يفتح عينه و يغلقها مره اخري في غيبوبته ولا يشعر به احد ولكن هو يشعر بهم بدأت الرؤية اوضح له يراها وهي تضحك تتحدث ترقص أحياناً ويسمع كلمات الحب منها له وهي لا تشعر به فهو كل عدت ايام يفتح عيونه لمده دقائق فقط ويعود مره اخرى بغيبوبته
الى ان جاء موعد زواج كريم اخو خالد على غزل حبيبته وعشقه
ياسر : يا جماعه صافية وخده اجازه بقالها يومين بسبب امها تعبانه انا مقدرش ابدا اسيب ريان
شاديه: ده اول مناسبه معانا شوف اي ممرضه تقعد معاه يا ياسر
محمد : نفسي تكون معايا في فرح ابني يا ياسر
تحدثت عشق بتوتر : ممكن اقعد انا معاه لحد ما حضرتك ترجع
هند : ازاي يعني مش تحضري فرح ابن خالك
طارق وهو يبتسم على اخته المجنونه : عادي يا ماما
ما زي ما بتقولوا احنا ياما حضرنا سوا حاجات كتير لكن خالى لا ، وعشق اصلا من الصبح تعبانه وانتي بنفسك قولتي لها بلاش تروحي علشان متتعبش اكتر خلاص خليها هنا انا شايف كده
فوزيه: انتي لسه بتفكري البت سخنه وبتكح وانتي عايزة توديها لاء طبعا هي تقعد هنا
تنهدت هند بتفكير : خلاص خليها معنديش مشكله ونظرت لطارق : قول انت بقى لبابا الكلام ده
ابتسمت عشق بفرح غدا ستكون معه وحدها تقضي كامل اليوم مع معشوقها
ولم يشعر احد ان خالد استمع لحديثهم هذا
………………………………………………
بمكان اخر بعيد عن مصر بمدينه روسيا تجلس انجيل والده ريان سيده مغروره كل ما يهمها المال فقط و اخوها جورج شخص قذر حاقد على ابن اخته ريان وابوه ياسر ,
وايضا معهم ابنته جورجينا تعشق ريان وكانت تريد الزواج منه بأي شكل من الأشكال وقضاء ليله ساخنه معه ، ولكن هو ليس هكذا لقد علمه والده الصلاه وتعاليم الدين الذي يحرم معتقدات الغرب المتحررة والتي يسموها بالخارج حريه شخصيه ولكن ماهي الا من تقاليد تغضب الله عز وجل لقد خلق الله المرأة تصون نفسها و عفتها وجمالها لزوجها فقط ليس لكلاب الشوارع.👌🏽
يتحدثون الروسية ولاكن الحديث مترجم للغه العربيه
تحدث جورج بضيق يحاول ان لايكون واضح عليه و تلاحظه اخته انجيل : ما معني حديثك هذا هاا ان ريان من الممكن أن يقف مره اخرى ويعود للحياة
بقلم شروق مجدي
انجيل بفرح : لا اعلم حقا ولا يهمنى كل ما يهم بالنسبة لى أن لا ترث عائلة ياسر اى شئ من هذه التركة ،،كل هذا لابنى ولى فقط ،،لا اعرف هل من الممكن أن يرجع للحياة مرة أخرى ام لا ولكن اكد لي الطبيب المعالج لحالته انه يتحسن بدرجه سريعه بسبب بنت تدعى عشق ابنت عمه ، ااااه ابني انا سعيده جدااااا اريد الذهاب لمصر ورؤيته
جورجيا بفرح : وانا ايضا يا ابي اشتاق لرؤيته وان كان سوف يعود للحياة مره اخري لابد ان نكون بجانبه اولا
جورج بضيق: حسنا عليا الذهاب بالفعل واكمل في نفسه : لا يمكن ان يعود هذا الغبي مرة أخرى للحياة هذه المرة عليا أن أتأكد بنفسي انه فارق الحياة للابد .
………………………………………………
بالفعل جاء اليوم وذهبت عشق له وهي سعيده ان اليوم ستكون معه دخلت غرفتها وبدأت تغير ملابسها وارتدت بيجامه نصف كم ورفعت شعرها للاعلي وذهبت اليه
عالمي يكتمل بك بقلم شروق مجدي
ولم تشعر بذلك الذى يرجع لوعيه و دنيته بتعب من جديد وهو يرى التي امامه تغير ملابسها وظل يفتح عين و يغمض الاخري وهو يقول لنفسه : هي مين دي يا بنت انتي انا شايفك ، ولا تكون دي مراتي وانا فاقد الذاكرة ولا ايه ثم لم يشعر بشيء مره اخري وراح في ثبات عميق داخل غيبوبته
بدأت تغير ملابسه وهو استيقظ مره اخري ولكن ظل مغمض عيونه حتي يعرف من تلك وما يحدث حوله من الاساس
صلت فرضها وقبلت جبينه وهو يستغرب طريقتها معه و دعائها له الى ان جلست تقراء له روايه
وهو ذهب مره اخرى في ثبات عميق ولكن تلك المره نوم عميق ثقيل وليست غيبوبه (يا فرحة قلبى 😂😂😂😂)
الساعه العاشرة مساء شعرت بوجود احد في الخارج
وقفت بخوف ترتدي إسدال لتذهب للخارج ولكن وجدت من اقتحم الغرفه ويبدو عليه انه ليس بوعيه
شهقت برعب وهي تحاول ترتدي اسدالها وتقول بغضب : انت ازاي تيجي هنا وانت عارف اني لوحدي
اقترب منها وهو يبعد الاسدال عنها وينظر لها بوقاحه : عادي ايه مشبهش الميت ده ما انتي معاه لوحدك وتحدث وهو لا يقدر على الوقوف من السكر : بتحبي ميت ورفع يده على قلبه : طب وانا انا اي هااااا
عادت للخلف بخوف منه وهي تقول: خالد انت شكلك مش في وعيك اخرج برا لو سمحت
ضحك بقوه عليها : اخرج براااا تؤ تؤ انا جاي عشان تعملى معايا زي ريان بصي انا هنام هههههه وانتي بقى قربي ايدك الحلوه دي عليا سراحي شعري و احلقي ذقني شوفي واقترب منها ووضع يدها على وجهه بقوه : شوفي كبرتها ازاي عشان عيونك يلااا احلقي بقى
ظلت تبعد يدها بخوف منه و نزلت دموعها وهي تقول : خالد النهاردة فرح اخوك روح لاحد ياخد باله ارجوك وانا مش هقول لحد انك جيت ليه هنا
ضحك بقوه وهو يكمل: بس انا جي عشانك واقترب متها بقوه يلمسها وهو يقول : انا صاحي حي اقدر اعمل معاكي الى مش هيقدر هو يعمله معاكي ازاي تحبي ميت وانا لااااا هااااا
صرخت بقوه وهي تحاول تبعده عنها : اااابعد عني خالد فوق يا مجنون ااااااع الحقوني رياان
( عند ريان كان كابوس : انتي فين مش شايفك عشق انا مش عارف صوتك طالع منين
عشقك وهي تختنق : رياان الحقني يا ريان الحقني هموت انا عشق يا ريااان
ظل ذاهب خلف الصوت الى ان وجدها يدها مربوطه وعلى فمها لاصق وجسدها ينزف دماء و تختنق
نظر بصدمه عليها وجدها تحاول إزالة اللاصق من على فمها وهي تصرخ بجنون ثم صرخت باسمه بقوه : رياااااااااان )
عند عشق وخالد كتف بيده يدها ورفعها للأعلى و باليد الاخري يكتم فمها ويقبلها بقوه في عنقها وهي تحاول ان تصرخ الى ان صرخت بقوه باسمه مره اخري : ريااااااااان اااااه انت مش في وعيك ابعد يا خااااالد رياااااااان
فتح عيونه بتعب والم رهيب بجسده وهو يهمس : ع….ش…..ق
………………………………………………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عالمي يكتمل لك)
