رواية عالمي يكتمل لك الفصل الحادي عشر 11 بقلم شروق مجدي

رواية عالمي يكتمل لك الجزء الحادي عشر

رواية عالمي يكتمل لك البارت الحادي عشر

رواية عالمي يكتمل لك الحلقة الحادية عشر

عشق بتعب : يلا بقى يا سارة انا تعبت
سارة وهي تشاهد بعد الملابس : استني طيب المحل ده وخلاص الچيب دي حلوه اوي
عشق:كل اللى جبتيه ده ولسه عايزة تاني ندوه ايه دي اللى هتلبسي فيها كل ده
ضحكت سارة وهي تقول: عادي دي البنت المصريه تنزل عشان طقم وتشتري المول كله
عشق : بس انا موبيلي فاصل من الصبح من ساعت ماكنت عندك ومش معايا شاحن ولسه هوصل حضرتك الوقت أتأخر خلصينا
سارة بغيظ : انتى هتزلي ابويا عشان عربيتي في التوكيل ثم انك انتي اللى مسطوله حضرتك المفروض يبقى في شاحن في عربيتك
عشق : ما انا مش بتأخر عن البيت كتير كده نادرٱ وكمان ريان عايزة اطمن عليه رجع ولا لسه
ساره : وهي تنظر للچيب : طب دي بس
عشق بتعب : خلصينا و شوفيها يارب بقى انا تعبت
ضحكت سارة واتجهت للداخل وهي تقول: اعمليلي فيها مهمه بقى تلاقيه روح ونام ولا عبرك اصلا
عشق : يلا يا رخمه
………………………………………………
ظل الجميع امام السيارة الى ان اتجه خالد لهم من شقه سارة وهو يقول : مش موجوده فوق و البواب شافها الصبح رايحه العياده بس مجتش تاني لحد دلوقتى
ريان بضيق: محدش عايش معاها دي
خالد : لاء اهلها برا مصر هي هنا لوحدها للاسف
حازم : طيب انا شايف ان ساره مختفيه وكمان عشق واسراء بتقول انهم اصحاب اصلا غير انها الدكتورة بتاعتها يبقى اكيد مع بعض في مكان
ريان وهو يفرق وجهه بغضب : تمام ايه اللى يأكد كلامك ده هاااا انا هتجنن الساعه بقت ٩ هتكون راحت فين بس
خالد : يابني ما عمتي مش قلقانه عليها وبتقول اكيد مع سارة
ريان بغضب: عشان عمتك متعرفش اللى حصل يا فالح
عالمي يكتمل بك بقلم شروق مجدي
اسراء بخوف : فعلا عندك حق ولكن نظرت امامها بفرح وهي تقول : عربيه عشق اهي اهي
انتبه ريان لها وجدها تضحك مع سارة في السيارة وبخير تنهد بغضب واقترب منها وخلفه حازم يقول : نهدى ها نهدي احنا في الشارع كويس انها بخير يا ريان
شهقت بفزع من اقترابه منها وفتح الباب وجذبها بغضب للاسفل وهو يصرخ بها: كنتى فين كل دااااا
عشق بصدمه: ريان في ايه،، ايه اللى جابك هنا
نزلت سارة بخوف عليها واقتربت منه : مين ده اوعى كده
اقترب خالد واسراء سريعا منهم
عشق بصدمه لهم : هو في ايه،، ايه اللى حصل مالكم
ريان بغضب وهو يضغط على معصمها : كنتى فييين
عشق بتوتر : كنت بشتري حاجات مع سارة هو في ايه مالكم
اسراء : اصل قلبنا الدنيا عليكي و فونك انتي وسارة مغلق
عشق باستغراب:ليه في ايه لكل ده
ريان بغضب: في ان حضرتك قولتي انك زفت عند العربيه و مكونتيش هناك وكمان قولتي انك مروحه بتكدبي عليا وانتي مع خااالد يا عشق
عشق وهي ما زالت لا تفهم شئ : هو انت بتزعق كده ليه وسيب ايدي وجعني ايه يعني كنت بشتري حاجات
حازم بتوتر وهو ينظر حوله : حصل خير يا جماعه نتكلم في البيت طيب الناس بتبص علينا مش كده
خالد: تعالو نتكلم عند سارة فوق
ريان بغضب: انا عايز افهم انتي ازاي تكدبي علياااا وانتي مع خالد وكمان راجعه ضحك وهزار وقافله تليفونك ولا كاني موجود عبيط انا بقى مسافر وانتي هنا براحتك
عشق بغضب : احترم نفسك ايه اللى بتقوله ده انت مين اداك الحق اصلا وصي عليا ولا تتكلم معايا بالشكل ده انا حرة وانت مش من حقك تعرف انا كنت فين ولا مع مين ده شئ يخصني انت فاهم
اسراء بتوتر من نظرات ريان الغاضبه عليها : اصل يعني كان خايف عليكي ياعشق اص…. قاطعتها عشق بغضب: على نفسه مش عليا انا مش عيله صغيرة هاتوه ونظرت حولها وهي تقول بغضب : عجبك الفضايح دي في الشارع قدام الناس،، ايه الهمجيه اللى انت فيها دي
ريان : خااالد خد عربيه عشق روحها وجذبها من معصمها بغضب لسيارته تحت توسل حازم له ان يهداء
نظرت له بصدمه من غضبه بهذا الشكل يسحبها كطفلة لا يبالي بها او عروسة في يده ابتعدت عنه بغضب شديد وهي تضع يدها امامه بتحذير تمنع دموعها من النزول امام اهلها والناس و صديقتها وهي تقول : ابعد عني احسن لك والله ابلغ عنك البوليس انت اتجننت ازاي تشدني كده وعربيه مين دي الى ياخدها خالد باي حق بتتحكم فياااا وفي حاجتي
فتح عيونه بصدمه من كلامها قاطعهم خالد بتوتر : الشارع ياجماعه الناس بتتفرج علينا الدكتورة سارة اتفضحت مش كده
ريان : اركبي العربيه انا عفاريت الدنياااا بتتنطط قدام وشي حاليااا
عشق وهي تتجه لسيارتها بغضب : والله لو جيت ورايا لاصوت وازعق وهلم عليك الناس انا ماشيه يا سارة سلام وركبت سيارتها تحت نظراته الصادمه من عنادها امامه
اسراء بخوف : ريان بعدين نتكلم ها عشق عنيده جدا كفايه فضايح بقى
واتجهت لعشق تركب معاها
اقترب ريان بغضب وهو يقول: لو منزلتيش حالا هكسر العربيه فوق دماااغك انتي بتكسري كلامي يا هانم اتجننتي
عشق بغضب: قسما بالله لو مابعدتش عني الساعه دي لاكون مصوره قتيل انت مالك بياااااا
ريان: هبقى جوزك و الهانم مراتي بتكدب عليا وانا ولا هنا ،،عبيط بقى مش هعرف انك بتكدبى مثلا
عشق : بااااس واحنا فيها بح فركش انا لايمكن اتجوز واحد همجي زيك فاهم ،، و دورت العربيه و ضغطت بنزين جامد ورحلت من امامه تحت نظراته الصادمه من عنادها امامه بهذا الشكل وعدم خوفها منه
ساره بحرج : طيب اتفضلوا فوق بقى
نظر لها ريان بغضب واتجه لسيارته وخلفه حازم محرج من منظرهم
ساره بهمس لخالد : واضح ان العيله دي محتاج مصحه الطب النفسي
ابتسم خالد عليها ورحل معهم لسياره ريان وانطلق ريان تحت دهشه سارة لجنانه الزائد هكذا امام الناس
………………………………………………
اسراء بتوتر: عشق
عشق : اسكتى مش عايزة اسمع ولااااا كلمه سااااامعه ولا كلمه وانفجرت من البكاء بقوه وهي تتذكر منظر الناس و احراجه لها امام الجميع كانها طفله صغيره وايضا تكذيبه لها أمامهم بهذا الشكل ظلت تبكي الى ان قاطعتها اسراء بعد وقت : طيب تعالى نروح بيت تيته بلاش عندك حد يشوفك وانتي كده
عشق بدموع : ماهو هناك انا مش عايزه اشوف وشه اصلا
اسراء: هو غصب عنه والله انتي اصلك مت……. قاطعتها بغضب وبكاء : مادفعيش عنه ساامعه خالص ملهوش حق يخليه يعمل فيا كده ازاي يحرجني بالشكل ده انا طفله صغيره ده لو طفله مكنش عمل معاها كده
اسراء بحزن : طب خلاص تعالى باتي عندي بلاش تروحي كده طيب
عشق: طيب قولي لماما وفعلا لفت طلعت على بيت خالتها شاديه
………………………………………………
فضل ريان سايق بغضب وفاجاه وقف بالطريق ونزل لف وفتح الباب الى ورا ونزل خالد وقال : سوق انت اوعي
بالفعل خالد طلع قعد قدام وركب ريان ورا وفرد جسمه ومكنش عايز يتكلم في اي حاجه حس انه محتاج ينام وبس اليوم كله كان مضغوط ودماغه هتنفجر من كل حاجه حواليه
حازم : ريان مش شايف انك كنت قاسي وشديد شويه معاها
ريان ببرود وهو ينظر لسقف السيارة : وانت مش شايف هي عملت ايه طول اليوم وحاليا عملت ايه وكسرت كلامي ازاي
حازم بضحك : انا معاك هي عنيده اووووي ومش بتخاف بس انت كمان زودتها وهي مش فاهمه انت متعصب ليه يمكن لما تفهم تقدر ده
ريان ببرود : امممم معندكش كلمه انت كمان يا استاذ خالد تقولها
خالد وهو يقود السيارة ببرود : اناا وانا مالى مليش دعوه
ريان : ازاي مش بنت عمتك و متربي معاها غيري يعني عارف دماغها
خالد : عارف وعارف انها عنيده وجزمه قديمه وعارف كمان انها بتكره التحكم وان حد يفرض نفسه وصي عليها ومش بتلين بالعند خالص عايز الصراحه انت خليت شكلها صغير قدمنا عيله و طايشه وانك ولي امرها اللى زهقت منها ومن مشاكلها
قعد ريان بغضب وهو يقول: كنت هتجنن عليها خفت ،،خوفت يكون وصلها فعلا وقتلها كنت مرعوب عليها وهي بمنتهى الاستهتار تقولي في ايه وايه يعني وانت ملكش حق فيااا لا ليا مليون حق فيها دي روحي كنت هموت طول اليوم من خوفي عليها محدش فاهم النار اللى كانت فياااا
حازم : ايوه هي متعرفش اللى حصل ده كله بالتالى فهمت اللى انت عملته ده تحكم فيها مش اكتر
خالد : وصلنا بيت تيتا يلا سلام بقى
ريان بضيق: هتمشي ومش تقولي اصالح البت دي ازاي
ابتسم خالد بداخله لانه تاكد ان ريان يريد بدء صفحه جديده معه فقال : خلاص بص سيبها النهارده تهدي مع اسراء وبكرا الصبح نفكر تمام
ريان وهو ينزل: مع اني مش شايف اني غلط اوي بس تمام
حازم بضيق : يا راااجل
ريان : تمام غلطت شويه بس برضه هي تستاهل
………………………………………………
هدير : اعوذ بالله ايه المناظر دي شكلكم مضروبين بالجزمه في ايه
عشق بدموع وتعب : انا عايزة انام أطفئ النور ده وجذبت الغطاء ونامت
اسراء وهي تجذب الغطاء من عليها: لا مش هتنامي بقى احنا لازم نتكلم الله
عشق: اسراء والله اروح ابعدي عني انا مش طايقه روحي
اسراء: طيب مش عايزه تعرفي ايه اللى جمعنى مع ريان وايه جمع ريان بخالد وحازم صحبه وليه كنا عند سارة وايه اصلا اللى عرف ريان انك كنتي مع خالد
وليه كل خوفه ده عليكي ماهو اكيد مش مجنون يعني
جلست عشق وهي تفكر بدموع : ايه يعني هيكون ايه لكل ده
هدير : لا فهموني في ايه بقى اه
تنهدت اسراء بتعب وبدأت تقص عليهم كل شئ
بعد وقت شهقت عشق وهي تقول: يعني انكل جورج السبب في حادثه ريان دي ومهرب معقول ده
اسراء: وكان عايز يخطفك كمان شوفتي
اكملت عشق بخوف : يعني ريان كان ممكن يموت النهارده ولا يحصله حاجه هناك معقول كده
اسراء: شوفتي بقى
هدير : وانتي اتخطفتي يالهوي تلاقيكي كنتي مرعوبه يا اسراء
اسراء: جداااااا كنت عماله اعيط
عشق: بس انتي ايه جابك عندي اصلا
اسراء بتوتر : جيت اعتذر ليكي عن اللى حصل مني يوم التجمع انا عارفه انك عرفتي اسفه يا عشق بجد اسفه معرفش عملت كده ازاي بجد سامحيني
عشق بحب وهي تربط على يدها : مش زعلانه حبيبتي ولا يهمك حصل خير كلنا بنغلط
هدير : لا ليه حق ريان يخاف عليكي كده يا عشق الصراحه مش غلطان
عشق: انا معاكم انه ليه حق يخاف ويقلق و يزعق بس مش بالشكل ده كان ممكن يخاصم يعاتب لكن ده فرج عليا الناس انتم بتهزروا
اسراء بضحك : وانتي يا بت سكتي اوي و كنتى كيوت ده انتي فضحتي الدنيا اكتر هههههههههههه الصراحه شكلكم كان مسخره
هدير بضحك:على اللى بتحكيه ده كان منظر فضيحه هههههههههههه
ضحكت عشق وهي تقول: مش قادره انسي منظره وهو بيقولي هكسر العربيه فوق دماااغك هههههههههههه
اسراء: اموت واعرف قدرتي تتحديه كده ازاي ده انتي اد صباع ايده الصغير مخوفتيش منه
هدير : بتفكريني بالفار اللى وقف قدام الاسد هههههههههههه
ضحكت عشق بقوه : والله كنت مرعوبه فعلا بس كرامتي كانت وجعاني بقى ودماغي قفلت ضبه ومفتاح مع ان من جوايا كنت مرعوبه هههههههههههه
ضحكه الثلاثه وناموا جنب بعض
اسراء: كلميه بقى حرام عليكي
عشق ببرود : تؤ تؤ لازم يتحكم في غضبه مش كده وكمان هو اللى غلط يبقى هو اللى يصالحنى انا هقدر الحاله واعطف مش اكتر واسامح ممكن
هدير بمرح: حنينه اوووووووى
………………………………………………
عالمي يكتمل بك بقلم شروق مجدي
اهلا بيكم في دقت قلب مع عشق الصاوي الحلقه النهارده بتتكلم عن الغضب ازاي الواحد يقدر يتحكم في غضبه وامتي وايه اقسى درجات الغضب دي وهل ممكن اللى قدامه يمتص غضبه ولا
وضحكت واكملت : انا مثلا من الناس اللى للاسف مش بتعرف تمتص غضب اللى قدمها بالعكس بعند اكتر و بتعصب لو حد عند قصادي بس مش ببدء ابدا انا بالغضب او العند بكون دايما رد فعل للي بيحصل مش بقول انها حاجه حلوه بس الغضب بيختلف من شخص لآخر وكل منا له درجه في غضبه الاهم ان الغضب ميكونش بيعمي عينك و ويمكن يهدم حياتك او يقلل من قيمه اللى قدامك او يوصل الموضوع للضرب ومد الايد هنا يبقى مينفعش تلوم غير اللى بدأ بالغلط ومستني منك انك تمتص غضبه ده ، على العموم ده رأي الشخصي مستنيه رايكم واسيبكم بالمناسبة دي مع اغنيه الفنانه الجميله شاديه وفريد الأطرش يسلام على حبي وحبك
( ياسلام على حبي و حبك وعد ومكتوب لي أحبك
ولا نامش الليل من حبك يا سلام على حبي وحبك
يا سلام على حبي وحبك ده ماكان على بالي أحبك
ولا نامش الليل من حبك ياسلام على حبي وحبك يا سلام على حبى و حبك
يا حبيبي هواك جنني والشوق ملاني جراح
وحياتك تبعد عني و تسيبني عشان ارتاح
وأنا يعني ماسك فيكي ؟ ماهو قلبي المشغول بيكي حبك سهرني ، أنا زيك برضه
ربي يصبرني ، ايوه أنا فى عرضه )
………………………………………………
ذهبت عشق بعد ان انتهت من البرنامج للجراج لتأخذ سيارتها وتذهب وجدت من يجلس على تابلو السيارة و يربع قدمه ببرود ويسند عليها بمجرد ان لمحها ابتسم وهو يقول بغناء و يراقص حاجبيه : مش ممكن اعيش من بعدك ده خيالك جنبي ليلاتي و بقول لو ربنا ياخدك كنت اعمل ايه يا حياتي
عشق ببرود وهي تفتتح سيارتها : نينينينينيني
ريان بتفكير : لاء شاديه ماقلتش نينيني دي
عشق وهي تشغل السيارة ببرود : هتنزل ولا اقلبك واخلص
نزل ريان وهو يشهق بصدمه ويركب بجانبها بمرح : واهون عليكي وعلى قلبك طيب
قادت السيارة ببرود وهي لا تنظر له
اكمل بخبث : شكلي اهون بقى
ظلت كما هي لا تحادثه ابتسم واكمل: انا جعان طيب
عشق ببرود وهي تركن في الشارع : اتفضل انزل روح علشان تاكل انا عندي مشاوير كتير
ريان بضحك : هتعملي فيها مهمه بقى والجو ده
عشق ببرود : مهمه ليه مش انا تافهه بتاعت اغاني انت قبطان ليك اسمك طبعا بلاش بقى تضيع وقتك مع الناس التافهه اللى زيي
ريان بشقاوة: اه ده انتي شايله بقالك كتير بقى
تنهدت عشق وهي تنظر امامها : ريان اخلص بجد مش فايقه ليك خالص اصلا
ريان : طيب محتاج اتكلم معاكي ممكن نقعد ونشرب حاجه مع اني من امبارح الصبح ماكلتش حاجه بس تمام براحتك
نظرت له بتوتر وهي تفرك يدها بخجل: و ماكلتش ليه بقى كل ده
تنهد بتعب واكمل :سفر و مشغوليات ورجعت اشوفك وطول اليوم بدور عليكي وبعد ما لقيتك اتخانقنا و روحت مخنوق و محستش بروحي اصلا غير الصبح واول حاجه عملتها اني جيت جري اشوفك مهنش عليا زعلك زى ما انا هونت عليكى
عشق : يعني كمان الدواء حضرتك أهملت فيه
ريان : دواء ايه بس عشق انا كنت هموت عليكي كنت خايف لايكون جورج خاطفك وعملك حاجة عشان وقتها كنت هغمض عيني عن الدنيا كلها بدون راجعه تاني
شهقت بصدمه وهي تضع يدها على فمه و تقول: بعد الشر عنك اوعي تقول كده
ريان بحب وهو يقبل يدها: هناكل ولا اروح اعيط في بيتنا
عشق بفرح: ناكل طبعا انا كمان جعانه اوي
ريان بضحك : ومشاويرك
ضحكت وهي تقول: كنت بشتغلك انت بتصدق برضو
………………………………………………
بعد وقت
ريان :بس يا ستي دي كل الحكايه
عشق: صعب طبعا لانه خالك بس انت عملت الصح
ريان : اكيد ومش ندمان خالص وتنهد واكمل : بصي انا عارف اني غلطت امبارح معاكي بس قدري بجد موقفي بدل ما اروح اشوف امي وبنت خالى و اقف جنبهم كنت هتجنن عليكي وبدور انتي فين لدرجه نسيت اطمن على امي اصلا واقف جنبها في موقف زي ده لما لقيتك جايه كويسه ولا همك اتجننت اللى هو انا سايب ايه عشانك وانتي هنا ولا همك
فركت يدها بخجل فهي تناست تماما امه وانها بحاجه له الان وايضا ابنت خاله : عندك حق اسفه بجد طب طب يلا قوم روح لها اكيد محتاجه ليك اكتر مني
ريان وهو يبدأ في تناول الطعام: اكل معاكي الاول لاني جعان ومحتاج اخد الدواء دماغي هتنفجر واروح لماما بقى اشوف ايه الدنيا معاهم هعتذر لها باى شئ هعمل ايه طيب عشان خاطر حضرتك
عشق بحرج : انا بجد اسفه مكنتش اعرف طيب ان كل ده هيحصل في نفس اليوم وانا كتير موبايلي بيفصل شحن و بيبقى عادي مش موضوع فاهم قصدي بجد سوري
ابتسم لها وهو يشاور بيده ان تبدأ تأكل بدأت بالفعل وهي تقول: على فكره سارة دي تبقى دكتور نفسية بتاعتي
قاطعها ريان : ليها علاقه بموضوعنا انا وانتي والاحلام
عشق باستغراب: ايوه اشمعني
ابتسم وهو ياكل : يبقى خلى كل ده لبعد جوازنا لاني عملك مفاجأة
عشق بعدم فهم: يعني ايه
ريان : يعني بعد جوازنا هعرف ادق التفاصيل عشان وقتها متعرفيش تهربي مني
ضحكت بخجل وهي تأكل
………………………………………………
بعد مرور شهران
عشق بتوتر : انا مش فاهمه ايه الكروته دي النهارده فرحي ولا انا عارفه فين الفستان ولا القاعه ولا اي حاجه ولا انا فين اصلا خطفني و جايبني نايمه هنا من بليل وكل ده تعليمات ريان طب احنا فين طيب اعرف حتى فين تليفوني طيب
هدير ببرود وهي تنظف اظافر يدها بالمبرد : ممنوع حضرتك دى تعليمات
عشق بغيظ : بقى كده ماشي يا ريان ماشي طب مش هتجوز
اسراء بمرح : براحتك نشوف عروسه غيرك هههههههههههه
دق الباب واتجهت لها البنات الميكب ارتست
ابتسم بخبث وهي تقول : هو احنا هنا فين
الميكب ارتست: الحقيقه ممنوع تعليمات حضرتك
عشق بغيظ وهي تجلس : يعني لا مختاره قاعه ولا فستان ولا شهر العسل مكانه فين ولا اعرف مين اللى جي من المعازيم ده ايه الجوازه دي يارب
ضحكت البنات عليها وبدأت كل منهم تجهيزها لحفل الزفاف
بعد وقت انتهت البنات من كل شئ
نظرت عشق للمرأة بفرح كانت رائعه حقا بجمالها الهادئ ثم قالت بغيظ : فين الفستان بقى
اقتربت سارة بضحك وهي تقول : بصي يا عشق احنا هنغمي عينك حاليا لحد ما تلبسي وتنزلي وتوصلي المكان وتشوفي كل حاجه مره واحده بالفستان والطرحه ايه رايك
شهقت بصدمه وهي تقول: لا طبعا افرضى مش حلو الله عايزة اشوف فستاني
ضحكت البنات عليها واقتربه منها وبالفعل غمت سارة عيونها وجذبت هدير يد واسراء اليد الاخري
وغزل تساعد البنات في لبس فستانها
ثم جذبت فتيات الميكب يد عشق حتي لا تتحسس فستانها الي ان اكملت هدير واسراء وسارة وغزل ارتداء ملابسهم المخصص تحت اصرار ريان لهم
وتمسكه بيد عشق مره اخري تحت الحاح شديد منها ان تري فستانها واتجه بها للخارج
بعد وقت وصلت عشق المكان وتوقفت بها البنات في منتصف القاعه و ازالت ساره غطاء العين وابتعد الجميع عنها بل اختفوا
عالمي يكتمل بك بقلم شروق مجدي
فتحت عشق عيونها الى ان وضحت الصوره امامها فتحت عيونها بذهول شديد من المكان الذي امامها غواصه نعم غواصة تحت الماء كبيرة بتصميم يشبه سفينه غارقه تحت الماء تشبه احلامهم سواء كثيرا ظلت تنظر للمكان بانبهار شديد الى ان وقعت عيونها على ريان يجلس على احد الصناديق بالسفينة وهو يبتسم لها بحب ويرتدي بدله القبطان شهقت بفرح وهي تضع يدها على فمها لا تصدق انه فعل كل هذا من اجلها فقط،، هى فقط،، نظرت لفستانها وجدته فستان مصنوع من قشر السمك باللون الابيض وبعض حبات اللؤلؤ والمجوهرات يشبه فستان عروسة البحر ولكن يتسع قليلا من الاسفل ليسهل حركتها باكستنش كبير من الخصر والطرحه من نفس تطريز الفستان ،، الفستان حقا للأميرة بحار وعروسه البحر
ضحكت بفرح لا تصدق نفسها المكان يشبه احلامهم معا بدرجه كبيره وجدت الناس بدأت تظهر من حولهم وهو يصفقون لهم والبنات ترتدي فساتين بينك اللون بقشر سمك عروس البحر والشباب بدل بحاره
والنساء فساتين سوداء بقشر سمك والرجال بدل سوداء والاطفال جميعهم البنات فساتين عروس البحر بينك و الولاد بدل بحريه كان المكان يشبه المركب الغارقه الخاصه بهم كثيرا وهي عروس البحر ملكه وحده
وامه وابوه والجميع يصفق بفرح لهم فرح كبير
نزل من على الصندوق وهو يقترب منها وعلت الاغاني باغنيه لهم وهو يسحب يدها يتراقص معها ويضع الاخري على خصرها بفرح ويدور بها يمين ويسار أمام الناس بفرح شديد
( ♥️ اوعدني تكون ديماً جنبي متغبش في ثانية عن عيني
وتعيش على طول جوا في قلبي ده وجودك جنبي بيحييني
وهنشغل بالنا بمين ما كفاية بشوقنا نحس
ونعيش احنا الاتنين يا حبيبي لبعض و بس
اوعدني متبعدناش دنيا ولا ناس ولا شيء في الدنيا دي
متعديش يوم ثانية عليا غير وانت في حضني و قصادي
حسسني أوام و انت معايا بأمان و حاجات نفسي اعرفها
والواحدة الخايفة جوايا نسيها بحبك يوم خوفها
وهنشغل بالنا بمين ما كفاية بشوقنا نحس
ونعيش احنا الاتنين يا حبيبي لبعض وبس
ومعاك حسيت يا حبيبي اني لقيت
نفسي و بقيت حضني و بيتي
وهنشغل بالنا بمين ما كفاية بشوقنا نحس
ونعيش احنا الاتنين يا حبيبي لبعض و بس ❤️)
حملها وظل يدور بها والجميع يصفق لهم بفرح شديد
وهي كادت تطير من فرحتها معه
طارق وهو يصفق بفرح : تصدقي يا بت يا هدير فاتحوا نفسي العيال دي على الجواز اوي
هدير بغيظ : يا مسهل يارب
طارق وهو يعدل نظارته بخجل : ما تيجي نتجوز الموضوع شكله حلوه
فتحت عيونها بصدمه وهي تقول: وحيات أمك
طارق بقرف : امك اه تعالى كل واحد فينا ينقي واحد ليه الناس كتير اهو نتجوز الموضوع لذيذ
هدير بغضب: قول والله
ضحك بقوه وهو يجذب يدها: انتي قفوشه ليه كده تعالى تعالى انتي اصلا مفضوحه و واقعه في غرامي تعالى ملناش الا بعض يا قمرى
شهقت بغضب وهي تقول : مفضوحه
اكمل بضحك : تعالى بس وضحك بقوه عليها وهو يتجه. معها للرقص
اقترب حازم من اسراء وهو يقول: مش اتمرنت على الخطف المره دي ان شاء الله اخطف صح
ابتسمت بخجل له : يا راجل
حازم بمرح: الواحد كان لازم ينزل مصر من بدري عن كده ازاي اتاخر كل ده
ضحكت بخجل وذهبت من امامه
حازم وهو يتجه خلفها : ايه ده استني طب رقم تليفون طيب
كريم : بحبك يا غزول
غزل بفرح: وابننا
كريم : يجي بس الباشا اللى مغلبني ده وانا أجنن امه
ضحكت بقوه عليه
خالد : ايه الجمال ده كله يا ست الدكتورة
ضحكت سارة عليه : مش اوي كده انت احلى
خالد وهو يضع يده فى جيبه : عقبالك
سارة بخجل : ان شاء الله
خالد بغمز : مش تقوليلى عقبالك انا كمان
شهقت بصدمه : ورشا
خالد بضحك : خلاص بقى طلقتها نصيب الحمد لله
سارة : ربنا يعوضك الخير
اقترب منها بهمس : بقولك ايه انتي مرتبطة
فتحت عيونها بصدمه وهي تقول: هاااا
خالد بضحك : اصلي بفكر اوفر حق الكشف ويبقى كله في بيتي واهو تعالجي العيله ببلاش بقى
سارة ببلاها : هاااا
ضحك بقوه وهو يجذب يدها للرقص وهي تبتسم بصدمه عليه لا تنكر اعجابها به وبشخصيته خاصتٱ بالوقت الذي قضاه معهم في تجهيز حفل الزفاف جميعا معا مفاجاه لعشق تحت اشراف ريان والذي قرب الجميع من بعض اكثر لتعاونهم معا
بعد وقت حمل ريان عشق واتجه بها للاعلى تحت تصفيق الجميع لهم
نظرت حولها كانه بعرض البحر وجدت مركب بانتظارهم بالفعل انتقل ريان للمركب الاخري والجميع يصفق لهم
عشق وهو يحملها تحت صدمتها من ما يحدث: انت وخدني فين : ضحك بقوه وهو يبتسم للجميع وينزلها ويذهب بالمركب بعيد عنهم وهو يحتضن خصرها بين يديه
عشق بصدمه : احنا فين و رايحين فين
ريان بشقاوة وهو يلاعب حاجبيه: اخطفك لعالم بحاري يا عروسه القبطان
غدا خاتمه عالمي يكتمل بك كونوا بالقرب
………………………………………………