رواية عالمي يكتمل لك الفصل الثامن 8 بقلم شروق مجدي
رواية عالمي يكتمل لك الجزء الثامن
رواية عالمي يكتمل لك البارت الثامن
رواية عالمي يكتمل لك الحلقة الثامنة
بعد وقت استاذن ريان واتجه للداخل بتعب ،،المكان مزدحم وهو يريد ان يتحدث معها و افكاره ما زالت مشوشه اتجه خلفه جورج ببرود وهو يضع يده في جيبه ويقول : خمس سنين كتير برضه انك تبعد عن ساحه الحرب
ريان ببرود : عندك حق والغريب انك فى الخمس سنين دول لسه مدخلتش السجن معقول محدش عارف يكشفك
جورج: هههههههههههه ليس كل شخص غبى يا عزيزي كنت فاكر انك ممكن تكشفني بسهوله واسيبك تعدي عادي كده
اقترب منه ريان ببرود: عارف ان انت اللى فجرت السفينه ونجحت و عديت الشحنه برافو بس اللى متعرفوش ان لسه الورق مظهرش ولسه معايا وانا لسه عايش قدامك ومش هسكت الا لما اكشف حقارتك
ابتسم جورج ببرود وهو يقول: اهدي على نفسك يا سيادة القبطان اشكر ربك اني نقلت البضاعه من السفينه بدل ما كانت تبقى فضيحه السفينه الغارقه بالقبطان اللى عليها وفيها شحنه هائلة من المنتجات الفاسده داخل البلاد انا أنقذتك من فضيحه ليك و للعيله فضيحة كبيرة
ريان : انت حقير وانا مش هرتاح الا لما ارميك في السجن والورق هو الحاكم بينا
ضحك جورج بقوه وهو يتجه للخارج : الورق من خمس سنين لدلوقتى ملهوش لازمه ،،اه صحيح نسيت اقولك حلوه عشق مذيعة في الراديو و شاطرة جدا وبتتعالج عند دكتوره نفسيه اسمها ايه اااااه سارة بتروح كل خميس هناك تحب تعرف اكتر ولا كفايه كده اظن كفايه
فتح ريان عيونه بصدمه من كلام خاله اكمل جورج وهو ينظر له ببرود : خد بالك منها كويس ، محدش عارف الظروف فيها ايه يلا سلام ياااا ابن اختي
شعر ريان بروحه تنسحب منه حقا ممكن ان يؤذي عشق لهذا الدرجه هو وقح وعن اي دكتور نفسي يتحدث هذا
دخلت صافية تعطي له الدواء ولكن قاطعها بضيق: اندهي عشق من فضلك
بالفعل رحلت وبعد قليل توجهت عشق له ببرود : نعم خير
ريان بضيق: هتفضلى واخده جنب كده كتير مني
عشق وهي تربع يدها بغضب: عادي عشان حبيبت القلب مش اكتر
اقترب منها بغضب : عشق بلاش استفزاز حبيبت قلب ايه و زفت ايه انا لسه فايق من غيبوبة خمس سنين لحقت احب امتى يعنى
عشق بضيق : قبل كده بتكلم على قبل كده
ريان : ولا قبل كده كانت فيه حبيبه اصلا ولا بعد كده ثم اقترب بخبث وهو يقول: انا من ساعة ما فوقت وانتي اللى موجودة في عالمي فى كل حته زى السحر اللى احتل كل كياني
نظرت له بتوتر من قربه وهي تبتلع ريقها بخجل شديد اقترب اكثر وهو يقول بهمس : اوعدني تكون دايما جنبي ما تغبش ثانيه عن عيني وتعيش على طول جوه قلبي ده وجودك جنبي بيحييني
نظرت له بذهول اكمل وهو يقترب منها : : و هنشغل بالنا بمين ما كفايه بشوقنا نحس ونعيش احنا الاتنين يا حبيبي لبعض وبس
عضت على شفتيها و اغمضت عيونها بخجل شديد وهو يسحب يدها يضعها على قلبه ويكمل : يومها انتي رفعتى ايدك على قلبك وقولتيلى براحه على قلبي هيقف منك وانا حطيت ايدي على ايدك و قولتلك قلبك ملكي انا وبس سامعه يا عروسه بحري
تنهدت بتعب وخجل شديد وهو اقترب سريعا يستنشق رائحتها بقوه وهو يهمس لها : انا فاكر حاجات كتير يا عشق ريحي قلبي واحكي لي ايه اللى بينك وبيني انا تعبت
تاهت في عيونه ولكن فاقت على صوت ولدتها تنادي عليها من الخارج شهقت و ابعدته بخوف ورقدت للخارج بقوه
سند يده على الكرسي بصدمه من فعلتها ثم ضحك بقوه وهو يقول: تجنني يا عشق تجنني ايه انا اتجننت بيكى خلاص
………………………………………………
هدير : جبت لك حاجه حلوه انت ماكلتش على الغداء
طارق وهو يلعب بهاتفه : اه شكرا يا ديدا
هدير: شغلى عجبك في المكتب ولا ايه
طارق: اه كويس عمرو بيشكر فيكي وفي شغلك جدا
هدير : امممم طيب كويس ….. عمرو كمان كويس
طارق :اه ما انا عارف ده صديقي الانتيم
هدير بضيق : ااااه عارفه عن اذنك
عشق بضحك : باااارد بارد يعني
طارق : بتقولى حاجه يا شوشو
عشق : بطل شوشو دي مش بحبها وحس شويه بالبت هتموت عليك
طارق بعدم فهم: بت مين
ضحكت عشق وهي تنظر لهدير بمرح وتقول : الغلبانه دي اللى زهقت منك نعمه هتزول من وشك انت حر
نظر طارق اتجاه هدير ثم نظر لعشق وهو يقول: هدير بتحبني انا ليه
عشق بعدم فهم: يعني اي ليه معلش بقى اصلها عاميه
طارق : اصل اصل انا يعني ماليش في جو البنات ده اقصد اني مش بتاع جو الحب وكده فا حبت فيا ايه دي اصلا
عشق : اهو مش بقولك عاميه هي البنت طلبت منك حاجه اصلا جرب انت بس ركز معاها وهي تخليك تحبها يا طروق
نظر طارق لهدير مره اخرى وهو يقول : معقول ده هدير بتحبني انا
جاءت عشق ترحل ولكن أوقفها وهو يقول: انتي ايه اخبارك مع القبطان عزوز
ضحكت بقوه لدرجه انتبه الجميع لها ونظر ريان بغيره شديده عليها كيف لها ان تضحك بهذا الشكل
تأسفت بحرج وهي تنظر لأخيها بخجل و تقول: حلوه القبطان عزوز ده انت عارف لو سمعك هيعلقك
عالمي يكتمل بك بقلم شروق مجدي
طارق بهمس : لا قلبك ابيض شكله شراني اوي بس بجد عامله ايه معاه هل هو كان زيك بيحلم ولا انتي بس من طرف واحد
عشق بتفكير: تفرق في ايه
طارق : لا تفرق طبعا لو انتي بس يبقى وهم يا عشق وصعب يحس بيكي لكن انتي وهو يبقى قصه عشق تكتب في التاريخ يا شوشو
عشق بغيظ : انا مش شوشو يا رخم
طارق بضحك : بس الصاروخ الروسي عنده اسلحه دمار شامل و ابتسم بخبث وهو ينظر ل جورجينا التي تتغزل في ريان الجالس ينظر لعشق فقط
عشق بغيظ وهي تأكل اظافر يدها بغيظ : عندك حق فعلا دمار شامل ثم اكملت وهي تضع يدها على صدرها بغرور : بس برضه المصرين عندهم قواعد عسكرية متينه لا تقلق
طارق بتفحص لجورجينا : اشك الصراحه الروسي يكسب وبقوه
عشق بغيظ وهي تقف : ده كله نفخ يابني تركيب ايش فهمك انت الرك على القالب و القالب غالب
وتركته ورحلت
ضحك طارق وهو يقول : مالها قلبت على ام محمد ليه كده
………………………………………………
غزل بحرج : بس يا كريم حد يشوفنا
كريم بهمس : طب يلا نروح بقى وحشتيني
غزل بحرج: اسكت بقى يوووه مجنون اصبر شويه اوعي اعدي وضحكت بخفه وهو يرحل خلفها ويهمس لها ان ترحل معه الان
نظرت لهم رشا بغيرة وهي تربع يدها وتهز ساقيها بغيظ : طبعا كل واحد عايش حياته وانا اللى جوزي بيلف على حتة بت عيله لا راحت ولا جت
اسراء بهمس خلفها : لا و العيله دي دايب فيها يا روحي من سنين
رشا بغضب: ابعدي عن وشي السعادي
اسراء وهي تاكل القليل من التسالي بمرح: مش عارفه انا كل شهر بتيجي هنا تحرقي دمك ليه وتمشي واقتربت بهمس وهي تكمل : اوعي تكوني فاكره انه بيجي يشوفها هنا كل شهر وبس تؤ تؤ عشق بقالها هنا فتره ويمكن كمان بيروح لها الشغل افضلي مستنيه كده لحد ما تاخده منك
رشا بغيظ: اه وانتي بقى محروقه اوي من ايه ها من ريان اللى عماله تلفي عليه من الصبح وهو ولا معبرك مش شايف غيرها مش كده
اسراء بغيظ : نفسي اعرف بتعمل ليهم ايه دي اقل من العاديه اصلا انتي احلى منها كتير
رشا بغيظ: مهو ده اللى مجنني انها عاديه اوي كمان بيحب فيها ايه دي
اسراء بتفكير : تيجي نلبسها فضيحه وهي تبطل تتجمع معانا و تترزع في بيتها
رشا : ازاي
اسراء : انا هقولك ازاي تعالى ورايا قبل ما نمشي
ابتسمت رشا ورحلت خلفها
………………………………………………
انجيل : انا حجزت في فندق جنبك هنا عشان اكون معاك دايما يا روحي بمجرد ما تخف نرجع بلدنا بقى
ريان : ربنا يسهل يا ماما بس رجوع روسيا ده مش مقرر فيها لسه اي شئ لما استرد صحتي
انجيل: ماهو اكيد مش هتقعد هنا في مصر
جورجينا : no please نرجع يا روني
تنهد ريان بغيظ ووقع نظره على عشق وهي تقلد جورجينا بحركه مسرحيه و غيظ منها ضحك بقوه وهو يسعل بشده على مظهرها هذا
صافيه: مستر ريان معاد دواء حضرتك
وقف ريان واتجه معها للداخل
غمزت رشا ل اسراء ان تبدأ بالفعل بعد وقت اقتربت اسراء من جورجينا و سحبتها للخارج بمرح دون ان يلاحظ احد
اقتربت رشا من عشق تقول لها : هي فين جورجينا جميله الجميلات
عشق: معرفش كنت و اصي عليها انا
رشا بخبث وهي ترحل : تلاقيها بتودع روني في الاوضه جوا هههههههههههه
فتحت عشق عيونها بذهول وهي تنظر لغرفته واقتربت بغضب وفتحت الباب ولكن لم يوجد احد بالداخل جائت ترحل وجدت من جذبها بقوه وهو يخرج من المرحاض ويغلق الباب و يحاصرها بين يديه
شهقت برعب وهي تضع يدها على عينيها بخجل : يانهار ابيض ومش فايت انت ازاي واقف قدامي كده يا قليل الادب استر نفسك
ضحك بقوه عليها وهو يرتدي التيشرت ويقول : طب ركزي معايا هقع هاتي العكاز ده ثم اني لابس اهو
انحنت تجذب العكاز له وهي يدها على عيونها بتوتر : اخلص بالله عليك اوعي اخرج لابس ايه بس
ابتسم عليها وجلس وهو يرتدي ويقول : خلاص فتحي عينك خلصت خلاص ها كنتى جايه تودعيني
وضعت يدها على خصرها بغيظ : ليه ان شاء الله خالص على فكره
ريان بشقاوة. طب كنتي جايه ليه
ظلت تفكر وهي تضع يدها على خصرها بخجل
وهو ينظر لطفولتها باعجاب شديد
ولكن قاطعهم دخول رشا وهي تشهق بقوه و تغلق الباب مره اخري بخجل شديد
ريان : مالها دي
عشق: مش عارفه
بالخارج
خرجت رشا وجهها احمر بشده من الخجل
هند : فين عشق يا رشا مش قولتي جوا
رشا بصوت عالى : هاااا اه ما هي جوا مع ريان بس اصل هي جايه بقى يا طنط
مظهر رشا يدل على أنها رأت شئ مخل بالداخل
رفع عزت صوته بغضب وهو بتجه للغرفه : عشق
فتحت عشق الباب وهي لا تفهم شئ وخلفها ريان
خالد ببرود: الله هو ايه اللي بيحصل جوا بالظبط دي بينها باظت خالص
طارق بغضب: انت بتقول ايه يا كائن انت
عشق: هو في ايه
خرج كريم وغزل من نفس الغرفه وهو يضحك بقوه ويقول : ريان ده عسل اوي …. مالكم في ايه
الجده : انتم كنتوا جوا كلكم
جائت عشق تتحدث ولكن تكلمت غزل سريعا: اه كنا جوا كلنا في ايه مالكم
الجميع وجه نظره لرشا هند بغيظ: طيب يبقى ايه اللى خرجك مكسوفه كده يا رشا شوفتي ايه يا ماما جوا افهم
رشا بتوتر : انا لا ولا حاجه
عزت بضيق: يلا يا ولاد كفايه كده سلام عليكم
كريم بهمس: افهم سمعت كلامك زي الحراميه ودخلت اوضه ريان من البلكونه وانا مش فاهم حاجه وعملت اللى قولتي عليه في ايه بقى
غزل بهمس اصل رشا واسراء كانوا ناوين على فضيحه لما اروح اقولك اسكت بقى
كريم بمرح: ماشي يا شرس
بعد وقت الجميع رحل
جلس ريان بتعب واقتربت منه جدته وهي تقول : حبيتها
ريان بضيق: اوعي تقولي على جورجينا يا جدتي والله ازعل واجيب ناس تزعل
فوزيه بمرح : هي حلوه اه بس المصري احلى
ريان بهيام : احلى كتير ،،كتير اوي
فوزيه: امممم أوصفها كده
ريان : ااااه فيها كل حاجه وعكسها جميله رقيقه هادئة مجنونه عصبيه عاقلة غيوره زي البحر قلابه هي عروسه بحري بس لو اعرف ازاي كنت بشوفها وفين
فوزيه: امممم فين و امتى وانت في الغيبوبة
ريان بضيق: ماهو ده اللى مجننني يا فوفا واللى متأكد منه انها عارفه حاجه و بتخبي عليا بس اعرفها صبرك عليا يا عشق
فوزيه بمرح : قولتلي عشق امممم
ريان بشقاوة: ما تحكي لى عنها يا فوفا
فوزيه بمرح وهي تتجه بالكرسي للحديقه: تعالى ورايا وانا اقولك يا روح فوفا عنها كتير
ضحك بمرح وهو يتجه خلفها
………………………………………………
جورج : ولا يقدر يعمل حاجه الموضوع من خمس سنين الاوراق دي يبلها يشرب ميتها
البوص بروسيا: ولو الورق ده ظهر وعمل شوشره نعمل ايه وقتها دي تبقى كارثه
جورج : انا واثق انه مش هيقدر يفتح بوقه وكمان ليه هنا نقطه ضعف قويه هضغط عليه بيها اطمن مش حتة واد زي ده يخوفنا كده وكمان هو بعيد بقاله سنين يعني صعب يفهم ويعرف اىه اللي بيدور حاليا ، انا هقفل عليه مياة ونور ولو فلت مره المره دي لا اطمن خالص
………………………………………………
هند: ايه حكايتك مع ريان يا عشق
عشق: مالو يا ماما ريان
هند : انا امك وعايزة اطمن عليكي يا حبيبتي في ايه فهميني ليه الاهتمام ده بيه كلو انتي ماشفتيش نفسك كنتي غيرانه ازاي من بنت خاله دي
جلست عشق وهي تنظر امامها بخجل : بصراحه يا ماما انا كنت ناويه احكي لحضرتك عن الموضوع ده بس مكنتش عارفه هو عارفني ولا لا
هند: مش فاهمه حاجه ده باين الموضوع كبير تعالى نقعد في البلكونه و تحكيلى
………………………………………………
عند ريان جلس بجانب جدته وهو يستمع لها عن عشق في طفولتها وهي تعرض عليه بعد صورها وهي صغيرة والاخر يضحك على طفوله حبيبته وهو يقول: طب ودي كانت فين الصوره دي
فوزية : هنا كانت في اسكندريه كان عندها سبع سنين وصممت تركب مركب البدال في البحر كانت عماله تعيط و الكل بيقنع فيها انها مش هينفع تسوق رجليها صغيرة وهي مصممه انها هتعرف وقعدت تحاول و تعيط عشان مش عارفه وتصرخ
ضحك ريان بقوه وهو يقول: كانت عنيده اوي
فوزية: طول عمرها اطيب احفادي وهاديه ودايما مع نفسها ولا ليها في المشاكل ودايما كانت متصابه يا قلبي
نظر ريان لها بعدم فهم: يعني ايه
فوزية بمرح : أصابها سهم العشق من خمس سنين ملازم روحها لدرجه قربت تتجنن
ريان : ازاي يعني
فوزية: لااا ازاي دي هي تبقى تقولك بقى لكن قولى انت ايه حكايتك معاها احكي يمكن افهمك
ابتسم بحماس وهو يقترب منها : هقولك بس ليا طلب صغير ممكن
فوزية: طلب ايه
ريان بحماس : هو يعني معلومه صغيرة كده
فوزية بغيظ : قول يا واد وخلص
ريان : هي عشق عندها حسنه في رقبتها من هنا
فوزية: اه ليه عرفت منين
ابتسم ريان وهو يفكر هل يعقل ان يكون حقيقه انه كان معها حقا ثم نفض رأسه بقوه وهو يقول: ازاي طيب يا الله
فوزيه: ما تفهمني يا ابني في ايه
تحدث ريان بتعب وهو يقول: في اني اتجننت يا جدتي حفيدتك جننتني خلاص انا شوفتها شوفت شعرها شوفتها بفستان قصير احمر وابيض وكذا واحد رقصت معاها ضحكت معاها غنيت ليها حضنتها حتى الخناقه اتخنقت معاها انا هتجنن يا فوفا كل ده تحت المياة تخيلي
فوزية بخبث : ازاي يعني ده جنان ده مياه ايه يا واد
ريان : اهو ده بقى اللى هيجنني ماهو لو جنان طب و الحسنه وايدها اللى وجعها من لما اتخنقت معها وضغط عليها في الحلم طب كل ما فتكر حاجه بكون متأكد انها عارفه انا بتكلم عن ايه ااااه هتجنن يا فوفا
فوزيه بخبث: انا مش فاهمه حاجه
………………………………………………
هند : ده كلام مجانين يا عشق معقول ده يا بنتي هو هو نفس الشخص بكل التفاصيل دي
عشق: ايوه يا ماما طب اربطي الأحداث وانتي تعرفي اني صح
هند : ايوه هو فعلا الأحداث غريبه سفينه و قبطان ومن خمس سنين هي نفس اللى كنتى بتقولي فعلا من زمان في احلامك ، بس مجاش في دماغي خالص ان يكون حقيقه والغريب انك بتقولي هو كمان عارف كل احلامك دي ومش فاهم في ايه
عشق : ده قرب يتجنن يا ماما وانا مش عارفه اقوله ايه متلخبطه خالص ومحرجه اوي
هند : ومحرجه ليه ما تقولي وخلاص انه اه
عشق بخجل : يا ماما كانت كانت يعني احلام اكيد كان في بعض تجاوزات بقى يوووه
هند بفهم : هههههههههههه زي ايه يعني حضن مثلا
عشق بحرج : يوه يا ماما بقى
اكملت هند : طب مش يمكن مش فاكر التجاوزات دي
نظرت لها عشق بتوتر ضحكت هند بقوه وهي تقول : والله شكلك كده بيقول أنه فاكر هههههههههههه
عشق بحرج : شوفتي بقى اللى انا فيه
………………………………………………
فوزيه بمرح: لا ده انت حالتك صعبه خااااالص
ريان بغيظ : خالص خالص انا اول مره ابقى كده عمري ما توقعت ان فى بنت تعمل فيا كده يا جدتي انا مجرد ما اقرب منها بحس ان في حاجه بتحصل لى كأن روحي بتروح مني بحس اننا دخلنا مع بعض دوامه حياه بتلف حولينا كأني مربوط بيها زي مايكون لقيت روحى،، مش عارف افهمك ازاي بس حاسس ان انا وهى يعني روح واحدة فاهمه
عالمي يكتمل بك بقلم شروق مجدي
فوزيه بحب : فاهمه طبعا اااااه هو العشق كده عذاب
ريان : ايوه بس انا محتاج افهم هل ده حصل فعلا ولا ،،،لا انا فعلا كنت معاها ولا ايه اللى بيحصل ده بس ياربي
نظرت فوزيه لصور عشق وهي تقول: تعالى نكمل الصور و احكي لك عنها ولكن توقف ريان بصدمه وهو يضع يده على صوره لها ترتدي فستان كت يظهر جزء من ظهرها وبالأخص يظهر وحمه على ظهرها من الاعلى في المنتصف فراولة متوسطة الحجم
فتح عيونه بقوه وهو يتذكر شئ
بعالم الاحلام ❤️
( كانت تجلس على السور وهي تعطي له ظهرها وتلعب ب اظافر يدها بحزن وشعرها مفروض على ظهرها
اقترب منها وهو يسند على السور بجانبها ويقول : اممم ده في زعل كبير بقى
ظلت كما هي لا تتحدث معه اكمل بخبث : عايزاني اصالحك طيب
عشق وهي تربع يدها بغضب: لااااااء
جلس عكسها وهو يضحك بمرح : طب طب طب انا عملت ايه طيب مش انتي الى عايزة تلعبي زعلانه ليه بقى
نظرت له بغضب طفولي وهي ترفع يدها امامه بتزمر : تقوم تضرب ايدي جامد كده ، وتمسكت بكف يده وهي تقول : شوف انا ايدي اد ايه وانت اد ايه راعي الاحجام طيب
ضحك بقوه وهو يقول: مش انتي اللى قولتي نلعب ايي انا مالى
ربعت يدها بغضب وهي تلاعب ساقيها بغيظ ولا تنظر له
تنهد بتعب فهي معها حق لم يكن يقصد نزل ووقف خلفها وهو يحرك شعرها الى جانب كتفها ويهمس لها في اذنها بخفوت : طب انا اسف يا عشقي
ابتسمت بخجل من فعلته ولكن لفت نظره تلك الشامه على ظهرها من الاعلى وحمه تشبه الفراولة رائعه زادت اعلى ظهرها جمالا اكمل بهمس وهو ينظر لظهرها بإعجاب شديد : ها خلاص ولا اشوف انا موضوع الفراولة دي ايه
فتحت عيونها بصدمه وجائت تنظر له ولكن ثبت ظهرها بيده وهو يضع الاخري على الشامه ويقول بهمس : فراولة مش كده
ابتسمت بخجل و غمضت عيونها وهو يحرك يده عليها بخفه ويكمل : تجنن اوي
عشق بفرح: بجد انا انا اصلي مش بحبها وكنت عايزه اشيلها
ريان بهمس : اوعي فاهمه اياكي دي تهوس
عشق بحرج : تعرف انها في موسم الفراوله بتبقى حمراء
ريان وهو ما زال يتحسس ظهرها : امممم وباقي المواسم
ابتسمت بخجل: بتبقي بني باهت
وضع يده على حرف الفستان من الاعلى وهو يقول بمكر : في منها تاني ولا ،،،اوعي اشوف كده
شهقت برعب وهي تحاول تبتعد عنه بغضب ولكن ضحك بقوه وهو يلف يده حول خصرها و يسحبها عليه وظل يلف بها كثيرا وهو يضحك بقوه على خجلها ويحتضن ظهرها بصدره وهي تصرخ بخجل ان يبتعد عنها )
فوزيه: ااااايه انت يا واد رحت فين
ريان وهو يبتلع ريقه بتوتر : انا هتجنن لالا لازم حد يفهمني ازاي ده يحصل ازاي عارف عنها كده جدتي انا عارف الفراولة دي حتى بتظهر اكتر في موسم الفراوله وتحمر هي قالت كده ليا
فوزيه: هي مين
ريان بضيق: عشق
شهقت بصدمه: بت قليله الادب ازاي تقولك على علامه كده فيها
ريان بضيق: في الحلم يا جدتي ركزي معايا بقى
فوزية بخبث : ااااه قولتلي طيب حلم ايه
ريان بضيق: يووووه
………………………………………………
عشق بحرج : شفتي بقى يا ماما اهو حاجه زي الحسنه دي اقل حاجه لو افتكر حاجه تاني اعمل ايه بس انا مش هروح هناك تاني خلاص
هند وهي تضحك بقوه : الصراحه عندك حق هههههههههههه ده ايه الاحراج ده مكونتيش قادره تسيطري على احلامك شويه هههههههههههه
عشق بغيظ : انتي بتضحكي يا ماما على ايه بس
اكملت هند بضحك وهي تجلس بجانبها وتضحك بمرح : ♥️ نسيت النوم وأحلامه نسيت لياليه وأيامه
بعيد عنك حياتي عذاب ما تبعدنيش بعيد عنك بعيد عنك حياتي عذاب ما تبعدنيش بعيد عنك
ما ليش غير الدموع أحباب معاها بعيش بعيد عنك
عشق بفرح وهي تحتضن امها بقوه ومرح : ومهما البعد حيرني ومهما السهد سهرني ، لا طول بعدك يغيرني ، ولا الأيام بتبعدني بعيد، بعيد، بعيد عنك
………………………………………………
فوزيه بمرح : غلبني الشوق وغلبني، غلبني، غلبني
وليل البعد ذوبني، ذوبني، ذوبني
ومهما البعد حيرني ومهما السهد سهرني
لا طول بعدك يغيرني ولا الأيام بتبعدني بعيد، بعيد عنك
ريان بحب : لا نوم ولا دمع في عينيّ ما خلاش الفراق فيّ ما خلاش الفراق فيّ نسيت النوم وأحلامه
نسيت لياليه وأيامه نسيت النوم وأحلامه
نسيت لياليه وأيامه وبين الليل وآلامه
وبين الخوف وأوهامه وبين الليل وآلامه
وبين الخوف وأوهامه بخاف عليك وبخاف تنساني
والشوق إليك على طول صحاني، صحاني، صحاني
………………………………………………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عالمي يكتمل لك)
