رواية عالمي يكتمل لك الفصل التاسع 9 بقلم شروق مجدي

رواية عالمي يكتمل لك الجزء التاسع

رواية عالمي يكتمل لك البارت التاسع

رواية عالمي يكتمل لك الحلقة التاسعة

خالد : ارحميني بقى عشق عشق انتي مريضه يا بنتي بيها في ايه مفيش ثقه في نفسك خالص
رشا وهي تضع يدها على خصرها بغضب : انا برضو اللى مريضه بيها ولا انت اللى عمال تجري وراها ولا هي معبراك ايه مش قادر تنسي انها رفضتك وقالت عليك كبير وفرق السن وانك اخوها زى طارق مش عارف تعدي انها مش شيفاك غير ابيه محموق اوي عليها فيها ايه عشق دي عشان تحبها كده ها بت مسهوكه و خبيثه ولا حلوه ولا نيله
خالد : انتي لسه في اوهامك دي مش عارفه تنسي اني كنت هتجوزها قبلك كنت كنت وخلاص خلصت وانتهى على كده عشق مش في دماغي انتي اللى مجنونه بيها
رشا: تتجوزها هههههههههههه قول رفضتك وعشان كده كرمتك نقحت اوي عليك وجيت تتجوزني اصل منظر خالد باشا و برستيجه قدام الناس ،،الناس تقول ايه اترفض من حته عيله ١٩سنه بتقوله ابيه
خالد بغضب: رشاااااا
رشا بغضب: بلا رشا بلا زفت يا راجل اتكسف على دمك ده كل العيله عارفه انك بتموت فيها تعالى كده تقولك نتجوز وطلق رشا وانت هتنفذ هوا ولا كأنها سحرالك ولا عملالك عمل
خالد ببرود: و عايشه معايا ليه لما انتي عارفه كده
رشا بغضب: عشان انت تستاهل واحده زي كده عملك الاسود في الدنيا احنا الاتنين شبه بعض وفاهمين بعض كويس يا خالد و بحذرك اهو لو مشلتش البت دي من دماغك والله لاندمك عليها عمرك كله وعليا وعلى أعدائي انت لسه متعرفش مين رشا
خالد ببرود: لا واضح كده انها هبت منك خالص انا داخل انام
رشا : انا قولت اللى عندي وانت حر يا ابن خالتي يا انا يا البت السهتانه دي محموق اوي عشان معجبه ب ريان ماهي عندها حق الواد يتحب ايش جاب لجاب انت ايه وهو ايه شوف الفرق يا بابا وانت تعرف ان ليه السن هنا مش فارق معاها مش واحد زيك لازق في كل حته ليها زي اللبانه تتف عليها تلزق
خالد بغضب وهو يرحل : انتي فعلا عملي الاسود في الدنيا ست تسد النفس جاتك القرف غوررري واتجه للداخل وهو يغلق الباب خلفه بقوه
………………………………………………
هدير بغضب :هي يعني غزل هتكدب ليه ها ايه يخليكي تعملى كده في بنت خالتك ليه،، طب رشا وكلنا عارفين انها مريضه اصلا والكل كان معترض عليها لخالد من جنونها ده لكن انتي ليه تعملى كده دي بنت خالتك
اسراء ببرود: هي المحاضره دي عشان بنت خالتي ولا عشان اخت حبيب القلب بقى
هدير : لا عشان انتي اختى انا خايفه عليكي من شر نفسك ليه عملتى كده ،، عشق كويسه معاكى عملت ليكي ايه
اسراء بحرج : معرفش بس فيها ايه يعني عشق عشان خالد بيحبها كده ويعمل عشانها كل ده
شهقت هدير برعب وهي تقول: انتي بتحبي خالد
اسراء : لا بس انا نفسي حد يحبني كده اشمعنا هي وريان كمان ده مش شايف غيرها اصلا طول اليوم ليه يعني وانا وانتي ايه ها انتي طارق ولا هو هنا وعماله تجري وراه وانا مفيش حد يحبني كده ليه فيها ايه دي عننا
هدير بصدمه : انتي بتقولي ايه ده كلام رشا المريض اللى ملت بيه دماغك عشق كانت قالت لخالد يحبها هو اللى بيجري وراها من زمان والبنت قرفت منه دي تعبانه وكانت بتتعالج وكلنا عارفين ده وكانت بتصعب عليكي اول واحده انتي لما كانت بتصحي من النوم تصرخ فاكره كنتى اول واحدة تجرى عليها وكنتي تقرأ القرآن ليها لحد ما تنام ايه يا اسراء مالك فوقي كده و ابعدي عن رشا السموية دي
وان كان على ريان الله اعلم ايه بينهم بس واضح ان الاتنين معجبين ببعض وده شئ طبيعي بقاله هنا اد ايه كان مين فينا فكر يقوله ازيك غيرها ها اهتمت بيه جدااا لدرجه كانت بتقراء له كتب وتشغل له افلام وتحكي معاه و تسرح شعره طبيعي ينجذب ليها كنتى اعملى زيها بدال عجبك كده ولا عشان كان ميت كخ ودلوقتي احلو في عينك
اسراء بتوتر : انا مكنتش اقصد اعمل مشكله كنت بهزر مش اكتر
هدير : تهزرى ايه وزفت ايه حد يهزر يعمل كده ده منظر رشا وهي خارجه يقول انها شافتهم في السرير مع بعض انتي بتستعبطي عليا انا لولا غزل سمعت اللى حصل وانقذت الموقف كان زمان البيت حريقه
اسراء بتوتر : وهو يعني انكل عزت يصدق على بنته اى حاجه كده اكيد لا
هدير : اه العيار اللى ميصبش يدوش وخالد التاني اصطاد في المياة العكرة كانه مصدق،، كلمه منه على كلمه من طارق لولا كريم كانت بقت مصيبه انتي بجد شايفه ان الموضوع عادي كده طول عمرنا بنتجمع في بيت واحد من امتى بنعمل كده و نتصرف بالطريقه دي ولا ولاد الشوارع ومع مين مع واحده مننا ليه ها ، رشا اللى مش عارفه تلم جوزها مال عشق بيها اصلا مشكله رشا خالد مش عشق ،،عشق قرفت منه و كرهت التجمع بسببه
أنما انتي،، انتي الف راجل يتمناكي بلاش كلامك العبيط ده ، وانا ياستي حابه طارق كده وبكرا يحبني ويجري ورايا كمان او لو محسش بيا مش مهم بكرا يجي اللى احسن منه ويستاهل هدير بجد ووقتها اضحك على الايام دي وانى كنت هبله اوي كده
اسراء بخجل : انا اسفه يا هدير معرفش عملت كده ازاي الغيرة خدتني مش عارفه ليه اتصرفت كده بجد انتي عندك حق اسفه بجد
اقتربت منها هدير وهي تحتضنها وتقول : واحنا موجودين في حياة بعض ليه ها عشان ننبه بعض ونفوق بعض احنا اخوات وطبيعي لما احس انك في خطر اقولك استني عندك اقفي حتى لو ضربتك عشان افوقك كتير الواحد بيحتاج حد يفوقه ويرجع ويفهم كلنا محتاجين كده مش انتى لوحدك
احتضنتها اسراء بقوه وهي تقول: معاكي حق حقك عليا اوعدك اخر مره
هدير بمرح : احنا نجيب تسالى بقى و كوبايه شاي وعلى الروف يلا بينا
ضحكت اسراء واتجهت خلفها للروف
………………………………………………
ريان : انت الوحيد اللي بثق فيه حاليا
حازم : براحه بس عليا انا لحد الان مش مصدق انك قدامي ريان معقول ده سياده القبطان اخيرااا
ريان : اول ما جبت الموبيل اول واحد كلمته انت يا حازم
حازم : وانت كنت تقدر تكلم حد تانى الاول انت اصلا تعرف حد في روسيا غيري هههههههههههه
ضحك ريان بقوه وهو يحدثه فيديو كول : طيب الورق اللى معاك ايه اخباره
حازم : زي ما هو بقيت محتار مش عارف اعمل فيه ايه خصوصا لما كل حاجه اتلخبطت كده المفروض الشحنه كانت على السفينه اللى انت القبطان بتاعها والورق كله باسم خالك فاجأ حصل انفجار والشحنه اختفت من السفينه حتى اللى كان عليها لعب اطفال وحاجات ملهاش علاقه بأدوية فاسده ولا سلع فاسده
عالمي يكتمل بك بقلم شروق مجدي
ريان : لعبها صح هو و اللى معاه مع ان كنت ماشي خطوه خطوه مع البوليس مش فاهم ده حصل ازاي وازي لحد الان مش عارفين يمسكه عليه حاجه
حازم : حويط يابني جدااا بطريقه ترعب انا نفسي حولت ومش عارف ابن الايه حاولت اعرفله سكه معرفتش وانت الفترة دي قصرت علينا وفينا كلنا
ريان : هفضل وراه لحد ما اجيب اخره اللى ميعرفوش اني عرفت قبل التفجير البوص الكبير بس ملحقتش ابلغ حد بيه وده بقى اللى هلعب بيه
حازم : خد بالك يا ريان ده مش سهل خالص وواطي
ريان : متخفش ارجع بس انت اتواصل مع الناس بتوعنا و عرفهم اني رجعت تاني القذر ده لازم يتسلم انا قبل الانفجار عرفت انهم كانه بيجهزه لشحنه لعب اطفال البلاستيك اللى فيها يجيب سرطان غير صالح للاستهلاك انت متخيل الفساد بتاعهم
حازم : طبعا متخيل اكيد خلاص انا هبلغك اول باول كل جديد وانت خد بالك من نفسك ومن جورجينا هههههههههههه
ريان بضحك: يا شيخ روح هههههههههههه
صافيه: صباح الخير يا فندم ميعاد العلاج الطبيعي الدكتور وصل
ريان : ايوه وعشق فين
صافيه: مجتش واتصلت قالت انها مش هتقدر تيجي الفترة دي علشان عندها شغل مهم
وقف ريان بغضب وهو يسند على العكاز : يعني ايه مش هتقدر تيجي ها قالت لمين كده
صافيه بتوتر : ليا انهارده
ريان بضيق: بقى كده تمام طيب بلغيها ان ريان مش هيعمل علاج طبيعي ولا هياخد دواء الا لما تيجي وده طبعا ممكن يعمل مضاعفات مش كده
صافيه بحرج وهي تبتسم: اه طبعا
ريان : قوليها كده بقى
صافيه: طب والدكتور اللى برا
ريان بضيق: قوليله مش عامل حاجة النهاردة هو انا بهزر يا صافيه
ضحكت صافيه واتجهت للخارج
ظل ريان غاضب الى ان قال باعلى صوته بعد دقائق : صااااافيه
صافيه: نعم يا فندم
ريان بغيظ : قولتي لعشق
صافيه بحرج: اه قولت
ريان بلهفه : طب قالت ايه
اكملت صافية بحرج: قالت قالت يعني
ريان : اخلصي يا صافيه الله،،قالت ايه
اكملت بسرعه : قالت ان حضرتك عارف مصلحتك ومش عيل صغير وانت حر في تصرفك بقى هي مش امك
شهق ريان بصدمه وهو يقول: امك قالت امك
صافيه بحرج: الصراحه اه
ضرب الطاوله امامه بالعكاز بغضب وهو يقول : طب والله مانا واخد الدواء بس هاااا
خرجت صافيه وهي تضحك على جسده الضخم المتعلق بفتاه اد عقله اصبعه تعلق كهذا،، طفل يلح على أمه ان تأتي له ويتوسل لها أيضا
………………………………………………
سارة : ايوه انتي جايه كا مريضه ولا صديقه افهم
عشق : الاتنين يا سارة انا بحبه تعبت مش قادره ااااا ياناس خمس سنين كفايه
سارة: الله طب ما تروحي وقوليله كده و اخلصي
عشق : مش سهل ابدا خايفه مكسوفه مش يمكن يقول مجنونه ولا يعتبر ده تخاريف او شئ عادي جدا مش عارفه بجد اقوله ايه ولا ابدء منين
سارة : امممم انتي عايزاه يحبك على ارض الواقع الاول صح او زي ما حبك حلم يحبك حقيقه صح اللى فهمتو ولا ايه
عشق: الصراحه ايوه عايزة اعرف هل هننجح في الحقيقة زي الحلم ولا
سارة : مع اني شايفه انكم ثنائي روعه بس تمام منطقي برضه انك تجربي الحقيقة طب بس ولو فشلت
عشق : يبقى خليني احلم احلى لان الحلم اللى مخليني عايشه دلوقتى
سارة : ولو نجحت
عشق : يبقى ياا سلااام يلا اقوم بقى الحق البرنامج سلام
………………………………………………
اهلا بيكم في دقت قلب مع عشق الصاوي انهارده هنتكلم عن الحلم هل ممكن الحلم يكون جزء من الحقيقة ممكن تكون عايش حقيقه جوا حلم او حلم جوا حقيقه و ازاي تقدر تفرق بينهم مين يقدر يعمل ده مستنيه رسايلكم
( ❤️فجأه الطريق بينا بيقف والحب بيجمع ناسه الدنيا بترتب صدف وكل قلبي واحساسه فجأه الطريق بينا بيقف والحب بيجمع ناسه واحنا اتقابلنا وجه اوانا
شوفتك بقلبي اللي اتمني وريتني ايام الجنه
ومليت بحبك اوقاتي حلم حياتي
وصحيت وياك على يوم عيدي حضنك قلبي ولمساك ايدي
والفرحه اهي عرفت مواعيد كتر يا سنين منها وهاتي)
عشق : و معانا اتصال حد مش عايز يقول اسمه ونقول الو بالمجهول
…. : الو
عشق : اتفضل معايا انت على الهواء ايه رايك في حلقه انهاردة
…..: الحقيقه حلقه النهاردة هي اللى انا عايش فيها من يوم ما رجعت للدنيا
عشق وهي تنتبه للصوت بتوتر : رجعت للدنيا يعني ايه
……: كنت بعيد ورجعت على احلام فوقت لقيت نفسي في حلم جوا حقيقه وحقيقه جوا حلم ومش عارف ولا فاهم و تايهه ما بينهم والغريب ان ممكن يكون الطرف التاني بيحلم وبيعيش نفس احلامى دي بالتفصيل كانه كان معايا فعلا
عشق بتوتر: الحقيقه مش فاهمه حضرتك اوي بس اكيد تقدر تفصل بينهم و تقرر انت حابب ايه الحلم ولا الحقيقة اختار تعيش مع انهي فيهم
ابتسم بخبث وهو يقول: عندك حق لازم اختار بينهم عشان اقدر اكملهم مع بعض بس عندي سؤال تفتكري يا عشق عروسه البحر ممكن تبقي حقيقه
عشق بتوتر : هاااا اه مش فاهمه
ضحك وهو يقول: اجابتي وصلت شكرا يا دقت قلب
سريعا طلعت عشق فاصل اعلاني وهي تضع يدها على وجهها بخجل نعم هو بالتأكيد هو
………………………………………………
عشق بنوم : الوووو
ريان بغضب : انتي بتردى بصوتك ده عادي كده
انتفضت عشق وهي تقول: سلام قولا من رب رحيم في ايه ياعم انت
ريان بضيق: كمان ليكي نفس نايمه وانا مش عارف انام يا مفترية يا ظالمه عليكي ربنا
عشق بضيق: عليكي ربنا انت متأكد انك متربي في روسيا ثم انت جبت رقمي منين اصلا يا استاذ
ريان بحزن : انتي زعلانه اني جبت رقمك
تنهدت بتعب: لاء اكيد انت برضه ابن خالى في حاجه محتاج حاجه
ريان : مش بتيجي ليه ها انا عملت ايه زعلك مني
عشق: ولا حاجه انا بس مشغوله وبقالي فترة معاك وده قصر على شغلى مش اكتر
ريان : يرضيكي يعني جورجينا تاخد بالها مني وانتي مش هنا ده يصح برضه 🤭
نظرت للهاتف بغضب وكادت أن تكسره ثم تمالكت اعصابها وهي تقول ببرود : ااااه عادي ماهي بنت خالك زي مانا بنت عمتك عادي جدا
ريان : لا يا عشق انا متعود عليكي تعالى مش عارف انام
عشق بغيظ : خلي جورجينا تنيمك يا صغنن
ضحك بقوه وهو يقول: لا انا بتكلم جد تعبان جدااا والله مش بهزر
عشق بتوتر : تعبان مالك يعني
ريان : صداع فظيع مش قادر انام يمكن لاني مكلتش كويس ولا خدت الدواء وحتى التمارين مش عملتها
عشق بحزن : طب ليه كده غلط صحتك
ريان بهمس : وحشاني
توترت وظلت صامته اكمل بهمس : عشق سمعاني
عشق: انت لسه قايم من حادثه وافكارك مشوشه ومش عارف تحدد مشاعرك وو…… قاطعها بتنهيده وهو يقول : يمكن كل ده عندك حق فيه بس حاليا انا متأكد اني عايز اشوفك بجد وحشاااااااني كانك غايبه من سنه فاتت مش عارف اتنفس من غيرك،، ليه بتبعدي عني
عشق: انت اللى بتقعد تقول كلام يزعلني منك ومش بعرف اقول ايه وكده غلط بقى
تنهد وهو يقول برجاء: خلاص مش هزعلك تاني ولا اشاركك افكاري بس تعالى ممكن تعالى وحيات ريان عندك
عشق: طيب كام يوم بس و هاجي صدقني عندي شغل مهم وكمان اا……. الو الو ريان
اغلق الخط والقي الهاتف بعيد عنه وهو يقول: في ايه ها حتة بت مفعوصه تخليك ضعيف كده ليها بتحايل عليها تيجي عنك ما جيتي يا عشق هي حرة بقى
………………………………………………
حازم : المعلومات دي اكيده الصفقه دي هما مطمنين اوي انك لسه تعبان والبوليس مش عارف يوصل انا عملت قرد لحد ما عرفت اوصل للراجل اللى قولتلى عليه ده حد تقيل وجامد
ريان : عارف عارف وعشان كده لازم نكون جاهزين هو اامفروض كام يوم وراجع روسيا ولازم يفضل فاهم اني مش قادر اوصل وتعبان ولسه زي مانا خد بالك يا حازم مش عايزه يحس بحاجه ويضر حد تابعي
حازم: عيب عليك كله مترتب
…….: ينفع ادخل
تنهد ريان ببرود وهو يقول: هكلمك بعدين سلام دلوقتى
حازم : مين الحلوه ها
ريان : سلام يا حازم
اقتربت منه عشق بخجل : كده تقفل في وشي السكه امبارح وارن عليك ولا تعبرنى
ريان ببرود : اولا الفون فصل ثانياً نمت عادي جدا هو كان في حاجه مهمه
نظرت له بخجل وهي تفرك يدها : لسه مخلصه البرنامج وجيت ليك اشوفك عشان زعلان مني
ريان : لا مش زعلان ولا حاجه براحتك ركزى في شغلك اهم انتي موهوبة وشغلك اهم اكيد
اقتربت منه وهي تقول : عجبتك حلقه النهاردة
ريان ببرود : ما سمعتهاش كان عندي حاجات مهمه
عشق: انت زعلان اوي كده
اكمل بغضب : و ازعل ليه ايه بيني وبينك عشان ازعل مش فاهم انتي عندك شغل ولما وقتك يسمح هتيجي وانا كمان عندي شغل مش عاطل انا قبطان لو انتي ناسيه ومحتاج ارجع لحياتي تاني ولما افضي ابقى اسمع الاغاني بتاعتك بس خلاص مش اكتر
فركت يدها بخجل وهي تتجه للخارج وتمنع دموعها من النزول وهي تقول: عندك حق عن اذنك
اعطى ظهره لها بغضب حتى لا يضعف امامها هو ليس شخص ضعيف هكذا امام امراة ولكن وجعت قلبه بكلمتها وهي تقول : انت عمرك ما كنت قاسي عليا كده وأغلقت الباب ورحلت
نظر للباب بغضب شديد وهو يضغط على يده بشده:انا عمري ماضعفت كده غير قصاد عيونك ليه،، ليه انتي بتعملى فيا كده ليييه قلبي عايز يخرج وراكي يشدك لحضنه ليه حاسس اني لعبه في ايدك ليه
………………………………………………
عدي اسبوع وكل واحد بعيد بعيد عن الآخر كل منهم ينشغل ظاهرياً بعمله ولكن كل منهم بداخله يحترق لرؤية الاخر
…….: مش انتي دكتوره نفسيه انا تعبان انا مريض نفسي محتاج اخف تعبت
سارة : اهدي طيب وقعد محتاج ايه ارتاح ليه التوتر ده كله
خالد بتعب وهو يجلس : بخسر كل حاجه مراتي مش بحبها حبيبتى مش عارف اوصلها كل حاجه حوليا بتروح وانا بنهار محتاج مساعده تعبت محتاج مساعده ممكن قولي اعمل ايه ، واقف عند حب بيدمر حياتي لا عارف اكمل ولا عارف ارجع ولا عارف اقف
سارة : يبقى نبدا من الاخر يا خالد عشان اقدر اساعدك و خطوه كويسه انك جيت بنفسك وعارف انك محتاج مساعده
تنهد بتعب وهو يقول: انا فعلا محتاج افوق انا تعبت من كل حاجه حوليا انا بحب عشق بس مش عايز اكون اناني و حقير كده معاها انا مش وحش انا عايزها سعيده ومبسوطه بس جوايا اناني عايز كل حاجه ليا وبس
عالمي يكتمل بك بقلم شروق مجدي
واكمل بدموع : انا وصلت بيا الحقارة اني كنت هعتدي عليها معرفش ازاي عملت كده دي بنت عمتي انا مش كده لايمكن اكون وسخ كده عايز اخف محتاج افوق وافهم انا عايز ايه لا انا عارف انا عايز ايه عايز انسي عشق عايز اعيش صح سارة ارجوكي قولي اني هقدر اعمل ده مش عايز اخسر اهلي ولا عايز عشق تحتقرني بالشكل ده نفسي افضل شخص كويس في نظرها بس بس ازاي بعد الى حصل ده
سارة بتأكد: بمجرد دخولك هنا انت فعلا قدرت يا خالد اللى جي كله مجرد تأكيد مش اكتر وانا واثقه انك هتقدر تخلى عشق ترجع تشوفك اخ محترم
………………………………………………
حازم : زي ما بقولك كده الحوار المره دي داخل مصر الشحنه داخله مصر مواد مسرطنة جايه على مينا بور سعيد الورق كله سليم والمركب خارجه من البلد مافيش فيها اى غلط
ريان بتركيز : تمام وانا هجهز كل حاجه انت جي امتي
حازم: بكرا بالكتير هكون عندك انت عارف اللخبطه اللى حصلت اول مره يعمل شحنه لمصر
ريان بغضب: فاهم فاهم على خير ان شاء الله
ثم نظر للباب وقال : هكلمك تاني يا حازم سلام
اتجهت صافيه للداخل وهي تجهز الدواء
ريان : احم صافيه هو صوت مين اللى برا ده
صافيه: دي مامت حضرتك و جورجينا لسه جايه حتى هتيجي ورايا تسلم عليك
جلس بضيق: امممم طيب
اكملت بخبث : وفي كمان عشق لسه جايه كانت بتعمل حاجه ل فوزيه هانم وتقريبا هتمشي
وقف بصدمه : تمشي مسألتش عليا
صافيه بضحك: الصراحه اه بس قالت اني ماقولش لحضرتك
ابتسم بخفه وهو يقول : طيب روحي انتي شكرا واتجه سريعاً للشرفه
………………………………………………
اتجهت عشق للخارج بغضب وهي تحرك يدها وتقول : روني اصله بيحب يأكل من ايدي ان شاء الله ايدك دى تتشل يا شيخه يارب يفطس بس هاااا جتك القرف ال جورجينا قال دي وحشه
صرخت بقوه وهي تعود للخلف من قذفه امامها وهو يقول بمرح : افطس اااااه يا بطني الحقوني
اكملت بغيظ: نيييييي ايه الرخامه دي
خبط يده على رأسها بخفه وهو يقول: يابت احترمي نفسك بقى ده انتي اد كده وانا اكبر منك ثم جوجو وحشه برضه يا مفتريه
نظرت له ببرود ولا تنكر اعجابها به تغير كثيرا أصبح اكثر نشاطاً وحيوية ووسيم ايضا اشتاقت له كثيراً
اقترب منها بشقاوة وهو يقول: وحشتك صح
ابتعدت عنه بحرج وهي تعد شفتيها وتفرك يدها بخجل شديد
وضع يده على شجره خلفها وهو يقول بهمس : وحشتيني اووى وحشتيني لدرجه مش قادر اوصفها واكمل بخبث : بس ممكن اوضحها افعال اسهل
شهقت برعب وهي تبتعد عنه : يعني ايه
ضحك بقوه وهو يسند ظهره على الشجره : انتي ليه افكارك شمال كده انا اقصد اركع تحت رجلك زي روميو اجيب ورد وكدا يعني يا قليله الادب انتي
شهقت مره اخرى وهي تقول: انا قليله الادب
ريان بلا مبالاة: مش انتي اللى جى في بالك حاجات قليله الادب انا مالى
نظرت له بغيظ وجائت ترحل وقفت على صوته يقول : انا مسافر
نظرت له بصدمه وبدأت دموعها تنزل بخوف حاولت ان تمنع دموعها ولكن لا تستطيع
ظل ينظر لها بحزن شديد الى ان قالت : مش راجع تاني
تنهد بتعب وهو يقول: انتي عايزاني ارجع تاني
اغمضت عيونها بقوه وهي تقول: انت عايز ترجع ولا لاء
اقترب منها بقوه لدرجه فتحت عيونها لانها شعرت باقتراب أنفاسه منها وهو يقول: انا عايز افضل في حضنك،، أنتي بقى عايزاني ولا
ابتسمت بساعده شديده وهي تحرك راسها بفرح
تنهد بحب وهو يقول : اسمعها زي ما سمعتيها
ابتسمت بخجل وهي تقول: طبعا عايزاك معايا
وضع يده على شفتيها يحركها بهمس وهو يقول : تؤ اسمها عايزاك في حضني قوليها كده
نظرت له بتوتر وهي تحرك عينيها يمين ويسار بخجل : هاااااا
اكمل بهمس وهو يضع يده على خصرها والاخري يحركها على شفتيها بشغف : عاي… زاك …. في ….. حضني سهله اهي خالص اوووي
رفعت يدها بقوه تحركها بحرج كالمروحة وهي تقول : الجو حر كده ليه انا همشي اااه سلام سلام بقى وجائت تذهب كادت ان تقع ابتسم عليها وهو يضع يده في جيبه ويقول : مسافر يومين هنا كده وراجع عشان محتاج اقابل ابوكي الحج
واكمل بشقاوه : ماهو الفرولاية دي لازم اشوفها شرعي واعينها كويس
نظرت له بغيظ وهي تضع يدها على خصرها : رخم ثم ابويا الحج روسيا ايه دي والله انا شاكه ف موضوع روسيا ده اللى انت منها وكمان فراوله اي اللي ان …… شهقت بصدمه وهي ترقد للخارج بعد ان فهمت مقصده وهو يضحك عليها بقوه