رواية عافك الخاطر الفصل التاسع 9 بقلم رويدا القاضي
رواية عافك الخاطر الجزء التاسع
رواية عافك الخاطر البارت التاسع
رواية عافك الخاطر الحلقة التاسعة
كريمة:روحت قعدت اسبوعين في حوش أمي لين صحيت وبنتي سميتها كوثر …
بعد اسبوعين روحت وامي رفضت تخليني بروحي جابتلي شاغلة تهتم بالحوش وانا نهتم بصحتي وبنتي…طبعا أسبوعين نكد بسبب انه أنس دفع فلوس العيادة من اول ليلة خشيت فيها وهوا ينق
باش نروح وفاااتت الأيام وصلت 40 يوم…
قيس: وين شكلك بتطلعلي …
كريمة: بنمشي لمركز تجميل بنصبغ شعري ونقصه ونهتم بروحي شوية سادني اهمال عاد…
قيس: وكوثر لمن بتخليها..
كريمة: لي لونا ولو خايف حق ع بنتك خليك معاها بدل مش معروف وين ماشي ومن وين جاي…وطلعت وخليته ..طبعا بعد ولادتي بابا شرالي سيارة هدية…وكانت احلى هدية جت في
وقتها وقبل مانسكر الاربعين تعلمت لانه كان في دافع خلاني نتعلم بسرعه….ركبت سيارتي وطلعت وخليته…. بعد ماقتل كل شئ في قلبي ليه ….وانا طالعة قلي الليلة مجهزلك مفاجأة …
بعد روحت نسمع في صوت دوشة وزغاريت في حوش صالحة خشيت لي لونا قتلي بابا قيس اخد ملابسه كلهم لبست ومشيت لحوش امه لقيت زحمة سيارات خشيت استقبلتني حماتي أسماء
وهيا تزغرت ….
أسماء: خشي باركي لقيس اليوم فاتحته…
كريمه: جمعت قوتي ماكنتش نبيهم يشوفوني ضعيفة وخشيت عليه وهوا مقعمز مع ضيوفه
مبارك عليك ياابو كوثر….
قيس: وجهه مليان صدمة من تصرف كريمه ناض طول شدها من يدها وطلعها برا المربوعة شن هذا للي درتيه توا كيف تخلي الرجالة يشوفوك بمكياجك ونصف شعرك برا هبلتي…
كريمة: نحي يدك كنت نسمع في كلامك زمان اما توا …..#عافك _الخاطر
روحت لحوشي وقررت نفوته ع خاطر بنتي للي ماليهاش ذنب في شئ ورقدت وسكرت الباب بالتأمينة من داخل في الليل متأخر نسمع فيه يخبط ويعيط يبي نفتحله لكن ولا عدلت عليه …
الساعة3 مافيش مبارك لبنت عمك …
رديت عليها مبارك عليك فضلتي…
ثاني يوم الساعة 10 وصيت لونا ع كوثر وانها ماتفتح لحد ولعت سيارتي وجيت لحوش بوي وانس كان موجود حكيتلهم ع كل شئ امي انهارت لكن لما لقتني انا قوية صبرت…
فتحي: روحي يابنتي وعيشي معززة مكرمة في حوش بوك…
كريمه: رح نروح في الوقت الصح مش توا …هيا جاء الوقت تعطوا التنازال لمحسن خلي يطلع..
أنس: الحقيرة مش سادهم للي صار لكوثر وربي لما نقلبها ع رؤوسهم…
كريمة: بالله ياأنس ماتتكلم خليك بعيد ع الموضوع ارجوك…
عائشة: صحيت لكن مدامها ماتبيش تتطلق خليها ع راحتها….
كريمة: مانقدرش نقولهم نبي نشوفه وهو يدمر قدامي نبي نلعب بأعصابه وبعدها نطلق …
لكن الانسان يقول قول وربي يفعل فعل…
محسن: خش العسكري …. محسن اطلع معاي برا…
خالد: شن يبوك …
محسن: السماح شكله موعد اعدامي توا …
خالد: ماتخافش انت انسان حامل كتاب الله توا وخليك متأكد انه رحمة الله وسعت كل شئ….
محسن: طلعت من الصدمة ماصدقتش انه اعطوني تنازال كنت نستنى بفارغ الصبرتنفيد الحكم…
أنس: الحمدلله هانت اهو فرجت ياشيخ جهز روحك باش بتطلع برا للعلاج…
محسن: علاج شن …
أنس: عرضت اوراقك ع دكتور نعرفه قلي في أمل 30% انك ترجع تمشي ع رجليك…
محسن : ع خاطر 30 تبيني نطلع حالك باهي انت..
انس: مانشاورش فيك بتطلع بتطلع …
محسن: باهي نطلع بشرط عندي ولد صاحب اسمه خالد…. نبيك تزوره وتابعلي اخباره بالله عليك..
انس: درت حتى اصحاب…
محسن: اكيد …
محسن طلع برا للعلاج وأنس يمشي في مشاريعه هنيا ….
قيس: اسمعي ماعنديش مرأة تسوق وماشاء الله
ماشية عاطيه لمحسن تنازال …. الكلب مايحب الا خانقه…
كريمه: مش عاجبك طلق من مانعك ….
قيس: نطلقك باش تمشي تاخدي أنس متعك هذا..
كريمة: سنة الحياة مانا شن بنقعد نبكي ونحرق في دمي زي ماخديت انت مسرة…ومن حقي ندور الراجل للي يقدرني…
قيس: مانبيش نمد يدي عليك … الكلام هذا اخر مرة نسمعه منك….
كريمة:بهزوة ههههه والله ضحكتني كريمة زمان بح انساها تعود ع الوجه الجديد…
صالحة: انا كله فهمته الا تصرف كريمة كنت نستنى امتا نشوفها منهارة وتبكي من وين حابت القوة هاذي كلها…
لطيفة: مش موضوعنا فيها توا جهزي روحك نمشوا نحجزوا الصالة …
صالحة: حاضر وقداش عندي مسرة انا…
قيس: وينك نتصل بيك من بكري ماترديش…
مسرة:كانت عندي شوية نواقص امشيت نشري فيهم خيرك…
قيس: نظام العرس بعد شهر والجو اهو راك تفكري فيه راني حكم مطرود من الحوش ….
مسرة: حاضر ..
عائشة: ماتبيش تقوليلي ع للي يدور في دماغك…
كريمة:كل شئ في وقته حلو … نبي نطلب منك ماما طلب… وياريت تساعديني فيه.
عائشة: عيوني ليك …شن تبي.
كريمة: اكيد لطيفة عزمت نساوين الشارع نبي نرفع العرس في اما صالة…
فتحي: شن ناوية تحرقيهم فيها ولا.شن…
كريمة:ههههه ربي يصلح حالك يابابا معقولة هذا كيف فكرت….
عائشة: شوية ونتصل بحليمة ونقولك.
فتحي: ههههه قعدا تخدم مخبرات هيا …
عائشة: قعدا….
أنس: انا اخ محسن كيف حالك وحال صحتك ان شاء الله بخير…
خالد: الحمدلله بارك الله فيك بالله كيف حال محسن معقولة هكي انسانا…
أنس:محسن طالع يتعالج برا البلاد وهو للي وصاني نزورك ونسأل عليك…
خالد: بارك فيه وفيك وربي يكتبله الشفاء يارب وصله سلامي امانه وقوله قلك خالد شدوا القاتل الحقاني وماهيا إلا أيام ونطلع….
أنس: كفارة كفارة…
وجاء اليوم للي تستنى فيه مسرة ولطيفة وهما في الصالة يستقبلوا في معازيمهم ماكنوش يتوقعوا المفجأة للي مجهزتها كريمة….
مسرة ترقص مع قيس…. خشت كريمة الصاله ونحت العباية حرفيا كانت طالعة هيا العروسة
مش مسرة غطت ع الكل بجمالها….
مسرة:هاذي شن جاي ادير هنيا..
قيس: اسكتي وتو تعرفي…
صالحة تشوف لي لطيفة ومافيهومش وحدة تقدر تتكلم والناس بدت تحكي لانه فيهم للي يعرف انه كريمة مرت قيس ….
كريمة:ألف مبروك عليك راجلي ☺️
قيس: سيب مسرة ونزل وراء كريمه ..وقفت وتلفت نزل ع اركابه وشد يدها باسها ….
مسرة: في حالة صدمة ومنظرها قعد زي الزفت قدام الناس…
كريمة: بكل برود سحبت يدها وقربت منه وشوشتله في وذنه نوض لعروستك مش قتلك
عافك الخاطر…. ومشت وخلاته….
روحت لحوشي وحضنت بنتي وقعدت نبكي ونبكي بوها بدل مايكون معاها ماشي يتزوج بنتي للي ماتعرف من الدنيا شئ بتكبر بتلقى بوها واخداته وحدة غريبة….
بعد شهرين من من زواج قيس ومسرة….
محسن: شفت لساعة عرفت انه الآذان مازال عليه
شوية كيف بنزل رجليا باش نقرب للكرسي اول مرة بعد حوالي سنة حسيت بيدي لما لمست رجلي…كنت متوقع روحي نتخايل ولكن بعد حاولت نوقف وقفت شوية وطحت نحمد في ربي ونبكي كنت فاقد الامل في انه نرجع نوقف عليهم ثاني ونوقف ونطيح لين خديت الماشي للي كنت نحاول نوقف بيه لما ندير في العلاج … بديت نمشي بيه زي البيبي للي يبدل في خطواته وصلت جنب الهاتف اول حاجة درتها كلمت الدكتور متعي واتصلت بأنس …..
قيس: نبي كوثر بنطلع نبيها تتطلع معاي..
كريمة: نخاف عليها تمرض …
قيس: زي ماانتي امها حتى انا بوها وكن حقي ناخدها امتا مانبي….
كريمة: تبي تخش تشوفها في دارها خش اما ترفعها للحقيرة هذيكا لا ولا تفكر في الموضوع حتى انا مش رافعها لكن بنجئ انا وياها لبنتي…
كريمة:انت بوها وهيا بصفتها شن باش تشوف بنتي.
قيس:مرت بوها….
كريمة:مشيت وخليته يتكلم ماكنتش نعرف انه الجيه هذيكا وبتنهي كل شئ معاها …وصيت لونا
وخشيت باش ندوش ونهدي أعصابي وبالمرة مانشوفش وجها…
وياريتي ماسيبت بنتي المهم طلعت سألت لونا قتلي روحوا قلت يالا خير وخير وبعد الجيه المشؤومة بشهر كوثر كل يوم أسوء من الحال
للي قبله وطبيا مافيش خلل في جسمه يخلي صحتها تتدهور…. لعند يوم وانا نصلي في الفجر سمعت صوتها بعد سلمت مشيتلها ولقيتها ماتتحركش حاولت نفيقها ونخليها ادير اي ردة فعل بلا فايده… طلعت نجري ولعت السيارة ومشيت لأول عيادة وهنيا كانت الصدمة ….
بنتي ماتت 💔💔💔
فاتت حالة الوفاة ثقيلة ع قلبي حسيت بروحي رجعت انكسرت ثاني مرة لازمت الصلاة والدعاء بالصبر …كانت امي كل يوم تقولي روحي انا خايفة عليك … لعند جاء اليوم للي جاء فيه قيس واخد سرير كوثر بيصدقه …..بعد ساعة رن تليفونه الشخص للي اعطاه السرير قله لقينا فيه سحر…
مسرة كان وجها مايتفسرش طلع قيس يجري لراجل وطول لعند الشيخ اول ماشفاه وهوا يرقي
عرف انه مسحور …
صالحة:من وين جتنا المصايب هاذي كلها…بس
لطيفة: شافت لمسرة وناضوا الاثنين عرفت وقتها من الجان انه السحر انفضح ورح ينقلب ع الساحر…..طلعوا الاثنين سمعت صوت سيارة لطيفة لكن كنت نحساب روحي نتخايل لما روح قيس لا لقى مسرة ولاجواز السفر والذهب والفلوس متعه….
عرفت انه بنتي ماتت بسبب سحر حطاته مسرة يوم جت معاه خشيت نلم في اوراقي وحوايجي باش نحرقهم معاش نبي منهم شئ جاني يترجى فيا انه ماكانش في وعيه وانه كله بسبب مسرة
لكن انا خلاص قلبي تحجر من ناحيته ….قتله للي كانت تربطني بيك ماتت ومعاش فيه سبب يخليني نقعد معاك….كلمت بوي وأنس ومحسن…
جوني…
فتحي: خلاص بنتي معاش ليها مكان عندك..
قيس: علاش نسيت لما تخليت انت عليها انا للي اويتها وعززتها …
أنس: هو بوها مهما غلط ماتقدرش تفك الرابط للي بينهم لكن انت خلاصها منك بثلاثة كلمات بس بتقولهم بطيب وبالغصب المهم مدامه هيا معاش تبيك رح تطلقها….
وصلت للحوش لقيت امي تستنى فيا …ارتميت في حضنها اسبوع بعد روحت وانا مانرقدش بروحي لازم امي معاي …بعد ستة شهور اطلقت منه جتني صالحة واسماء أمثر من مرة يبوا يشوفوني لكن رفضت حتى مقابلهم….
مسرة ولطيفة هربوا لتونس …وانقطعت اخبارهم
محسن ولا امام الجامع للي اعترف بيه بخطائه وتزوج انسانه قمه في الاحترام والادب حوش بوي والأرض رجعوا لكن بإسمي أنا بعد تزوجت أنس للي لقيت فيه كل شئ فقدته في قرب قيس….
قيس ولا سكير ونكير وخلاص خسر خدمته وفلوسه….
بنتي ان شاء الله نلقاها دخر في الجنة أنا توا حامل بولد وربي عوضني ع كل لحظة ألم عشتها….
أحيانا نخسروا شئ باش نكسبوا أشياء أخرى من يقول نتزوج أنس وينصلح حال محسن وتكون مرته بمثابة الأخت محسن عمم اسم امه واخته لو فكروا يرجعوا للبلاد رح يشدوهم ….
ربي يعوضكم ويعوضني زي عوض كريمة بي أنس …..
تمت…
لقراءة الرواية كاملة اضغط على : (رواية عافك الخاطر)
