رواية عافك الخاطر الفصل الأول 1 بقلم رويدا القاضي
رواية عافك الخاطر الجزء الأول
رواية عافك الخاطر البارت الأول
رواية عافك الخاطر الحلقة الأولى
في الماضي…..سنة1998
لطيفة: الحمدلله ع سلامتك شن زاد عليك .
عائشة: بنتين تؤوم زي قطعة من القمر…
لطيفة: يتربوا في عزك وعز بوهم معناها سميهم كوثر وكريمة…
عائشة: خلاص هذا اسمهم….
لطيفة:ربي يجعلهم طويلات عمر…خلي نطلع نكلم فتحي من بكري واقف برا مشغول عليك …..
الحاضر سنة 2021
كريمة:بجد مازال ع عرسنا اسبوع بس مش كانه كله حلم…
كوثر:حلم شن هذا حال الدنيا لكن الصدفة انه عرسنا مع بعض….
كريمة: ههههه نخاف قيس ومحسن يتلخبطوا بينا ههه تعرفي قيس قلي ع لون الايشادو للي بنحطه باش يميزني عليك….
عائشة: ههههه نتخايل مرة ثانية اصغاركم يتلخبطوا بينكم….
كوثر:لكن انا مش عارفه عندي احساس انه مش نجيب صغار.
كريمة:تحركي من مكان يقولوا الفال تحت اللسان…
طبعا احنا من عائلة محافظة ومتشددة ممنوع البنت تتطلق الكلمة الاولى والاخيرة للعنصر الذكوري في العائلة الموقره…. وغيرها وغيرها بابا قانونه البنت من حوش بوها لحوش راجلها
للقبر …. ماتستغربوش مازال في ناس تفكيرهم متخلف هكي….فيه فيه بوي واعمامي وصغارهم
انا الحظ اخدمني وخديت الانسان للي حبني ….اختي التؤم واخدها ولد عمي محسن……
محسن: اسمعي العار متع الرقص قدام الناس والجو فكيني منه تعرفي مايمشيش معاي …
كوثر: قداش بنشد من غصايص حتى في فرحة عمري بتنكد عليا…
محسن: ولو عندك راي ثاني خلي نتصل بعمي فتحي وهو يعرف يتصرف معاك.
كوثر: نعرف ردة فعل بابا كيف بتكون حاضر للي تبيه ايصير….
لطيفة : نوضي جهزي روحك للعرس وشن تبي تشري ….
مسرة: ماخاطري في شئ ريت هاماليرين مونرو للي بيروح بيها ولدك تعرفي اني نكرهم نكرهم كيف بنتحمل وجودها بينا….
لطيفة:ومن قلك بتكون موجودة اصلا.
مسرة: شن قصدك بكلامك هذا.
لطيفة:البسي وأنقي نفسك قدام الضيوف وماتفكري في شئ….
،،،،،،،،،،،،،،،،،في الماضي
……/خيرك شن ادير هنيا في شن تحفري.
……./اه اه ماهو ولدي …..دفن الخاتم الذهب متعي هنيا .
……/ خير لاه عليه تبي ندور معاك.
……/لالا خشي ارتاحي اصلا لقيته بنردم الحفرة وبنمشي للحوش.
فتحي:انتم كوثر كريمة تعالوا هنيا في كلمتين مافيش غيرهم.
عائشة:سلم بناتي راكم تردوا ع بوكم الكلام هيا ايام وترتاحوا رغم انه محسن يعلم الله ماني راضية عليه من السم للي يزمط فيه ولكن ربي ايهنيكم….
كريمة طلعت انا وكوثر وقعمزنا جنب بابا وبدا يحكي .
فتحي:تعرفوا انه انتم للي طلعت بيكم من الدنيا بس …. وانا مانبيش تنزلوا راسي في يوم من الايام ولا ايجيني واحد من ازواجكم يشكي منهم….
كوثر وكريمة بصوتواحد حاضر….
وفاتت الايام وجاء يوم العرس اليوم للي بتروح كل وحدة فينا مع راجلها روحت كوثر قبلي تجنب من انه يتلاقوا اهل قيس وحوش عمي واتصير زحمه ودوشة….
كوثر: ارتحنا من سجن بوي ياحبي 🤣ارقصي وغني
عيشي الفرحة ماتبخليش ع نفسك وعليا…
كريمة:ههههه قعمزي توا ايجيك محسن يلقاك ترقصي يقلبها عليها نكد…
كوثر: والله هما ساعات بنفرح فيهم وبعدها حتى كان بياخدو روحي عادي ….
كريمة: تعالي نرقصوا يلعب بو الهم والنكد …وبديت نرقص انا ويها كوثر رغم انها واخدة محسن الحشاش فرحانه والفرحه كانت باينه في عيونها …..
محسن: البسي هيا بنروحوا راجل كريمة قريب يوصل …
كوثر:تمام ساعدني خلي نلبس …باش نطلع …
كريمة:نبي نشوف كوثر قبل ماتروح ….
عائشة:غدوا تكلميها وتشوفيها لين تشبعي…
كوثر: طلعت معاه واخدني من يدي وكأنه بياخد روحي مني حسيت بخوف غريب ….لكن قلت مرات توثر عادي ….
قيس:هيا حبي يروح محسن والسيارات للي معاه ونخش .
كريمة:نستنى فيك ….الناس كلها راضية ع اجواء العرس … حرفيا رغم البساطة للي كانت الا انه يهبل خش قيس الحمدلله …ربي جمعني بيك
وليت حلالي .
كريمة: رغم فرحة قيس واهله بيا للي كانت في حاجة ناقصة…ونا ندور في امي بين الناس لين سمعت صوت عياط طفت الموسيقى زاد صوت العياط ….ندور في مصدر العياط لين شنفت لطيفة وبنتها مسرة….
حسبي الله ونعمه الوكيل فيكم ضيعتوا ولدي مني
اهل قيس وقيس يتفرج مستغرب من الكلام للي قاعدين يسمعوا فيه والناس تتفرج ومصدومة ….
عائشة: شن في يالطيفه …فهميني.
لطيفة: بنتك بنت الشرف بنت الحسب والنسب طلعت مش بنت تضحك ع ولدي …
كريمة:طحت ع اركابي قدام قيس الناس كلها تتكلم امي انهارت …..
قيس:خليك مع امك لين تعرفي شن صاير وبعدها نروح بيك بالك تطلعي زي اختك ….امشى وخلاني قدام الناس روحنا لقيت جثة ملوحة في الصالة متعنا قربت لقيتها……..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عافك الخاطر)
