رواية عاشقي ومنقذي من العالم الاخر الفصل الرابع 4 بقلم نشوة عادل
رواية عاشقي ومنقذي من العالم الاخر البارت الرابع
رواية عاشقي ومنقذي من العالم الاخر الجزء الرابع
رواية عاشقي ومنقذي من العالم الاخر الحلقة الرابعة
-فى منطقة البرزخ وهى منطقة التقاء البحر المالح والنهر العاذب وقف نجم وآيت وجها لوجه بتحدى وكل واحد فيهم جواه غضب كبير من التانى
نجم: كنت مستنى اللقاء ده من زمان واهو جه اخيرا يا آيت والنهاردة انا جايلك احذرك واقولك ابعد عن اسراء بدون ما الحرب دى ما تقوم بينا
آيت بتحدى وضحك: ايه خايف تخسر ادامى !
نجم: اخسر ! لو رجعت بالزمن للحروب اللى دارت بين اهلنا هتلاقى دايما ان الحق والخير هو اللى بينتصر وده لان ربنا وحده رايد لينا الفلاح عليكم
آيت بغضب: اسراء دى ملكى من اول يوم اتوضعت نطفتها فى بطن امها لحد ما خرجت للحياة كنت جنبها خطوة بخطوة وانت مكنتش موجود
نجم: مكنتش موجود لانك مكنتش خطر عليها لكن دلوقتى انت اكبر خطر بيهدد حياتها هى واللى حواليها واسراء هى نقطة الحرب بينا وصدقنى هتكون سبب نهايتك
آيت حس بالغضب الشديد فأطلق من ايده نار باتجاه نجم اللى قابله بشعاع من نور ازرق وكانت قوة نجم اعلى عشان كده النار والشعاع رد ع آيت ووقعه ع ظهر المياه
آيت بضحك: متفرحش دى البداية يمكن ليك بس النهاية هتكون ليا
عمل بايده دوامة كبيرة اخدته واختفى اما نجم بص للسما وقال: يارب كون لى عون ومعين بحق قولك (بسم الله الرحمن الرحيم: ان عبادى ليس لك عليهم سلطان وكفى بالله وكيلا) صدق الله العظيم
عند اسراء اللى كانت لسه نايمة صحيت ع صوت امها وهى بتقول: حبيبتى قومى انتى نمتى كتير اوى
اسراء وهى حاسة بوجع فى دماغها: دماغى هتنفجر يا ماما هى الساعة بقت كام ؟
نجاة: الساعة ٩ ويالا قومى كده البسى واطلعى برة كارم مستنيكى
اسراء: حاضر
قامت غيرت هدومها ولبست حجابها وطلعت برة وكان كارم ماسك ايده بوجع واول ما شافها جرى عليها بلهفة: اسراء انتى بخير طمنينى عليكى يا حبيبتى؟
اسراء باستغراب: انا الحمدلله بخير فى ايه مالك ملهوف كده ليه؟
كارم: انا قولتلك لما ترجعى من الامتحان تطمنينى عليكى اتصلت عليكى كذا مرة ومردتيش كلمت عمى قالى انك تعبانة وجيتى من الكلية نمتى قولت لازم اجى اشوفك بنفسى
اسراء: اطمن يا كارم انا بخير بس قولى ايدك عاملة ايه دلوقتى؟!
كارم: لسه شادة عليا للاسف وفيها وجع شديد وهموت وافهم ايه السبب
فجأة اسراء عيونها ابيضت بصيتله بضحكة مخيفة: ولو مبعدتش عنى هتتأذى اكتر يا دكتور
كارم اتخض لما شافها وقال: اعوذ بالله من الشيطان الرجيم اسراء مالك ؟!
مسكته من رقبته ورفعته لفوق وقالت بصوت جهورى مخيف: انا بحذرك ابعد عنى يا كارم والا نهايتك هتبقى الموت
وحدفته ع الارض بقوة كارم من خضته قام وجرى بسرعة خرج من الاوضة …نجاة: مالك يا كارم فى ايه يا ابنى؟
كارم بخوف: اسراء …اسراء
نجاة : مالها؟!
حكى ليها كارم اللى حصل وقال: طنط اسراء مش طبيعية انا واثق ان دى مش تصرفات بنى ادم طبيعى ابدا
نجاة بعياط: هى فعلا مش طبيعية
كارم بعدم فهم: مش فاهم حضرتك تقصدى ايه؟!
حكت له نجاة عن كل شئ حدث لها وعن الشيخ رضوان وما قاله عن حالتها. …..كارم: طب والحل ايه ؟
نجاة: والله ما اعرف الشيخ قال ان فيه قوى تانية هتحمى بنتى من اذاهم بس انا مش فاهمة اى حاجة
كارم: استهدى بالله يا طنط كل حاجة هتكون بخير ان شاء الله
نجاة: اسمع يا ابنى انا عارفة ان الكلام اللى هقوله صعب بس انت لازم تبعد عن اسراء انا خايفة عليك ممكن يإذيك وامك تتحسر عليك وربنا وحده يعلم انى بعتبرك زى ابنى بالظبط ومرضاش ليك السوء او الاذى
كارم : مستحييييل هبعد عن اسراء حتى لو كان التمن حياتى بنتك دى حبى الوحيد وصاحبتى كمان وانا لا يمكن اشوفها تعبانة ومحتاجة ليا واتخلى عنها
نجاة: ايوة يا ابنى بس……………………..
كارم مقاطعا: بالله عليكى يا طنط ما تكملى انا مش هبعد عن اسراء وربنا وحده هو القوى واكيد هيكون معانا
ابتسمت نجاة برضا ان نصيب بنتها كان مع راجل بيحبها بصدق استأذن كارم من حماته ونزل راح ع شقته فجأة حس ببرودة شديدة ولقى تلج ع شكل سير طويل بيوصل لاوضة النوم فضل كارم ماشى وراه لحد ما دخل الاوضة واتقفل الباب لوحده وفجأة شاف قصاده كائن غريب فقعد يقرأ قرآن بصوت عالى وووووووو………………..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عاشقي ومنقذي من العالم الاخر)
