رواية عاشقي ومنقذي من العالم الاخر الفصل الثالث 3 بقلم نشوة عادل
رواية عاشقي ومنقذي من العالم الاخر البارت الثالث
رواية عاشقي ومنقذي من العالم الاخر الجزء الثالث
رواية عاشقي ومنقذي من العالم الاخر الحلقة الثالثة
فجأة اسراء حست بالدنيا بتلف بيها واغمى عليها ….اسماء بصراخ: اسراااااء الحقونى
اتلم الشباب والبنات حواليها لحد ما قدروا يفوقوها وبعد ما استعادت وعيها ..اسراء: انا عاوزة اروح
اسماء: طب قومى يالا عشان اروحك
اسراء : مش عاوزة حد يوصلنى انا عارفة الطريق لوحدى
اسماء: على فكرة انا مباخدش رأيك انا بقولك ع اللى هيحصل ويالا معايا من سكات
اخدتها اسماء لحد البيت ودخلت اسراء بدون كلام ع اوضتها ورميت نفسها ع السرير ونامت ….نجاة بخضة: فى ايه يا بنتى هى مجاوبتش كويس فى الامتحان ؟!
اسماء: ابدا يا طنط دى جاوبت كويس واخدت الدرجة كاملة بس حصلت حاجة غريبة …. بدأت اسماء تحكى اللى حصل لاسراء وسط صدمة واندهاش نجاة اللى كانت مرعوبة ع بنتها وحالتها
نجاة: تمام يا اسماء حقك عليا متزعليش منها هى مش طبيعية من امبارح والله يا بنتى روحى انتى لمامتك وانا هبقى اجى ازورها ان شاء الله
اسماء: حاضر يا طنط بس طمنينى ع اسراء وياريت تكشفوا عليها
خرجت اسماء من البيت وسابت نجاة وسط خوفها لحد ما مسكت الفون واتصلت ع اشرف زوجها وعرفته انها لازم تجيب شيخ لاسراء يشوفها وبسرعة
فى مكان تانى غير معروف كان عبارة عن جبال سوداء تغطيها اغصان من نار والارض لهيب والغمام السودا مغطية السما وقف الشبح اللى تفاجئ بدخول ملكة المكان وامه
زيتونة: آيت احوالك مش عجبانى والطريق اللى انت ماشى فيه ده انت عارف كويس اوى نهايته ايه
آيت: تقصدى ايه يا امى؟.
زيتونة: انت حفيد ابليس وفاهم كويس ان العدواة ما بينا وما بين ولاد ادم وحواء لليوم الموعود ومهمتنا اننا نبعدهم عن الصراط ونوسوس ليهم عشان يغلطوا ويمتلئوا بالذنوب تيجى انت ببساطة تحب واحدة منهم
آيت بضحك: طب ما انا فعلا هخليها تعمل ذنب وكبير كمان
زيتونة: والمعنى؟!
آيت: انى اخليها تحبنى وتبقى معايا وهى عارفة انى من بنى الجن او من سلالة ابليس ده مش ذنب ؟!
نظرت له زيتونة بشك: اتمنى يكون ده نيتك فعلا والا ثبر هيتصرف معاك بطريقته وانت عارف هيعمل ايه
سابته وخرجت اما آيت وقف ببرود واتحولت عيونه للاحمر وبتطلع نار
عند اشرف اللى رجع ع البيت : انتى اكيد اتجننتى انتى عاوزة تروحى لدجال ولا عراف انتى عارفة ان دى من الكبائر
نجاة: مين قال انى هروح لدجال انا هروح لشيخ من الازهر يا اشرف انا واثقة ومتأكدة ان اللى فى بنتى ده مش طبيعى انت نفسك شكيت فى كده وكمان هيعالجها بالقرآن ابوس ايدك يا اشرف وافق البت اللى حيلتنا هتضيع مننا
اشرف: طب هتعملى ايه؟!
نجاة: معايا رقم الشيخ رضوان اللى كان جه عالج بسمة بنت نهلة اختى ع يدك الراجل كان صادق وع وشه الصلاح
اشرف: ماشى يا نجاة اما نشوف اخرتها ايه!
بالفعل اتصلت نجاة بالشيخ رضوان اللى وافق يجى ليها وبعد مرور ساعتين وصل
رضوان: السلام عليكم ورحمة الله
اشرف ونجاة: عليكم السلام
رضوان: فين البنت اللى كلمتونى عليها
اشرف: نايمة فى اوضتها اتفضل يا مولانا
رضوان: طيب بعد اذنك ادخل غطيها كويس
اشرف: متقلقش حضرتك انا مغطيها ومفيش حاجة باينة منها
اول ما رضوان دخل الاوضة وبص فى المراية حس بحركة غريبة وان فيه حد معاهم بالاوضة قرب من اسراء اللى كانت نايمة بعمق وحط ايده ع راسها وبدأ يقرأ ايات من القرأن وبعدها قال: اللهم يا نور السماوات والارض يا عالم الغيب ويا من لا تخفى عليه خافية فى الارض ولا فى السماء انر لى بصيرتى واهدينى سبل الرشاد
غمض عيونه وابتدى يشوف كل حاجة بوضوح وقوف اسراء قصاد المراية بلبس شبه عارى ورقصها وكذلك وجود آيت وشغفه بيها وحبه الشديد ليها فتح عيونه بهدوء وطلب منهم يخرجوا برة
رضوان: اللى ع بنتكم ده مش مس ولا سحر ده جن عاشق ومش جن عادى ولا قرين ده ابن بنت ابليس ملكة الجان الاسود واللى بينتمى لقبيلة الغيلان
نجاة: يا نهار اسود بنتى يا اشرف انا كنت حاسة طب.. طب العمل ايه هنعمل ايه ابوس ايدك يا شيخ انقذ بنتى ارجوك
رضوان بابتسامة: اطمنى ربنا وحده هو الحارس وكمان بنتك ليها قوى تانية هتحميها وهى بس اللى هتقدر ع آيت
اشرف باستغراب: قوى تانية تقصد مين؟!
رضوان: نجم ابن نعمان من قبيلة الحاج وهو من الجن المسلم واكبر محارب لقوى الشر من قبائل بنو الاحمر والاسود وكذلك اكبر عدو لآيت ابن ثبر
اشرف: انا مش فاهم حاجة يعنى بنتى هتبقى كويسه؟!
رضوان: ان شاء الله هتبقى كويسه بس لازم تصبروا وتذكروا الله كثيرا ألا بذكر الله تطمئن القلوب
اشرف ونجاة: ونعم بالله
سابهم رضوان وخرج ….. فى مكان تانى بالتحديد منطقة البرزخ وهى منطقة التقاء البحر المالح والنهر العاذب وقف آيت ونجم وجها لوجه وووووو……….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عاشقي ومنقذي من العالم الاخر)
