رواية عاشقي ومنقذي من العالم الاخر الفصل الأول 1 بقلم نشوة عادل
رواية عاشقي ومنقذي من العالم الاخر البارت الأول
رواية عاشقي ومنقذي من العالم الاخر الجزء الأول
رواية عاشقي ومنقذي من العالم الاخر الحلقة الأولى
-حلويات ايه دى اللى بيقارنوها بيا ولا قمر ايه اللى اتشبه بيه ياتى كميلة انا الاصل
صوت من ورائها: يعوض عليا عوض الصابرين فى خلفة الشوم والندامة يا رب بقى يا مقصوفة الرقبة ابن خالتك وعروسته وصلوا بقالهم ربع ساعة وقلبت عليكى القاعة انا وخالتك فى الاخر الاقيكى واقفة تحبيلى نفسك فى المراية
-الله وانا ذنبى ايه يا نوجة انك خلفتى قمراية زيى بذمتك فيه حد بجمالى
نجاة: يغور الجمال اللى يبقى مصحوب بقلة العقل يا قلب امك وبعدين يا ست اسراء انا مش نبهت عليكى تبطلى تقفى كتير ادام المراية تقومى تقفى كمان فى الحمام انتى مش هترتاحى غير لما تتلبسى انا عارفة
اسراء: هههههههههه حلوة النكتة دى اتلبس اه ده انا جنية يا مامتى يالا نخرج للعرسان بقى …استنى اعطى لنفسى قبلة …امووووووواه
باست نفسها والروج بتاعها طبع فى المراية وبعد ما خرجت مع امها ظهر كائن كله اسود مفيش غير عيون حمرا قرب من الروج ومسحه ع وشه وواحدة واحدة تلاشى زى الدخان.
برة فى القاعة كانت اسراء بتراقب العروسين بفرحة كبيرة جدا وليه لا ده مش ابن خالتها وبس ده اخوها وعروسته البيست بتاعتها وهى كانت السبب فى جوازهم وفى الوقت اللى كانت بتصورهم فيه حست بنفس سخن قريب من ودنها لفت وشها وملقتش حد واتكرر الموقف تلات مرات لكنها مهتمتش وفجأة لقت حد بيحاوطها من ضهرها فصرخت
اسراء: عاااااااا خضتينى
اسماء صاحبتها: عااااااا انتى بتصرخى ليه وقعتى قلبى
اسراء: يعنى انتى اللى كنتى عمالة تنفخى فى ودنى من ساعتها يومك بلاك
اسماء: ودن مين يا اما اللى نفخت فيها انا لسه جاية حالا
اسراء: فكك تعرفى لو مكنتيش جيتى كنت نفختك
اسماء: وانا اقدر ازعلك يا جمر انا عندى كام ايسو يعنى
عدى الفرح وسط ضحكات وفرحة العيلة والاهل والصحاب روحت اسراء وهى فرحانه مع ابوها وامها وبيتكلموا اد ايه هانى واروى لايقين ع بعض فجأة لاحظ اشرف حاجة ع رقبة اسراء
اشرف: اسراء تعالى كده قربى اعطينى رقبتك
اسراء قربت وقالت: فى ايه يا بابا
اشرف : ايه ده زى ما تكون عضة؟!
نجاة: ورينى كده ! .. بصت فى العلامة وقالت : يمكن حاجة قرصتها فى الفرح ولا حاجة ادخلى خدى دش يلا وتعالى نتعشى
اسراء: لا عشا ايه ؟ انا جعانة نوم يا امى تصبحوا ع خير
اشرف ونجاة: وانتى من اهله
دخلت اسراء ع اوضتها غيرت ملابسها ودخلت ع الحمام اخدت الدش وافتكرت انها نسيت الفوطه كانت هتخرج لكن اتفاجئت بالفوطة محطوطة ع اوكرة الباب
اسراء بعدم فهم: ايه اللى جاب دى هنا معقول تكون ماما ؟! بس ازاى الباب مقفول من جوة
بعد محاولة تفكير وتذكر اذا كانت هى اللى جابتها او لا استسلمت وخرجت نامت وبعد ما راحت بالنوم ظهر الشبح نايم جنبها لكن المرة دى بعيون طبيعية كعين البشر وشئ فشئ ملامحه ظهرت وكان شاب وسيم جدا قرب من رقبتها وطبع نفس العلامة بأسنانه لكن ع رقبتها من الناحية التانية وهمس فى ودنها: انتى ليا انا وبس
صحيت اسراء من نومها مخضوضة بصت جنبها لكن ملقتش حد اطمنت شويه قامت بصت فى المراية ولكنها صعقت لما لقت العلامة موجودة فعلا فجأة حست بحد وراها وكان الشبح بشكله الاسود المخيف صرخت بسرعة اول ما شافته وبسبب صراخها دخل ابوها وامها
نجاة: بسم الله الرحمن الرحيم مالك يا بنتى فى ايه يا قلب امك؟!
اسراء بعياط: عفريت…عفريت يا ماما انا شوفته والله
نجاة: استهدى بالله يا بنتى ده اكيد كابوس
اسراء: لا مش كابوس انا كنت فاكرة انه كابوس بس لا كان واقف هنا دلوقتى ولما صرخت وانتم دخلتوا اختفى
اشرف: اهدى يا حبيبتى مفيش حاجة صدقينى اكيد بيتهيألك
اسراء: يا بابا لا انا متأكدة حتى بص بص العلامة اللى كانت هنا عملى واحدة تانية زيها هنا اهو بسنانه بص
بصدمة بص اشرف ونجاة لبعض فى ذهول وبعدين قالوا: مفيش غير العلامة اللى شوفناها برة بس يا اسراء
اسراء : نععععععم !
جريت ع المراية تبص ع رقبتها واتصدمت لما ملقتش العلامة موجودة ووووو……..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عاشقي ومنقذي من العالم الاخر)
