رواية ظننته حبا الفصل الثالث عشر 13 بقلم سحر السحرتي
رواية ظننته حبا الجزء الثالث عشر
رواية ظننته حبا البارت الثالث عشر
رواية ظننته حبا الحلقة الثالثة عشر
*كانت سلوى مع جودي في البيوتي سنتر لمساعده سيلا مع قريبتها فهمست لها
:يلا نروح بقى هي خلاص قربت تخلص وزمان اللي ما يتسماش جاي
: مش قلت لك هحضر الفرح
: انت ليه بتعملي في نفسك كده
:عشان اثبت له و للكل واولهم نفسي انه ما يفرقش معايا
:وده صحيح
:صحيح جدا انا اكتشفت ان عمري ما حبيته ده كان ساحر لي او منومني مغناطيسي بس اكيد ماكانش حب
: ايوه صديقتي القويه طب هخلع انا عايزه حاجه
: مش هتحضري
:لا خطيبي عازمني على العشا وطبعا اذا حضرت الرجاله
: هههههه تغور الستات
بقلمي سحر السحرتي
*ضحكوا سويا احدى صديقات سيلا لجودي
: انا حاسه اني عارفاك هو انت كوتش جودي
:اه انا انت متابعاني
: ده انا خسيت انا وواحده صاحبتي بسبب نظامك و فيديوهاتك ممكن اتصور معاكي
:طبعا بس بشرط تستمري
:انا مش هبطل بجد اديتينا افكار حلوه وكمان نفسيتنا اتحسنت
: انا مبسوطه اني بسمعك بتقولي كده
*توجهت لسيلا
:عايزه حاجه مني يا سوسو
:رايحه فين
:هروح البس و احصلك
:انت اكيد جايه
:طبعا يا حبيبتي مش هسيبك في يوم زي ده
ناهد :حبيبتي يا جودي ما اعرفش انك جدعه كده
: انا طول عمري بحب سيلا رغم انها كانت بتض-ربني زمان بس كنا عيال
*و امسكتها من انفها بمزح وذهبت
*شعرت ناهد بالحزن على جودي مما اقترفت بعد ان رات حب جودي لسيلا وبعد ان علمت من ابنتها ما سمعته من زوجه خالها وحماتها ولكنها لن تعترف فيكفيها ان تج-رعت امها من نفس الكاس
*حضر العريس وذهب بعروسه الى القاعه وبدات فقرات الحفل
*دخلت جودي وهي ممسكه بذراع فريد الذي كان وسيما جدا وهي ايضا و تفاجات بمن يضع يده على كتفها
*كانت الفرحه تخرج من عينيها و التمعت بالدموع من جمال المفاجاه وقالت بكل هيام وشوق
:جواد انت جيت امتى
:النهارده اخذت اجازه عشان احضر فرح البيه
*ارادت ان تحتضنه لكنها مدت يدها لتسلم عليه و امسكتها بيدها الاخرى
:انت بجد مش عارف انا مبسوطه قد ايه اني شفتك
*وجدت من يدفعها بذراعه في كتفها
:جواد حبيبي وحشتني يا ابني تعالى احضر فرح اخوك مع النسب اللي يشرف
*امسكت جودي ذراع فريد كي يمتنع عن ما مكان سيفعله لكن ناهد ارادت ان تاخذ حق جودي
:دايما ابنك بيقع واقف و يتجوز جوازات تشرف احنا اللي بنلبس جودي ربنا رحمها عقبالنا
*ثم حضنت جودي و قبلتها
:تعالي يا حبيبتي مبسوطه قوي انك جيتي تقفي جنب اختك
:اكيد يا طنط مهما كان السبب عمري ما هسيبها
*بعد قليل بدات رقصه الثنائي طلب جواب من جودي الرقص معه فوافقت دون تردد
*لمحهم باسل وشاهد نظره العشق المتبادل بينهم ففكر في فكره خب-يثه
بقلمي سحر السحرتي
*ادت جودي وصديقات سيلا عرض من فرقه الفنون الشعبيه كانوا قد تمرنوا عليها مفاجاه لسيلا على اغنيه غلبان لاصاله
$غلبان اوي غلبان $عايش على اللي كان
$فاكرنا زي زمان $غلبان اوي غلبان
$لا ده فاته وفاته $ رميناه بماضيه و حكاياته
$ده فاكر دمعنا هنا على خدنا
$ياتهيؤاته
$ده فاكرنا هناك قال $قاعدين جنب الشباك قال
$وفي عرض رجوعه $فاكر موضوعه و شغلتنا حياته
$ليه هنمسك في اللي غايب $مش من قلة الحبايب
$بابنا مايتسابش موارب $احنا بنقفل ع الشاريين
*كانت ايضا تريد ان ترسل رساله لباسل هو وكل الحاضرين
*قبل انتهاء العرض تظاهر باسل بانه سيذهب للحمام لكنه كان في انتظار جودي
بقلمي سحر السحرتي
*كانت جودي ذاهبة للحمام لتبدل ملابسها وعندما راها نده عليها
:نعم خير
:ممكن افهم ايه اللي انت لابساه وايه العرض اللي انت عملتيه ده و ازاي ترقصي كده قدام الناس
:هههههه
*ضحكت بسخريه منه
: وانت مالك ما تكونش مفكر نفسك لسه جوزي
*امسكها من ذراعها بق-وه
:حالا اردك و ترجعي ثاني مراتي ومش هرح-مك
*ض-ربته بركبتها في معدته و ابعدت يديه بق-وه
:ده كان زمان تمد ايدك علي ولو انت ناسي احب افكرك بالع-لقة اللي اكلتها من فريد واحب كمان الفت انتباهك انك ما تقدرش ترجعني من غير موافقتي وكمان انا ما ليش عده عارف ليه
“و همست في اذنه :انا لسه بنت يا سيد الرجاله
*تركته ودخلت لتبديل ملابسها فحضر جواد
:باسل انت فين
:كنت في الحمام
:صحيح اللي سمعته انت كنت بتمد ايدك على جودي عشان كده اتطلقتوا
: تفتكر همد ايدي عليها ليه ما انت راجل وعارف اللي يجرح الراجل انه يكتشف خيا-نه مراته
:ايه خيا-نه و جودي دي كانت بتحبك قوي
: من اول يوم اكتشفت انها مش بنت وكنت بض-ربها عشان تعترف مين اللي عمل كده وكانت بترفض طلعت كانت مقضي-اها وزي ما كانت مرتبطه بيا كانت مرتبطه بغيري …. وكمان لما اطلقنا قالت ان انا السبب عشان بض-ربها لكن طبعا اتكسفت تقول كنت بض-ربها ليه
: و اعت-داءك على سيلا
:حط نفسك مكاني عريس و قرفت المسها وشفت سيلا ما قدرتش امسك نفسي عارف اني غلطت بس اعذرني
: انا مش مصدق اللي بتقوله جودي
:مفكرها ملاك اديك شفت بعد الحب اللي حبيته لها جايه تحضر فرحي عادي ولا كانها زعلانه …. واحده غيرها كانت دفن+ت نفسها بالحياه
*كانت جودي تستمع لحوارهم وهي داخل الحمام وكان باسل ينظر الجواد بخب-ث ان مخططه قد نجح
*خرجت جودي بعد ان انصرفوا و تظاهرت ان شيئا لم يكن لكن الواقع ان قلبها ك-سر بعد ان شعرت ان جواد صدق ما قيل عنها …. فذهبت تتحدث معه لتتاكد من شعورها
:ايه يا جواد عجبك العرض
:اه حلو
:بس كده مالك متغير ليه
: ما فيش حاجه مجهد لاني راجع من السفر على الفرح على طول
:ربنا يعينك
*نظرت له برجاء و سالته هتسافر تاني
:ايه اللي يخليني اقعد اخويا و اتجوز و اطمنت عليه
:هو انت كنت راجع عشان اخوك
: اه .. هو انا ينفع اسالك بحكم عشرتنا الطويله مع بعض سؤال شخصي
:انت بالذات تسال زي ما انت عايز
:في حد في حياتك غير باسل
:مين قال لك الكلام ده
:عرفت وخلاص
: باسل صح ….. رد عليا وانت صدقته
*عينيها كانت مليئه بالدموع والرجاء ان ما تشعر به غير صحيح فكررتها بعصبيه وهي تدف-عه كي ينظر لها
:وانت صدقته ….خساره كنت فاكراك اكتر انسان ممكن تشعر بيا …. بس هو انا مصدومه ليه ما انت اخوه
بقلمي سحر السحرتي
*شعر جواد ان هناك خطب ما بعد ان خانت-ها دموعها و اسرعت بالانصراف كاد ان يلحقها الا ان والدته ندهت عليه
:جواد رايح فين احنا ما صدقنا خلصنا من النسب العره ده مش هنرجعله له تاني فاهم ….. وما تبقاش قاعد كل ده من غير جواز و تصوم تصوم و تفطر على دي
:يا ماما انت غلطانه انا هخطب واحده زميلتي في الشغل معايا بره
: الف مبروك ايوه كده فرحني ده انا قلقت لما شفتك واقف معاها
*كانت ناهد تراقبهم وكانت تعرف من سيلا حقيقه مشاعر جواد تجاه جودي فارادت ان تصلح ولو جزء بسيط مما فعلت
*وقفت بجانبه و همست بصوت مسموع له
: انت عارف ان اخوك ده اكبر ندل وعمره ما حب الخير غير لنفسه واذا كان قال لك حاجه على جودي حاول تتاكد الاول قبل ما تصدقه ما فيش عذر مقبول في الدنيا انه يعت-دي على بنت عمه واخت مراته غير انه معدوم الاخلاق تتوقع منه ايه
*هو في ناس بتك-ذب الك-ذبه و تصدقها
*توتر جواد من هذا الحديث
:حضرتك تقصدي ايه يا طنط
:يا دكتور انت كبير كفايه عشان تفهم بين السطور
*اصبح جواد في حيره فقد كانت جودي متيمه بحب باسل ولكن باسل تمسك بها لبراءتها واخلاقها فكيف يقول هذا عليها ….. ولكن ما سبب طلاقها بعد شهر واحد وض-ربه لها لم يجد تفسير اخر سوى تصديق كلام اخوه
*بعد انتهاء الفرح دخلت سيلا منزل باسل فاوقفها و امسكها من ذراعيها وقال بحدة وصرامة
:اللي حصل في الفرح ما يتكررش هزارك و ضحكك مع زمايلك الشباب لا و تكملي الجامعه لاتبصي لحد منهم ولا لسانك يخاطب حد فيهم
*كانت تبتسم وهي تنظر له …. انزلت يده من عليها برفق وامسكت بكفيها وجهه وقالت بهدوء
:شوف يا باسل يا ابن عمي لو مفكر ان انا جودي وممكن تعمل معايا حاجه واحده بس من اللي عملته معاها فانت حسبتها غلط …. غير ان المغت-صب اللي من عينتك المفروض ما يرفعش عينه في عين ضحيته
بقلمي سحر السحرتي
*واخذت نفس عميق وجلست واكملت بنفس الهدوء
:جودي سكتت عليك لعده اسباب بتحبك جايز …. بس اكبر سبب انها كانت حاسه انها لو اشتكت ما حدش هيقف في ضهرها ….. لكن انا امي ب 100 راجل غير ان بابا شايل منك و معبي على اخره وبعد عمر طويل لهم انا كمان مش بسكت عن حقي طول ما انا مش بعمل حاجه غلط ….. يبقى ما اسمعش صوتك عشان ايام جوازنا تعدي على خير ….. انا وانت متاكدين اننا مش متجوزين عن حب …. انا شخصيا ما ليش فيه يبقى نتعامل مع بعض بالمعروف … صوت عالي لا …. مد ايد اكيد لا … اوعى تفكر عشان ايدك هتوحشك لو حصل …. وخليك واثق من ده …. يلا بقى عشان ننام اصله كان يوم طويل
*وقفت و طبطبت بكف يدها على خده
: يلا يا حبيبي عشان انت تعبت قوي في الفرح
*ثم ضحكت وقالت بسخريه
:هههههه حبيبي تصدق ممكن الكلمه دي تعجبني و اجربها شويه
*ونظرت بصرامه: يلا بقى هتحايل عليك
*باسل في نفسه :شكلك وقعت في شر اعمالك مش سهله يا بنت عمي ولو لمستك عمي و اخوكي هيفرم-وني
*عادت جودي الى المنزل وهي تبكي وقد قررت ان لا تتنازل عن حقها
*في صباح اليوم التالي ذهبت لتبارك وكان الجميع متواجد عند سيلا فدخلت بكل ثقه وهي تنظر بتحدي لام باسل
: مبروك يا سوسو يا حبيبتي
*ارادت ام جواد ان تكيدها
:عقبالك يا حبيبتي قدم سيلا علينا جر الافراح ورا بعضها وجواد هايخطب خلاص واحده زميلته معاه بره صحيح في ناس الخير على قدومهم
*نظرت له والدموع تتراقص في عينها ولكنها ابتسمت بصعوبة
:مبروك يا دكتور …مش تباركيلي يا طنط انا كمان فعلا سيلا قدم الخير
:مبروك لقيتي حد يرضى بيكي
*صرخ فهمي : ام جواد احنا جايين نبارك و حذرتك تبعدي عن جودي مبروك يا حبيبتي على ايه
: انا حامل يا بابا لسه عارفه الخبر بعد ما روحت امبارح
*صدم باسل من كلام جودي فاكملت بتحدي
:صحيح يا باسل حضر بقى النفقه بتاعتي انا ما اخدتهاش و مؤخر الصداق كمان و زودهم شويه عشان الحمل ومصاريف متابعه الولاده انت عارف دكتور و سونار وحاجات الامهات دي
*مها بصدمه: ايه حامل و جايه تعرفي دلوقتي انت كده لازم ترجعي له
:لا يا ماما مش لازم وبعدين اما نشوف الحمل هيكمل ولة لا اصل طلع الحمل بتاعي صعب وخطر
:فهمي مبروك يا جودي مها نبقى نشوف موضوع رجوعها ده بعدين بس باسل مش معاه يدفع يا جودي انا هعوضك
: لا يا بابا مش كل مره تدفع عنه وبعدين مش طلع بيك-ذب ومعاه اكثر ما كنا نتخيل وبكره خالي هيرفع قضيه النفقه ويطالب بنفقه كبيره نسبه للي معاه ما تزعليش مني يا سيلا ده حقي ولازم اخده
بقلمي سحر السحرتي
باسل: انت ك-دابه انت مش حامل
:ليه يا باسل مش حامل ليه مش اتجوزنا اقل من شهر تحب تعمل تحليل دي ان اي و تتاكد
:هعمل و هثبت انك ك-ذابه وبعدين انا مش معايا ادفع لك
:خذ يا بابا ده كشف من البنك باللي معاه شوف كده المبلغ كام و سمعهم لما كنت بلم هدومي من هنا والدموع مغرقه عنيا ما اخذتش بالي انه دخل في وسطهم بس لقيته من يومين
فهمي :مليون ونص …. انت معاك المبلغ ده كله و اتجوزت بناتي وما كلفتش نفسك حاجه
:شفت بقى يا بابا اخذ حقي بقى ولا اسيبه
: تاخديه مع حق الشبكه اللي كان المفروض يشتريها
:ده بقى اول ك-ذبه كشفتها تحب يا استاذ باسل اكشف ك-ذبتك الثانيه ولا تتكشف لما نعمل التحليل
*امسك باسل يدها
:تعالي معايا نتفاهم جوه
:وجوه ليه انا مش مراتك عشان اخبي اسرار البيوت انا طليقتك وما بقاش في بيننا حاجه
:تعالي يا جودي لو سمحتي عن اذنكم دقيقتين
*دخل في غرفه واغلق عليهم الباب
:ايه حكايه انك حامل انت عارفه ان بسهوله اقدر اثبت انك ك-ذابه
: اتمنى انك تثبتها عشان ك-ذبتك على اخوك تتكشف
: ايه بتقولي ايه
:انا سمعتك امبارح وانت بتخ-وض في شرفي و بت-تبلى عليا اني اتجوزتك و كنت شم-ال يبقى الاعبك بنفس الخ-سه
: وانت بقى زعلانه ان اخويا صدق عليك انك شم-ال
: انا دلوقتي لا بقيت انت او هو تهموني لكن تتهمني في شرفي وكل شويه مامتك تلقح عليا بالكلام مش هسكت عن ده
:عايزه كام
:اللي هقدر اخده مش هتردد وبحكم المحكمه ويا ريت تطلع راجل وتروح تقول لهم انا مش حامل ليه
:هدفع من غير محاكم
: نص مليون
: نعم كام
: عد يا سيدي وفي الاخر هتلاقيه قليل …. نفقه متعه و مؤخر و شبكه زي بابا مقال … وتعويض عن الفرح اللي كان في قاعه صغيره وقلت انك مخلص فلوسك …. تعويض عن شهر العسل اللي كان ممكن نروحه في مكان محترم …غير انه كمان تعويض اني اتجوزت واحد زيك ضيع مستقبلي و اتحكم فيا و خلاني ادخل كليه زي اللي ما جابش مجموع كمان تعويض عن ض-ربك ليا وك-سر ايدي وانت بطلع عقدك ونق-صك عليا
:لا كثير قلليهم
:نتقابل في المحكمه يمكن خالي يجيب لي اكتر
: استني هدفع وموضوع الحمل
:لا سيبني الاعبك شويه وبعدين هقول نزل اكتب الشيك يلا عشان اصرفه بكره
: مش معايا دفتر الشيكات
:بقوا 600 الف و ك-ذبه كمان هيوصلوا مليون …. انت ناسي اني كنت مراتك وشفت دفتر الشيكات في الدرج قبل كده
:خلاص هكتب النص مليون
: قلت 600 الف والا انا مستغنيه عنهم واطلع اقول كل اللي عندي و هرفع عليك قضيه س-ب وق-ذف و اخوك هيشهد انك قلت له اني شم-ال و هاخذ كل اللي معاك و ابيعك هدومك كمان
بقلمي سحر السحرتي
:خلاص اتهدي اكتبي تنازل عن المؤخر و النفقه
: لما اصرف الشيك
: و هثبت منين انك اخذتي حقك
:هطلع اقول لهم اني استلمت منك الشيك النهارده ولو صرفته بكره يبقوا شاهدين اني اخذت حقي مرضي يا عم
: اعوذ بالله انت ما كنتيش كده
*نظرت له بسخرية
: البركه فيك انت استاذ ورئيس قسم
#بدأت جودي في اخذ حقها والله ما بقيتي سهلة يا جودي
…. هل ستكمل وماذا سيحدث بعد ان قالت للجميع انها حامل
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ظننته حبا)
