رواية ظننا انه باب الامل الفصل العاشر 10 بقلم ملك ناصر
رواية ظننا انه باب الامل الجزء العاشر
رواية ظننا انه باب الامل البارت العاشر
رواية ظننا انه باب الامل الحلقة العاشرة
خرجت الرصا.صه واستقرت جوه جسم كيان اللى وقفت
اودام جاسر بسرعه..
الراجل خاف وهرب..
جاسر بعدم تصديق: ك. كيان .. كيان وقعت فى حضن جاسر
ونزلوا الاتنين على الارض..
قمر بعياط قربت منهم: كيان كيااان..
جاسر: التليفون.. هاتى التليفون من العربيه بسرعه اتصل
بالاسعاف..
قمر هزت راسها ولسه هتجري علشام تجيب التليفون كانت
الشرطه جت.. قمر وقفت وواحد من الظباط اتصلوا
بالاسعاف وجابوا الراجل اللى ضرب كيان..
جت الاسعاف وخدت كيان وجاسر ركب العربيه هو وقمر
بسرعه ومشيوا وراهم..
♡♡♡♡♡♡♡♡عند دهب♡♡♡♡♡♡♡♡
دهب حطت اديها على قلبها: لا لا انا مش مطمنه كيان
اتاخرت كده ليها..
اسيل: فعلا كيان اتاخرت اوى..(اسيل رجعت من المستشفى)
دهب: بنتى حصلها حاجه..
مليكه: اهدى بس يا ماما انا بتصل عليها اهو..
اسيل: ها ردت..
مليكه هزت راسها بقلق: لا..
دهب: يارب احفظلى بنتى يارب..
بعد وقت ♡♡♡♡♡
مليكه: رقم غريب بيرن عليا..
اسيل: ردى بسرعه وافتحى الاسبيكر..
مليكه ردت: الو..
جاسر: الو مليكه..
مليكه: ا. ايوة مين
جاسر: انا جاسر.. جاسر الجارحى اللى بشتغل مع كيان..
دهب: بنتى.. بنتى كويسه..
جاسر بحزن: هتكون كويسه ان شالله..
اسيل بقلق: يعني ايه؟!
جاسر: احنا دلوقتى رايحين على المستشفى بس متقلقوش
هي هتكون كويسه..
مليكه بصدمه: ايه..
دهب: بنتى.. كياان
جاسر: هبعتلك اللوكيشن دلوقتى.. وقفل معاها..
وصلوا المستشفى ودخلوا كيان غرفه العمل.يات..
وبعد وقت مش كبير وصلت دهب واسيل ومليكه..
دهب جريت على جاسر: بنتى.. بنتى كويسه يابنى
جاسر: هي فى العمل.يات ان شاء الله هتكون كويسه..
دهب كانت هتقع بس اسيل لحقتها وقعدتها على الكرسى..
مليكه قربت من جاسر: ايه اللى حصل..
جاسر: كانت مخطوفه وانا لحقتها بس الراجل ضرب عليها نا.ر
مليكه بصدمه: مخطوفه!! ازاي
جاسر: مش وقتوا نطمن عليها الاول..
تليفون جاسر رن: الو
عدي: ايه يابنى انت فين..
جاسر: فى المستشفى
عدي بقلق: ايه؟ انت كويس ليه في المستشفى
جاسر: اهدى يا عدي انا كويس تعالى انا في مستشفى…….
قالو على اسم المستشفى وقفل..
عدت ساعه وكان عدي وصل ومعاه احمد..
وكانوا كلهم قاعدين قلقانين على كيان منهم اللى بيدعى ومنهم اللى بيعيط ومنهم اللى مش قادر يحدد مشاعروا زي جاسر..
بعد وقت خرج الدكتور.. كلهم جريوا عليه..
دهب: بنتى كويسه يا دكتور..
الدكتور بابتسامه: متقلقوش المريضه كويسه.. الرصا.صه
كانت فى ضهرها الحمدلله انها مجتش على العمود الفقرى
والا لقدر الله كان حصل شلل بس هي حالتها اتحسنت
دلوقتى..
كلهم حمدوا ربنا..
مليكه: طب هي فاقت نقدر نشوفها..
الدكتور: لا للاسف هي لسه مفاقتش دلوقتى هتتنقل لاوضه
عاديه وهتفوق بعد نص ساعه او ساعه تقريبا..
جاسر شكر الدكتور.. والدكتور مشي..
♡♡♡♡♡♡فى مكان تانى اول مره نروحوا♡♡♡♡♡
كانت قاعده داليا فى كفاتيريا هي وصحابها وبيشربوا..
دارين: ههه انتى لسه موقعتهوش.. شكلك ولا هتعرفى توقعيه
ولا نيله وكلام على الفاضى….
داليا بغضب: مين دي اللى مش هتعرف توقعوا دانا داليا
الجارحى.. ان ما جبتوا تحت رجلى مبقاش داليا..
نسرين: ابقى قابلين ياختى.. هههه دانتى حتى متعرفيش هو
فين دلوقتى..
داليا: هيكون فين يعني اكيد فى القصر..
دارين: ماشى ياختى هنشوف..
♡♡♡♡♡♡♡♡♡عند كيان♡♡♡♡♡♡
فاقت كيان وفتحت عنيها بس قفلتها تانى من الضوء اللى
ازعجها.. وفتحتها تانى براحه..
اسيل: فاقت..
كلهم وجهوا نظرهم عليها..
دهب بحنان: حبيبتى انتى كويسه حاسه بوجع او حاجه..
كيان بصوت مرهق: انا كويسه يا ماما..
جاسر وهو بيتظاهر بالبرود والهدوء: الف سلامه يا كيان..
كيان بتعب: الله يسلمك..
الباب خبط ودخلت قمر وهي موطيه راسها..
كيان: تعالي يا قمر..
قمر قربت منها: الف سلامه يا كيان..
كيان: الله يسلمك يا حبيبتى..
قمر: بجد شكرا جدا انا مش عارفة لو مكنتيش موجوده كان
زمان حصلي ايه..
كيان اكتفت بأبتسامه..
قمر: انا مضطره امشى دلوقتى علشان بابا وماما مستنينى بره..
دخلوا من الباب راجل ومراتوا..
الست: انا مش عارفه اشكرك ازاي بجد لولاكى كان زمان بنتى..
كيان: مفيش داعى للشكر اي حد مكانى كان زمانوا عمل زي ما عملت واكتر..
مشيوا الاتنين ومعاهم قمر..
احمد: هو ايه اللى حصل ومين قمر دي..
جاسر: ابقا احكليك بعدين..
عدي: طيب يالا احنا بقا.. الف سلامه عليكي مره تانيه يا كيان..
كيان ابتسمتلوا بهدوء..
جاسر كان هيمشى بس كيان مسكت ايدو: شكرا..
جاسر حس بأرتباك: العفو انا معملتش حاجه..
نزلت اديها بهدوء وهو مشي..
♡♡♡♡♡♡♡♡♡
عدا اليوم وجه الليل كانت مليكه واسيل روحوا علشان وراهم جامعه ودهب نايمه على الكنبه جمب كيان
♡♡♡♡♡♡♡
♡بليل♡
كيان كانت نايمه بس صحيت من النوم وكانت عايزه تدخل
الحمام بتبص جمبها لقت مامتها نايمه مردتش تصحى مامتها
وحاولت تقوم براحه.. شالت الغطا من عليها ونزلت رجلها
براحه واول ما قامت حست بألم جامد مسكت بطنها وحطت
اديها على بوقها علشان مطلعش صوت..
اتسندت لحد ما فتحت باب الاوضه وطلعت قفلت باب
الاوضه وسندت على الحيطه بتعب.. جاسر كان جاي يطمن
عليها من غير ما تشوفوا بس لاقاها واقفه سانده على
الحيطه وباين عليها التعب قرب منها بسرعه: انتى ايه اللى
خرجك..
كيان بأرتباك: اصلى.. اصلى انا..
جاسر: اصلك ايه قولي..
كيان باحراج: عايزه ادخل الحمام..
جاسر: ههه كل ده علشان عايزه تدخلى الحمام.. طيب
مصحتيش مامتك ليه..
كيان: علشان كانت نايمه وتعبانه محبتش اقلقها..
جاسر تمام اسندى عليا انا اوديكي..
كيان: بس..
جاسر: يالا يا كيان.. كيان سندت عليه لحد ما راحوا اودام
باب الحمام..
كيان: تمام انا هدخل..
جاسر: ماشي هستناكى هنا..
كيان كانت حاسه بتعب بس اتحملت على نفسها ودخلت..
بعد خمس دقايق تقريبا خرجت تانى..
وجاسر سندها لحد باب الاوضه..
كيان قبل ما يدخلوا: اه صحيح انت ايه اللى جابك فى الوقت ده..
جاسر بأرتباك: احم عادى قولت اعدى عليكي..
كيان: تعدى عليا.. امممم..
دخلها جاسر ونيمها على السرير براحه..
كيان بصوت واطى علشان مامتها: شكرا روح انت بقا علشان ترتاح..
جاسر: انا هقعد هنا شوية علشان لو احتاجتى حاجه..
كيان: انا مش عايزه اتعبك.. انا كويسه الحمدلله روح انت علشان شغلك بكره..
جاسر: لا مفيش تعب ولا حاجه انا هقعد شوية وهروح..
جاسر كان هيقعد على كرسي بس كان بيبص على كيان
وفجأه جه يقعد وقع على الارض..
جاسر: اه..
كيان كتمت الضحكه بصعوبه على منظروا وهو واقع..
كيان: انت كويس..
جاسر قام باحراج: احم كويس..(راحت الهيبه 😂)
دهب قلقت على صوتهم وصحيت..
دهب: في ايه هنا..
كيان: اسفه يا ماما صحيناكى..
دهب بصت لجاسر باستغراب: انت بتعمل ايه يابنى هنا فى
الوقت ده..
جاسر بارتباك: ا. ا. اانا…….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ظننا انه باب الامل)
