رواية ظلمت نفسي الفصل الرابع 4 بقلم سارة اللومي
رواية ظلمت نفسي البارت الرابع
رواية ظلمت نفسي الجزء الرابع
رواية ظلمت نفسي الحلقة الرابعة
_شايفة يا ماما اللي حصل ؟؟؟
– خير يا بنتي خضتيني هي لينة حصل لها حاجة ؟؟
– لا ده ابوها !
– ماله بوز الاخص قطعت سيرته 🙄
– لينة بتقول أنه اتجوز تاني !
– اتجوز بالسرعة دي؟ و مين اللي رضيت بيه ! تلاقيها وحدة بايرة ما صدقت لقت واحد مطلق يرضى بيها
– انا هأحاول أتصل بأي حد من قرايبهم اعرف منه أصل الحكاية و فصلها .
– و انتي مالك محموقة كدة ما يتجوز ولا يتفلق !! عايزة تعرفي اخباره ليه يا ملكومة؟
– لا ما يروحش فكرك لبعيد انا بس عايزة اعرف مين دي اللي قبلت بواحد بارد زي ده !
– ياكشي يولعو هوما الإثنين ما تسيبينا من سيرتهم العكرة بقى !
___________________________________________ –
يا ترى تطلع مين سلمى دي بقى ؟ لو اتصلت باي حد هيقولهم اني حاولت اعرف اخباره ، لا بلاش هيفتكروني غيرانة ولا حاجة .
تمام لقيتها مفيش غيرها تقدر تجيبلي قرارهم ! يقين بنت خاله مش بتطيقهم أكيد مش هتقولهم لو سألتها !
– الو أزايك يقين عاملة ايه ؟
-رنا ؟؟ ياااااه !! دي ايه الفرصة السعيدة دي ! بقالنا كثير ما اتكلمناش بقى كدة تقطعي اخبارك عننا ؟
– معليش يا يقين ظروف بقى و انتي عارفة اللي حصل
-عارفة طبعا بس ده ما يمنعش انك تكلميني انا معتبرة نفسي صاحبتك و مليش علاقة بجوازك او طلاقك .
– تسلمي يا حببتي انتي فعلا غالية و آسفة بجد
– ولا يهمك حببتي عاملة ايه و لينة ازايها.
– تمام الحمد لله …انا بس كنت عايزة اسألك حاجة كدة ..
– اتفضلي يا رنا سامعاكي
– هو الموضوع بخصوص …ابو لينة ، انا سمعت حاجة كدة ..
– عايزة تعرفي موضوع جوازه مش كدة ؟؟
– اااه …اه لينة كلمتني عن وحدة اسمها سلمى. و انا كنت من باب الفضول يعني …عاوزة اعرف الخبر بجد ولا ..
– لا بجد با حببتي
– أصل يعني مستغربة هو لحق بالسرعة دي يتعرف على وحدة و يخطبها و يتجوز ؟ احنا ما كملناش سنة متطلقين
– بصراحة ؟ انا اللي اعرفه انه خاطب من عشر شهور
– قصدك خطب بعد ما اتطلقنا على طول ؟؟؟
– و الله ده اللي سمعته
– يبقى أكيد لف على واحدة اي كلام عشان بس يغيظني 🙄 ..
– اي كلام ازاي ؟
– يعني أكيد واحدة بايرة او مطلقة على رأي ماما عشان كدة وافقت عليه .
– بايرة ايه و مطلقة ايه يا بنتي ؟ سلمى عندها 26 سنة بتدرس دكتورة نساء و توليد فاضل ليها سنة و تخلص التخصص ولا مطلقة ولا حاجة
– دكتورة نساء؟؟
و دي وافقت عليه ازاي ؟؟ أكيد فيها حاجة
– حاجة زي ايه ؟
– أكيد محدش هيرضى يبص في وشها عشان كدة وافقت تتجوز واحد مطلق ههه
– محدش ايه ؟؟ دي تقول للقمر قوم و انا اقعد مطرحك و بعدين انا اللي سمعته ان هي اللي حبته و اصرت عليه .
-و عرفته منين دي ؟؟
– انتي نسيتي ان اصحاب محمود كلهم من طبقة الدكاترة و المهندسين و المحامين !؟ محمود كان الاول على دفعته و لولا وفاة ابوه الله يرحمه مكانش ساب دراسته و طلع يشتغل في ارض ابوه عشان يصرف على اخواته
اهو صاحبه الباشمهندس محسن عرض عليه اخته سلمى و اتفقوا انها تتجوزه و تكمل دراستها و هي على ذمته الظاهر كدة هي اللي طلبت من اخوها يفاتحه في الموضوع لما عرفت أنه طلق
– بقى كدة ! 😤
– مالك يا بنتي انتو انفصلتو يعني هو حر في حياته
– عموما ربنا يسهل له المهم اني خلصت منه ما يهمنيش يتجوز ولا يتحرق 😡 أما نشوف المحروسة هتستحمل معاه قد ايه
– انتي متأكدة أنه مجرد فضول ؟؟ أصل الحكاية شكلها غيرة متاخرة !! 🙄😂
– غيرة ايه يا يقين انتي اتجننتي !! ده انا اللي طلبت الطلاق منه و لو كنت فضلت على ذمته دقيقة زيادة كنت طقيت
– طب ما تزعليش و قوليلي انتي عاملة ايه …مفيش اخبار حلوة في السكة ؟! حب إرتباط حاجة زي كدة يعني ☺️
– لا انا مش بافكر في الجواز دلوقت عايزة أأمن مستقبلي و مستقبل بنتي الاول ..لسة بدري على الكلام ده.
– ماشي أبقي طمنيني عنك ☺️.
________________________________بقلم سارة اللومي
– بقى كدة يا محمود بيه ؟ كأنك ما صدقت خلصت مني؟؟
معقولة دكتورة نساء و هي اللي جريت عليه ؟
– مالك بتكلمي نفسك يا بنت؟؟
– الحقي يا ماما البنت طلعت دكتورة و قال ايه فلقة قمر و هي الي طلبت من اخوها يطلبها منه ؟
– بنت ايه و بتاع ايه ؟؟
-يووووه يا ماما ؟؟ بتكلم مرات البيه الجديدة !
– وحارقة دمك ليه ان شاء الله احنا مالنا بيهم ربنا يسهلهم بكرة يجيلك سيد سيده .
-يوووه رجعنا تاني ! مش عايزة اتكلم عن الموضوع ده لسة بدري عليه …
– بدري ايه يا عينيا هو انتي بتكبري ولا بتصغري ؟ ولا تكونيش ناوية تعنزيلي ؟؟
– اعنز ايه بس انا عندي 23 اللي من سني لسة ما فكروش في الجواز و انا معايا بنت ما انتو اللي صممتوا تجوزوني صغيرة .
– و انتي وافقتي و كنتي هتتجنني عليه محدش ضربك على ايدك حتى انك رفضتي تكملي تعليمك عشان تتجوزيه ولا نسيتي ؟
– ما نسيتش و مش عايزة كل مرة تفكريني! انا غلطت و اديني باحاول اصلح غلطتي مش عايزة الموضوع ده يتكرر عايزة اختار صح المرة دي .
– أما نشوف …ما تنسيش و انتي نازلة تجيبي معاك شوية حاجات من البقالة .
– بصراحة يا ماما المصاريف زادت اوي و انا مش ملحقة على طلبات البيت ! هاعمل ايه لما البنت تدخل المدرسة ؟ ؟
– من هنا للوقت ده تكوني اتجوزتي و يبقى المحروس يصرف عليكم انتي شدي حيلك بس 😏
– ايش معنى محمد و صلاح مش بيساعدو في المصروف
هو مفيش غيري في البيت ؟ ولا انا و بنتي بس اللي بناكل و نصرف؟
-اخواتك الولاد كل واحد بيلم قرش فوق قرش عشان يتجوزوا مش هاقعد اخدم عليهم طول عمري ولاعاجبك حالهم كدة؟ مش عايزة فلوسهم خليهم يغوروا عني انا تعبت مبقاش فيا حيل .
رنا بتهمس بضيق- مش عايزة فلوسهم هوما بس بتسحبي مني انا زي ما كون قاعدة على بنك .😤
بتقولي حاجة ؟؟
– لا سلامتك يا ماما 😏
____________________________ بقلم سارة اللومي
سعيد : انما البت الجديدة طلعت جامدة يا واد اتلميت عليها فين دي ؟
سمير بخبث: عيب عليك يا ابو السعود ده سؤال يتسئل برضو؟ اخوك طول عمره بيقع واقف …هي صحيح تاعباني حبتين بس الجميل يستاهل.😁
سعيد : على الله بس ينولنا من الحب جانب
– يا عم قول يا مسهل اما ينولني انا الاول و بعدين اسيبهالك مخضرة..🙄 😁
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ظلمت نفسي)
