رواية ظابط حياتي الفصل السادس عشر 16 بقلم ملك يسري
رواية ظابط حياتي الجزء السادس عشر
رواية ظابط حياتي البارت السادس عشر
رواية ظابط حياتي الحلقة السادسة عشر
احمد: دخلتى هنا ازاى يا ليل واى اللى جابك وسايبة امك.
ليل: ممكن اعرف عرفت اى عن بابا.
احمد بتعب: مش وقته ياليل بعدين المهم دلوقتى تنزلى تنامى مع نور وانا هجيب عمر هنااا وبكرا الصبح هوديكى ل مامتك.
ليل بعصبية: لاء دلوقتى هتقولى كل حاجة عرفتهاا عنه انا مش لعبة كل واحد فيكوا يحركهاا على راحته.
احمد بحدة: انتى صوتك بقااا عالى خلى بالك.
ليل: والله انا حرة انت ملكش دعوة وانا من حقى ياحضرة الظابط اعرف التهمة اللى بابا مسجون بيهاا.
احمد ببرود: والله يا استاذة دى اسرار شغل عايزة تعرفى يبقاا لما يتم التحقيق معاه غير كدا انسى.
ليل: انت مش من حقك تتكلم ب الطريقة دى.
احمد: وانتى مش مسموحلك صوتك يبقاا عالى مفهوم.
ليل: لاء مش مفهوم ومن النهاردة انا مستغنية عنك يا احمد ومن النهارة كل واحد فينا من طريق.
احمد: براحتك اللى تحبيه.
ليل بدموع قلعت الدبلة وخرجت.
احمد واتنهد بحزن وتعب: صدقينى مجتش عليكى.
༺༺༺༺༺༺༻༻༻༻༻༻
اسر روح وطالع على السلم شاف شاب قاعد قدام الشقة ف استغرب.
اسر: افندم قاعد هنا لى.
الشاب وقف وعدل نفسه: انا عايز انسة شمس محمد.
اسر ورفع حاجبه: وعايزها ف اى ان شاء الله.
الشاب: ف مسالة شخصية.
اسر بعصبية: شخصية اى انت اهبل ياض انت ماتظبط كلامك.
شمس فتحت الباب على صوت اسر واترمت ف حضنه.
شمس بدموع: اخيرا جيت معرفش مين دا واقف من الصبح وانا خايفة منه اوى.
اسر بحنية: هششش خلاص انا جيت اهدى.
الشاب بعصبية: اى الاقرف دا ياهانم بتحضنى واحد غريب عينى عينك كدا.
اسر وجاب اخره: شمس ادخلى جوة.
الشاب: تدخل فين دى هتمشى معااياا.
اسر ضربه بالبوكس ف وشه: سمعنى كدا انت قولت اى عايز تاخد مراتى معاك انت شكلك ناوى على خراب بيتك انطق يلاا مين اللى باعتك.
الشاب بصدمة: مراتك.
اسر: اه مراتى ويلا غور من وشى انا مش عايز اذيك بس قبل ما تمشى تقولى تعرفها منين.
الشاب: انا ادم رضا المنشاوى ابن عمهاا وجدى بعتنى علشان اجيبهااا لانها المفروض خطيبتى من صغرنا.
اسر: امممم قول ل جدك ياحلو انها مع جوزهااا واتفضل غور.
اسر شد شمس ودخل وقفل الباب ف وش ادم.
شمس بدموع: اسر هما مش هيخدونى منك صح.
اسر: محدش يقدر يجى جمبك طول ما انا ما عايش.
شمس: بجد يا اسر.
اسر بحب: بجد ياروح اسر يالا ادخلى نامى.
شمس: وانت.
اسر: انا عايز انام ف اوضة امى معلش.
شمس بحب: ماشى ياحبيبى.
اسر دخل اوضة ولدته وسرح ف ذكرياته لحد مانام.
༺༺༺༺༺༺༻༻༻༻༻༻
تسريع الاحداث؛
نور: عمرر يلااا الفطار جاهز وانت كمان يلا يا احمد قبل ما تنزل.
احمد ل عمر: مش عايز ازعلهاا وانزل.
عمر وضحك: اكيد وكمان هى قامت وحضرت وهى تعبانة قوم ياجدع قوم.
قاموا وقعدوا على الفطار.
نور: مين الشاطر اللى هيودينى للدكتورة النهاردة.
عمر: احمد اكيد علشان انا ورايا شغل مهم اوى عن اذنكم.
احمد: جوزك دا اوطى حد انا شوفته ف حياتى.
نور بضحك: اخس عليك يا احمد دا عمر مفيش احن منه.
احمد: اه ما انا واخد بالى قومى البسى يلاا.
نور: حاضر ثوانى واكون جاهزة.
بعد ربع ساعة
احمد بتريقة: ثوانى واكون جاهزة
نور بغضب: بطل تريقة ويلا وراياا.
احمد ضحك بقلة حيلة
ف العربية
احمد: اسمها اى الدكتورة دى.
نور بخوف: هاااا لى يعنى.
احمد بشك: هو اى اللى لى اسمها اى.
نور بخوف: ليل.
احمد بص لنور جامد وبعدين بص قدامه.
༺༺༺༺༺༺༺༻༻༻༻༻༻༻
ماسة: ملك تعالى شوفى اخوكى علشان انا خلاص جبت اخرى منه.
ملك: عمل اى بس.
ماسة: مش عايزنى اطبخ وهو اللى واقف ف المطبخ بيقولى علشان البيبى.
مازن: ايواا انتى مش خايفة يعنى على نفسك ياهانم.
ماسة: ياحبيبى انا لسة ف اول 3 شهور
مازن: ايواا يعنى الخطر اشد دلوقتى ممكن بقاا تستريحى.
ماسة: يامازن انا اللى هعمل الاكل.
مازن: لا انا.
ماسة: انا.
مازن: اناا.
ملك بصويتت: بااااااااااس ولا انتى ولا هو اناا اللى هعمل الاكل خد مراتك يامازن وادخلوا اتخمدوا لحد ما اعمل الطفح دا ومش عايزة اسمع صوت تانى يالاااا.
مازن خد ماسة ودخلوا الاوضة .
ملك: لا انا لو هتجوز وهعيش كدا ف يلعن ابو الجواز اى الصداع دا.
ترن ترن ترن
ملك بصدمة: هو بيجى على السيرة ولا اى.
ملك: احم اى ياحبيبى ف حاجة ولا اى.
سليم بشك: احم وحبيبى وف حاجة عملتى مصيبة اى.
ملك: انا معملتش حاجة بس مازن وماسة كانوا لسة بيتخانقوا على الاكل علشان هو مش عايزها تقف تعمل اكل وهى مصممة ف انا اتعصبت وزعقت وقولت انا اللى هعمل ولا هو ولاهى بس.
سليم وابتسم: يعنى اجى اكل من ايدك النهاردة.
ملك بصوت كله حماس: اشطاا وانا هعملك المكرونة اللى بتحبهاا.
سليم بحب: ماشي ياحبيبتى اما اخلص شغل هرن على مازن اعرفه.
ملك: ماشى ياحبيبى يلاا سلام علشان الحق اخلص الأكل باى.
سليم قفل وابتسم على حب ملك.
༺༺༺༺༺༺༻༻༻༻༻༻
ليل: الكشف اللى بعده يانسرين.
بعد دقيقة دخلت نور.
ليل بسعادة وحضنتها: وحشتيينى اوى اوى بجد.
نور: وانتى اكتر ياحبيبتى بس حبيبك زعلان منك.
ليل وبصت على بطنهاا واتكلمت: وحبيب خالتو زعلان لى.
نور: علشان بقالك كتير مش بتيجى تشوفيه فقال يجى يشوفك هو.
ليل: معلش ياحبيبتى بس ضغط العيادة بروح هلكانة بنام.
نور: ماشى سماح المرة دى بس يوم الجمعة مفيش اعذار مفهوم.
ليل بعدم فهم: لى ف اى يوم الجمعة.
نور: اخس عليكى نسيتى عيد ميلادى.
ليل وضحكت: حقك عليااا بس متعمليش مجهود خلاص هانت فاضل شهر اهوو.
نور: حاضر بس وعد هتيجى.
ليل بإرتباك: هيبقاا موجود.
نور واتنهدت: اكيد.
ليل سكتت واتنهدت بحزن ودموع: وحشنى اوى يانور.
نور وحضنتها: طب واللى يخليكى تشوفيه.
ليل وبعيون بتلمع: بجد.
نور: بجد اسمعى اللى هقولك عليه.
༺༺༺༺༺༺༺༻༻༻༻༻༻༻
اسر: شمس ياحبيبتى انتى فين.
شمس بصوت من داخل البلكونة: تعالى ياحبيبى انا هناا.
اسر وحضنها: الجميل بيعمل اى.
شمس: بينشر الغسيل.
اسر: امممممم طب واخبار النونو اى.
شمس وابتسمت: النونو كويسة خالص الدكتورة طمنتنى النهاردة.
اسر: ماشى ياحبيبى المهم.
شمس: اى.
اسر: يوم الجمعة احنا معزومين عند عمر.
شمس: اشمعناا.
اسر: عيد ميلاد مراته.
شمس: بجد الواطية مش قالتلى.
اسر بضحك: مش هخلص من لسانك دا.
شمس: تؤتؤ قرفينك.
༺༺༺༺༺༺༻༻༻༻༻༻
ليل بصوت عالى: نسرررين يانسرريين.
نسرين بخضة دخلت الاوضة: نعم يادكتور.
ليل: بسرعة تندهى استاذ عمر اللى ف العربية برا جوز المدام بسرعة.
نسرين خرجت تدور على عمر اللى بيجى كل مرة مع نور بس مش لاقياه احمد شاف ان الممرضة خايفة وبتدور على حد خاف ليكون نور فيها حاجة فنزل من العربية ووقف قدام نسرين
احمد: ف حاجة يا انسة.
نسرين بخوف: لا ابدا بس بدور على جوز مريضة جوا تعبانة اوى.
احمد بقلق: اسمها اى المريضة دى.
نسرين: نور..
نسرين لسة مكملتش الاسم ولقت احمد طار على جوا.
احمد دخل اوضة الكشف بسرعة.
ليل بتمثيل العصبية وهى مدياه ضهرهاا: عمر من امتى الاهمال دا جايين على اخر شهر ويحصل كدا انا مش منبهاك ان الحركة الكتير غلط عليهااا.
احمد واتحمحم: انا مش عمر.
ليل بصت ليه فضلوا باصين لبعض مده ليل الدموع بدات تتجمع ف عيونهاا بقالهاا شهور مشفتهوش من ساعت موت ولدتهاا بس رجعت بصت تانى ل نور اللى مسكت ايديهاا.
ليل برسمية: استاذ احمد اتمنى تخلوا بالكوا من نور شوية فاضل شهر اتمنى الالتزام فيه هكتبلها على شوية ادويه تلتزم بيهم وتيجى بعد اسبوع اشوف حالتهاا وحالة الجنين.
احمد: حاضر.
نور نزلت من على السرير واحمد سندهاا ليل كتبت ليها روشتة العلاج ومشيوا واول لما الباب اتقفل ليل فضلت تعيط.
༺༺༺༺༺༺༺༻༻༻༻༻༻༻
سليم: الوو مين.
: شوف خطيبتك فين….؟!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ظابط حياتي)
