رواية طوق الحب الفصل الثاني 2 بقلم هدير عبدالعليم
رواية طوق الحب الجزء الثاني
رواية طوق الحب البارت الثاني
رواية طوق الحب الحلقة الثانية
سليم بعصبية : يعنى أيه أتجوزها أنا؟
سيف بسذاجة: يعنى سهله و بسيطة أهى أنت عايز الشركه تكبر أتجوز بنت عمك
داليا : سيف حارب علشان إللى بتحبها أوعى تستسلم مهما حصل
سليم : أنت رايح فين ؟!!
سيف: مش عارف.. بس كل واحد مش مجبر يتجوز او يعمل حاجه هو مش مقتنع بيها.. أنا مش بقول إنك وحشه يا داليا .. بل بالعكس أنتِ من أجمل الناس إللى فى حياتي أنا مش هنسى كل الحاجات الصعبة إللى عدت علشان أنتِ كنتِ سند و أحسن أخت
داليا ب إبتسامة: يا سيف مش محتاج توضح أى حاجه.. مش ذنبك تتجوز واحده أكبر منك ب عشر سنين .
سليم : أنا هتجوز داليا
داليا بدموع: تمام ( هى أكيد مش دموع فرح .. لان داليا لسه بتحب محمد ،، نظره داليا وقتها كانت غريبة اووي .. و هى عماله تقولي حارب علشان إللى بتحبها .. إياك تضيع منك )
سيف ب إبتسامة: عايز أقولك يا بش مهندس سليم إنك بجد هتتجوز أحسن واحده فى العالم.. كفايه طيبه قلبها.. حد حنين جداا
سليم بعصبية: بعتقد مهمتك هنا إنتهت يا سيف .. لما نرجع البيت نتحاسب ي بش محاسب
سيف: بعد اذنكم .. سلام
( كنت خائف أكون زعلت داليا بكلامي .. أنا عارف ان مش ذنبها تعيش حياتها بالطريقة دى ..بس أنا كمان مش هقدر اظلمها معايا ,, وأنا راجع طول الطريق كنت مشتت اوووي مش عارف مصيري هيكون فين و ل أيه .. ترددت كتير أكلم رغد لحد ما لاقيتني بكلمها)
سيف : عاملة أيه
رغد : الحمد لله,مين؟!!
سيف : أنا سيف
رغد: مش غريبة ان حضرتك بتكلمني فى الوقت ده ؟!
سيف : بصراحة كنت عايز أتكلم معاكِ
رغد : أفندم؟!!
سيف : رغد أنا محتاج أقعد معاكِ و دلوقتى
رغد بصوت عالى: هو لو حضرتك فاكر إنى علشان وافقت اجي عندك المكتب يبقا كده أنا شمال.. لا ي بش محاسب أنا عارفه حدودي اووي–و وافقت اجي المكتب لأني قولت أكيد حضرتك عايزني فى شغل .
سيف: أيه كله ده !!؟؟ والله أكيد مقصدش إللى بتقولي عليه ده لكن ..
رغد :ي بش محاسب أنا لحد دلوقتى مفيش أى حاجه بيني و بين حضرتك غير الشغل .. و ياريت حضرتك تلتزم بحدودك معايا
سيف : طب أنتِ بتحبينى
رغد : سلام
( رغد, كأن جوايا إحساس إنى كنت قفش اووي معه, فى الوقت نفسه إللى أنا مبسوطة إنى بحافظ على نفسي أكتر، شغل تفكير اووي هو ليه ممكن يتصل دلوقتى و ليه حاسه نبره صوته حزينة,هو ممكن يكون محتاج يتكلم معايا فى أيه.)
(سيف, كنت بفكر فى إنك أول حد هيقف جمبي بس كلامك زعلاني اووي أنا عارف إنك صح لكن ليه يا رغد .. كأن ممكن تسمعيني .. بس رغم إنك كنت قاسيه جداا معايا الا إنك كبرتي فى نظري أكتر)
^^^ فى بيتنا^^^
ماما : سيف أنت كويس
سيف : أيه.. هااا؟
ماما : لا دا إحنا مش كويسين خالص فيه آيه مالك؟!!
سيف : لا مفيش
ماما : سيف أنا بعرف أمتى بتكون كويس و أمتى لا .. ف يلا قول فيه آيه
سيف بعصبية: قولت مفيش يا ماما
ماما : فيه حاجه حصلت فى الشغل ؟!
سيف : ..
ماما : سليم كويس؟!! هو مش معاك ليه؟؟
سيف : ..
ماما قربت مني أكتر و هى بتقول :عيني فى عينك أشوفك صادق ولا كذاب ..
(سيف,ماما قربت مني و عينيها جات فى عيوني ،حسيت وقتها ان فعلاً العين بتكشفنا جدااا اذا كنا فرحنين و لا زعلانين و اد أيه ممكن تعرف الشخص من عينيه ، عيوني دمعت مش عارف ليه مش قادر أتكلم او يمكن مش عارف أحدد أنا صح ولا لا .. بعد صمت طويل)
ماما : أنت إبني فااهم يعنى أيه يعنى أعرف إللى فيك من غير ما تتكلم .. عينك كشفت حزنك
سيف ب إبتسامة سذاجة: والله ؟! طب حسيتي أيه بقا
ماما : أتكلم.. أنا هنا أهو هسمعك و هحس بيك فى الوقت إللى محدش فيه حاسس بيك.
سيف حضنتها اووي : ماما لو حسيتي ان العالم كله مش عايزك هتعملي أيه؟
ماما : العالم كله؟!
سيف : اه لا أهل و لا حبيبه ولا أى حد
ماما ب إبتسامة: طب مش كفاية من العالم كله ان مامتك تكون جنبك و أنت فى حضنها
سيف : ماما طب هو لو أنا عايز حاجه ومش عارف أوصل ليها أعمل أيه!؟؟؟
ماما ب إبتسامة: عارف وأنتوا صغيرين بابا كأن ديما يقولكم أيه مفيش حاجه مستحيلة كل المستحيل ممكن يتحقق لو بدات تبدل كلمة مستحيل ب كلمه ممكن يتحقق .. فاكره مره لما كان سليم فى ثالث ابتدائي و دخل علينا و كأن منهار عياط و لما بابا سأله، قاله ان المس سألت كل واحد نفسه يطلع أيه ف هو قالها مهندس , ضحكت عليه و قالتله مستحيل تكون مهندس لأنك فاشل ، بابا وقتها رد عليه وقاله مفيش حاجه مستحيلة أى حاجه ممكنه مادام عايشين و بنتنفس .. النهارده سليم مهندس ،، إللى بيكون عايز حاجه بيحارب علشانه فاهم؟!!
سيف : بس القرار ده محدش موافق عليه ولا هيوافق عليه حتى أنتِ
ماما بدهشة: حتى أنا ؟!! .. مش مهم رأى أى حد المهم إنك تتحمل أخطأ القرار ده و تكون اد المسؤولية
سيف : ..
ماما : ممكن أعرف أيه القرار .. يمكن أكون معاك.. مش ضدك
سيف ب إبتسامة: القرار إنى أتجوز
ماما ضحكت بصوت عالى: بس كده نجوزك أحسن عروسه إحنا عندنا كام سيف .. نختارلك العروسة و نعملك الفرح في أقرب وقت
سيف : لا ما أنا اختارت العروسة
ماما : أكيد بقا بنت وزير او رائد أعمال من إللى بتشتغلوا معاهم
سيف: ..
ماما : بنت بش مهندس طيب؟
سيف بخوف : لا
ماما : أنا أعرفها!! حد يقرب لينا؟
سيف بتوتر: لا ، حضرتك شوفتيها مره واحده فى الشركة
ماما : مين ؟؟!
سيف : رغد
ماما بدهشة: السكرتيرة؟!!!!
سيف بخوف : اه
ماما بعصبية: لا طبعاً أنا مش موافقة
سيف ب إبتسامة: مش قولتلك أنا كله مش هيوافق
ماما بصوت عالى : ولازم كله يرفض أنت مستوعب أنت بتقول أيه.. الجوازة دى مستحيل تتم
سيف ب إبتسامة: كل المستحيل ممكن .. و بعدين أيه المانع إنى أتجوز رغد مفيش أى حاجه تمنع ده
ماما: ..
سيف : أنتِ الوحيدة إللى كنت حاسس إنك ممكن تكوني معايا لكن شكلي هفضل طول حياتي لوحدي
ماما : …
سيف: ماما أيه رأيك فى رغد بعيد عن إنها سكرتيرة؟!
ماما بعصبية: البنت جميله و طيبه و محترمة لكن مش زينا يا سيف .. كلمت سليم فى الموضوع؟!
سيف ب إبتسامة: ماما أنتِ كنتِ عارفه إنهم عايزيني أتجوز داليا
ماما:…
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية طوق الحب)
2 تعليقات