رواية طوق الحب الفصل الثامن 8 بقلم هدير عبدالعليم
رواية طوق الحب الجزء الثامن
رواية طوق الحب البارت الثامن
رواية طوق الحب الحلقة الثامنة
سيف : هو حضرتك بتقول أيه ؟
الآمن: هى دى تعليمات بش مهندس سليم
سيف : تعليمات أيه أنت عبيط؟… دى شركتي
الآمن: والله بش مهندس سليم قال إنك خلاص مش هينفع تدخل الشركه تانى
سيف : إللي هو ليه؟!!
الآمن : والله دى حاجات تخص حضرتك مع البش مهندس سليم
(سيف , ظهر عليا علامات الزعل .. شعور غريب بأنك تترفض من مكانك .. وليه أمشي من أكتر مكان بذلت فيه كل مجهودي »» كله ده علشان هتجوز بنت فقيره )
^^ فى البيت ^^
ماما : سيف فيه آيه؟
سيف بحزن : بتسأليني فيه آيه ؟ دا على الاساس إنك مش عارفه !!!
ماما : مش عارفه آيه ؟
سيف بتنهيده : اترفض من الشركة
ماما : إللى هو إزاى ؟؟؟
سيف بكل آسف: الآمن النهارده منع دخولي الشركه
ماما : امن مين إللى يمنعك تدخل شركتك؟؟!!!
سيف : الآمن بينفذ تعليمات
ماما : تعليمات مين ؟؟؟؟
سيف : أنتِ كنتِ صح .. لما قولتي خليكم مع بعض فى كل حاجه الا الشغل , الشغل بيزعل الغريب مننا ما بالك بقا ب القريب و هو ده إللى حصل .
ماما بعصبية : ياريتك كنت سمعت الكلام ولا عملت بيه
سيف : أنتِ صح .. بتلبسي رايحه فين ؟!
ماما: هنزله
سيف : هتنزلي ل مين !!؟؟
ماما : ل البيه الكبير
سيف : لا يا ماما بلاش..
ماما : تعرف تسكت
( سيف , حاولت كتير امنع ماما إنها تنزل لكن هى صممت .. أنا عارف ان ماما أكتر حد بيحبني .. أنا عارف إنها يمكن مش موافقة على جوازي من رغد .. لكن هى أكتر حد بيدعمني .. أكتر حد بيحبني بدون مقابل حد بيحبني بدون مقدمات… »» مش عارف ماما هتقول أيه ل سليم.. بس كل إللى أعرفه ان ماما مش بتحب الظلم )
ندى : داليا بتتصل عليك
سيف بدهشة: داليا؟؟!!
ندى : أيه استغربت كده ليه؟؟؟
سيف : لا عادي .. مش قادر أرد بس
ندى : امم
سيف : ولا أقولك هاتي أرد عليها
^ فى المكالمة^
داليا : سيف عامل أيه
سيف : الحمد لله.. أنتِ عاملة أيه
داليا : أيه إللى حصل مع سليم ؟
سيف : أيه إللى حصل؟! مفيش حاجه حصلت ؟
داليا : يخربيتك يا أخي.. هتفضل ساكت كده لحد ما تموت .. هتفضل ديما تيجي على نفسك علشان تحافظ على ناس مش بتقدرك أساساً.. يا بنى فوق بقا
سيف, فضلت ساكت .. ما هو هرد أقول أيه.. مفيش شعور يوصف إللى بمر بيه غير إنى اسكت »» احياناً كتير المفروض نلتزم الصمت مش علشان هو ده الحل الوحيد .. بس يمكن هو ده الحل الوحيد إللى هيحافظ على ناس بنحبها ..
داليا : هتفضل ساكت كتير ؟؟
سيف بعصبية: قولت مفيش حاجه يا داليا .
داليا : سليم رفضك من الشركة ليه؟
سيف بعصبية: هو الكبير و إللى شايفه صح يعمله
داليا بزعل : هى أيه طريقه كلامك دي ؟
سيف : هو أنا إللى ممكن أعرف أنتِ عايزه أيه؟!
داليا بزعل : مش عايزه حاجه.. سلام
سيف بحزن : أنا آسف يا داليا لكن بجد مصدوم من إللى حصل .. مش متخيل إنى اترفض من شركتي .. عارفه أكتر حاجه صعبه أيه ؟؟ ان الناس بقت بتيجي على الطيب و تعمل ألف حساب ل الظالم .. أنا مش مصدق ان سليم يعمل كده دا أخويا فاهمه يعنى أيه ؟
داليا : اه فاهمه .. المهم هتعمل أيه؟!
سيف : عرفتي من مين إللى حصل ؟
داليا : من بابا
سيف : و هو عرف من مين ؟
داليا : طنط كلمته
سيف ب إبتسامة: لحقت تقوله ؟ دى ماما سريعه اووي.
داليا : المشكله ان عمك موافق سليم فى إللى بيعمله .
سيف : ما هو ده الطبيعي.. أيه الجديد يعنى ؟
داليا : المهم هتعمل أيه؟
سيف : لا لازم أتجوز رغد
داليا : اه ما أنا عارفه هتعمل أيه برضو ؟
سيف : ممكن نأجل الفرح سنه
داليا : و أهلها العروسة هيوافقوا؟
سيف : مش عارف !؟
داليا: والله مش عارف أقولك إيه..
سيف : المهم كنت عايز أسألك عاملة أيه فى الخطوبة
داليا : الحمد لله زي الفل .. و طارق كويس جداا و إبن ناس و محترم
سيف : طب الحمد لله ربنا يكمل فرحتك على خير
داليا : يارب , بس كنت عايزه أقولك ان أى حد بنحبه بيفضل مأثر فينا اووي حتى بعد ما يمشي .. يعنى محمد مات و لسه مأثر فيا و كل لما بفتكره بحس أنه قدامي … فا لما تحب حد قوله إنك بتحبه و إنك هتفضل معه و لو هو بيحبك هيقدر وجودك معه مش هيكون أهم حاجه عنده أنت إبن مين او معاك اد أيه فلوس .. هتكون أنت بالنسبة ليه العالم بما فيه .. فاهمني
سيف بتنهيده و حزن : أكيد فاهم … بس مش فاهم أيه مناسبه الكلام ده؟!
داليا : مناسبه الكلام ده إنك تروح ل رغد.. تتكلم معها تقولها إللى حصل.. تقولها إنك هتدور على شغل فى شركه و إنك مستعد تعمل ألف حاجه علشانها ..
سيف : اه فهمت كلامك.. وفعلاً هعمل كده
داليا : أعرف إنها لو خير ليكِ لو العالم ده كله وقف قصاد جوازك منها هتتجوزها و لو شر ربنا هيبعدها عنك
سيف : أكيد
داليا : يلا سلام .. علشان عندي شغل
سيف بضحك : ماشي يا ستي .. بتعملي عليا مهمه وكده
داليا : أكيد مش قصدي
سيف : بضحك معاكِ.. بكره اشغلك فى شركتي
داليا بضحك : لا يا عم شغل رغد
سيف بضحك : لا دى هتكون مديره قلبي و شركتي و كل حاجه
داليا بضحك : ماشي يا عم الرومنسي .. يلا سلام
سيف : سلام , ماما أنتِ جيتي أمتي ؟
ماما : لسه جايه أهو
سيف : عملتي آيه
ماما : سليم مصمم على أنه يظلمك ..مش عارفه ليه بيعمل كده ؟؟
سيف : يا ست الكل ولا تزعلي نفسك
ماما : سيف أنا معايا دهب وفلوس من زمان خدهم أتجوز بيها أنا مش هزعل
سيف ب إبتسامة حزينة : أنتِ فاكره إنى هوافق عل حاجه زي كده ؟
ماما : ملكش دعوه أنا..
سيف قبلت ايديها : يا ست الكل وجودك معانا أهم من ألف شركه
ماما : ربنا يخليك يا بني
سيف : و يخليكِ يا ست الكل
ماما : هتعمل أيه ؟
سيف : أكيد هشوف شغل فى أى شركه
ماما : ربنا يكرمك و يوفقك يا بني
سيف : يارب يا ماما .. أنا نازل رايح مشوار كده
ماما : رايح فين ؟
سيف : هقولك اما اجي
ماما : ربنا يجعلك فى كل خطوه سلامه يا بني
( سيف , كلمت رغد علشان تجيلي و اكلمها بعيد عن أهلها و آشوف هنعمل أيه)
^^ فى الكافية^^
رغد : أزيك يا سيف .. عامل أيه
سيف : الحمد لله…
رغد :مالك ؟
أحمد: أنا هقعد على الترابيزة إللى هناك دي بعيد عنكم شويه
سيف : ..
رغد : معلش ان أحمد جه و كده لكن بابا علشان انزل أقابلك قالي لازم احمد ينزل معايا .. أنت مضيق من كده؟
سيف : يا بنتي أنتِ عبيطة أحمد ده أخويا الصغير و أكيد مش ده إللى هيضيقني … الموضوع أكبر من ان أحمد جاي معاكِ
رغد بضحك : طب الحمد لله أنه مش احمد.. فيه آيه بقا مالك ؟
سيف : رغد للأسف إنى اترفضت من الشركة
رغد بصدمة: شركتك؟؟؟
سيف :احمم ..
رغد :..
سيف :
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية طوق الحب)
