رواية طموح امرأة الفصل العشرون 20 بقلم حنين الماضي
رواية طموح امرأة الجزء العشرون
رواية طموح امرأة البارت العشرون
رواية طموح امرأة الحلقة العشرون
الحج عصام : مالك يا حجة صاحية لية لحد دلوقتى
ام رنا : عاوزاك فى حاجة كدة بس لما تغير هدومك الاول وتاكل
عصام : لا قولى فى ايه
ام رنا : اسمع منى لحد الاول لحد الاخر ووطى صوتك كدة عشان زلابيا فى اوضة رنا ومش عاوزاها تسمع
عصام : ما تتكلمى طيب قلقتينى
ام رنا : من يوم فرح زين لما حصل موقف ابنك مع حنين بنت احمد فاكر طبعا
عصام : ها كملى
ام رنا : ساعتها بنتك افتكرت ان …………….
عصام : 😡 اية الكلام الفارغ دة ، ازاى يروحوا عندة من غير ما نعرف وكمان ابنك المحترم كسفنا قدام الناس وصغرنا حتى اختة يعتبر شتمها مش غلط فى زيزى وخلاص ، ادى ترتبيتك يا هانم مبسوطة من اللى حصل، وجاية تقوليلى تعالى نخطبهالة طب والناس اللى شكلنا عرة قدامهم دوول نعمل معاهم ايه
ام رنا : هو انا كل ما اكلمك تقولى تربيتك هو انا كنت بربى لوحدى ولا دوول ولادى لوحدى ولا هو اى حاجة المهم ترميها عليا وخلاص
عصام : ايووووة هتسيبى اللى ابنك عملة وتمسكى فى كلمتى
ام رنا : يعنى انا غلطانة انى قولتلك
عصام : لااا انا اللى غلطان انى كنت فاهم ان عندى راجل ، طلعت البنت ارجل منة وجاى النهاردة عاوز يخطبها ،ما كان اتلحلح ونطق من الاول بدل اللف والدوران دة ، ساب اية للحريم على كدة
ام رنا : هو عارف انة غلطان بس لو كنت شوفتهم وهما بيكلموا بعض النهاردة ،كنت هتحس بالفرحة
عصام : فرحة اية ، دة انا اللى هقولها انتى عاوزة تتجوزية بعد كل دة يبقى تستاهلى
ام رنا : حد يقول كدة بردوا على ابنة ،يعنى بدل ما نساعدة نقولة مالناش دعوة بيك
عصام : مجاش من الاول لية دوغرى بدل كل دة
ام رنا : انا عارفة كل اللى مزعلك دلوقتى شكلك قدام احمد ، لعلمك انا فكرت اتصل بمراتة بس قولت اشورك الاول
عصام : المطلوب اعمل ايه،اروح اقولة ابنى معرفتش اعلمة الرجولة
ام رنا : وطى صوتك زمانها سامعة كلامك
عصام : روحى شوفيهم لو صاحيين ناديهم
ام رنا : انت نويت خلاص تنكد عليهم
عصام : يا شيخة بلا هم دانتوا نكد واللى يمشى وراكوا يستاهل
زلابيا: ازيك يا خالو
عصام : لسة صاحية منمتيش
زلابيا : لا مش جايلى نوم بس غصب عنى سمعتك الصوت كان باين
ام رنا : هو خايف عليكوا اقعدى
عصام : رنا نامت
زلابيا : اة
عصام : يعنى انا نفسى مكسوف منك
زلابيا: لية يا خالو ، انا خلاص مش زعلانة
عصام : طيب لو انتى مش زعلانة طيب الناس اللى علاقتنا بيهم ودية نعمل معاهم اية
زلابيا : شوف يا خالو اللى يرضيك واعملة بس حازم النهاردة كان عندة استعداد يعتذرلهم لان هو نفسة مضايق من الموقف
عصام : كويس انة فهم
ام رنا : طيب اية رأيك نروح زيارة ليهم وناخد زلابيا ورنا معانا ،هما يقعدوا مع البنات واحنا كبار نقعد نلم الدنيا ،عالاقل يعرفوا اننا عرفنا وكنا مستنيين امتحانات ولادهم تخلص
عصام : يعنى يوم ما ارحلة زيارة ،اروح وانا فى نص هدومى
ام رنا : طيش شباب وهما اعتبروة اب ليهم وكلمتين كدة ويخلص ونراضى بنتة وخلاص
عصام : انا قايم انام
ام رنا : متزعليش كل حاجه هتتحل باذن الله
زلابيا : ربنا يخليكى يا طنط
ام رنا : يالا قومى نامى زى المسطولة اللى نايمة دى ههههه
زلابيا: حاضر
——————–
زين : يا ولاد بلدنا يوم الخميس هكتب كتابى وابقى عريس والدعوة عامة وهتبقى لااامة وهيبقى ليا فالبيت ونيس ههههههه اخيرااا هدخل للعذاب برجلى
نور : انا عذاب يا زين ،من اولها كدة
زين : بهزر معاكى يا مراتى هههههه كل يوم هتدوشينى وهات عيش وعشا ونفسى اكل كذا هههههه هفلس انا عارف
نور : هو دة اللى افتكرتة من الجواز يا زين ،تصدق بقى انا غلطانة انى وافقت عليك من الاول
زين : خلاص يا نور العين دخلتى القفص برجلك ههههه
نور : لاااا اوعى تفتكر انك هتقدر تتحكم فيا وابقى كل يوم مزروعة فالمطبخ والغسيل ،هههههه تبقى بتحلم
زين : حبيبى لو ناوية على نكد زى يوم الخطوبة عرفينى عشان اكون مجهز نفسى
نور : قصدك اننا نكد يا زين
زين : لا يا حبيبى ،بس انا كل اكلمك انتى فين يا نور ،انا بجيب حاجة المطبخ وكل يوم بتنزل حاجات جديدة ،حبيبى انتى بقالك شهرين فالمطبخ بس وفالاخر مش عاوزة تقفى فية هههه طيب جربى الحاجة اللى جبتيها شوفيها عاملة ايه
نور : ما انا هجربها طبعا بس بمزاجى ولعلمك انا استحالة انزل ارمى زبالة انت فاهم
زين : فى ايه يا نور ،عمارتنا فيها محمد البواب ومراتة وجيش عيال عندة ،انتى ناسية ولا هو اى نكد والسلام
نور : هههههههه قولت اجرب النكد كدة هشوفك هتعمل ايه
زين : لا ونبى هههههه دقيقة وكنت هقفل على فكرة ،التجاهل فالوقت دة مفيد
نور : ههههههه زغروطة حلوة رنت فى بيتنا هههههه
زين : عاوزك كل شرايط الافراح تشغليها ومظبط انا شوية سماعات هتقلب العاشر كلها هههههه
نور : محمود جايب حاجات تحفة جدا هههه والفستان بقى مش عاوزة اقولك جميل جدا
زين : المهم يكون معقول مش لازم يكون اليوم المفتوح لكل الفرح
نور : هههه لا العروسة تلبس اللى هى عاوزاة بقى مترخمش
زين : حبيبى احنا متفقين بالمعقول عشان مكونش قاعد جنبك مضايق
نور : لا متخافش حتى الضهر هتنزل علية الطرحة مش هتبينة اوى
زين : اممم ربنا يستر ههههه
نور : مش مصدقة اخيرا
زين : تخيلى هتبقى مراتى وقدامى ونسهر للصبح لحد ما ننام على نفسنا
نور : عندى احساس ملغبط شوية اكون مش مصدقة شووية احس انى مش انا ههههه
زين : لا خلاص انتى العروسة القمر بتاعتى وفرحك خلاص اتحدد
نور : ياااة هفضل كل يوم يعدى احسب فاضل بعدة قد ايه
زين : على ما نخلص باقى حاجتنا هيكون الوقت دة عدا
نور : يارب 😍
——————
فلاااااش باااااك
————-
سما : يا بختك بتخلصى امتحانات قبلى
حنين : ههههه ما انا كنت زيك كدة
سما : الحمدالله ان السنة مضاعتش عليكى
حنين : متفكرنيش انا كل ما كنت انزل اركب العربية مع بابا عشان يودينى كنت بحس انة هيسمعنى احلى كلام وببقى قاعدة جنبة وقلبى مرعوب
سما : الله يسامحهم بقى نكدوا علينا كتير
حنين : بقولك متعرفيش خالتو ياقوت هتنزل مصر امتى ، نفسى اشوف سوريانا و لورين جدا وحشونى
سما : اخر مرة قبل الامتحانات سوريانا كلمتنى قالتلى عاملين حسابهم عالصيف بعد ما نخلص امتحانات بس شكلهم كدة هينزلوا على دهب السنادى عشان كانوا عاوزين يروحوها من المرة اللى فاتت
حنين : طيب واحنا مش هنروح معاهم
سما : يااااريت بس اهل بابا ميوزعوش مناسباتهم على الاجازة كلها وساعتها هنروح غصب عننا
حنين : لا متقوليش كدة ان شاء الله مافيش مناسبات عندهم ههههه
سما : ههههه كفاية المناسبة اللى فاتت
حنين : كل ما افتكر ببقى هاين عليا امسك حازم دة ارنة علقة
سما : وفالاخر سافر ههههه ،عمل ايه بخططة بقى
حنين : نكد عليا انا ، واختة واللى عامل الخطة عشانها عايشين عادى جدا
سما : اهو درس لينا ان اخر ناس نساعدهم هما اهل بابا ههههه
حنين : بس طلعت بالطقم اللى زلابيا عملتة هههه
سما : هههههه يعنى الطقم ولا دراستك يا ناصحة
حنين : دراستى طبعا بس محبش اخسر كلة كدة هههه
سما : هتقعدى ترغى للصبح هقوم اكمل مذاكرة انا وانتى بقى اسمعى اغانى اتفرجى على فيلم كلمى صحابك 😭
حنين : لا مش هعمل حاجه لحد اليومين اللى فضلنلك يعدوا ونبقى نسمع اغانى ونتفرج على فيلم سوا هههه
سما : صعبانة عليكى ماشى ههه
حنين : قومى خلصى بقى ههههه رغاية فعلا
—————
باااااك
——-
ابو حازم : اة يا حازم اخبارك ايه
حازم : تمام يا حج انتوا عاملين ايه
ابو حازم : خلاص قررت هتنزل امتى
حازم : اة ان شاء الله قبل فرح زين بيومين
ابو حازم : طيب انا كلمت عمتك وابو زين على زلابيا
حازم : اة
ابو حازم : هما مرحبين طبعا خصوصا ان البنت سألوها وقالت موافقة واعتذروا للعريس اللى كان متقدم
حازم : الله يخليك يا حج ليا يارب
ابو حازم : لا والله
حازم : فى ايه
ابو حازم : تعمل حسابك اول لما تنزل هنروح لعمك احمد كلنا ومعانا زلابيا تعتذرلة هو وبنتة وابقى هات هدايا قيمة معاك لية ولمراتة وولادة فاهم
حازم : حاضر انا كنت عامل حسابى علية هو بس ،بس مافيش مشكلة اى خسارة عشانك ماشى ههههه
ابو حازم : خسارة فى مين ان شاء الله
حازم : _بهزر يا حج ههههه حاضر هعمل حسابى
ابو حازم : ماشى ومبروك ليك واختك قرينا فتحتها الحمد لله والخطوبة لما تيجى نبقى نحددها
حازم : ان شاء الله
—————-
فى اجازة الصيف
————–
ابو حازم : ازيك يا ست الكل عاملين اية والولاد وابو الولاد ههه
امال : الحمد لله بخير شكرا على سؤالك وانتوا عاملين ايه
ابو حازم : الحمد لله بخير ،ياترى لو حبيت اكلم الكبير بتاعنا الاقية
امال : اة لسة واصل من ساعة ثوانى
ابو حازم : اتفضلى
الشاذلى : السلام عليكم
ابو حازم : ازيك يا كبير عامل ايه
الشاذلى : الحمد لله حظك حلو لسة داخل من شوية ، عارف ان المحمول مغلق على طول بس دى ظروف الشغل انت عارف
ابو حازم : الله يعينك ، انا قولت لو ينفع وظروفك تسمح كنت انا والحجة والولاد عاوزين نيجى نسلم عليكوا لو ينفع
الشاذلى : تشرفوا طبعا اهلا بيكوا
ابو حازم : طيب هتكون موجود امتى ولو ينفع الخميس عشان حازم هيكون رجع ان شاء الله
الشاذلى: الخميس انا فالبيت ولا يهمك
ابو حازم : تسلم يا غالى ،نشوفكم على خير
———
سما : الحقى يا حنين
حنين : فى ايه
سما : اللى اسمة انكل عصام دة كان بيكلم بابا من شوية وقالة انهم هيجوا هنا يوم الخميس
حنين : لية بقى تانى
سما : كدة خروجة النادى راحت 😭
حنين : غريبة انهم جايين ، وحازم دة جاى معاهم
سما : دة حدد الخميس عشان يكون جة من السفر ، تفتكرى جايين لية
حنين : انا هفضل فى اوضتى عشان دى هتبقى خناقة الصيف والنكد كله ، انا بقيت بتشائم منهم
سما : ربنا يستر
——————
يوم الخميس
———–
ابو حازم : السلام عليكم
الشاذلى : عليكم السلام يا راجل يا طيب اهلا وسهلا اتفضلوا
ام رنا : ازيك يا مدام وازاى الولاد
امال : الحمد لله بخير،اهلا يا رنا اهلا يا زلابيا اهلا يا حازم اتفضلوا
الشاذلي : نورتوا
ابو حازم : معلش بقى فالزيارة دى ، بس قولت اجيبهم معايا ونيجى نعزمكوا على كتب كتاب وشبكة حازم وزلابيا الاسبوع الجاى
امال : ماشاء الله الف مبروك
الشاذلي : الف مبروك عقبال الفرح الكبير
ابو حازم : انا مش عاوزك بقى تعتذرلى زى ما عملت مع ابو يزن وتقولى الشغل ومش هقدر اجى
الشاذلى : طب اسألها كدة هتقولك كنت بقولها حضرى الشنطة عشان مأمورية بكرة بالليل ومش هرجع قبل يوم الثلاثاء واجازة ليوم الجمعة
ابو حازم : اهو الخطوبة من حظنا جاية فالاجازة يبقى هتيجوا ان شاء الله
الشاذلى : لا كدة هنيجى ان شاء الله بس انت قول بقى لابو يزن ميزعلش الفرح السبت وانا الله ما ينفعش مروحش الشغل دة ومش هينفع عندى هنا يروحوا لوحدهم
ابو حازم: لا متقلقش هو مقدر
الشاذلى: ما تاخدى البنات دخليهم عند حنين وسما جوة
امال : تعالوا صح اقعدوا معاهم وتعالى يا ام حازم اتفضلى ونسيبهم مع بعض شوية
ابو حازم : انا بصراحة جايلك مكسوف وحازم جاى يعتذرلك عن اللى حصل منة لما جة هنا
الشاذلى: لالا دة حازم زى ابنى وكلنا فى سنهم كنا متهورين كدة ولا نسيت لما جيت قولتلكوا هتجوز ام الولاد ههههه كلنا كنا زية ومعقلناش الا لما اتجوزنا وبقى عندنا بيت وولاد ومسئولية
حازم : والله يا عمى انا اسف وعارف انى غلطان وعارف بالعقاب اللى عملتة مع حنين بس الحقيقة هى مش غلطانة هى زيها زى اى بنت حسيت انى بدبسها وكانت عاوزة تعرف فى ايه لكن بصراحة هى طلعت احسن منى وهى السبب اللى فوقنى لما عرفت انها قالت لرنا اختى وزلابيا اللى حصل
ابو حازم : واهو البنات قربوا من بعض وكانوا هيتجننوا من يومها عشان يجوا يطمنوا على حنين واتصلوا بيها بس عرفوا انها ممنوعة من اى تليفون
الشاذلى : هى لسة صغيرة ولازم تتعلم ان مش اى حاجة دماغها تقولها عليها تعملها ،لو كانت رجعت لامها مكنش دة كلة حصل
ابو حازم : يعنى احنا بنعتذرلك وحازم حاسس بتأنيب ضمير لما عرف ان المحمول انسحب منها ، لقيتة راجع من السفر وجايبلها واحد ههههه جايب لاختة وخطيبته وحنين وسما ،ظبط البنات وأمة وعمتة ههههه
الشاذلى: هههه انت مضايق بقى ولا ايه
ابو حازم : هههه
—————
فالوقت دة كانت رنا وزلابيا وام حازم حكوا كل حاجة حصلت خاصة بيهم فالموضوع دة وكل الخناقات اللى حصلت
حنين : يعنى الخطوبة اتحددت الحمدلله
زلابيا : اة ان شاء الله
سما : وانتى امتى يا رنا
رنا : لا لسة شهر كدة على باباة ما يرجع من السفر
حنين : هههه انتوا كنتوا عاملين غراميات وانا هنا محبوسة
زلابيا: احمم معلش يا حنين متزعليش بس الموقف دة قربك مننا اكتر وطلعتى جدعة
سما : اة جدعة وساقطة لو عادت السنة
كلهم : ههههههههه
————–
يوم كتب الكتاب
————-
حنين : عارفة ان بالرغم من انهم جم عندنا لكن بردوا جوايا حاجة مخليانى حابة ابعد عنهم
سما : بس الموبايلات حلوة هههه
حنين : هى حلوة ههههه بس كل ما هستخدمة هفتكر اللحظة السودا دى
سما : بس عاملين فرح كبير والمكان سمعت انة حلو جدا
حنين : اة وانا كمان ،وعملت حسابى دريس من غير ديل اهو هههه
سما : كنت عاوزة اقولك على فكرة بس سكت لحسن تزعلى ،اية رأيك بقى فى الدريس بتاعى
حنين : حلو اوى ولايق عليكى بس لية عملتى كيرلى
سما : عشان بتاع الكاميرا لما يجى عندى ادخل وشى جوة شعرى
حنين : هههههه
سما : انتى كمان شكلك حلو اوى كأنك انتى العروسة
حنين : هههه لسسسسة بدرى ،هو اى حد كدة هوافق علية لاااا طبعا لاااازم بابا هو اللى يختارة عشان اريح دماغى من الحوارات اللى بسمعها بتحصل بين المخطوبين ويبقى بابا شاهد بقى ههههه
سما : الله يكون فى عونة اللى هتكونى من نصيبة هههه
حنين : هههه يالا ننزل قبل ما بابا يزعق وبصى مش هنتحرك من جنب ماما
سما : ما الدريس قصير اهو هتقلقى من ايه المرادى
حنين : ولا حاجة بس خلينا معاهم وخلاص
———-
فى الفرح
——–
سما : زلابيا قمورة اوى
حنين : اة عسولة فعلا
رنا : تعالوا قوموا نتصور
حنين : لالا خلينا ونبى ههههه
رنا : قوموا بلاش رخامة
سما : مبروك
زلابيا: حبيبتى عقبالك ، تعالوا ناخد صورة لوحدنا
حازم : يعنى انا لاة
حنين : لا انت خليك لتعمل حاجة زى المرة اللى فاتت
حازم : انسى بقى
كلهم : ههههههه
سما بعدت عن الكوشة وبعدها رنا كانت بتكلم حنين على البوفية وعاوزاها تروح معاها تشوف جهز ولا لسة وجة محمود اخو نور خبط حنين غصب عنة من ضهرها
حنين : اة
رنا : حاسبى تقعى
حنين : لالا انتوا مستقصدنى كدة
محمود : انا اسف والله مخدتش بالى
سما : هههه دة هو بتاع المرة اللى فاتت يا حنين
محمود : والله العظيم المرادى مخدت بالى
حنين : يعنى المرة اللى فاتت كنت قاصد بقى
محمود : اتكلمى يا رنا والله ابدا
حنين : خلاص انا هروح اقعد جنب ماما
رنا : تعالى بقى هو مش قاصدة فعلا
حنين : ماشى
—————
حازم : مبروك يا حبيبى كتبنا الكتاب وبقيتى مراتى
زلابيا: الله يبارك فيك
حازم : عارفة عاوز اقولك حاجة ،اكتر حاجة عجبتنى فيكى طموحك ،قولت دى اللى هتعمل منى حاجة وهتشجعنى اكبر
زلابيا: بس عشان كدة
حازم : طموحك وشخصيتك جابونى على ملا وشى هههه
زلابيا : وانا لسة عند طموحى وعاوزاك تشجعنى اكتر
حازم : اكبر مكان لشغل الاكسسوارات بأحدث المعدات هجيبهالك وكبرى طموحك ومشروعك ودى هدية منى ليكى يوم دخلتنا
زلابيا : بجد يا حازم
حازم : بحبك اوى والله العظيم
زلابيا : وانا كمان 😍
رنا وحنين : بتقولوا اية
حازم : بحبها اشهدوا
حنين : انا اكتر واحدة شاهدة متفكرنيش
سما : حنين حنين تعالى
حنين : فى ايه
سما : عارفة محمود اللى كل فرح يخبطك دة
حنين : خبطك
سما : لا خطبك هههههه
حنين : بتقولى ايه
سما : اة والله ماما قالتلى راح مع ابوة يكلم بابا
حنين : اوعى تقولى بابا وافق
سما : ههههه لا رفض قالة لسة بتدرس ومخلصتش ووراها لسة ماجستير بعد الجامعة
حنين : هههههههههه بابا حبيبى بس انا مش هعمل ماجستير انا ما هصدق اخلص اصلا واشتغل وهجوز عن طريق بابا بدل ما ابقى زى الدايبين هناك دوول والناس تتريق عليا ههههههه
سما : ههههه احساس غريب لما ماما قالتلى حنين جالها عريس ههههه
حنين : ههههه
رنا : يالا تعالوا نرقص
حنين : يالا عشان اتخبط
كلهم : هههههههه
————-
تووووتة توووووتة خلصت الحدوتة وبعد الفرح دة حنين وسما بعدوا عن رنا وزلابيا وبقت المناسبات قليلة ، لحد ما حنين اتجوزت وبدأت تشوفهم لكن فى اطار عائلى لحد ما حنين اتعرضت لظروف قوية ملقتش جنبها غير اهلها وزلابيا ورنا وسبحان الله اهل مامتها اللى كانوا قريبين بحكم تطور ظروف بلدهم بقى كل واحد فى ناحية صعب يتجمعوا ويتواصلوا زى الاول واللى كانوا بعاد بقى هما اصحاب حنين اللى بتلاقى راحتها معاهم فالكلام ،ربنا يديمهم نعمة فى حياتى 😍😍
=====================
اتمنى اكون وفقت فى نقل الاحداث للرواية ، الى ان التقى معكم فى احداث جديدة مع رواية واقعية اخرى بظهور الابطال ، لكم منى ارق التحية والتقدير
تحياتى حنين الماضى 😍
لقراءة الرواية كاملة اضغط على : (رواية طموح امرأة)
