رواية طموح امرأة الفصل السادس عشر 16 بقلم حنين الماضي
رواية طموح امرأة الجزء السادس عشر
رواية طموح امرأة البارت السادس عشر
رواية طموح امرأة الحلقة السادسة عشر
الشاذلي: الموضوع منتهى ، حازم قدامك خمس ثوانى تقولى عاوز تتجوز البنت ولا لا
زلابيا: عمو
حازم : موافق طبعا
زلابيا: وانا لا لو سمحت يا عمو الموقف كلة مش كويس وعمرى ما هتجوز كدة ولو حازم اخر واحد فالدنيا ،بعد الموقف دة فيبقى لا
حازم : انا غلطان بس غصب عني اتصرفت كدة
الشاذلي : سيبها دلوقتى
رنا : لية يا زلابيا ماهو جة اهو وطلبك
زلابيا : مع احترامى ليك يا عمو بس انا فين والموقف اية واطلبت للجواز ازاى ،معلش متزعلش منى ،انا مش موافقة
رنا : زلابيا انتى بتقولى ايه
زلابيا: عارفة انة اخوكى وهتزعلى منى عشانة ،بس عجبك الموقف دة وبعدين مين ادالة ايحاء ان انا هوافق علية وعمال يدور ورايا
رنا : انا اللى وصلتلة كدة
زلابيا :طيب هو انا عمرى لمحتلك لكدة
حازم :مالوش لزوم خلاص ، معلش يا عمى عملت ازعاج لحضرتك
الشاذلي : يا بنتى بلاش تكابرى لو زعلانة من الموقف ناخدلك حقك منة لكن الا الجواز مينفعش فى عند ابدااا
زلابيا : والله يا عمو زى ما بقول لحضرتك انا مش جاهزة للجواز من ناحية وعندى لسة طموح خاص بيا من ناحية تانية
حازم : طيب انا مضطر اقوم استأذن واخدهم اوصلهم لان الوقت اتأخر عليهم
زلابيا: لا انا هرجع زى ما جيت معلش
الشاذلي : اعتقد انك محتاج تكون لوحدك شوية وهما هبعت العربية توصلهم وموضوع الملابس قفلناة خاالص
زلابيا : 🙂
حنين : طيب يا بابا
الشاذلي : قومى شوفى مامتك خلصت الغدا ولا لا
حنين : حاضر
حازم : معلش اعفينى
الشاذلي : عيب تبقى فى بيت عمك ومتتغداش سواء انت ولا هما عيب
حازم : اللى تشوفة حضرتك
الام : الاكل جاهز اتفضلوا الف هنا
سما : انتى ازاى قدرتى تعملى كدة يا حنين !! انتى مشوفتيش بابا اتخانق مع ماما ازاى بسببك وبقى بيتخانق معايا انا كمان
حنين : هو غبى لو اعرف كدة مكنتش كلمتة اصلا
سما : وتقعدى معاة انا مش متخيلة ان قلبك جامد كدة
حنين : تفتكرى بابا هدى بعد ما كلموة
سما:معتقدش
حنين : قلقانة جدا ربنا يستر
——–
كلة مشى وحازم نزل لوحدة والشاذلى بعت عربية توصل البنات العاشر ..
الشاذلى : 😡 حنييييين
سما : دة باباااااا 🫣
حنين : نعم يا بابا
الشاذلى : قدام أمك اهى ،حذارى تنزلى من باب الشقة لحد الامتحانات ومترديش على اى تليفون ولا تتصلى بحد وهاتى حالا الموبايل اللى معاكى ومش عاوزك تذاكرى اسقطى وعيدى السنة يعنى لما تتخرجى هتعمليلى اية
حنين: 😭😭 انا اسفة
الشاذلى: مسمعش صوتك ولا نفس ، قاعدة عمالة تخططى وترسمى وفالاخر تحطينى فى موقف ….. قدام الناس ودلوقتى كلة هيعرف عندهم ويقولوا بنتك قالت وقابلتة وخططت حااااااجة تعر وتكسف ،امشى من وشى والكلام اللى قولتة يتنفذ
حنين : 😭😭
سما : ياخبر شوفتى عملتى اية
حنين : انا معملتش حاجه انا كان قصدى ميلعبش بيها
سما : كلة مشى وحازم دة دربكها عليكى
حنين : بكرهة انسان غبى ،نفسى اتصل اهزقة بس بابا خد منى الموبايل ومنعنى من كل حاجه حتى النزول للجامعة
سما : انتى كدة اكيد هتعيدى السنة يا حنين
حنين : لو ماما تكلمة وتقنعة
سما: اذا كانت ماما اصلا مضايقة منك واتخانقت هى وبابا جامد
حنين : 😭😭😭
——————
رنا : انا بجد مستغرباكى ازاى قلبك طاوعك تدوسى علية كدة
زلابيا: هو مين
رنا :انتى فاهمة قصدى يا زيزى بس متنسيش ان حازم اللى كسفتية قدامنا كلنا دة يبقى مهما كان اخويا
زلابيا: وينفع اللى هو عملة مع حنين دة
رنا : محدش قال لحنين تدخل هى اللى افتكرت نفسها ذكية ودخلت نفسها
زلابيا: بس انتى قولتى انها كانت معرفاكى كل حاجة ،وكنتى موافقة ، دلوقتى انتى واخوكى خليتوها السبب
رنا : انا واخويا !!! طيب افهم من كدة انك فعلا رافضة حازم
زلابيا: اة والله كنت بتكلم بجد ،الموقف دة غيرنى من ناحيته جامد ومحستش ان دة حازم اللى كنت اعرفة
رنا : انتى خلتية ميسواش قدامنا كلنا ،انتى فاهمة انتى عملتى ايه!!!
زلابيا: وهو مكنش فاهم شكلى وهو بيقول لعمو ان جاية اقابل واحد ولا دة عندك عادى
رنا : كنتى بترديهالة يعنى
زلابيا: لا كنت بقولة الشخص الشكاك ويجرى يشتكى ميلزمنيش
رنا : راح اشتكى لما الدنيا قفلت فى وشة
زلابيا: هو مين اللى قفلها من الاول
رنا : يا خسارة ، حققى طموحك بقى لوحدك انا مش بتاعت طموح
زلابيا : وانا مش هغصبك
رنا : سلام
زلابيا : مع السلامة
————–
زلابيا وصلت بيتها وهى عندها احساس غريب جدا بين ان قلبها استريح لما شافت حازم فى موقف ضعف قدامها زى ما كانت فى موقف ضعف قدامة قبل كده وهو جمد قلبة عليها وبين انها زعلانة على علاقتها برنا اللى اكيد خسرتها بعد الموقف دة .. ساعتها كل طموح زلابيا وقف فى لحظتها وكلام الشاذلي بأن موضوع الملابس اتقفل ومش هيتفتح وهى عارفة وواثقة ان الشاذلي لو كلم باباها اكيد هيقنعة ،وكان لازم تفكر فى حاجة تانية غير انها تكون موظفة ..
عدت الايام وجة وقت سفر حازم وزلابيا كان عندها علم لكن من يوم اللى حصل مافيش اى محاولات من الطرفين خالص والعلاقة برنا بقت ازيك وعاملة ايه وخلاص
………..
سافر حازم السعودية وهو مهموم وحاسس انة السبب الوحيد فى ضياع زلابيا منة وفضل الندم جواة فترة طويلة ،فى نفس الوقت اللى زلابيا قفلت على قلبها وكل تفكيرها ازاى تكون شخصية ناجحة فى شغلها وتعمل حاجة لنفسها …
زلابيا : بابا ازيك
الاب : الحمدالله خير
زلابيا : عندى فكرة وحابة تدعمها معايا
الاب : معقولة كل يوم فكرة يا بنتى
زلابيا : بس هتبقى فكرة ناجحة بكرة تشوف
الاب : اية هى دى
زلابيا : بيوتى سنتر
الاب : حلاقة يعنى
زلابيا: 🙄 لا يا بابا حلاقة اية هبقى مركز تجميل للعرايس والبنات
الاب : تجميل !!
زلابيا: الموضوع دة لسة جديد لان الغالبية دلوقتى كوافير لكن بيوتى سنتر دة هيعمل شغل جامد خصوصا انة مش منتشر هنا
الاب : بس دة عاوز كدة ميزانية عالية
زلابيا: ماهو انت تدخل شريك معايا بمبلغ والباقى هعملة قسط وليك عليا كل ٦ شهور هطلع الارباح من المبلغ الاساسى بتاعك واحطهولك فى حسابك
الاب : ولو المشروع خسر
زلابيا: الاجهزة والمكان هبيعهم جزء اسدد الخسارة والجزء التانى بتاعك اية رأيك
الاب : سيبينى افكر وارد عليكى بكرة او بعدة
زلابيا: حبيبى يا بابا
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية طموح امرأة)
