رواية طلابي الفصل الثاني 2 بقلم إسراء إبراهيم عبدالله
رواية طلابي الجزء الثاني
رواية طلابي البارت الثاني
رواية طلابي الحلقة الثانية
ضحى: أنا مش هروحله درس تاني
شخص من وراها قال: تبقي جدعة
بصوا لمصدر الصوت وهما مبلمين
ضحى بتوتر: احم طبعا أنا مش قصدي حاجة وأنت عارف إن الواحد بيقول أي كلام والسلام
لما بيكون متعصب صح أنت عارف كده ولا مش عارف
كان المستر حاطط ايده في جيوب البنطلون وقال: لأ عارف ياختي ولو مش شوفتك الحصة الجاية
أول واحدة موجودة في الدرس هاجي بيتك واعلقك على الباب مفهوم
ضحى بخوف: مفهوم يا باشا احنا منقدرش أصلا نغيب من حصتك دي بتحسن النفسية عندنا
بس متبصليش كده عشان ركبي بقت بتخبط في بعض يعني
المستر: ماشي وياريت تروحوا على طول وبلاش تلكيع السنة دي عايزة مذاكرة بجد يعني
فاهمين
كلهم: فاهمين حضرتك فاهمين
سابهم ومشي وهو مبتسم
وهما كانوا مرعوبين فقالت نسرين: الراجل ده هيجننا أكتر أنا
هالة:.ومين سمعك قلبنا كان هيقف
ضحى: اومال أنا أعمل إيه ياريتنا مروحناله ولا عرفناه
منى: فعلا يلا اللي حصل وربنا يسامح اللي دلتنا عليه
هالة: ربنا يسترها ونعدي السنة دي على خير أنا مش عارفة إيه اللي دخلني علمي أصلا
ما كان زماني في أدبي مع العيال العسل والمدرسين القمر اللي تفتح النفس للمذاكرة
ضحى: أنا إيه أصلا اللي خلاني أتعلم كنت خدت تالتة اعدادي وقعدت
وبعدين مشيوا وكل واحد ذهب لبيته
وبيروحوا دروسهم وطبعا مستر الكيمياء مظبطهم
مربي ليهم الرعب
كانوا في حصته فكان بيشرح
بص لنسرين وقال جاوبي
بصت نسرين حواليها وشاورت على نفسها وقالت: أنا
المستر ببرود: اومال أنا يلا جاوبي
نسرين:.ماشي ايه ده احنا مخدناش حاجة زي كده في المنهج
خبط المستر عالمكتب: نعم ياختي
مخدتيش إيه ياما
نسرين: هدي أعصابك بس يا مستر مش كده ليحصلك حاجة بسبب واحدة زيي
المستر: الحمد لله إنك عارفة نفسك جاوبي يلا
نسرين: كان على عيني والله أجاوب لو كنت أعرف
خبط المستر على يديه: هتجلطيني يا نسرين أنا مش شارح السؤال ده من حصتين
بقلم إسراء إبراهيم عبدالله
نسرين: حصتين!ولسه فاكر الذاكرة صاروخ عندك
المستر وهو مبلم: أنتي بتحسديني يابت
نسرين: لا طبعا أنا ب قر بس عليك لمؤاخذة يعني
رفعت ضحى ايدها وقالت: هجاوب أنا
المستر: ماشي جاوبي يا ضحى
وجاوبت ضحى وكانت الإجابة صحيحة وبص للبت نسرين اللي هو اقعدي يا بليدة
بصت منى لضحى: ايوا بقى دحيحة الدفعة
هالة: بطلوا قر عالبت ياختي منك ليها
وجاءت الإمتحانات وكانوا بيطلعوا مبوزين وخلصوا على خير
وجاء يوم النتيجة
جابت ضحى 90% أصل البت دي غلبانة والزمن حب يفرحها
ونسرين 88.6% بدعاء الوالدين
هالة 85.9% بالصدقة اللي كانت بتطلعها
منى 80.1% وطبعا كانت زعلانة جدا عشان مش هتلحق كلية معهم
ولكن كلهم قدموا نفس الكلية اللي منى دخلتها وبقوا مع بعض دايما
جاء عريس لضحى اللي كانت جاية من الكلية مرهقة جدا
ضحى لمامتها: قوليله يجي بكرة أنا النهاردة تعبانة
والدتها: مش عايزة هبل خلصي عشان هيجي كمان ساعة
وأتى العريس مع والده وأخوه وكان مستر الكيمياء
انصدمت ضحى: ازيك يا مستر مين العريس
المستر: أنا العريس
ضحى: نعم! آسفة وقالت في نفسها دا كان مربيلي الرعب في الدرس ومصدقت خلصت منه جاي دلوقتي وعايزني أكمل بقيت حياتي معاه
المستر: طبعا مامتك موافقة وآسف على كل كلمة مني زعلتك بس كنت خايف على مصلحتك
ضحى بابتسامة: لا عادي ولا يهمك دا أنت هتبقى قرة عيني يعني وقالت في نفسها: ما أنا بردوا مينفعش أضيع القمر ده استغفر الله
وتمت الخطوبة بنجاح
وبعد شهرين تم كتب الكتاب والفرح بعد سنة والدعوة عامة للجميع
أما البت هالة والبت منى اتخطبوا لاتنين أخوات وتوأم والفرح بعد ستة شهور
نسرين بقى اتخطبت لابن عمتها اللي بيحبها من سنتين وفرحهم بعد شهر ويدوب صحابها يجهزوا الفستاين اللي هيحضروا بيها الفرح
الأهم إنهم مازالوا أصدقاء ولم يفرقهم
أي شئ ويحبون الخير لبعضهم وفي هذه الأيام مش هتلاقي صداقة زي دي إلا قليل
(الصداقة هي وفاء لا يعرف الحدود)
كان جه معاد فرح نسرين فاتصلت على صحابها وقالت بتوتر وخوف: أنا خايفة ومتوترة حد يجي يقولهم يلغوا الفرح
هالة بضحك: ما خلاص يا بنتي ادبستي ومش هينفع يتلغي خلاص، وبعدين مش كنتي عايزه تتجوزي ويبقى ليكي بيت لوحدك وتخليه ماشي بنظام وتحققي اللي بتحلمي بيه مع شريك حياتك، ليه بقى خايفة هو بيخوف ولا بيمشي وهو ماشي بالليل؟
كانوا بيتكلموا في شات جماعي ضحكوا عليها
نسرين بزعل: هو ليه واخدين كلامي بهزار طب تعالوا دلوقتي
ضحى: يا حبيبتي أنا عن نفسي بلبس وجاية أهو، أكيد مش هنسيبك يعني
هالة ومنى: واحنا رايحين نلبس أهو وجايين على طول لأحلى عروسة
نسرين بفرحة واطمئنان: ماشي مستنياكم بس متتأخروش
وقفلت معهم، ولقيت ممدوح بيتصل بيها، بصتله بخضة وهى بتقول: أرد ولا لأ؟ هو بيرن ليه؟ ما هو هيشوفني بعد شوية، ولا يكونش طالبة معه محن مخطوبين وبتاع يكونش مش صابر وجاي يهد اللي فات؟ لا لحد هنا وستوب دا أنا أوقف الجوازة دي
كان عمال يرن عليها يمكن وصل للخامس مرة ففتحت عليه
ممدوح بعصبية: إيه يا أستاذة برن عليكي ياختي مابترديش ليه؟ اخلصي عشان هاجي عشان أخدك تروحي للبيوتي سنتر بعد ساعتني يا ويلك لو قعدتيني أنتظرك ساعة، أنا منبه عليكي أهو قبل ما أجي أخدك بساعتين وأنا حذرتك أهو، وقفل في وشها
نسرين بصت للموبايل بصدمة وقالت لنفسها: وأنا اللي ظلمته وقولت هيجي يتمحن في الموبايل أستغفر الله إن بعض الظن إثم، إيه دا لحظة دا اتعصب عليا يوم فرحي بدل ما يكلمني بهدوء، كدا بان على حقيقته، فاقت من خيالها على خبط عالباب
راحت تفتح لقت صحابها واقفين ورا بعض، دخلوا وقالوا، يلا عايزين نفطر عشان اليوم طويل
نسرين بقرف: مش ناقصاكوا روحوا المطبخ شوفوا أمي عملت أكل إيه وهاتولي معاكم لغاية ما أروح أخد شاور
ضحى: ربنا معاكي يا بنتي سلام
نسرين باستغراب: هو أنا رايحة أحارب ادخلي يا ضحى يا حبيبتي
دخلوا المطبخ عند والدة نسرين وراحوا يساعدوها
بعد ساعة كانت جهزت ومنتظرين ممدوح عشان يجي ياخدهم للبيوتي سنتر
عند ضحى موبايلها رن وكان خطيبها ردت عليه وقالت: السلام عليكم في حاجة؟
خطيبها: وعليكم السلام ورحمة الله وبركاته، بصي أشوفك في الفرح حاطة حاجة في وشك هعملك فيه خريطة فاهمة، ولا تكون الطرحة مبينة شعرة واحدة هخلع شعرك كله فاهمة وقفل في وشها بدوم ما يسمع ردها
بصت للموبايل بخضة وقالت: هو دا كان خطيبي بجد ولا إيه؟ رجالة غريبة بصحيح، وبعدين أنا مابحطش حاجة أصلا يلا مفيش مشكلة ممكن يكون مفكر عشان في مناسبة هحط وكدا دا أنا مقررة لو في اختلاط في فرحي مش هحط مكياج اها اومال ناخد ذنوب واحنا قاعدين
جه ممدوح وخدهم وداهم للبيوتي سنتر، ونبه عليها ماتأفورش في الميكب ويبقى أفضل لو محطتهوش
نسرين: طب ما بلاها فستان من الأساس
ممدوح: يبقى أحسن بردوا وخليه ابقي البسيه ليا والميكب ليا، وبعدين ياستي أنا قبلتك كدا، بس يلا ادخلي
دخلت ومعها صحابها، بدأت تجهز
عند ممدوح راح يجهز
في المساء كان ممدوح جاب نسرين من البيوتي سنتر وبيعملوا سيشن
ممدوح بزهق: يابنتي اخلصي اتعدلي خلينا نتصور الصورة اللي تقرف دي
البنت اللي بتصورهم قالت بزهق: هو أنتم مغصوبين عالجوازة دي، كل شوية تزعقوا، يلا يا جماعة خليني أخلص تعبت
بعدها طلعوا عالقاعة وقعدوا مخلهاش تقوم من مكانها
خلص الفرح وهما بيناكشوا في بعض وهما مروحين
وصلوا شقتهم ودخلوا وقفل الباب بقوة
نسرين بخضة: في إيه أنت كمان ما بينك وبين الباب عداوة، استغفر الله
ممدوح: هششش، روحي امسحي القرف دا عاملة زي عروسة المولد
بصتله بعصبية ودخلت وقفلت الباب في وشه
ممدوح بصدمة: دي قفلت عليها من جوا هى زعلت ولا إيه؟
يلا هى باينلها جوازة عسل ربنا يسترها ونستقر
تمت
لقراءة الرواية كاملة اضغط على : (رواية طلابي)
