رواية طفله فهد الفصل السابع عشر 17 بقلم نور محمد
رواية طفله فهد الجزء السابع عشر
رواية طفله فهد البارت السابع عشر
رواية طفله فهد الحلقة السابعة عشر
كان فهد هيرد عليها بس فجأه دخل مالك بهدووء وقال:سيبني انا احكيلها الحقيقه كلها يافهد اجه الوقت الي تعرف في الحقيقه كامله
فهد:تمام يامالك عندك حق هي لازم تعرف
ملك بتوهان:اعرف ايه انا بقيت زي الاطرش في الزفه ياجماعه
ضحك فهد عليا ومالك قرب وقعد جنب فهد وقال:الحكايه بدأت من خمس سنين بعد مو*ت بابا الله يرحمه
انا كونت في وقتها خلصت جامعتي.. ونزلت اشتغل مع بابا تحت التدريب.. وبابا وعمي عماد كانوا ماسكين الشغل كله.. بس في يوم اجه خبر مو*ت بابا في حادث عربيه.. وانا وفهد كونا مصدومين اوي من الخبر ده
بس انا حاولت اتماسك علشان فهد ونزلت الشغل مكان بابا.. وفي وقتها دخلت مكتبه لقيت ملفات كتير اول مره اشوفها عن شركاء بابا وعمي عماد في الشغل.. وفي ملف لفت نظري كان بأسم عمي عماد
مع شركاء من دول غربيه اول مره اسمع عنها.. بخصوص صفقه ادويه تدخل لمصانع الشركات بتاعتنا.. وبعد ما قرأ الملف كويس بدأت اشك فأخدت اسماء الادويه دي وعملت بحث عنهم
وبعد تعب كبير عرفت انها لدول مجهوله خارج مصر.. بتصنع الدواء ده لاعراض البرد العادي وامراض تاني.. بس الي صدمني ان الدواء ده بيتصنع بنسبه مخد*ر معين.. بيتحط فيها وبعد ما المريض ياخد منه فتره كده.. بيبقى عنده شبه ادما*ن للدواء ده.. وحالته بتدهور اكتر من الاول بسببه
وفي ناس كتير من دول بره ما*توا بسببه كمان.. بس الحمد لله كانت الصفقه دي ليسه بابا موفقش عليها قبل مايمو*ت.. ومدخلش الدواء ده للمصانع بتاعتنا.. وقتها انا اخدته وخبيته عندي علشان عمي ميعرفش
بس بعد فتره عمي فتح حوار الملف وانا قولتله معرفش مكانه فيه.. بس هو شك فيا وقال لازم ارجعه لانه لناس كبار اوي.. وانا طبعا رفضت ده لاني مستحيل ابيع ضميري وبلدي وشغل بابا الي تعب عليه سنين لناس دول.. وبعدها فضلوا يراقبوني كتير ولما تعبوا مني.. دخلو لطريق فهد علشان يضعط عليا
وهنا سكت مالك وكمل فهد بحزن:ايوه انا في وقتها كونت مع عمي في الشركه.. وهو فضل يضغط عليا ويخوفني على مالك.. ان الناس دي ممكن يقتلو*ه.. وانا ارتعبت عليه ففضلت اراقبه وعرفت مكان الملف واخده منه.. وخلاص كونت هسلمه لعمي بس مالك عرف ولحقني.. وقالي الحقيقه كلها من الاول وانا قررت بعدها وقف معاه وخبينا الملف سوى بعيد عن الكل
سمعتهم وانا بقيت في متاهه ومش فاهمه حاجه منهم فقولت:انا دماغي لفت منكم بصراحه.. طيب انت ليه مبعتش المعلومات الي عرفتها عن الدواء ده يامالك لشرطة.. وخلصت من الحوار ده كله
رد مالك بضيق:لان المعلومات الي عرفتها بدون دليل.. رغم اني عرفت كل حاجه بس مش عندي دليل على كلامي ده
ملك بحيره:طيب والعمل دلوقتي هنعمل ايه؟
فهد بتصحيح:قصدك هعمل انا ومالك ايه.. انتي خارج الحوار ده انا مش مستعد اضحي بيكي او بابني لأي سبب
مالك بدعم:ايوه فهد عنده حق.. احنا قولنا لكي الحقيقه بس علشان متقلقيش على فهد بس اللعبه كلها عندنا انا وفهد بس
ملك بتفهم:ماشي فهمت.. بس انا برضو عاوزه افهم هتعملوا ايه علشان اطمن
كمل مالك بتخطيط:الحل الوحيد عندي هو ملف تركبيه الادويه دي.. وده طبعا معاهم هما انا جمعت معلومات.. وعرفت ان الملف ده مع شريك ليهم هنا في مصر .. والازم نوصله في اسرع وقت
ملك بتوهان:طيب وهتوصله ازاي بقى؟
رد فهد عليا وقال:احنا عرفنا ان في عميل سري معاهم مننا.. بس منعرفش مين هو باظبط.. وبعد الي حصل اكيد العميل ده هيظهر علشان الملف الصفقه بتاعهم الي عندنا.. ووقت مانعرف مين هو اكيد هنعرف مكان الملف الدواء عندهم فين؟
ملك بخوف:لا احنا كده قلبنا اكشن وانا خايفه اوي عليكم
فهد بحب:متقلقيش ياقلبي مدام انا وفهد ايد وحده باذن الله هنكسب عليهم
ملك بقلق:تمام ربنا معاكم بس
فجأه سكت على صوت عالي من تحت فنتفضت انا ومالك وفهد من مكانا وخلاص هنطلع
بس مالك قال:فهد خليك هنا متخبي اوعى تطلع في الوقت ده احسن خطتنا كلها تخرب وانا هنزل اشوف حصل ايه تحت ماشي
فهد هز رأسه وقال:حاضر انا هتخبى هنا بس متتأخرش عليا
مالك بقلق:ماشي وخد بالك من نفسك
خرج مالك بسرعه وانا قولت:انا هنزل خلفه اعرف في ايه ومش هتأخر عليك ياحبيبي
فهد ببسمه:تمام ياقلبي
نزلت بسرعه خلف مالك لقيت قدامي عمه عماد وفي ست لابسه فستان شيك اوي عليا مصغرها رغم عمرها الكبير
عماد بغضب:انتي ايه رجعك تاني ياحنان
حنان ببرود:رجعت علشان ولادي ياعماد بيه
عماد بسخريه:ولادك مين قصدك على ادم ونرمين الي هربتي منهم زمان
حنان ببرود:ده بيتي كمان ياعماد اخرج وارجع وقت منا عاوزه براحتي
عماد بحده:لا مش براحتك اخرجي بره محدش هنا عاوزك
نرمين بدموع:بابا كفايه ارجوك
حنان بحنيه:تعالي ياحبيبتي انتي وحشتيني اوي
عماد بغضب:نرمين لو قربتي منها انتي مش بنتي
مالك بتوتر:خلاص ياعمي اهدى صحتك
عماد بحده:اهدي ايه رجعت تاني ليه بعد ماهربت مني ومن عيالها زمان عاوزه ايه مننا تاني
حنان ببرود:انا مش هرد عليك لاني تعبانه وهطلع ارتاح فوق عن ازنكم
عماد بغضب:حنان استني عندك هنا وو
بس حنان تجاهلته وطلعت فوق وعماد كان هيفرقع منها ونرمين بتعيط
نرمين بدموع:بابا اهدى كفايه صحتك
عماد بحده:ادم اخوكي فين؟
نرمين بخوف:في الشغل يابابا
عماد بتعب:تمام اتصلي عليك ياجي فورا عاوز اشوفه
نرمين بطاعه:حاضر يابابا
وفي مكان تاني عند اشاره المرور كان تقف بملل
فاطمه بضيق:وبعدين بقى ياربي انا تعبت من الوقوف هنا ومفيش اي تاكسي حتي في الطريق وو
فجأه صرخت برعب لما حست بشئ مسك قدمها فبصت عليه بخوف وبعد دقيقه تهندت براحه لما لقته طفل 👶صغير يادوب عنده سنه ونص
فاطمه ببسمه:ايه ده ياصغنن انت بتعمل هنا ايه؟
بص عليها الطفل وضحك فنزلت فاطمه وحملته على ايدها وقالت:ياخرابي على الحلاوه ياناس ايه العسل ده
ضحك الطفل اكتر على شكلها وحضنها بسرعه وقال:ماما
دق قلب فاطمه من كلمته وتزكرت ابنها الي ما*ت من قبل ماتحضنه وتشبع منه ونزلت دمعه من عينها عليه وقالت:انت بتفكرني بأبني لو كان عايش كان زمانه زيك كده بالمكسرات
بعد الطفل وبص في عنيها ومد ايده مسح دمعتها وقال:ماما
تهندت فاطمه بحزن وتأثر وقالت:لا متعملش كده احسن اخطفك وانت كيوت اوي بخدودك العسل دول والله ممكن اعملها
ابتسم الطفل لها بسعاده وحضنها تاني وقال:ماما
فاطمه بتأثر:طيب انا كان على عيني اخطفك دلوقتي بس اكيد مامتك قلقانه عليك ها فين ماما بقى
بص عليها الطفل وحط ايده على خدها وقال:ماما
ضحكت فاطمه بسخريه:هو انت مش بتعرف تقول غير ماما بس تمام تعال ندور على ماما سوى بقى
واخدته علشان تدور على مامته وهو متعلق بيها جدا
وفي مكان اخر مجهول
:فين الولد راح منك فين يعني؟
_والله ياباشا انا اخدته علشان معاد جر*عته في المستشفي وفي الطريق حصل حا*دث بسيط فطلعت اشوف حصل ايه رجعت مكنش موجود في العربيه
:نعممم مكنش موجود ازاي الولد ده لازم يرجع بسرعه فاهمه ده الورقه الكسبانه بتاعتنا لو خسرناه ممكن نخسر كل حاجه فاهمه
_فاهمه ياباشا انا هرجع ادور عليه في نفس المكان
:ياله بسرعه لازم يرجع النهاردا معاكي مفهوم
_مفهوم عن ازنك ياباشا
وعند فاطمه تعبت من البحث عن ام الطفل فأخدته معاها البيت
فاطمه بهدووء:احنا هندخل بس مش عاوزه صوت احسن ماما تزعل مني تمام
الطفل بفرحه:ماما
فاطمه بضحك:ماشي عرفت انت مش بتقول غير ماما بس
دخلت تتسحب وفجأه لقت امها قدامها
امها بشك:مين ده يافاطمه؟
فاطمه بسماجه:ده طفل ياماما
امها بضيق:مانا عارفه انه طفل ياروح ماما جبتيه منين بقى؟
فاطمه بصدق:من اشاره المرور
امها بعدم فهم:نعم ياروح امك
فاطمه بتوتر:طيب هروح انيمه جوه شكله تعبان وهرجع احكيلك كل حاجه
وقبل ما امها تتكلم جرت فاطمه ودخلت الاوضه ونيمته بهدووء وطلعت تاني
فاطمه بسرد:اسمعي بقى الي حصل..حكت لها كل حاجه وكملت
:انا دورت على مامته في كل مكان والله بس ملقتهاش وبعدين صعب عليا ومقدرتش اخده القسم علشان ليسه صغير وممكن يتبهدل هناك فجبته هنا بزمتك مش كده صح برضو
امها بتفكير:امم عندك حق تمام خدي بالك منه وبكره تشوفله حل
فاطمه بفرحه حضنتها:كونت متأكده قد ايه انتي ام عظيمه
ضحكت امها وقالت:ماشي يامجنونه طيب شوفي المطبخ فيه اكل إيه علشان باين على شكله كده اصفر من قله الاكل
فاطمه بطاعه:حاضر فريرة ياست الكل
دخلت فاطمه بحماسه للمطبخ وجهزت لطفل الاكل ودخلت الغرفه علشان تأكله
فاطمه بهدووء:ياصغنن اصحى انا جبتلك اكل حلو اوي زيك ياله اصحي
فضلت تهز فيه بهدووء وبدون فايده وفجأه عدله علشان يصحى بس انصدمت لما لقت انفه بينز*ف د*م فصرخت برعب
فاطمه برعب:يامااااما الحقينيييييي
وفي قصر المصري تحديدا غرفه حنان مرات عماد
كانت بتتكلم في الفون مع حد مجهول
حنان بخبث:ايوه ياباشا وصلت القصر وكل حاجه تمام
_تمام مهمتك ملف الصفقه بتاعتنا لازم يكون عندي بأي تمن مفهوم
حنان بطاعه:حاضر ياباشا متشلش هم الملف هيكون عندك في اسرع وقت
_ممتاز ومش عاوز تهو*ر احصل على الملف الاول وبعدها انتقمي منهم براحتك فاهمه
حنان بشر:اكيد فاهمه ياباشا هوصل للملف الاول بعدها هدمر*هم كلهم وهحر*ق قلبهم زي ماحرقو*ا قلبي وقتلو*ا ابني زمان ووو
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية طفله فهد)
