رواية طفلتي العنيده الفصل السادس 6 بقلم ملك
رواية طفلتي العنيده الجزء السادس
رواية طفلتي العنيده البارت السادس
رواية طفلتي العنيده الحلقة السادسة
عند إيمان كانت قاعده في البلكلونه بتتكلم في التلفون
إيمان بفرحه : بجد يا سيف
سيف بسعاده: بجد يا قلب سيف …بكره هجيلكم انا وعلتي
إيمان نزلت دموعها وقالت بفرحه : انا مش مصدقه اخيرا ابوك وافق انا حقيقي فرحانه جدا
سيف قال بحب: متبكيش يا بنت قلبي ربنا عالم بينا وعارف قد ايه احنا بنحب بعض من واحنا صغيرين …ولو علي بابا فهو كان رافض علي شان شايف أن مينفعش العروسه تكون من عيله غنيه وانا اكون حالي متوسط ماديا
إيمان بحب: انا مستعده اعيش معاك مهما يكون حالتك الماديه أن شا الله لو عيشتني في شقه شبر ونص برضو عايزاك
سيف ضحك عليها وقال : وانا مستعد اعمل اي حاجه بس تكوني جمبي واعيشك في مملكه لوحدك يا ملكة قلبي
إيمان بكسوف: يا حبيبي ربنا يخليك ليا وميحرمنيش منك ابدا
سيف: ولا منك يا روحي
إيمان : تمام تصبح علي خير يا حبيبي
سيف : وانتي من اهل ياروحي قلبي ..سلام
…..وقفلت إيمان السكه مع سيف وفضلت قاعده في البلكونه
سرحانه في القمر وجماله وهو بيشع بين ظلمات الليل مع النجوم الساطعه والهواء البارد النقي
قد ايه والمنظر والاحساس في منتهى الروعه والراحه
دخلت الاوضه ولقيت صابرين لسه صاحيه
{ إيمان خلت صابرين تانم معاها علي شان شافت أنها الفتره دي زعلانه }
إيمان: مالك يا صابرين بتفكري في ايه
صابرين بحزن: متخديش في بالك يا إيمان
إيمان قومتها وقالت : لاه حالك مش عدبني بجالك يومين مش علي بعضك ..جوليلي في ايه
صابرين قالت بحزن: عمرو يا إيمان
إيمان بأستغراب: مالو عمرو ..حصل حاجه بينكم
صابرين : ايوه …علي طول يغيب عني كلام جليل بجالو اسبوع مرفعش سماعة تلفونه وسأل عليا دانا اوجات بحس اننا مش مخطوبين اصلا
إيمان ضحكت بخفه: لا متقوليش كده …ولا يهمك انا هكلمه دلوج ونشوفه فين
صابرين بغيظ: تلاجيه صاحي علي شان شغله في قسم الشرطه ..وحتي في دي مش بيسأل
إيمان ضحكت وقالت : تعالي نشوف
وبالفعل أمسكت إيمان هاتفها واتصلت ب عمرو وفتحت السبيكر
عمرو : الو ازيك يا إيمان
إيمان : الحمد لله يا عمرو انت عامل ايه
عمرو بأبتسامه: الحمد لله
إيمان: ايه ابن عمنا انت ولا غريب ..فين عملين ايه يا ولاد عمي وتسأل ده حتي يوسف مش بتكلمه
عمرو : معلش ولله يا إبمان الشغل ضاغط عليا اوي الفتره الي فاتت كنت عايز اجي الاسبوع الي فات علي شان اشوف مع عمي ويوسف موعد الفرح لاني خلصت كل حاجه ..بس باذن الله جاي بكره علي شان نخلص
إيمان وصابرين ابتسمو وفرحو من الخبر
إبمان بصت ل صابرين وعملت تعليق وقالت : مبروك يا بت يا صابرين
صابرين بفرحه: الله يبارك فيك
فتحت إيمان تاني بعد ماشارت ل صابرين أنها تسكت وقالت
لتسمع صوته وهو يقول: هي جمبك صح
إيمان بأبتسامه: ايوه سامعه كل حاجه
صابرين بصتلها بغيظ وضربها في درعا
عمرو بحب : صابرين
صابرين : همم
عمرو اتأكد انها زعلانه : عارف اني مستحيل ابعد عنك الوقت ده كل بأردتي وعارفه قد ايه انا بحبك وعمري مهفكر اسيبك لأن ده هيكون اخر يوم في حياتي لو انتي بعدني عني …انا الفتره دي استغلت كتير علي شان اجهز كل حاجه في اسرع وقت واتجوزك وتبقي ليا زي مكنت بحلم من زمان …
صابرين خدت الفون وقالت بدموع: وانا بحبك اوي يا عمرو ..انا بس زعلت لما لقيتك غبت عني ومش بتلكمني
عمرو بحب: حقك عليا يا قلبي وعد مني مش هتتكرر تاني
صابرين : ماشي
عمرو بضحك: يلا بقي عايز اسمع ضحكتك
صابرين : مليش نفس
عمرو بمزح: خلاص هروح احب في حد تاني
إيمان : وهه
صابرين بضحك: اتكلم ياض
عمرو : ياض …انا سيادة المقدم عمرو الدوايني تقوليلي ياض ماشي بس تبجي تحت ايدي
صابرين وإيمان ضحكو بكسوف
صابرين بضحك : متجدرش تعمل حاده يا ابن الدواينا
عمرو ضحك ثم قال: أما نشوف مين اقوى
إيمان : خلاص ياعم منك ليها اي جلت الحيا دي
صابرين : اسكتي انتي يا مخربت اللحظات الرومنسيه
عمرو : عندك حق ولله ضد الحب
ضحكو عليه …صابرين : ماشي يا حبيبي خلي بالك من نفسك
عمرو بحب: وانتي كمان يا حببتي ..بأذن الله بكره جاي
صابرين بحب: تيجي بالسلامه يا قلبي
وقفلة السكه
إيمان بغيظ مصتنع : خليه يأجل اليوم
صابرين بأستغراب: ليه
إيمان بابتسامه: علي شان هحصلك علي بيت جوزك
صابرين جاكت مره وحده وفضلت تزغرط وتقول : الف الف مبروك …معجوله هنبجى في بيت واحد
إيمان ضحكت: هسس يا بت …وأبوه جاي بكره يتجدملي من ابوي ويوسف
صابرين : انا فرحنااالك موووت يا بت ابوي
إيمان بادلتها الحضن وقالت : ربنا يخليكي ليا يا نوصي التاني انتي …اتولدنا في بيت واحد وهنتجوز في مكان واحد
صابرين : ايوه يادي الفرحه
إيمان ابتسمت علي فرحتها وقالت : يلا بينا ننام علي شان نصحى بدري
صابرين : يلا …..وبالفعل كل واحده فيهم نامت
°°°°°° في صباح يوم جديد°°°°°°
الساعه 11:00
كانت كريمه وملك وصابرين وساميه ومليكه وأيمان قاعدين
والحل ساكت وبيبصو ل محمد الي ماسك الفون وفاتح الاسبيكر وسايبه علي الترابيظه وماسك كبايت الشاي وبيشرب فيها وبيقول : ازيك يا حمدان عامل ايه يا ابن ابوي
حمدان بفرحه : الحمد لله يا خوي ..اي مفيش عامل ايه يا خوي
محمد : معلش يا حمدان عارف انت بجيت انسى والي فيا مكفيني
حمدان : سلامتك يا خوي …اجولك
محمد بأستغراب وهو ليمسك الفون : جواك يا حمدان
حمدان بفرحه: بسم الله جده …احنا جايين النهارده نطلب ايد بنتك إيمان لأبننا سيف
محمد ابتسم وكلهم ابتسمو وفرحو
محمد بص لأيمان وجال بفرح : تشرفونا يا حمدان يا خوي
حمدان بمزح : بس عروستنا موافقه
محمد بص لأيمان الي واقفه وجنبها ملك وصابرين باصه في الارض وقال : هاا موافقه يا إيمان
إيمان رفعت راسها وبصت ل يوسف الاول ..راح يوسف ابتسم واشار بمعني موافق
إيمان فرحت وقالت: الي تشوفه يا ابوي
ابتسم محمد وقال : علي بركت الله يا حمدان اديك اسمعت رد إيمان …مستنينكم يا ولد ابوي
حمدان : مش هنتاخر عليكم اخر النهار بأذن الله
محمد : بأذن الله …وقفلو السكه
زغرطت كريمه وسميه وقام محمد وحضن إيمان وقال : الف مبروك يا حبيبت ابوكي
إيمان : الله يبارك فيك يا ابوي
راحت إيمان وحضنت يوسف
يوسف ابتسم وقال: مدام بتحبيه وعايزاه مقولتليش ليه يا بت
إيمان بابتسامه: معلش بجه ياخوي
يوسف بأبتسامه: علي خير بأذن الله
كريمه بفرحه: مبيوطالك يا بتي
ايمان بفرحه:, ربنا يخليكي ليا يا امي
ملاك وصابرين زغرطو ملاك: شفتي جلتلك
إيمان ضحكت: عرافه يابت انتي
ملاك ضحكت وقالت : بأذن الله كده انا هعملك حتت فرح مفيش منه اتنين
إيمان ضحكت وقالت: طبعا انتي الي هتعمليلي فرحي
صابرين : وانا عليا الميكاب
إيمان: ماشي ياختي
ساميه بفرحه : وانا الفستان
إيمان ضحكت: طبعا دانتي اكتر واحده اثق فيكي انك تختاريلي الفستان
مليكه ببرائه:, وانا عليا العريس
كلهم ضحكو يوسف شالها وقال: قصدك هتخدي منها ولا ايه
مليكه ضحكت وقالت: لا طبعا هو ايوه سيف مز وقمور…يوسف رفع حجبه
مليكه ضحكت وقالت : بس انت طبعا امزز منه واحلى ..مش كده يا ملك
ملك بغيظ : انزلي ياختي من علي ايد جوزي وانتي عماله تعكسي فيه كده
مليكه بغيظ: ملكيش فيه ده حبيبي
ملك بغيظ : لا مش حبيبك
ساميه : انزلي يا بت يا مليكه احسن متعضك
مليكه بضحك: نزلني ياعم ده مراتك دي مجنونه ونص وتعملها
يوسف ضحك ونزلها وقال: عندك حق في دي
ملك وقفت قدامه ورفعت عنيه ليه وكان شكلها لطيف جدا بنسبه لقصرها الي واصل لصدره ونقلها الي مخليها طفله اوي
وقالت: وانت شايفني مجنونه
يوسف ابتسم وقال: لا طبعا أنا أقدر
ملك اتكسفت وبعدت عنه
صابرين صقفت وقالت : الله عليك يا روميو ..كملي يا جوليت
كريمه بابتسامه : اسكتي يابت دول عصافير الحب امال
إيمان بضحك: هاتيلي يابت يا ساميه شويه ورد احمر ارميهم عليهم ويكمل المشهد
ساميه بضحكه : لا دول ناقص بس مشهد القبله وكون الموضوع خلصان
ملك اتكسفت جامد وخلت وشها في صدر يوسف الي ضحك عليها وكلهم ضحكو
مليكه بانزعاج وهيا ماسكه الفون وبالصور فديو : بطلو ضحك خلي المشهد يطلع حلو ..وبصت ل يوسف وقالت :هاا كمل كمل وبعدين
يوسف بضحك: اتلمي يا بت ايه الي كمل
محمد بضحك: البت عندها حج اتنين واجفين بحبو في بعض زي المسلسلات الهنديه الي امك بتسمعها عايزها تجول ايه
كريمه : شفتي الهندي حلو ازاي علي شان تجول مش هتفرق عليه
محمد : لا طلع حلو ابقي نتفرج عليه انا وانتي بليل
يوسف بمزح : اي ياحج مش كبرنا علي الحركات دي
محمد بغيظ : بس ياض اسكت…دانا لسه في عز شبابي وبصحتي
كريمه : طبعا ياحج طبعا
إيمان :, وهه..لا لا ..انا اخد البت الغلابه دي الي جربت تستوي من كسوفها واطلع علي شان نجهز نفسينا ..بدل منجلب مسلسل هندي بحج
اخدو البنات ملك ومليكه وراهم وطلعو بجهزو نفسهم
يوسف : انا ماشي هروح اشوف الشغل والأرض وهاجي بدري
محمد: ماشي اوعى تتأخر عشان اختك
يوسف : لا متقلقش ….ومشي
عند البنات فوق كانت إيمان عماله تجيب في فستاين ل ملك من الدولاب
ملك : يابنتي المقدفروض انا الي اهتم بيكي واحضرلك ليه انتي عماله تدوريلي علي فستان
إيمان : كده ملكيش فيه ….صابرين
صابرين : اي يا بت
إيمان : اتصلي ب رقم الصالون بتاع مروى المغربي وقولي لها تبعت احسن اربع فساتين منقبات مناسبات وواحد صغير بالون الاحمر جميل ل مليكه
صابرين : حاضر
ساميه قفلت الفون وقالت : البنت الميكاب ارتست قالت هتيجي بعد نص ساعه وربع
ملك : خلاص تمام جهزو حالكم عبال متيجي البنت وييجو الفساتين
البنات في صوت واحد : حاضر …..وراحت كل واحده تاخد دوش ويرجعو تاني علي اوضت إيمان
°°° عند يوسف °°°
كان واقف وبيبص علي المزارع وبجانبه الحراس والمزارعين واقفين ومنزلين رأسهم لتحت
فجاه جيه سيف
سيف : ازيك يا يوسف
يوسف التفت وبصله كان واقف بعيد عنه بشويه وكانت نظراته غضب
سيف استغرب من نظراته
يوسف قرب منه وقال : فاكر اني مش عارف حاجه
سيف بتوتر: قصدك ايه
يوسف : انت عارف قصدي ايه كويس …بتحب إيمان من زمان وبتخدعني وجاي بكل بجاحه عايز تتجاوزها
سيف : يوسف اسمعني انا …
يوسف بغضب: كان من زمان يا صاحبي …وخرج مسدسه ورفع مسدسه وضرب
سيف بص ليوسف وفاتح عنبه علي آخرها
يوسف ابتسم وقال : تستاهلها يا ابن عمي
وفجأه …….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية طفلتي العنيده)
