رواية طفلة هزت كيان فرعون الفصل الثالث والعشرون 23 بقلم مروة موسى
رواية طفلة هزت كيان فرعون الجزء الثالث والعشرون
رواية طفلة هزت كيان فرعون البارت الثالث والعشرون
رواية طفلة هزت كيان فرعون الحلقة الثالثة والعشرون
الطيارة بدأت تطلع ونور قلبها بيدق وعاوزة تصوت
نور بخوف: ف فرعون فرعووووون الحقني
فرعون وهو بياخدها في حضنه: هوووس هنتفضح وطبطب عليها
نور بخوف وهي في حضنه: حاسة ان روحي بتنسحب
فرعون: متخافيش بس غمضي عيونك وامسكي فيا
فعلا غمضت عيونها ومسكت فيه وشوية نامت بدون ما تحس
فرعون: نور انتي كويسة
نور: …..
فرعون: مجنونه والله العظيم وميل عليها نام هو كمان ومسك ايديها
صفاء: سافر تركيا هههه والسنيورة نور معاه
البت دي ممنهاش فايدة وجودها ضرر ليا
الخدامه: اعملك أي ي ستي وانا تحت امرك
صفاء: اسكتي ي عقربة انتي محدش يعمل حاجة لنور
وكملت بخبث: انا اللي هعمل وبعدين انا بقيت زي الخدامه الحقيقة في القصر انا هخرج منه ومعايا فلوس تعيشني ملكة ورمت لبس الخدم من عليها وطلعت تحضر هدومها
عادل : دادة
سمية : نعم .
عادل : نور عيد ميلادها كمان يومين
سمية : عرف فرعون بدا
عادل: فرعون اكيد عارف بتاريخ ميلادها
سمية: تفتكر هيقدم ليها اي
عادل وهو بيقعد ويمضي علي ورق: والله ي دادة مش عارف بس خايف لفرعون يعمل حاجة ونور تزهق من تصرفاته
سمية : متخفش انت مشوفتش النظرة االي كانت في عيونه يوم ما كانت جت البيت مستحيل تبعد عنه تاني خصوصا انه بقي بيعملها كويس
عادل بارتياح: يعني في أمل فرعون يرجع عز الحفناوي تاني
سمية : في أمل ونص كمان بس مش موضوعنا دا حالا تقريبا صفاء هتسيب القصر وتخرج منه
عادل : فرعون لما يشوف حل ليها لكن مش عاوز اشتت دماغه بحاجة وخليهم يفرحوا
نور صحيت لقت نفسها في حضنه وايديها في ايده شالت راسها ونظرت لفرعون تتأمل ملامحه عن قرب لأول مرة براحتها
نور: ملامحك متبينش انك فرعون خالص ومتبينش انك قاسي لكن طبعك قاسي اوي
فرعون وهو مغمض: محدش يقدر يحدد شخصية اللي قدامه من ملامحه ولا من طبعه لانه بيبقي نتيجة للافعال اللي حواليكي
نور بتوتر: أنت صاحي ؟
فرعون : مقدرش انام وحاجة تخصني جمبي والناس رايحة وجاية عليها
نور بكسوف: طيب تقريبا الطيارة نزلت يلا ننزل
فرعون : حمدالله علي سلامتك
تركيا نورت بيكي
نور: الله يسلمك هي الناس هنا بتتكلم عربي
فرعون وهو بياخد ايديها : لاء تركي بس هيبقي حوالينا ناس عربية وهننزل فندق عربي متقلقيش
ونزلوا من الطيارة وركبوا عربية للفندق
*******اللهم صلي وسلم وبارك على سيدنا ونبينا محمد وعلى اله وصحبه اجمعين ❤️
صفاء لبست ولمت هدومها وخلت الخدم يطلعوها في تاكس برا البيت
صفاء بتكبر: باي باااي القصر هيوحشني جدا اه ومتنساش ي عادل تسلملي علي فرعون بيه
عادل: صدقيني لو كان هنا مكنتيش قدرتي تعملي دا
صفاء: هووووف اخيرا الواحد لقي الفرصة انه يخرج من السجن
خالد: متبقيش تدوري علي فرصه تدخلي بيها القصر تاني
صفاء: صدقني حسابك معايا بعدين
خالد: ولا يهمني
عادل: متفكريش تقربي منه عشان هتتنسفي من علي وش الارض
سمية: خلاص ي ولاد اتفضلي ي صفاء
صفاء: صفاء هانم
سمية بعند: مع السلامه ي صفاء
فرعون ماسك ايد نور وداخل الفندق
نور بترتعش: فرعون انا سقعانة الجو برد أوي هنا
فرعون: استني احنا طالعين اهو والجو فوق هيبقي دفي
الاستقبال: اهلا فرعون باشا
فرعون: اهلا بيك ي حازم
حازم: الفندق نور بيك والانسة اللي معاك
فرعون بحدة: دي مراتي فين الغرفه
حازم : اتفضل دي الغرفه بتاعة حضرتك اتفضل من هنا وطلع علي الغرفة نور دخلت جري لبست تقيل اوي اوي
نور: مش هتغير هدومك وتلبس حاجة تقيله
فرعون واقف ورا ازاز الغرفة بينظر للبحر: لاء الجو بالنسبة ليا عادي والتكييف مظبط الاوضة
نور؛ طيب
بس كان يقصد أي بالانسة اللي معاك
فرعون : مش لازم تعرفي ي نور
نور: ممكن اعرف
فرعون وهو مثبت عيونه علي حاجة : عشان كل لما اجي انزل الفندق هنا واكون ….وسكت
نور : ومعاك واحدة ست .
فرعون : محتاج ارتاح شوية
نور: هتفضل كدا
فرعون: كدا ازاي يعني
نور: حياتك كلها بنات وسهر وشرب
فرعون وهو بينام : محدش بيختار طريق دماره
نور ببعض من العصبية وهي بتشيل الغطي من عليه: يعني انت عارف انك ماشي في دمار
فرعون : نور لو سمحت بلاش كلام ممكن
نور: لاء مش ممكن عاوزة اعرف كل حاجة عنك
فرعون : بكرة ان شاء الله
نور: حالا
فرعون بحدة ؛ نوووور
نور بخوف: حاضر ومشيت من قدامه وقعدت في احد أركان الغرفة ومسكت الموبايل بتاعها
صفاء وهي بتوقف التاكسي قدام فيلة ضخمة
معتصم: البيت نور
صفاء: بدلع منور بيك ي حبيبي
معتصم بخبث: وحشتيني
صفاء: اممم وانت كمان يلا امسك الشنط دي كدا مني
معتصم قرب منها : بقولك اي تعالي ارحب بيكي علي طريقتي وصفاء بضحكة عالية مشيت معاه
( هنعرف مين معتصم دا )
فرعون وقف قدام نور : نور
نور : نعم
فرعون : متزعليش
نور: مش زعلانه حتي شوف بضحك اهو
فرعون : حياتي صعبة اوي بلاش بيكي تصعب اكتر
نور: تقصد وجودي بيقفل الدنيا معاك اكتر حاضر ي فرعون اول لما ارجع مصر هبعد ووعد مش هتعرف طريقي
فرعون : اوعي تعملي كدا دا انا ….
نور بتركيز: انت اي
فرعون : كنت مفكرك هتبقي معايا وبدل ما توعديني انك تمشي هتفضلي معايا
نور: انت بتعمل كدا عشان الوعد اللي وعدته لأمي صح
فرعون : مش عارف بس المهم يلا عشان هنخرج بالليل
نور: هنخرج بس احنا منعرفش حد هنا
فرعون : عاوز اقولك إن تركيا بلد جميلة جدا وبحرها أجمل وفيها سندوتش سمك رااائع
نور بفضول: انت شوقتني للنزول يلا بينا
بقلم مروة موسي
فرعون : حالا لاء طبعا
نور: ايوا
فرعون : نور ملحقتش ارتاح بجد
نور وهي بتشده من ايده للحمام عشان يغير: يلا بقي
فرعون بتنهيدة: حاضر
معتصم : البيت نور بيكي
صفاء بضحكة: علي اساس إني مش صاحبة بيت
معتصم: عندك حق الله يرحمك ي اخويا كانت مراتك بتيجي هنا وانت علي وش الدنيا مش هتيجي بعد مماته
صفاء: متسكت وتفتكر لينا حاجة عدلة اخوك اي خلاص مات عقبال ابنه
(**** معتصم دا اخو ابو فرعون دا عمه اللي ظلمه واتفق مع صفاء علي انهم ياخدوا كل حاجة منه)
فرعون : هتروحي فين بقي
نور: نعم دا علي اساس اني عارفه انا حاجة هنا
فرعون : تعالي تمشي شوية علي بحر تركيا
نور: امممم نجرب بس ممكن حاجة مجنونه شوية
فرعون: نعم
نور: عاوزة في التلج دا ايس كريم
فرعون : مجنونه من يومك والله حاضر
نور: وكمان حاجة تعرفني كل حاجة عنك
فرعون: نور بلاش تدخلي في حياتي ممكن واعتبريه ترجي
نور: ليه
فرعون: حياتي ملهاش اول من آخر ومعقدة وانا بتعب من كل لما افتكرها
نور: ولو قولتلك عشان خاطر ابوك
فرعون: حاضر بس بلاش تجيبي ابويا تاني في سكة
وكل اللي عاوزة تعرفيه بكرة اخر الليل هتعرفيه
نور باستفهام: اشمعنا
فرعون: لحد ما اذاكر حياتي تاني قدامي ي نور
وفضلوا طول اليوم برا وفرعون بدأ يفتح قلبه لنور ويتكلم كتير معاه ويبطل الحدة اللي كان بيتعامل بيها ونور لحظت دا وبدأت هي كمان تعتبره صديق ليها
احد رجال المافيا: ألماس لحد حالا فرعون متكلمش عنه
جوري: مبقتش اعرف حاجة عنه
احد رجال المافيا: هو حالا في تركيا مع مراته
جوري : لو عرف انكوا بترقبوا هيطربق الدنيا فوق دماغنا
رجال المافيا: في خلال ساعات لو مبعتش ألماس صدقيني هنعمل تصرف مش هيعجبه
خالد : النهاردة عيد ميلاد اختي لازم اتصل بيها
عادل وهو بياخد منه التليفون: ممكن متفكرهاش وخالي اول واحد يقولها كل سنة وانتي طيبة هو فرعون
خالد بتفهم الوضع: طيب
سمية : ربنا يباركلك يبني
خالد : مكنتش مطمن لخروج صفاء بعت حد وراها ولقيتها راحت لمعتصم
سمية وهي بتخبط علي صدرها: يندامه دي بجحة اوي
عادل بحزن: علي اساس انها مكنتش بتروح له حتي وفرعون هنا كانت بتتحجج بأي حاحة وتروح له
خالد : فرعون يعرف حاجة زي دي
سمية: لو عرف يموت فيها ويشك في نفسه فرعون كل حاجة جاية علي دماغه اوي
عادل: الدنيا صغيرة علي فرعون اوي
خالد : انا واثق في نور
سمية : كلنا معلقين آمالنا فيها
تاني يوم فرعون وقت الغدا: نور افتحي معلش الباب الغدا
نور: حاضر وفتحت واخدت الغداء منه
نور: هو أي العينات اللي بيجبوها دي
فرعون : عندك بدل الطبق بتاعك وبتاعي كليهم
نور: وانت مش هتاكل
فرعون : بالهنا والشفا بس كلي انتي
نور: ممكن اطلب حاجة تانيه من تحت
فرعون : ايوا افتحي السماعه واطلبي
نور: لو سمحت عاوزة فرختين ومكرونة بشامل ولسان عصفور وعاوزة كنافة بالقشطة وعاوزة شكولاته دارك و….
فرعون بصدمه من اللي طلبته: دا كله لمين
نور بطفولية: ليا انا وهأكلك معايا متخفش
حازم علي السماعه: فرعون بيه ممنوع دا كله
فرعون : اللي هي طلبته يجي
نور : وكمان بيتزا لو سمحت
حازم: حاجة تاني حضرتك
فرعون : نسيتي السلطة
نور: لاء انا مش عاملة رجيم وقفلت
فرعون : الله يكون في عون معدتك
نور؛ اسكت دا انا جعااااانه
فرعون وهو بيبتسم : انا خايف اصحي الصبح ملقيش رجلي
نور قربت منه : أي دا
فرعون باستغراب: أي
نور: انت عندك سنان زينا وبتبتسم
فرعون : ايوا
نور: أول مرة اشوفك بتبتسم شكلك حلو اوي
فرعون وهو بيفتح الباب للاكل: عارف اني شكلي حلو يلا كلي
نور وهي قاعدة وبتفتح الاكل: تعالي كل يلا
فرعون : يلا وفعلا قطع قطعه مكرونه وكلها وكان بيقوم
نور وهي في فمها الاكل: انت كدا كلت
فرعون : ايوا الحمد لله
نور شدته قعدته: افتح بقك ي كتكوت
فرعون: أي اللي بتعمليه دا انا مش بحب البيتزا
نور بصدمه: أي مين قول تاني كدا
فرعون : مبحبهاش
نور: هل انت جربتها
فرعون: لاء
نور: هل انت حسيت بيها وهي بتتغلغل بين امعائك كدا
فرعون: لاء
نور: أمال مبتحبهاش ازاي يلا افتح فمك
فرعون: خلاص خلاص انا هدوقها لوحدي
نور : هتكسف ايدي
فرعون مسك ايديها ووجها اتجاه فمه وداقها
فرعون: طعمها حلو
نور بتلقائية: مفيش احسن من طبق الكشري المصري الله يرحم أيامه
فرعون: دا علي اساس انك بقالها هنا قرووون دا مكنش لسه تاني يوم
نور بعد ما شطبت نص الاكل لوحدها: طب مش هكمل اكل
فرعون: كوليني ي نور
نور : لاء يعم مبكولش ناس تنزل في بطني تتعارك معاها
فرعون : بقي كدا
نور : ايوا ووووو ولم تكمل كلامها وحدث شيئا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية طفلة هزت كيان فرعون)
