رواية طفلة هزت كيان فرعون الفصل التاسع والأربعون 49 بقلم مروة موسى
رواية طفلة هزت كيان فرعون الجزء التاسع والأربعون
رواية طفلة هزت كيان فرعون البارت التاسع والأربعون
رواية طفلة هزت كيان فرعون الحلقة التاسع والأربعون
آدم اتصل بمامته ملك
ملك : ايوا ي حبيبي هترجع امتي
ادم: ورايا شغل وحالات ولادة النهاردة
ملك: انت كويس
آدم: انا كويس بس حلمي اللي بسعي له من صغري هيروح مني
ملك: وأي المانع انك تروح وتطلب ايديها من أهلها
ادم: وانتي موافقة
ملك: وأي اللي اخليني ارفض بنت كويسة وكفاية انها بتحبك وانت بتحبها وشاريها وشقتك فوق شقة عادل جاهزة وفلوس الشبكة نصها جاهز وانا هساعدك في الباقي
ادم: طب اطلب ايديها ازاي
ملك: لما ترجع بالسلامه ان شاء الله هنزل لخالد انا وانت
آدم: مليش غيرك يشيلني ي أمي
ملك: كفاية اني في عيونك ي آدم وبتخاف عليا
ملك نزلت لخالد
ملك : إزيك ي ابو خديجة
خالد: الحمد الله اخبارك اي
ملك: انا تمام الحمد لله
شمس: تشربي عصير ولا اجيب شوية فاكهة زي ما بتحبي
ملك: انا مش جاية النهاردة علي اساس إني هقعد معاكوا واني صاحبة بيت انا جاية النهاردة عشان اطلب ايد خديجة لآدم
خالد: متعزش عليكي بس هنشوف رايها وغير كدا انا مدي كلمة لواحد مينفعش ارجع ليها
ملك: انت عارف وواثق ان خديجة بتحب آدم وآدم بيحبها وعرفت ان في شخص متقدم ليها وهو اللي بعتني ليك
شمس: انا هتكلم علي اساس انها بنتي وبنتك في نفس الوقت
بص ي خالد آدم طول عمره كويس وعمره ما عينه جت علي واحدة غير بنتنا
خالد بيبص لشمس بحدة
ملك: متبصلهاش كدا كلامها صح وكفاية انه كان معاها خطوة بخطوة في حياتها لحد النهاردة يعتبر كان صديقها وكان مصدر امان ليها
خالد بتفكير: لو مكنتش اعرفه واعرف انه كويس وانه متربي قدام عنيا وعارف شخصيته كنت رفضته
ملك : يعني اي
خالد: يعني مش هلاقي احسن من آدم لخديجة
ملك : علي بركة الله آدم هيحدد بكرة معاكوا معاد عشان نتفق
خالد: تنورونا في اي وقت
خالد لخديجة : في عريس متقدم ليكي وانا موافق عليه
خديجة بتوتر: بس لسه بدري عاوزة أأجل الموضوع شوية
خالد: لاء مفيش تأجيل هما جاين بكرة
ملك لنور وعز: آدم هيخطب خديجة ونتفق علي كل حاجة بكرة
عز: وانا هنزل معاه في مكان والده
نور: ربنا يخليك لينا كلنا وتفرح بسيلين قريب
عز: طول عمري متخيل خديجة وآدم مع بعض وهما الاتنين مكملين بعض
آدم رجع وكان بيحاول يتصل كتير بخديجة
ادم: مبترودش عليا ليه
ملك بخبث: معرفش يمكن خالد وافق علي العريس
ادم: ازاي دا وهي توافق بسهولة كدا
ملك بخبث: متأكد انها بتحبك
ادم: ايوا انا واثق انا هنزل لخالد حالا
ملك: اصبر مش كل حاجة تسرع كدا بكرة ننزل
خديجة في اوضتها وعز وملك وآدم وشمس وخالد في الصالة
ادم: ي عمي باختصار شديد انا طالب القرب منك طالب ايد خديجة
خالد : والله انا اتشرف بيك وانت وي ابني بس نشوف رأي العروسة
ادم: لو علي رأيها انا مطمن
خالد: قصدك انها بتحبك طب معنديش بنات للجواز
آدم بحدة : اقصد ي عمي انها هتوافق لأنها عارفة اني كويس مش اكتر
خالد: تمام اتفضل في الصالون وانا هنادي عليها
خديجة طالعة متعرفش مين اللي في الصالون وقعدت وعنيها في الارض
آدم قاعد منطقش بكلمة وهي باصة في الارض ودموعها نازلة
آدم بتغير صوته: انسه خديجة انا العريس
خديجة وهي مازالت دموعها نازلة وفي الارض: متقبلش بواحدة قلبها مع حد تاني ي استاذ
آدم بصوت متغير: أي الكلام دا
خديجة وهي بترفع راسها: ايوا انا بحب…..آدم انت بتعمل اي هنا
آدم: بتقدم لحب عمري
خديجة : انت انت بتتكلم بجد
آدم وهو بيمسك ايديها: ايوا ي دكتورة قلبي
خديجة : انا هفكر
ادم: وحياة امك انتي هتهزري أمال مين اللي كنتي بتقولي انك بحبيه
خديجة: دا واحد بحبه بس هو رخم حبتين
خالد بحدة : آدم التزم حدود وشيل ايدك
آدم: حاضر ي عمي انا اسف وقرأوا الفاتحة
وآدم طلب من خالد ان خديجة تيجي بشنطة هدومها بس وهو هيعمل الشقة كلها
عز لنور: عقبال عيالك
نور وهي بتعلق الجاكت علي الشماعة: يارب ي حبيبي بس تعرف ادهم وسيلين …
عز: عارف انهم متعلقين ببعض
وعارف أن آدم وخديجة كذلك وعارف أن سليم وجنة كمان متعلقين ببعض
وعارف أن عمر وحور دايما بينهم خناق بسبب غيره عمر علي حور
نور: وانت قابل الوضع دا ي عز
عز: مفيش حاجة احسن من الحب في الحياة كفاية انهم بيختاروا لنفسهم شريك حياتهم
نور: بس دا هيقصر علي مستقبلهم
عز: بالعكس عندك سيلين عماله تذاكر عشان تبقي مع أدهم في كلية الهندسة
وعندك حور بتذاكر عشان تطلع من الأوائل زي عمر
وعندك جنة وسليم بيعافروا ويشوفوا مين اللي بيذاكر اكتر وغير دا كله بناتك عاملين حدود انا واثق فيهم
نور : ربنا يستر ي عز وافرح بيهم
عز وهو بيكلمها بحب: يارب بس النهاردة كنتي مشغولة عني
نور: البيت حمله كتير وكل واحد عاوز حاجة شكل
عز: ما انا قولتلك اجيب حد يساعدك رفضتي
نور: لاء انا اللي مش عاوزة حد يهتم بعيالي عاوزة اعرف تفاصيل كل واحد فيهم وانا مش بطمن لما حد يدخل البيت خصوصا لو خدامة
عز: دي حكاية عدم ثقة فيا
نور: لاء بس الاحتياط واجب
عز: ماشي ي نور ووقف في البلكونه
نور: مش قصدي كدا والله بس انا مش حابة مشاكل تحصل
عز: بس انتي دايما مشغولة لعيالك علي حسابي
نور: كل فترة وليها اهتمامات ي عز كنت الاول انت ومازلت لكن حالا العيال عاوزة اهتمام كمان
عز: ماشي ربنا يعينك
نور بحب؛ طب موحشتكش وعيونها في عينه
عز: صدقيني يومي مش بيكمل غير بيكي وضمها له ووقفوا كتير في البلكونه يحكوا مع بعض
نتيجة الثانوية علي وشك تظهر خلال دقايق الكل كان متجمع
عز: انا واثق فيكي وزي ما تجيبي انا راضي
ادهم: متقلقيش ربنا مش هيضيع تعبك
نور: انت كنت جايب كام ي أدهم
ادهم: كنت جايب ٩٨ ونص تقريبا
سيلين: هات النتيجة انت ي بابي
عز فتح ودخل الرقم القومي وكلمة السر
عز : سيلين مهما كان مجموعك لازم ترضي بيه
نور: كام ي عز
عز: ولازم تحمدي ربنا لان غيرك يتمني انه يتقدم له تعليم ومفيش عنده فرصة
سيلين: ي بابا كام متوترنيش
عز: ٩٩ ونص ي فرحة قلبي
سيلين دموع الفرحة نزلت : حلمي اتحقق ان ادخل هندسة بترول
عز: يلا عشان تتعيني في اكبر شركة نفط في العالم بتاع والدك
ادهم: مبروك ي سيلين
سيلين بصوت واطي: محترم حالا
ادهم : بس ي عمي دا ظلم
عز: ازاي بقي
ادهم: انا كنت اشطر منها وهي جابت واحد في المية اكتر مني
عز: فرق الخط بقي وضحك والكل كان فرحان
ادهم: اكتر حاجة مفرحاني انك هتبقي معايا في الشغل عيوني مش هتتشال من عليكي
سيلين: انا هبقي المدير بتاع الشركة اي نظرة كدا أو كدا هطردك متنساش دي
ادهم: هتقدر ي باشا تبعد حبيبك عنك
سيلين: حبيبي مين دا
عز : سيلين تعالي هنا متقفيش عندك
سيلين: بابي دايما بيجي في الوقت الصج وضحكت
حور واقفة في البلكونه وعمر اتجه ليها
عمر: انا اسف
حور: علي أي بس
عمر: خلاص ي حور متزعليش مني
حور: انت عارف ان بكره االي بيكلمني بحدة وانت بتعمل كدا
عمر: ما انتي متعرفيش انا بضايق لما الاقي حاجة ملكي واقفة مع حد تاني
حور: مش واثق فيا
عمر: ثقتي كلها فيكي والله ي حور
حور: وانت ي حضرة الدكتور مش بتقف مع صحابك
عمر: لو كنتي حابة الطب كنتي دخلتي معايا وكنتي معايا لكن انتي حابة هندسة
حور: عشان ابقي شغالة في شركة بابي ويبقي ليا مكانه هناك احسن من المستشفي وهي شركة عالمية
عمر: وانا مستحيل اغصبك علي حاجة وخصوصا انه حلمك
سليم: بت ي جنة
جنة: بت
سليم: اه بت عجبك
جنة : اعدل لسانك احسن اجيبك من وشك
سليم: بس بقي بقالي يومين مسمعتش صوتك
جنة: بطل شغل النحنحة دا
سليم: والله طيب ماشي ومشي من قدامها
جنة مشيت وراه : ي عم سليم
سليم ميرودش
جنة: ايوا بقي اتقل علينا اكتر يعني غلطان وعاوزني اصالحك
سليم: نعم غلطان في اي
جنة؛ هو انت غلطان وخلاص متسألش
سليم: ماشي
جنة بحب: طب مقولتش رايك علي الفستان شكله اي
سليم: انتي بتحلي الحلو
جنة : يعني عجبك
سليم” انتي في عيوني قمر
جنة: تسلم ي غالي
السهرة كانت جميلة علي الكل
خديجة وآدم بقوا في نفس المستشفي وادهم وسيلين في نفس الشركة
حور في هندسة هي كمان وعمر في طب أسنان
سليم وجنة في ٣ ثانوي مع بعض والاتنين علم علوم
ادهم: انجزي ي سيلين اتأخرنا
سيلين وهو بتاخد الشنطة من علي البار : انا جاهزة اهو
ادهم: هتروحي كدا
سيلين؛ كدا ازاي بقي
ادهم: الجيب قصير جدا
سيلين: لاء انا طالعة من قدام مامي كدا
ادهم: طب ادخلي غيرها
سيلين: لاء
ادهم نزل من غير كلام وركب العربية
عز: فين سيلين
ادهم بضيق: نازلة ي عمي اهي
سيلين نزلت ولكن ………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية طفلة هزت كيان فرعون)
كملى بليز