رواية طبيب نفسي الفصل الأول 1 بقلم رقية محمد
رواية طبيب نفسي الجزء الأول
رواية طبيب نفسي البارت الأول
رواية طبيب نفسي الحلقة الأولى
لسه حاسس بصوتها بيرن في وداني وهي بتقول
_ لو بعدت مش هترجع تاني لو اخترت تمشي مش هتلمح طيفي تاني … عايز تبعد ابعد بس مترجعش تاني
وصوت الست في الخلفيه
{بعيد عنك حياتي عذاب مبتعدنيش بعيد عنك}
بس انا اخترت الطريق الصعب الطريق البعيد الي ملوش اخر…..الي باخده منه وجع ..وجع وبس
حاولت ارجعلها تاني ..بس هي كانت قافله قلبها بطريقه متخيلتش يوم أن نور الطيبه تتعامل بيها
_ علفكره انا مشيت عشان الوقت مكانش مناسب إني افضل موجود لا الوقت ولا المكان ولا الظروف ..بس انا دلوقتي موجود نقدر نرجع احسن من اول انا خلاص بقيت موجود
=وانا مش موجوده … متحاولش نرجع تاني عشان خلاص انا لا بكرهك ولا بحبك مفيش بينا شئ اكرهك عليه ولا بينا شئ احبك بيه إطلاقاً
وفي الخلفيه فارس قطريه { وإن جاي في رجوع مايتنا لمجاريها فـ بجد يغالي ابعد عني }
واتكلمت بجزئ من قصيده فارس قطريه : انا مبردش علي كلامك انا بس بفكر روحي إن حنت لايامك
نور علطول بتسمع فارس قطريه والكلام اتجسد عليها
بعد ما اتيقنت إن مفيش رجوع تاني خلاص وإن لو رجعنا في حاجه جواها اتكسرت عمرها ما اتصلحت علي حسب كلامها فـ انا قررت اسيبها فـ حالها
الام : قوم يابني شوف مستقبلك بقالك اسبوعين قافل علي نفسك ومبتنزلش العياده
(نسيت اقلكم إني دكتور نفسي لسه متخرج فاتح عياده صغيره بتعلم خبره وبسمع مشاكل الناس عشان تهون عليا مشاكلي {الي يسمع بلاوي الناس تهون عليه بلاويه } )
حاضر يا امي حاضر سبيني بس شويه وقت مع نفسي
_اما نشوف شويه الوقت دول هيرسوا علي اي
امي عندها حق هي مبتحبنيش تشوفني عاجز ولا انا بحب ابقي عاجز قررت اني افوق محدش بيبقي علي حد بس انا مش هنسي إني غلطان وإن زنبها في رقبتي
جنه : سليمان انا عاوزه السويت شيرت بتاعك أخرج بيه
_ادخلي خديه
=بتكلم جد ؟ انت تعبان ؟
_ جنه تعالي اكلمك ف موضوع
= خير
حكيت ليها الموضوع وكأن الأدوار اتبدلت هي الدكتور النفسي ونا المريض حتي الدكاتره النفسيه محتاجين دكاتره
جنه : انت غلطت أما علقت قلب بنت بيك وكسرته هي عمرها ما هتنسي كسرتك عمرها
اتكلمت بحزن : انا نازل العياده
بدأت اتصل بالسكيرتيره
والمرضي بدأو يجوو
اتفضلي
دخلت بنت ١٨ سنه باصه علي الارض بحزن ودموع
اتفضلي اقعدي اسمك اي
ليلي
اممم جميل احكيلي بقي يا ستي
انا تعبانه اوي
طيب واي المشكله ممكن اقدر اساعدك
انا عندي اخويا دايما بابا وماما بيعامولوه احسن مني دايما بحس إني مليش لازمه وإني جيت غصب عنهم
دايما يخلوني أكرهه انا مش عايزه أكرهه انا …انااا خليت خطيبته تفشكل الخطوبه
ازاي ؟
قولتلهاا أنه بيخونها … انا مش وحشه والله ما وحشه بس هما الي خلوني كده هما الي بيعملوا فيا كده
طيب كملي
انا بفكر اخلص منه
بصلها بتركيز تخلصي منه ؟
اه هو عنده السكر ممكن اديله جرعه دوا زياده واكنه دوا مختلف أو اديله حبوب غلط اكنها الدوا بتاعه أو أو افف هو انا مريضه صح انا مريضه نفسياً انا حقوده انا مبحبش الخير لحد انا وحشه
وبدأت تعيط
{حبيبي من أصعب المشاكل الي بتواجهني هي مشاكل الاسره انت كـ اب و انتِ كـ ام بتبقوا واعين انكم تعملوا في عيالكم كده ؟؟؟ بتستوعبي انكم بتفرقوا بين ولادكم ؟؟؟ انتم الحقيقي هما المرضي مش ولادكم }
بدأت اتنفس بهدوء
هو معاملته معاكي اي
هو هو كويس جداً معايا بيحاول يبقي الاب والام الي مش موجودين ليا
بدأت اتكلم معاها وخدت لها ميعاد تاني
خدت نفسي بهدوء وروحت البيت
_بتكلمي مين يا جنه
بكلم واحده صحبتي
ايوه الي هي مين ؟
_ في اي يا سليمان بكلم واحده صحبتي
طيب ادخلي نامي يلا
اففف مش هدخل يا سليمان غير اما اخلص الي ورايا
خدت نفسي بهدوء عشان متعصبش ودخلت الاوضه
لقيت السويت شيرت مليان برفان حريمي
اتكلمت بصوت عالي وعصبيه
_جنهههههههههههه
= في اي بتعلي صوتك لي
مسكت طرف السويت شيرت وقلتلها
ادخلي واقفلي الباب يحببتي واترزعي هنا
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية طبيب نفسي)
