رواية طبيب قلبي الفصل الثاني 2 بقلم مارينا مجدي
رواية طبيب قلبي الجزء الثاني
رواية طبيب قلبي البارت الثاني
رواية طبيب قلبي الحلقة الثانية
_اى المطلوب بقى عشان تسبنى اخرج
-عايز اعرف كل حاجه عنك وليه عايزه تنتحرى ليه كل ده !؟
_ده شئ ميخصكش فى حاجه حياتى الشخصيه ليا انا وبس
-انتى مدينه ليا وهتردى دينك كده ولا انتى من الناس ال بتهرب بقى
_لا انا بكره انى اكون مديونه بس انا معرفكش ولا انت يبقى ليه وجع الدماغ
-اعتبرى انك بتكلمى نفسك او دكتور نفسي ما انا لابس بالطو اهو مش عجبك ولا اى!؟
_مممم ارجوك بلاش
-لا يلا قولى بس الاول قوليلى اسمك اى !؟
_انا اسمى أنين
-حتى اسمك فى وجع بس اسم حلو
يلا احكيلى وانا سامعك وبالتفصيل متنسيش انك عايزه تخرجى هه وهعرف لو كروتى او كدبتى
(وغمزلى بعينه العسلى)
مكنتش حبه احكى حاجه لانى هنهار مش عايزه انهار قدام حد غريب ومش عايزاه يشفق عليا بس فى نفس الوقت هو مصمم ومش هيسبنى امشى اوووف بقى
هضطر احكيله
بس الاول هوصفلكو شكله لان اكيد عندكو فضول
مراد طويل وعنده عضلات الى حد ما شعره ناعم ولونه بنى وهو بشرته بيضا عنده غمازات وده محلى ضحكته وملامحه بريئه وجميله اى ال انا بقوله ده انا بعاكسه ولا اى
ما اصله الصراحه قمرين اوى
وتقريبا عنده ٣٣ سنه
-سرحتى فى اى بقى يلا
_ح حاضر
_اسمى أنين عندى ٢٦ سنه خريجة كليه اعلام من جامعة القاهره
لحد ما بدأت تعليم و لحد ما خلصت جامعه حياتى كانت جحيم بمعنى الكلمه وبدون مبالغه
انا عايشه مع خالتو وجوزها وابنها سليم ال هو ظابط فى الشرطه وعنده ٣٠ سنه
والدى ووالدتى اتوفى فى حادثه وانا عندى ١٥ سنه
ومن هنا بدأ الجحيم بتاعى
خالتو خدتنى عندها لانى مليش حد تانى خالص
كنت عايشه فى سجن كل حاجه فى ممنوعه حتى الدراسه حاولى يمنعونى عنها
ماما كانت سايبه ليا فلوس باسمى وبما ان خالتو الواصيه الوحيده عليا خدتهم وكانو مبلغ يعنى
ممكن متصدقش ال هقوله بس جوز خالتى كان مدمن ومش بيجى البيت غير وهو خلصان ده لو جه وهى كانت بتطلع قرفها عليا انا
طبعا هتقولى سليم كان فين
سليم كان بعيد قاعد فى الريف عشان دراسته يركز فيها اكتر وكمان جوز خالتى ده مكنش ابوه ف مكنش طايقه وكان لما بيشوفه بيفضل يضربه ف هو زى ما تقول خدها من قصيرها وسافر وسابنى فى كل ده لوحدى
انا وسليم شبه مكناش نعرف بعض ولحد دلوقت
من حبس فى اوضه ضلمه لضرب لاهانه لتعذيب
لمحاولات من جوز خالتى انه يتهجم عليا
عيشت ليالى بشعه حرفيا
مكنتش بعرف اغمض عينى لانى معرفش لو غمضت هصحى ع الضرب ولا جوز خالتى وهو بيهجم عليا
لحد ما دخلت اولى جامعه بالعافيه
بروح الجامعه بعلامات فى جسمى
لحد اليوم المشئوم …… والمصيبه
انهرت فى العياط مش قادره احكى ده تانى لانى هيعشه تانى كده مش قادره مبقاش فيا حيل كل حاجه ادمرت
_ياريتك سبتنى اموت .. حرام عليك
حرام
وبدات اكسر فى الحاجات ال فى الاوضه قام مراد مسكنى وجه الدكتور التانى وادانى حقنه مهدئه ونمت
نمت كتيييييييييير اوى
-يا ترى اى ال حصل
انا يظهر ضغط عليها جامد
طق طق
مراد: ادخل
شخص ما: هى مش دى اوضة الانسه أنين
مراد : ايوه مين حضرتك!؟
الشخص ما : انا ……..
يتبع…
لقراءة الفصل التالي : اضغط هنا
الرواية كاملة اضغط على : (رواية طبيب قلبي)
