رواية طبيب القرية الفصل الخامس 5 بقلم صفاء حسني
رواية طبيب القرية الجزء الخامس
رواية طبيب القرية البارت الخامس
رواية طبيب القرية الحلقة الخامسة
نهر : إيه الجصة الحزينه ديه وطبعاً صابحه وجدي صقر كانوا بيتعذبوا وعشان كده جلبه جامد وإنت كنت طالع زييه
الخال : لاه هو سابني أعيش على حريتي وأمتع نفسي مع البنات براحتي كان فاكر إني لما أعيش الحرية دي وأكون هوائي أحسن ما أجع في الحب واتعذب وأني بشوف حبيبتي جدامي
نهر :طيب على كده زبيدة تكون بت خالتك صوح
الخال :صوح أني تعبت يابتي بكرة نكملوا
نهر : طبعاً ياحبيبي هعرف حكايه زبيدة وإزاي وجعت في حبها واللعبة بجت حجيجة
نهر : أنا هكتب لريهام كل المطلوب للمستوصف يمكن حد من المستشفى اللي هي شغاله فيها أو من الدفعة بتاعتنا يساعدوني وفتحت الاب توب وبدأت تكتب كل المطلوب
دكتور أطفال ،دكتور باطنة ، ودكتور أسنان …
ريهام فتحت الكاميرا : أخ إنتي عاوزة كل التخصصات دي ليه إنتي بتستعبطي مين هيجى يعيش في كفر في الصعيد …
نهر : وفيها إيه يعنى مش دا واجب على كل طبيب يساعد الفقير …
ريهام : يا بنتي فوقي اشق هدومي منك مين هيسيب القاهرة ويجي عندك
نهر : ههه لاقولي زى أمي يا مرك يا صفية وعادي هتلاقي..
ريهام : هههه لا أقول يا مرك ياريهام وهجيبلك كل دول إزاي يافالحة إنتي عايزه مستشفى كاملة …
نهر : لا المستوصف موجود وفيه أهم المتطلبات لكن أوفر بس التخصصات دي الأول..
ريهام : وفين الحكومة يابنتي ماخالك نائب في الحزب خليه يساعدك ..
نهر :ما هو هيساعدني بس لازم أرتب أموري وأنا محتارة مش عارفة إزاي اظبطها …
ريهام : هو دا عيب البلد يجي واحد يتعين نائب علشان يساعد الفقراء يروح ينساهم ويشوف مصالحه …
نهر : الموضوع مش كدا خالي فتح مدرستين لغايه التعليم الثانوي ودخل الكهربا بعد ما كانوا شغالين علي مواتير وميه
بس الناس في الكفر هنا غلبانه جداً وفعلاً محتاجين مستوصف قريب لأن أقرب مستوصف بعيد عن كفرنا دا ب 3 كفور وللأسف زمان الستات كانت الدايه بتولدهم والحالات الصعبة بيودوهم المستشفى اللي في المحافظة وبتاخد وقت علشان يوصلوا وفي حالات كتيرة ماتت
لحد ما أنا اتخرجت من طب واتخصصت نساء وتوليد بدأت أساعدهم وخالي فتحلي عيادة بس في تخصصات كتيرة مش متاحة…
ريهام : طيب ياحبيبتي أنا هنشر الطلب دا عندي في جروب المستشفى لو في متطوعين وأمري لله هاجي معاهم ..
نهر : ياريت مش عارفة أشكرك إزاي وطبعاً تنوريني …
ريهام :مش عاوزة ألاقي ناموس وحشرات وكدا….
نهر :هههه لا متخافيش الجصر عندينا فيه كل الوجاية الازمة …
ريهام : إنتي لسانك بدأ يتعوج ولا إيه ..
نهر : مش قوي وحياتك بس لازم اندمج مع اللي حوليا هههه وخالي كان كدا في صغره…
ريهام :هموت وأشوف خالك الوسيم اللي جننتيني بيه دا …
نهر : نجم سينما تحسيه محمود عبد العزيز، نور الشريف قدامك وهو دلوقتي بعد ماكبر أقرب في الشبه لعمر الشريف وهو كبير
ريهام : واو وعنده بقى ولد أمور زيه كدا.
نهر : هه مش عارفة أنا لحد إمبارح كنت مستغربة إنه ما اتجوزش لحد دلوقتي بس اكتشفت إنه كان عايش قصة حب تجنن..
ريهام :بجد احكيلي…
نهر : بعينك مش هحكيلك إلا لما يخلص القصة كلها الأول…
ريهام : ماشي يا ستي لما ابقى اجى هسمعها منك سلام بقى علشان أنزل البوست على الشات…
نهر : تمام وضيفيني كدا علشان أقنعهم بالموضوع ….
ريهام :حاضر دقيقه و توصلك الإضافة ورأي نزلي إنتي البوست …
نهر : حاضر يا ستي…
شوية ووصل لها الأشعار قبول إنضمام لجروب أطباء من كل العالم..
نهر : إيه العبط ده من كل العالم إزاي بس
اتصلت نهر ثاني بريهام فيديو كول …
هو الجروب إسمه غريب كدا ليه …
ريهام : غريب إزاي يعني…
نهر : مكتوب أطباء من كل أنحاء العالم ….
ريهام :أخ نسيت دا جروب تاني اقبلي مش هتخسري حاجة …
وأنا هدخلك في التانى آه الأدمن بتاعه دكتور سليم والجروب بإسمه بس فيه كل الدفعات القديمة والجديدة …
نهر : ميضرش بحاجة ضيفيني …
بعد دقائق وصل الإشعار ووافقت على الإنضمام …وبعد شوية قبلوا يدخلوها.
نهر بدأت تكتب البوست : مساء الخير على أطباء مصر العظماء أنا ضيفة جديدة الدكتورة نهر سعد الدين من الصعيد من قرية صغيرة إسمها كفر غريبة وبفتح مستوصف قديم عندنا والبلد كبرت وجهزت المستوصف على أحسن مايكون ومع المنشور صور المكان والقرية ومطلوب متطوعين في التخصصات دي أطفال ، باطنة ، أسنان ، وعيون والدكتوره ريهام تطوعت مرة أو مرتين في الشهر تيجي السكن متاح والراتب أيضاً متاح وكتبت كل التفاصيل عندكم
بعدها ضغطت نشر وحست نفسها فصلت وما استننتش الموافقة ونامت
صحيت تاني يوم ونسيت خالص الموضوع ودخلت عند خالها…
…………………….
في القاهرة ***
في بيت صغير يجلس طبيب وسيم نسخة مصغرة من مالك وهو يتصفح وسائل التواصل جاله طلب إنضمام نهر وقبل وبعدها المنشور وقبله دخل يدور عليها وقرأ البوست
إقتربت منه سيدة في عمر 50 تقريباً
(زبيده) دخلت بالشاي ووضعته على الطاولة : مش داخل عجلي واصل إن البتاع ديه فيه شغل ….
سليم : ست الكل إيه اللي مصحيكي لحد دلوقتي …
زبيد : إعمل إيه بجى مدام ولدي سهران على جهاز عجيب وايه بيتحدت مع ناس وهما كمان بيتحدتوا معاااه …
سليم : هههه وفيها إيه يا أمي مش كان عندك تليفزيون زمان وكان يظهر فيه الناس وكمان بتتكلم و تتحرك …
زبيد : اه لكن مش في كل مكان كان عند وسكتت وعينها اتملت بالدموع …
سليم : ما آنش الأوان بقى أعرف سرك يا أمي اللي كاتماه في قلبك سنين فين أهلك وناسك وفين أبويا…
زبيده : مش وجته ياولدي شوف شغلك وأني هصلي العشا واجهزلك لجمة تاكلها وإنت على لحم بطنك اكده …
سليم : مسك ايدها تعبت من السؤال ومفيش إجابة صدقيني لو مقلتليش إجابة سؤالي هسيب البيت ومش هرجع تاني …
زبيده بدموع ليه اكده ياولدي أني خايفة عليك …
سليم : من مين وليه هربتي …
زبيده : من التار ياولدي …
سليم : هو أبويا عليه تار قتل حد يعني..
زبيد : لا أني اللي جتلت يابني وخدتك وهربت خوفت لياخدوك مني أو يسجنوني..
سليم : نعم قتلتي !!! قتلتي مين؟؟؟
………………….
نهر : صباح الخير يا خالي …
مالك : صباح الفل يابت الغالية إيه اللي صحاكي بدري اكده…
نهر : نمت بدري يا خال وعاوزة أعرف بجيت الحكاية ممكن …
مالك : طيب نفطروا الاول وبعد اكده احكيلك ….
نهر : ماشي يا خال بالهنا والشفا اه بقولك عملت إيه في موضوع الدكاترة اللي هتمسك معايا المستوصف …
مالك : اتكلمت يابتي مع الحزب وقالوا هو دكتور واحد بس يكون دكتور عام هيبعتوه أما الباجي اتفجي إنتي مع حد من صحباتك وزملاتك يجوا مرة او مرتين في الشهر …
نهر : عملت كده يا خال نزلت بوست في الجروب وكمان شوية ادخل وأشوف مين موافج …
مالك : بوست إيه دا وكروب إيه ديه …
نهر : اسمه جروب ياخالي زى كده مكان في الفيس بيتجمع فيه ناس كتير علي حاجة بيحبها أو تخصص شغله .
ودلوقتي كل شركة أو مدرسة أو جامعة حتى المستشفيات بجي ليهم جروب بإسمهم …
مالك : إيه وجع الرأس ديه يعني الكل بجي معاه الهباب ديه في كل وجت…
نهر : الهباب ديه إسمه تليفون ياخالي وانقذ ناس كتير من الموت وساعد ناس كتير…
مالك : يعني مايضرش الناس بحاجة واصل…
نهر : أكيد ضار ياخال لكن للناس الفاضيه اللي بتدخل عشان تخرب بيوتها بإيديها لكن الناس المثجفه استغلوه لصالحهم..
مالك : إزاي بجى يابت صفية..
نهر : هجولك يا خال في جروبات خاصة بالمستشفيات مثلاً وفي دكتور كبير في بلد تانية وفي حالة صعبة او مستعجلة وموجودة في الجروب دا أو ليه أكونت خاص بيتراسلوا معاه ويبعتوا له الإشاعة والتحاليل بيرد عليهم بكل النتيجة…
مالك : يا بوي كل ديه….
نهر : وأحياناً بيعمل عملية بث مباشر وتوصل للأطباء ويطبقوا اللي بيقوم بيه الدكتور وينقذوا مريض من الموت غير آلاف الناس المفجوده والتايهة بترجع عن طريج الفيس لما بينشروا صورة المختفي أو التايه…
مالك : والله العلم اطور يابتي …
نهر : أكيد ياخالي وكمان الناس بجت تروج لشغلها عن طريج الموبايل ملابس أو اكسسورات وكل حاجه
اي دا كل ديه تعليجات علي البوست هشوف لوفي حد موافج ولا مافيش …
مالك : تمام يابتي وأنا هجوم أصلي الضحى لحد ما تخلصي …
نهر : ماشي ياخال تقبل الله منك
نهر في نفسها معجول هو فعلاً بيحكى قصته يعني أتغير للدرجه دي زبيدة عملت ايه علشان تخليه يبجي اكده وممكن بنت جاهله أو تعليم متوسط تهز شاب اكده
ما علينا أدخل أشوف مين اللي علج ..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية طبيب القرية)
