رواية طبيبة نفسية ولكن الفصل السابع 7 بقلم ملك مختار
رواية طبيبة نفسية ولكن الجزء السابع
رواية طبيبة نفسية ولكن البارت السابع
رواية طبيبة نفسية ولكن الحلقة السابعة
^الحقو بسرعه فيه م’صيبه بتحصل!
“جرينا معاه علي اوضه الشخص اللي كنا عنده من شويه كان مرعوب وقاعد جنب السرير حاضن نفسه وبيعيط وبيقول جمله واحده!”
>مش هتسيبني هتموتني… مش هتسيبني هتموتني
_حاول تهدي وقولي مين اللي مش هتسيبك!؟
“بص علي ركن في الاوضه وكانت راندا واقفه بتبصله بكره وحقد وبعدين قربت منه ومسكته من ياقه قميصه”
~هاخد حقي منكو كلكو مش هسيبكو تتمتعو ابدا، هاخد منكو حق كل صرخه صرختها ومرحمتونيش!
“هديناها وعمر خدها معاه اوضته اديت المريض حقنه مهدأه خفيفه علشان الكيما’وي اللي اخده وروحتلهم الاوضه”
دخلت بسرعه_انا ممكن اسأل سؤال!؟ انتي ازاي بتقدري تظهرليهم ممكن اعرف ليه روحك بتظهرلنا اصلا!!
~علشان انا روحي مش مرتاحه ولما اخد حقي هرتاح منهم دول انا ميته دلوقتي بسببهم!!
“بصيتلها بشك وانا بفتكر كلامه ”
_هو انتي دخلتِ غيبوبه في انهي مستشفيي يا راند؟!
رد عمر باستغراب=غيبوبه ايه!؟ده ماتت واتدفنت في نفس اليوم! صح؟!
اتوترت~هاه؟! اه في نفس اليوم علي العموم انا همشي دلوقتي سلام
“سابتنا ومشيت وانا لسه بفكر ازاي الراجل قال انها فضلت في الغيبوبه تلات ايام وكانو مراقبينها وازاي بيقول انها ماتت واتدفنت في نفس يوم الحادثه!؟”
=ملك؟! يبنتي بكلمك سرحتي في ايه يا دكتوره!؟
_هاه! ولا حاجه انا همشي دلوقتي يومي خلص في المستشفي وانا حكيتلك كل حاجه ليها علاقه بموضوع راندا
=هو فاضل ايه علشان نثبت الموضوع ده عليهم؟!.
_خالد كلم الراجل اللي وسط البلد شريكهم التاني علي اساس انه يجي يزور زميله وكده النهارده الراجل جه فعلا وخالد كلمه هو والمريض اللي هنا ومقدمناش غير حل واحد!
بصلي بلهفه=ايه هو!؟
_حسن لما جه قال انهم وقفو العربيه قدام بيت مهجور وخالد راح يشوف يمكن يلاقي هناك كاميرات!!
“بصلي بخيبه امل، كنت عاوزه اواسيه لكن معرفتش هواسيه بايه انا كمان خايفه جدا،لو مفيش كاميرات مس هنعرف نثبت عليهم حاجه!!؛ روحت بيتي وصليت وافتكرت حاجه فـ رنيت علي دكتوره زميلتي وكلمتها”
_اه ياندي انا واثقه من اللي بقوله،طيب شوفيلي الموضوع ده لانه مهم بالنسبالي، طيب يجميلتي تسلمي
“نمت وصحيت الصبح صليت لبست وروحت المستشفي دخلت لاشرقت”
_صباح الخير
•صباح النور وحشتيني اووي
_يابكاشه وحشتك بردو والا الهديه هي اللي وحشتك؟!
ضحكت•ممكن نقول انتو الاتنين!؟
ابتسمتلها_ممكن طبعا بس يلا بقا البسي بسرعه علشان هنتاخر علي مشوارنا!
•مشوار؟!
_لا انا مش عاوزاكي تسالي علي حاجه خالص النهارده ممكن!؟
“حركت دماغها بأه، لبست وسرحتلها شعرها ونزلنا بسرعه من المستشفي ركبنا تاكسي وغميتلها عينيها ونزلنا وقفنا قدام مكان كبير اوي وبعدين شيلت الرابطه من علي عينيها”
بصدمه•بتهزري يا دكتورتي!؟
_لا!؛ ايه عجبك!؟
عيطت •انا بحبك اوي بجد بحبك اوي
_بس بس يجميله انا كمان بحبك اوي
“امنيتها التانيه كانت نفسها تلعب العاب كتير في يوم واحد وامنيتها التالته كانت انها تتصور في كل لعبه علشان تفضل ذكري لاهلها وليها بردو فجيبتها لاكبر مدينه العاب”
•امم كنت هفرح اوي لو كان دكتور خالد معانا!!
_ومين قالك بقا يستي ان خالد مش معانا؟! مش بس كده فاكره الشاب االي شوفتيه في اوضه العلاج بتاعك واتكلمتو سوا؟!
•اللي كنت بتتخانقو سوا!؟
ضحكت_اه هو بعينه!! هو كمان جه هنا مع خالد
•بجد هما فين؟!
“شاورلتلهم من بعيد فـ جم، انا اتفقت مع عمر وخالد انهم يجو لانها بتحبهم الفتره الاخيره خالد كان بيقعد في اوضتها كتير وعمر حبها جدا لما شافاها وكان بيروح اوضتها يلعب معاها!”
•ايه رايك نركب ده!؟
“شاورت علي قطر طويل اوي”
_فين نهايته ده اصلا!؟ لا لا انا بقول خدي عمر وخالد معاكِ علشان انا اخد بالي من الشنط
ضحك=اطلعي يخوافه!!
“دبدبت برجلي وقولت لا وشوحت بايدي كده وبعد دقيقه كنت بصوت من البتاع ده اه والله زي ما بقولكو كده!!”
_منكو لله! اه هموت مش قادره!!
“بصيتلهم كانو بيضحكو كلهم”
_انتو بتضحك علي ايه؟! طب لو جدعان اطلعو!
“بصو لبعض بسخريه وركبو وعارفين صوت الست اللي بتو’لد طبيعي؟! هو صوتهم بالظبط نزلو فبصيتلهم بسخريه”
_ رجاله اخر زمن!!
“قضينا اليوم كله مع بعض بين ضحك ولعب وتصوير وفي الاخر اشرقت تعبت شويه فقررنا نمشي”
=يلا اديني علاجي هموت وانام!
_حاضر اتفضل علاجك يلا تصبح علي خير
=اي ده؟! انتي ما بتصدقي!!
_ انت اللي قولت تعبان انما انا لو علياا….كنت…
=كنتِ ايه!؟
_كنت هروح بيتنا انام انا اتاخرت اوي فعلا ومحتاجه انام شويه
=طبيعي يعني لازم اتوقعها منك
“حط اللحاف علي وشه فـ سيبته وخرجت، علشان لو سيبتوني هحضنه وافضحكو!!،تليفوني رن فـ رديت كانت صاحبتي اللي في مستشفي تانيه!!”
_ايه ياندي عملتي ايه!؟
قصدك ايه ياندي!؟
يعني ايه عايشه وماماتتش اومال ده تبقي مين!؟
يتبع…
لقراءة الفصل التالي : اضغط هنا
الرواية كاملة اضغط على : (رواية طبيبة نفسية ولكن)
