رواية ضي القمر الفصل الثاني عشر 12 بقلم زهرة اللوتس
رواية ضي القمر البارت الثاني عشر
رواية ضي القمر الجزء الثاني عشر
رواية ضي القمر الحلقة الثانية عشر
في صباح يوم جديد أسر جهز كل حاجه لان كان فاضل يومين على فرحهم خلاص لكن حصلت حاجه غريبة جدا لقى رقم غريب بيتصل بيه لكن اتصدم لما سمع صوت منة مش قادرة تتكلم وبتعيط وبتستنجد بيه
أسر : الووو منة الووو ردي عليا ياحبيبتي منة فيكي اي
تولين : اهلا بيك يا أسر بيه سمعت صوت السنيورة صح
أسر : انتي انتي عاوزة مننا اي انتي مش مكفيكي كل اللي عملتيه ازااي هربتي من السجن اصلا ازااي عملتي كل دا انتي شيطانة
تولين : مش ههدا الا لما أخد حقي يا أسر ولحد ما اخد حقي بالكامل السنيورة هتفضل هنا
أسر : عارفة لو مسيتي منها شعرة واحدة هقتلك هنفذ فيكي حكم الاعدام اللي انتي هربانة منه يا تولين
تولين : وريني كدة هتعمل اي وانا احرمك من السنيورة بقيه عمرك كله
أسر : اااااااه بقى كل دا يطلع منك انتي يا اخبث خلق الله انتي
تولين : الطيور على اشكالها تقع يا حبيبي ولا ايه رايك
أسر : طلباتك ايه وتسيبها نهائي
تولين : مليون جنية وتهربني برة مصر في اي حته
أسر بسخرية : هههههههههههه انتي بتحلمي بقا لي استر على مجرمة وانا في ايدي ابلغ عنها و اوديها في داهية
تولين : انت هتخسر كتير لو دا حصل يا قمور
أسر : بجد انتي أحقر واحدة شوفتها في حياتي اسمع صوت منة و اطمن عليها وبعدين اشوف هعملك ايه
تولين : مستنية اشوف هتعمل ايه يا أسر بيه خد السنيورة بتاعتك
منة بخوف : الحقني يا أسر تعالي خدني من هنا والنبي أنا خايفة اووي
أسر بقلق : اهدي يامنة اهدي يا حبيبتي انا هبلغ فارس ونجيلك اهدي بس و اتصرفي طبيعي جدا
أسر اتصل بفارس ترن ترن ترن ترن وكان أسر متوجه لقسم البوليس علشان يبلغ عن مكان تولين ومنة بسرعة كان فارس رد على أسر
فارس : في اي يا أسر مالك عمال تتصل عليا كتير كدة ليه
أسر : منة بتروح مني يا فارس منة اتخطفت أنا في القسم ببلغ
فارس : انت بتقول اي مين عمل كدة انطق مين
أسر : تولين كلمتني قالتلي كل حاجه هي اللي خطفتها يا فارس أنا قلقان عليها أوي كانت بتعيط منة اول ما التليفون انفتح وكانت حالتها وحشة اووي
فارس : طيب اهدا بس وانا هتصرف معاها اللي متسواش دي ومنة هتكون بخير فرحكم هيتم أن شاءالله في ميعاده
أسر : مش مهم اي حاجه غير منة دلوقتي يا فارس منة اللي تهمني
فارس : اهدا ياحبيبي هتكون بخير باذن الله
قمر سمعت فارس بالصدفة وقالت : منة اختي جرالها اي يا فارس في ايه قولي
فارس : اهدي يا قمر اهدي يا حبيبتي منة هتكون بخير أن شاءالله
قمر : طمني والنبي فيها أيه حصلها ايه
فارس : منة اتخطفت يا قمر وأسر راح يبلغ البوليس دلوقتي
قمر بعصبيه وصدمة : انت بتقول ايه لالا اكيد دا محصلش اكيد هي كويسة وبخير اكيد دا محصلش صح
فارس بحنية : اهدي ياحبيبتي اهدي علشان خاطري
هاتلي اختي يا فارس أنا عاوزة منة هاتلي منة يا فارس
فجاة وقعت على الأرض ومحطتش منطق فارس حاول يفوقها بسرعة جاب مية وقعد يرشها على وشها علشان تفوق
فارس بقلق : قمرررررر فوقي علشان خاطري فوقي يا قمر
متوجعيش قلبي عليكي أنا مش ناقص فوقي والنبي فوقي يا اغلى الناس على قلبي
قمر بتعب : اااااااه أنا حصلي ايه يا فارس جرالي ايه
فارس : كنتي بتصرخي لما عرفتي أن منة اتخطفت ووقعتي على الأرض حمد لله على السلامه حبيبتي
قمر : هاتلي منة والنبي يا فارس عاوزة اطمن عليها
فارس : هنطمن عليها كلنا أن شاءالله اهدي بس صحتك اهم عندي من اي حاجه دلوقتي
قمر ببكاء : استر يارب عليها أنا مليش غيرها متحرمنيش منها يارب
فارس : اهدي يا حبيبة قلبي هتكون بخير والله وهترجع بالسلامة
قمر : قلبي وجعني اووي يا فارس اول مرة احس اني بحبها اووي كدة والله
فارس : حاسس بيكي يا حبيبتي هي كمان بالنسبالي مش اختي وبس دي بنتي اللي مربيها على أيدي
منة : أنا هنا ليه وبعمل ايه انتي عاوزة مني ايه يا تولين
تولين : انتي متساليش كلامي مع اللي عامل عليكي أنه اخ ليكي
منة : انتي عاوزة اي من أبيه فارس وبتكرهيه اوي كدة ليه
تولين : أكرهه لا أنا فارس اكتر حد حبيته في حياتي لكن اختك بقا اللي جت اخدته مني
منة : اللي بيحب حد ياذي اهله يا تولين هانم دا احنا المفروض أن اسمنا أصحاب واخوات طول عمرنا انتي ليه أنانية كدة
تولين : أنا مش أنانية زي مانتي فهمة كدة ولا وحشة
منة : امال اي فهميني عاوزة تخليه جنبك وبس كدة عيائه ولا دا مرض نفسي محتاجة تتعالجي منه
فارس اتفق مع أسر ان يديله المليون جنيه ويعمل كل اللي اتفق عليه مع تولين علشان يضمن حياة منة لكن أسر كان مبلغ الشرطة علشان ينقذ منة وتولين يتقبض عليها فورا
أسر : هو دا المكان يافندم هي كانت جبت في مرات اخويا كمان قبل كدة
الضابط : طيب ادخلها دلوقتي واتصرف عادي جدا علشان متلاحظش اي حاجه و تاذي البنت
أسر : حاضر يا فندم عن اذنك
أسر راح لتولين يديها الفلوس وكانت هي مخبية منة في الاوضة السرية (البدروم ) اللي كانت بتخبي في جثث الميتين اللي كانت بتاخد اعضائها
أسر : الفلوس اهي فين منة يا تولين فين منة
تولين : هجبهالك حالا بس قولي في حد جاي وراك ولا جاي لوحدك
أسر : لا محدش ورايا اتطمني خالص هاتيها بقا
تولين : افتح الاوضة دي هتلاقيها موجودة جوه يا حياتي
أسر دخل لقه منة مغمى عليها وفي حالها وحشة جدا
أسر : منة فوووقي ردي عليا يا حبيبتي حبيبك معاكي فوقي ياماما فوقي ياروحي وردي عليا
منة بعياط : اسررر والنبي مشيني من هنا بسرعة ابوس ايدك
أسر : هنمشي من هنا اهدي ياحبيبتي اهدي أنا جنبك
الضابط : ولا حركة ياتولين سلمي نفسك متحاوليش تهربي أو تقاومي انتي مقبوض عليكي
تولين بحدة : كنت بتكدب علشان تنقذ حبيبة القلب أنا مش ههنيك بيها
ضربت تولين منة بالرصاص وقعت منة في حضن أسر
أسر : منة متخافيش هتبقي بخير ياروحي منة خليكي معايا والنبي
منة بالم : أسر أنا اسفة اني مش هعرف اديك اللي كنت عاوزه مني من حب وحنان وحياة جميلة غصب عني
أسر : هتبقي بخير متقوليش كدة والنبي متسبنيش لوحدي أنا لو من غيرك اموت بجد مقدرش اكمل حياتي
منة: يااااه اد كدة أنا غالية عليك يا أسر أنا والله لو كنت بغلس عليك أو حاجه فعلشان بحبك وعاوزاك جنبي متسبنيش ابدا
أسر : مش هسيبك ابدا ابدا يا حبيبتي هنروح المستشفى وهتكوني بخير أن شاءالله
أسر جري بيها على اقرب مستشفى بسرعة جدا كان همه ينقذ حبيبته وهي كانت تعبانة جدا جدا
الدكتور : هاتوها على العمليات بسرعة
أسر : استر يارب استر يارب
فارس حصل أسر على المستشفى هو وقمر وقمر كانت ملهوفة جدا على منة
قمر : في اي يا أسر حصل لمنة ايه يا بابا طمني
أسر : اهدي يا قمر هي في العمليات دلوقتي ادعليها تقوم بالسلامة
قمر : يارب متحرقش قلبي عليها يارب
الدكتور بعد ساعة خرج من اوضة العمليات كان فارس وأسر قلقانين جدا
الدكتور : حابب اطمنكم العملية نجحت الحمد لله وقدرنا نوقف النزيف
الجميع : الحمد لله يارب انك طمنتنا عليها
أسر : يعني يادكتور هي كويسة دلوقتي اقدر اخش ليها
الدكتور : ننقلها اوضة عادية وتقدروا بعد كدة تتطمنوا عليها أن شاءالله عن اذنكم
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ضي القمر)
