رواية ضياع امرأة الفصل الثاني 2 بقلم دنيا محمد

رواية ضياع امرأة الجزء الثاني

رواية ضياع امرأة البارت الثاني

رواية ضياع امرأة الحلقة الثانية

صفاء سمعت كلام الدكتور متحملتش ووقعت اغمي عليها
عمران بقلق وخوف وجري عليها: صفاء قومي عشان خاطري
عمران شالها واخدها في اوضة الكشف
الدكتورة: متقلقش حضرتك هي اتعرضت لصدمة قوية آثرت عليها ف للاسف اغمي عليها
عمران بخوف: ط طب هتفوق امتي
الدكتورة: المحلول الي في ايديها هيخلص وهتفوق دلوقتي ان شاء الله عن اذنك
سابتو الدكتورة وعمران اتنهد. ورمي نفسو علي كرسي بألم وحصرة علي كل حاجة علي بنتو الي ضيعت شر*فها وعلي مراتو الي مستحملتش الوضع واغمي عليها وعلي تربيتو الي للاسف بنتو ضيعت تعبو فيها بكل سذاجه
وبعد حوالي نص ساعه فاقت صفاء من الاغماء وعيونها مدمعه وبصت علي عمران
صفاء بدموع.. ع عمران
عمران قرب ليها: اهدي ي صفاء انا مش قادر اتمالك نفسي لازم تبقي جنبي
صفاء بعياط: مش قادرة اتخيل ان بنتي الوحيدة الي ربتها معاك وتعبنا في تربيتها وكنا شايفينها اكتر بنت ملتزمة تعمل فينا كده وتلطخ اسمنا هنمشي راسنا في الارض بعد كده
عمران بشر.. ترنيم حسابها معايا عسير ومش هتشوف فرح بعد انهاردة احنا السبب دلعناها من صغرها ويوم ما عينيها فتحت فتحت علي خراب وضيعت شرف”ها واسم عيلتها ولكن يمين بالله الي في بالي هيتنفذ
صفاء بلعت ريقها بخوف.. هتعمل ايه يا عمران
عمران.. هنسافر الصعيد ويحلها الف حلال
وبعد كام ساعه كانت فاقت ترنيم وبتبص حواليها لقت نفسها في المستشفي وايديها فيها كانيولا
الممرضة بابتسامه: حمدلا ع سلامتك انا هخرج اطمن اهلك عليكي
ترنيم بتعب: ه هو اي الي حصلي
الممرضة باسف: للاسف حضرتك كنتي. متعرضة للانتحا”ر وللاسف فقدنا الجنين وحاولنا نحافظ علي حياتك واهو الحمد لله
وخرجت الممرضة وترنيم قعدت مصدومه وبتعيط من حياتها الي اتشقلبت بسبب الحب
عمران وصفاء دخلو وعلي ملامحهم الجمود والبرود
ترنيم ب تردد: ب بابا
عمران نزل بايديه علي وشها وقال: متنطقيش كلمة بابا دي انا من النهاردة متبري منك جبتيلي العار بسبب خلفتك الهبا”ب
ترنيم بعياط وخوف: انا اسفة اسفة ليكم واسفة لنفسي انا كنت بحبو وو
صفاء وهي بتعيط: لي يابنت بطني حرمناكي من اي الي يحبك يجي يتقدم مش يغلط معاكي منك لله يا شيخه منك لله علي الي عملتيه فينا وفيكي شايفة منظرك عامل ازاي واحدة زيك تموت نفسها عشان واحد حقيقي انا وابوكي غلطنا في تربيت*ك
ترنيم.. ي ماما اسمعيني بس
صفاء.. اسمع اي انا مش عايزة اسمع نفسك ولا. صوتك
عمران بحدة.. اسمعي يابت انتي هتخلصي علاجك وهتتنيلي تروحي معانا تلمي هدومك زينا عشان هنسافر الصعيد
ترنيم بلعت ريقها بخوف.. ه هتوديني هناك لي
عمران بعصبية.. هجوزك ابن عمك هو الي هيعرف يشكمك ويربيكي طلما انا غلطت ومعرفتش
ترنيم.. لا ونبي يا بابا انا اسفة مش موافقة ابدا
مسكها عمران من شعرها.. لسه ليكي عين تبجحي وتقولي مش موافقة ي حيوا”نه
ترنيم بصريخ وعياط.. كلو بسببكم اي ام بتصاحب بنتها وتقعد معاها وتبقا حنينة عليها ولكن ماما شيفاني باكل وبخرج ومعايا فلوس كده ابقا انا تمام ولكن انا مش تمام نفسيا ولا حتي كويسة علطول كلام بابا يمشي ونا رأي في الزبالة علطول مخليني انسانه مترددة وخايفة طبيعي هغلط غلطة زي دي والاقي الحنان من برا
صفاء بعيااط.. اي بنت بقا مطرحك تروح وتغلط كده صحح بتببري اي يا ترنيم انتي غلطتي ووطيتي راسنا ف الطين
عمران بجمود.. انا وامك شقينا وتعبنا عشانك مفكرتيش ف ده مفكرتيش ونا بشتغل وبتعب كل يوم واطفح الكوته علشانك وعشان جامعتك وعشان اربيكي واخليكي احسن بنت ف الدنيا جاية بعد ده كلو بتلومينا وتقوليلنا ان غلطي بسببكم قولنالك تروحي تسلمي نفسك لكلب زي ده
سلمتي نفسك لمين يا ****.
ترنيم بعياط.. سلمت نفسي ليه عشان حبيتو لقيت فيه حاجات كنت محتاجاها ولما لقيتو ميفرقش وباعني سلمت نفسي لربنا وبرضو عيشت مموتش للاسف
عمران.. انطقي وقولي اسم الكل”ب ده
ترنيم بصريخ.. زميلي في الجامعه واسمو علي الشناوي
#بقلمي_دنيا_محمد
عمران بصدمة.. رايحه تغلطي كمان مع الواد الفلاتي الي بيغلط مع الكل رايحه تعملي كده مع ابن المستشار انتي يستحق فيكي الدف”ن با ترنيم يخسارة تربيتي فيكي
عمران بص لصفاء: ساعديها تتنيل تلبس عشان انهاردة هنسافر ومفيش كلام هيتقال تاني
صفاء بدموع.. حاضر
ترنيم حطت راسها بين ايديها وفضلت تعيط
عمران اتصل باخوه كمال
عمران.. هنيجي انهاردة الصعيد بكره ابنك يكتب علي بنتي
كمال.. بس انا لسه مفتحتهوش في الحوار ده
عمران.. اتصرف يا كمال بنتي لازم تتجوز انا مش هسيب بنتي لحد ما تكبر وتكون من غير زوج
كمال.. حاضر يا عمران سلام
عمران كدب علي كمال ومرضاش يقوله عشان ميعيروش بنته ولا مراتو بالي حصل
في الصعيد كان فيه شاب واقف بيقطف الاشجار وكان قالع التيشرت وعضلات جسمو القوية بارزه واسمراره الجميل باين من الشمس الساقطه عليه بس فيه شاب قرب عليه وقال
_ يونس بيه كمال بيه عاوزك في البيت
يونس نزل بسرعه وقال: لي ابوي فيه حاجه؟
الشاب: لاء عايزك يتكلم معاك
يونس جاب التيشرت وقال وهو بيلبسو: تمام روح انت يا رابح
يونس لبس تيشرتو واتوجه للبيت
يونس.. خير يابوي قالولي انك محتاجني
كمال ببرود.. عاوزك تجهز نفسك عشان عمران عمك وبنتو ومراتو جايين انهاردة
يونس بستغراب.. ينوروا يابوي بس انا اي دخلي ياعني
كمال ببرود.. كتب كتابك علي ترنيم بنتو بكره بليل.
يونس بعصبية.. نعممم؟؟!