رواية ضحية وهم الفصل الأول 1 بقلم ذات الخمار

رواية ضحية وهم الجزء الأول

رواية ضحية وهم البارت الأول

رواية ضحية وهم الحلقة الأولى

البطله بتاعتنا ندى عمرها 21سنه في كلية آداب
والبطل بتاعنا ملهم 31سنه كلية تجاره ومسافر الامارات
يشتغل
بتبدا القصه عند البطله وهي موجوده في الكليه مع صديقتها ياسمين
ندى: ايه يا بنتي مدخلتيش المحاضره ليه
ياسمين:سيبني يا ندى انا اصلا مش بفهم من الدكتور ده حاجه
ندى:طب ياستي برضو ادخلوا اقعدي وانا هبقي اشرحلك شويه
ياسمين:ربنا يخليكي ليا يارب
ندى: قوليلي بقي ماسكه التليفون كده ليه وبتعملي ايه
ياسمين:نزلت تطبيق***للجواز علشان اعترف علي حد عدل بدل الي بيجوا دول
ندى:يا بنتي اعقلي مالهم الي بيجوا مش رجاله وبعدين مين قالك أن بتاع التطبيق ده هيجي يخطبك يعني
ياسمين:اهو بجرب حظي يمكن يبقي حلو
ندى:طب قوليلي عملتي ايه فيه
ياسمين:بصي يا ستي انا كتبت مواصفاتي كلها وبتعرف علي المناسب منهم واتكلم معاه وانا لسه متكلم مع واحد اسمه
احمد حسن من الشروق ومهندس معماري وسنه 30سنه
انا شايفه أنه مناسب ليا وهو بعتلي ازيك
ندى:طب ياستي شوفي انتي المناسب وانا هقوم اروح بقي علشان تعبت اوووي النهارده
ياسمين:طيب استني هقوله اكلمك تاني ونمشي سوا
ندى:طيب يلا ومشيوا سوا وندى في دماغها الموضوع وشايفه أنه عادي مهو برضو تعارف زي اي واحد بنقعد معاه
ونشوف فكر بعض يمكن يكون كويس وفضلت تفكر كتير لحد ما دخلت البيت
ماما ماما أنا جيت يا حبيبتي فينك يا ماما
الأم:مدرسة الزن انا اهو ادامك حمدا لله على السلامه
ندى:الله يسلمك يا ماما أنا جعانه جدا جدا جدا يلا نأكل
الأم:روحي غيري هدومك وانا هخلص واندهلك يلا
ندى:حاضر ودخلت غيرت هدومها وخرجت قعدت مع الام واكلوا وحكيت يومها بس متكلمتش مع الام في حوار ياسمين علشان هتقولها ابعدي عنها.
ونامت وتاني يوم راحت الكليه وحضرت المحاضرات ونزلت لياسمين
ندى:نفسي تحضري محاضره ديه مره
ندى:نفسي افهم بتنزلي ليه الكليه طالما مفيش حضور منك
ياسمين:يا بنتي تعالي بس انا اتكلمت مع ناس كتير فالتطبيق
والمناسب ليا احمد حسن اتفاقنا اننا نتكلم فتره واتس لحد ما ناخد علي بعض ويجي يتقدم وهو عسل ولذيذ كده
وبصي صورته عضلات كده زي بتوع التليفزيون
ندى:يا بنتي ربنا يوفقك ويطلع خير خدي المحاضرات اهي
وانا هقوم احضر المحاضره الاخيره وامشي
ياسمين:اشطا روحي انتي شبح بقي من هنا علشان بكلم احمد
ندى:ربنا يصبرني عليكي انا همشي
ومشيت ندى وخلصت محاضراتها وكلمتها ياسمين بليل وحكت لها علي احمد وعلاقتهم ببعض بتتحسن وأنه شبها اووي في حاجات كتير وأنها بدأت تتعلق به
ندى:هي قاعده علي السرير قبل ما تنام
طب ما اجرب انا كمان يمكن يطلع معايا حد شبهي ويكون كويس وبدأت تنزل التطبيق هي كمان
فتحته حطت اسمها ودخلت بياناتها وبدأ ناس كتير يبعتوا لها
واحد يبعت شعر لها في حلاوة الصفات الجسديه بتاعتها الموجوده في البيانات وواحد تاني بيكتب أنه شهواني ولو انتي شهوانيه اتمني نتواصل مع بعض وواحد تاني كاتب أنه عنده خمسين سنه ومحتاج واحده تدلعه
وواحد تاني كاتب انا عاوزه مراتي تكوني تحت أمري في كل أمر ووقت وواحد تاني دخل قال هاي
ندى لنفسها:ده ايه القرف الي صبت نفسي به ده
قفلت ونامت وقالت لنفسها انا همسح التطبيق ده الصبح
ونامت ونزلت الكليه ومقلتش ل ياسمين علي التطبيق
بس ياسمين لما قابلتها قالتها أن احمد بعت صور له امبارح وهي بعتت صور بتاعتها له وقالها انتي قمر أووووي وقالها
أنه حبها وبقي يومه حلو طول ما هي بتكلمه
مشيت ندى بعدها وروحت ودخلت بيتها سلمت علي امها واكلوا سوا وقالتها هدخل انام شويه
دخلت فتحت التطبيق وشافت رساله جذبتها اووووي
بتقول..