رواية ضحية عشق الفصل الحادي والعشرون 21 بقلم مريم أحمد
رواية ضحية عشق الجزء الحادي والعشرون
رواية ضحية عشق البارت الحادي والعشرون
رواية ضحية عشق الحلقة الحادية والعشرون
خالد…قصدك الورق الي قولتليها تزوره يا سجده؟
اتوترت سجده جدا و قالت بلخبطه
سجده…و..ورق ايه يا خالو
رد عليها خالد بغضب
خالد…الورق الي يثبت ان دا بيت امك مش بيت نغم
خافت دنيا جدا من خالها و صباح بصتلها و قالتلها
صباح…متخافيش يا سجده يا حبيبتي و قوليلي انتي فعلا عملتي كدا
بصتلها سجده و هزت راسها و ابتسمت صباح و قالت
صباح…الورق الي يثبت ان دا بيتي معانا و من المحاميه نفسها
كملت و بتبص لنغم بشماته
صباح…ابقي قابليني بقى يا بنت اختي لو عرفتي تاخدي البيت الي هو اصلا بيتي انا
اضايقوا كلهم منها جدا و هيام الي قالت
هيام…انتي بتعلمي بنتك ايه يا صباااح بتعلميها ازاي تسرق حق مش من حقها ولا بتعلميها ازاي تزور اوراق !!
صباح…اهو انتي بنفسك قولتي بنتي انا و انا حره انا علمتها متسيبش حقها يا حبيبتي و البيت دا حقها و حق امها
و بصت لسجده و كملت
صباح…ولا انا غلطانه يا سجده
ابتسمت سجده و قالت بتأكيد
سجده…لأ يا مامي دا فعلا بيتنا احنا
زعقلها حسن و قالها
حسن…انتي يا بت انتي فكري شويه و سيبك من كلام ماما مادام دا مش بيتنا يبقى مينفعش نعيش فيه
سجده…لو سمحت يا ابيه الي ماما بتقول عليه انا ببقى متأكده انه صح حتى لو كلكوا غلط
بص خالد لأخته بحزن و قالها بأسى
خالد…شايفه علمتي بنتك ايه علمتيها تطاوعك حتى في ظلمك للناس
زعقت صباح بغضب و هي بتقول
صباح…خااالد لو سمحت انا مش ظالمه
رد عليها خالد بغضب اكبر و قال
خالد…ااااه طبعااا
نزلت دموع دنيا بندم و قالت بحزن
دنيا…الورق الي بيثبت ان البيت بتاعك يا نغم اتاخد من المكتب
شهقت سجده بصدمه مصطنعه و حزن مزيف و هي بتقولي
سجده…يلاهوي يا نغم الورق المزور الي بيثبت ان دا بيتك اختفى يا عيني
بصتلها دنيا و قالتلها بغضب
دنيا…م انتي السبب انتي الي سرقتيه
اضايقت سجده جدا منها و قالت
سجده…احترمي نفسك يا بت انتي انا مش حراميه
كملت بسخريه…و مش بزور ورق عشان خايفه على عمتي ان حد يقتلها
دنيا…طب كويس انك اعترفتي بالي قولتيه
سجده…انتي كمان بتقوليني كلام انا مقولتوش!!!
بصتلها دنيا و اتكلمت بزهق
دنيا…كفايه كذب بقى انتي ايه !!!
نفخ حسن بغضب و قال لسجده
حسن…لو فعلا يا سجده الكلام الي دنيا بتقوله دا صح و انتي الي سرقتي الورق انا اول واحد هبلغ عنك و هقولهم انك حراميه
شهقت سجده بصدمه ان دا كلام حسن اخوها و صباح الي زعقت و قالت
صباح…انت ازااااي تقول على اختك انها حراميه يا حسن!!!
حسن.. لحد دلوقتي لسه متأكدناش اذا كانت حراميه و سرقت الورق بحد ولا لا بس في النهايه اكيد كل حاجه هتتعرف و زي م قولت لو هي فعلا سرقت الورق هنسى انها اختي و انا بنفسي الي هبلغ عنها الشرطه
قال كلامه و خد شنطة السفر و خرج من القصر
خالد…تمام يا سجده افضلي اسمعي لكلام امك اللي كله كذب لحد م تدخلي السجن بسببها
خافت صباح على بنتها و قالت
صباح…بعد الشر
بصت لنغم و كملت كلامها و هي بتقول
صباح…السجن دا للناس الحقوده الي عايزه تاخد قصر مش ليها
سكتت نغم و مردتش عليها و صباح خدت سجده و مشيوا
بصت دنيا لنغم و قالتلها
دنيا…انا اسف يا نغم بس هي هددتني انها هتقتل عمتي حقك عليا
اتنهدت نغم و قالتلها
نغم…مفيش وقت للأعتذار دلوقتي خلونا نفكر هنتصرف ازاي
بصلها خالد و قالها
خالد…انتي مش خلصتي دراستك من شهر
هزت نغم راسها بمعنى ايوا
خالد…من بكره هتشتغلي عندي في الشركه مينفعش تفضلي قاعده هنا طول الوقت دول مش بعيد
يقتـ ـلوكي
هزت نغم راسها بحزن
نغم…حاضر يا خالو
………………
تاني يوم الصبح راحت نغم هي و شيرين مع خالها الشركه
لاحظت شيرين ان نغم مضايقه ف حبت تكلمها
شيرين…مالك يا نغومه
بصتلها نغم بعدم فهم ف كملت شيرين
شيرين…ساكته كدا و مبتتكلميش ليه دا حتى اول يوم ليكي في الشغل لحقتي تزهقي
ابتسمت نغم و متكلمتش
شيرين…اومال انا بقى اعمل ايه بقالي شهر و شزيه شغاله هنا و دا انا مصدقت ان بابا خلاكي تيجي تشتغلي معايا عشان نقعد نتكلم بدل م انا كل يوم ببقى قاعده ساطته كدا
نغم…احنا بقى هنسيب الشغل و نقعد نتكلم عشان خالو يرفدنا من اول يوم ليا في الشركه
شيرين…يوووه يا نغم متبقيش طد اوي كدا انا مقولتش يعني اننا هنسيب الشغل لا هنعظل الشغل بس في نفس الوقت مش هنبقى ساكتين يعني
بصتلها نغم بزهق و قالتلها
نغم…انتي عايزه ايه يا شيري
ضحكت شيرين و قالتلها
شيرين…حبيبتي يا نغومه مبتعرفيني من غير م اتكلم
نغم…كل دا و منغير م تتكلمي اومال لو كنتي اتكلمتي بقى كنت هتموتيني من كتر الصداع ؟
شيرين…مش مشكله مبزعلش منك
نغم…اخلصي يا شيري خليني اقوم اودي الورق لخالو قبل الاجتماع
شيرين…طيب طيب بصي
بصتلها نغم بتركيز و قالتلها
نغم…قولي
شيرين…. .تعالي بعد الشغل نروح مول نعمل شوبينج
نغم…كل دا عشان شوبينج يا شيرين!!! طب م كنتي تقولي من الاول
شيرين…يا ستي بقى كنت خايفه ترفضي الفكره
نغم…طب ايه رأيك بقى اني مش موافقه
شيرين…يوووه يا نغم!!!!
ضحكت نغم عليها و قالتها
نغم…خلاص بهزر انتي هتعيطي
ابتسمت شيرين و قالت
شيرين…طول عمري بقول انك اختي الي بتحبني و بترفضليش طلب
حطت نغم ايدها على راسها لما حست بصداع و قالتلها
نغم…لأ لو هتفضلي ترغي كدا انا هرفض بجد
ضحكت شيرين و قالت
شيرين….لا خلاص سكت اهو
……………..
عدى كام شهر كانت نغم كل يوم تنزل هي و شيرين الشركه و كانت بتركز في شغلها كويس جدا لدرجة ان الشركه اتحسنت كتير جدا بعد وجودها و دا طبعا ميمنعش ان سلاسل شركات خالد المنزلاوي ليها اسمها في السوق و الشرق الاوسط كله
بس اسمها كبر اكتر بسبب الافكار الي بتقدمها نغم لغالها و تركيزها الكويس جدا في كل حاجه ليها مصلحه للشركه
……………..
في يوم كان قاعد خالد في مكتبه و هو بيتابع شغله و مبسوط جدا بكمية ان فرع الشركه الجديد الي بيتبني اخيرا قرب يخلص
خبط الباب و خالد قال
خالد…اتفضل
دخلت نغم بابتسامه
نغم….صباح الخير على صاحب احسن شركات في الشرق الاوسط كله
ضحك خالد جدا و قالها
خالد…كويس انك جيتي عندي ليكي مفاجأه
قفلت نغم حواجيبها باستغراب و قالتله
نغم…مفاجئة ايه دي؟
خالد…فرع الشركه الجديد انتي الي هتديريه بنفسك و هيبقى ليكي
اتصدمت نغم و قالتله
نغم…ايه!!!!
هز راسه بتأكيد و قالها
خالد…زي م سمعتي كدا انتي هتبقي مديرة فرع الشركه دا
نغم…انا متشكره اوي يا خالو بس انا حسه اني مش هقدر اكون المديره حسه اني لو بقيت المديره الفرع هيقع ف بلاش انا
هز خالد راسه يمين و شمال برفض و قالها
خالد…مغيش الكلام دا الي بقول عليه هو الي هيتنفذ و انا متأكد انك افضل واحده تمسك الشركه يا نغم و متأكد كمان الفرع الجديد دا هيبقى انجح فرع في سلاسل الشركه كلها
ابتسمت نغم على ثقة خالها فيها و قالتله بضحك
نغم…مش عارفه اقولك ايه بس كلامك دا خوفني و وترني اكتر
ضحك خالد على كلامه و هي كمان ضحكت
نغم…انا هقوم بقى اكمل شغلي ماشي
خالد…ماشي بس بقولك ايه
نغم…نعم
خالد…مراد رضوان صاحب شركة M.R
بصتله نغم بتركيز و قالتله
نغم…ايوا اسمع عنه
خالد….انهارده جاي عشان الاجتماع لازم ورق الصفقه الجديده كلها يبقى جاهز
ابتسمتله نغم و قالتله بثقه
نغم….عيب عليك يا خالو الورق جاهز من بدري جدا و محطوط في الفايل كمان
ضحك خالد و قالها
خالد…متتخيليش يا نغم يا حبيبتي انا فخور بيكي قد ايه
بصتله نغم بفرحه و قالتله
نغم…بجد يا خالو
خالد…بجد يا حبيبة خالو
……………….
عدى وقت و جيه معاد الاجتماع و كانت نغم موجوده و بذكائها و تركيزها مقبلتش ان شركة خالها تكون خسرانه حتى لو 1% لدرجة ان خالها نفسه كان في حاجات هو مكنش مديها اهتمام انها ممكن تأثر على الشركه بس نغم طبعا كانت مركزه كويس جدا
………………
خلص الاجتماع و خالها شكرها على حضورها الاجتماع و انها خايفه على مصلحة الشركه
نغم…معقوله يا خالو بتشكرني انا معملتش حاجه!!
خالد…طبعا لازم اشكرك انتي متتخيليش الشركه كان ممكن تقع ازاي و الحمدلله انك حضرتي الاجتماع
ابتسمت نغم و قالتله
نغم…لا لا متقلقش خير
خالد…عرفتي ليه بقى انا واثق ان فرع الشركه الجديد خيبقى انجح قرع فيهم كلهم
هزت نغم راسها بابتسامه
نغم…انا هروح بقى اشوف شغلي
هز خالد راسه و هو كمان راح لمكتبه
…………….
كان قاعد في مكتبه بيتابع شغله بتركيز لحد م صوت خبط الباب قطع تركيزه
ساب الورق الي في ايده و قال
خالد….اتفضل
اتفتح الباب و دخل السكيرتير و هو بيقول
عادل…مراد بيه عايز يقابل حضرتك يا خالد بيه
هز خالد راسه بتأكيد. و قاله
خالد…خليه يتفضل
عادل…حاضر يا خالد بيه
و خرج و بعد شويه جيه مراد
قام خالد وقف باحترام و قاله بترحيب
خالد….اتفضل يا مراد بيه
قعد مراد و خالد كمان الي قاله
خالد…خير في حاجه حابب تضيفها للعقود ؟
هز مراد راسه يمين و شمتل برفض و قال
مراد…لأ خالص انا مش جاي عشان حاجه تبع الشغل
قفل خالد حواجبه باستغراب و قال
خالد…اومال ايه
مراد…في الحقيقه انا كنت عايز رقم والد الانسه نغم الي كانت في الاجتماع انهارده
خالد…هي والدها و والديتها متوفيين و انا خالها أؤمرني
دعالهم مراد بالرحمه و خالد امن على دعاء مراد
مراد…طيب خلينا ننسى الشغل و اسمحلي اني اجي في يوم اطلب ايد نغم هي بني ادمه محترمه و انا حبيت اطلب ايدها منك على طول
فرح خالد جدا بس قاله
خالد…دا شرف لينا بس في النهايه القرار قرارها هي و انا لازم اخد رأيها الاول
قاله مراد بتأكيد
مراد…ايوا طبعا ليكوا وقتكوا اكيد
هز خالد راسه بإحترام ليه و هو فرحان جدا لبنت اخته الي بيعتبرها بنته
……………….
جيه الليل و كانت نغم قاعده في الجنينه و هي بتحمد ربنا على النجاح الكبير الي وصلتله
جيه خالها و قعد قدامها و هو بيقولها
خالد…عندي ليكي خبر حلو
ابتسمت نغم و قالتله
نغم …قول يلا فرحني
خالد…مراد رضوان طالب ايدك و مستني منك رد
اختفت ابتسامتها و اتحولت ملامحها للصدمه و قالتله
نغم…و انت قولتله ايه
خالد…قولتله ان القرار قرارك انتي و هو مستني ردك
هزت نغم راسها و قالتله
نغم…طيب قوله ان طلبه مرفوض وووووو
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ضحية عشق)
