رواية ضحية عشق الفصل الثاني والثلاثون 32 بقلم مريم أحمد
رواية ضحية عشق الجزء الثاني والثلاثون
رواية ضحية عشق البارت الثاني والثلاثون
رواية ضحية عشق الحلقة الثانية والثلاثون
صباح بحقد… انتي الي قبلتي انك تاخدي حق اخواتك في البيت ..لو كنتي و بني ادمه عندك دم كنتي قولتي اخواتي ملهمش ذنب ان امهم تكتب البيت كله بإسمي و لازم ياخدوا حقهم في البيت زيهم زيي بالظبط …لكن انتي ف انتي انسانه معندكيش ضمير عشان تقبلي تاخدي حقنا يا احلام
فضلت احلام بصالها بزهول مش عارفه ترد عليها ازاي ولا تقولها ايه
و نغم الي اتعصبت جدا من خالتها عشان امها و قالتلها بغضب
نغم…انا مسمحلكيش تتكلمي مع امي كدا يا خالتو و اذا كنتي شايفه ان ماما ظالمه ف انتي اكتر ظلم منها على الاقل هي مكنتش هتطرد بنت اختها من البيت الي امها ليها نصيب فيه زيها زي اخواتها و مكنتش هتقول لبنتها قد ايه انا بحقد عليهم عشان تخلي بنتها تكرهني ولا كانت هتخلي جوز بنت اختها يطلقها عشان بس هي مبتحبهاش لأ خالص هي عمرها م كانت هتعمل كدا ولا حتى كانت هتفكر انها تقـ ـتل اختها عشان شوية فلوس بتروح و تيجي انما انتي يا خالتي ف انتي واحده مريضه نفسيا و الحقد مالي قلبك عشان تفكري تعملي كل الاذيه دي و مفكرتيش للحظه ان ممكن كل الحقد و الاذيه دي تترد لحد من عيالك
فضلت صباح بصالها بزهول و بعدين قالتلها بحقد
صباح… و انتي يا مؤدبه متمرتش فيكي تربيتي ليكي و بتطولي لسانك على خالتك الي ربتك
ابتسمت نغم بسخريه و قالتلها
نغم… لا بالعكس
كملت بتوضيح و ثقه
نغم….مش حضرتك علمتيني و انا صغيره اني مسبش حق حد من عيلتي و. ابقى ديما مع الحق….؟…. ولا ايه…؟
كملت بابتسامه
نغم…و انا اهو بدافع عن امي
صباح…امك الي سابتك 22 سنه و مفكرتش حتى انها تسأل عليكي…؟
لمعت عيون نغم بدموع خفيفه لأن صباح معاها حق
بس خدت نفس و قالتلها بثقه
نغم…. ايا كان كفايه اوي انها جت يوم عيد ميلادي و رجعت بيتها من جديد
بصتلها صباح بحقد و كرهه و قالتلها بـ غل
صباح…نورت
و قامت خرجت من اوضة السفره
بصت نغم لأمها و ابتمستلها ابتسامه مهزوزه بسبب انها خلاص دموعها فاضلها ثواني و تعيط
قامت نغم و قالتلهم
نغم…عن اذنكوا لازم اروح الشركه
قامت شيرين هي كمان لما شافت نغم كدا و قالتلها
شيرين…استني يا نغم انا هاجي معاكي
و خرجوا من اوضة السفره
بص يونس لخاله و قاله
يونس…فهمني يا خالو هو في ايه
خالد…م انت عارف موضوع البيت
يونس…بس معرفش ايه حكاية القتل دي ..؟
خالد…قتل ايه يا اهبل انت كمل فطارك عشان تروح المستشفى
بصتله احلام و قالتله
احلام…اسمعني يا يونس عايزاك تفهم حاجه واحده بس
قالها يونس باحترام
يونس…اتفضلي يا خالتو
احلام…انا رجعت البيت تاني عشان كل واحد ياخد نصيبه في البيت انا استحاله كنت هقبل اني اخد فلوس مش بتاعتي يا يونس
هز يونس راسه ليها باحترام و قالها
يونس…نورتي بيتك من جديد يا خالتو
…..استغفر الله العلي العظيم و اتوب اليه…….
كانت نغم طول الطريق بتحاول تمنع دموعها من انها تنزل و تخليها تعيط
كانت بتحاول تبقى قويه و متعيطش تاني ابدا
لاحظت شيرين سكوت نغم و قالتلها بحزن
شيرين…نغم ؟
بصتلها نغم و ابتسمت و قالتلها
نغم…نعم يا شيري
شيرين…متزعليش عمتو كانت خايفه تظهر تاني احسن عمتو صباح تحاول تقتـ ـلك انتي كمان
هز نغم راسها و قالتلها
نغم…عادي
شيرين…لا طبعا يا نغم مش عادي المفروض متزعليش المفروض تبقي فخوره ان عندك ام بتخاف عليكي للدرجادي
نغم…انا مش زعلانه منها يا شيرين كفايه انها رجعت انا مضايقه بس من كلام خالتو صباح
شيرين…معلش انتي عارفه انها اصلا مش بتحبكوا و انها كانت اصلا حاولت تـ ـقتل عمتو احلام و ظهور عمتو فاجئه كدا صدمها و مش بعيد تخطط لخطه تانيه تخلص منكوا فيها
سكتت نغم و هي قلقانه
شيرين…بصي الاكيد ان عمتو احلام تاخد نصيبها في البيت و تسيب لأخواتها تصيبهم و مش بقول كدا عشان بابا لأ انتي عارفه بابا نفسه كان بيدافع عن البيت ليكي يا نغم
هزت نغم راسها بتأكيد و قالتلها
نغم…حبيبتي انا فاهماكي …اصلا ماما كانت رجعت البيت عشان كل واحد ياخد حقه في الورث دا هي اصلا كانت حطه ف بالها كدا بس خالتو صباح مسمعتهاش حتى
ابتسمتلها شيرين و قالتلها
شيرين….معلش يا حبيبتي بكره تعرف ان عمتو احلام بتحبها و مش عايزه تظلمها
……… سبحان الله و بحمده سبحان الله العظيم …….
وصلوا الشركه و نغم راحت على مكتبها الي اول م هبه شافتها قالتلها راحتلها على طول و هي معاها الجدول بتاع اليوم
نغم…ايه يا هبه
هبه…في انهارده اجتماعين واحد مع شركة M.R و الاجتماع التاني مع شركة نجلاء الراوي
هزت نغم راسها و اتنهدت و قالتلها
نغم…كل اجتماع فيهم الساعه كام
هبه…الاول اجتماع شركة نجلاء هانم هيبقى الساعه 10 كمان نص ساعه و بعدين اجتماع شركة مراد بيه الساعه 2 الضهر
نغم…طيب هاتيلي الورق اراجعه قبل الاجتماع
قالتلها هبه باحترام…تمام يا نغم هانم
هزت نغم راسها و هبه خرجت
…… استغفر الله العظيم و اتوب اليه ……
عدى وقت و كانت نغم في الاجتماع مع شركة نجلاء و بالرغم من ان بالها مشغول بامها الا انها كانت مركزه جدا في شغلها و ف الاجتماع لأنها مكنتش هتقبل اي خساره للشركه حتى لو كانت 1%
و بعد شويه خلص الاجتماع و كانت نغم في مكتبها
خبط الباب و دخلت هبه
نغم…قولي يا هبه
هبه…نجلاء هانم عابزه تقابل حضرتك
هزت نغم راسها بابتسامه ثقه و قالتلها
نغم…تمام
هزت هبه راسها و خرجت و دخلت نجلاء الي كان باين على وشها الضيق
نجلاء…لأ برافو نغم هانم
بصتلها نغم بهدوء و شاورتلها على الكرسي الي قدام المكتب و قالتلها
نغم…اتفضلي
قعدت نجلاء و نغم قالتلها
نغم…تحبي تشربي ايه
نجلاء…لأ ملوش لزوم
نغم…ليه بس دا حتى حضرتك ضيفه عندنا و لازم تشربي حاجه
كملت و هي بتمسك سماعة التليفون و كانت لسه هتدوس على الزرار بتاع التليفون الي عند هبه
نغم…قهوه…؟
نجلاء…انا مش جايه اضايف يا حبيبتي انا جايه اقولك
كلمتين قبل م امشي
سابت نغم سماعة التليفون و قالتلها
نغم…اتفضلي
نجلاء…حقيقي مبهوره ان واحده زيك لسه متخرجه و جديده في مجال شغلها محققه كل النجاح دا…؟
ابتسمت نغم و قالتلها بمكر
نغم…اعتبر دا حقد..؟
ابتسمت نجلاء بضيق و نغم ضحكت و قالتلها
نغم…حضرتك عارفه اكيد اني بهزر
هزت نجلاء راسها بضيق و هي بتقولها
نجلاء…اه اكيد
نغم…طيب مش عايزاكي تستغربي ولا حاجه دا مجرد شغل مش اكتر و انا مركزه في شركة خالي لأنها امانه و انا لازم احافظ عليها
قالتلها نجلاء بتهديد
نجلاء…طيب خلي بالك بقى من شركة خالك عشان احتمال كبير اوي الشركه تقع و تخسر و تتقفل كمان
ردت عليها نغم بثقه و تحدي
نغم…اعتبر دا تهديد….؟؟
نجلاء…حاجه زي كدا…. اعتبريه تحدي يا ستي
ردت عليها نغم بتحدي اكبر و ثقه
نغم… و انا قبلت التحدي يا نجلاء هانم
بصتلها نجلاء بحقد و قامت مشيت
ابتسمت نغم و هي بتهز راسها يمين و شمال و بتقول
نغم…ابتدينا بقى شغل الحقد و التهديدات
اتنهدت و فتحت اللاب تكمل شغلها
……لا اله الا الله……..
عدى وقت و جيه اجتماع شركة M.R و برضو نغم و نغم ك الطبيعي كامت مركزه كويس اوي و خلص الاجتماع و خرجوا
قالها مراد بغضب
مراد…بت انتي
ابتسمت نغم و مردتش عليه
ف كمل مراد و قالها
مراد…ايييه هتبقي مبسوطه يعني لما شركتي تقع ولا ايه
ضحكت نغم و هو قالها لغضب اكبر
مراد…انتي بتضحكي على ايييه
جيه صوت خالد و هو بيقول
خالد…بتزعق للبت ليه
مراد…ابدا الهانم هتوقع شركتي بس
ضحك خالد و نغم قالت لخالها
نغم…شوف بيتخانق معايا عشان بحافظ على شركتك يا خالو
خالد…سيبيه هو واد حقود
ضحكت نغم و قالتله بتأكيد
نغم…ايوا
قال مراد و لخالد
مراد..اي اجتماع بعد كدا هيبقى ف فرع الشركه الي انت فيها
ضحك خالد اكتر و قاله
خالد…هخليها تحضر الاجتماع هناك برضو مش هخليك تفكر تخسر شركتي 1% حتى
ضحكت نغم على كلام خالها و مراد الي قالهم
مراد…م هو بالشكل دا شركتي انا الي هتتقفل
خالد…و مالو عادي تتقفل و تأسس شركه غيرها
مراد…دا على اساس ان شركتكوا هتديني فرصه يعني و مش هتقفلي الشركه التانيه برضو
ضحكت نغم و. قالت لخالها
نغم…خلاص يا خالو مش مشكله
…… سبحان الله و بحمده سبحان الله العظيم …..
بليل كانوا نغم و شيرين و هيام و احلام متجمعين في الجنينه و بيتكلموا
نغم…انهارده مراد كان هيـ ـموت
اتخضوا كلهم و احلام الي قالتلها
احلام…ايه الي حصل..؟
ضحكت نغم و قالتلها
نغم…شركته بتقع و بتخسر بسببي
هيام…طب ليه كدا يا نغم!!
نغم…يعني اسيب شركة خاله هي الي تخسر !!و بعدين انا مجرد اني بركز ف شغلي بس
ضحكوا و هي كمان ضحكت
شيرين…جماعه انا من رأيي اننا ننادي سجده تقعد معانا
اكددت نغم على كلامها و قالت
نغم…ايوا مش حلوه خالص اننا قاعدين بنضحك و سايبنها قاعده جوا لوحدها
احلام…اومال امها فين..؟
شيرين…لأ معرفش و حتى لو موجوده هي مش بتتكلم مع سجده كتير اصلا
زعلت احلام جدا على سجده و قالت لنغم
احلام…قومي هاتيها
هزت نغم راسها و هي بتقولها
نغم…حاضر
و قامت دخلت الفيلا
……..سبحان الله و بحمده سبحان الله العظيم …….
عند سجده كانت قعده ف بلكونة اوضتها و هي شايفاهم بيضحكوا
كانت حزينه و بتكلم نفسها و هي بتقول
سجده…ليه يا امي خليتينا مكروهين كدا ليه مكنتيش بتتعاملي معاهم كويس و خليتيهم يحبونا ليه خلتيهم مش عايزينا ف حياتهم
خبطت نغم الباب بس ملقتش رد
فتحت الباب بهدوء و دخلت ملقتش سجده ف الاوضه كانت هتخرج تدور عليها في باقي القصر بس لاحظت ان باب البلكونه افتكرت سجده نسيتها و راحت عشان تقفلها بس لاقت سجده موجوده
خبطت نغم على الباب خبطتين عشان تعرف سجده بوجودها
لفت سجده راسها و شافتها
ابتسمتلها
قعدت نغم قدامها و قالتلها
نغم…مالك…؟
هزت سجده راسها يمين و شمال و قالتلها
سجده…مفيش حاجه
نغم…اومال مش قاعده معانا ليه
ابتسمت سجده بهدوء و قالتله
سجده…ابدا عادي مش حابه اضايقكوا بوجودي بس
قفلت نغم حواجبها باستغراب و قالتلها
نغم…ايه الكلام دا..!!
ابتسمتلها سجده و هي عينيها فيها دموع و قالت
سجده…انتي عارفه يا نغم اني كنت بضايقك و بزعلك مني و طبعا خالتو مش هتحب وجودي و كمان عشان ماما و كدا
نغم…انتي مالك اصلا و مال خالتو صباح انتي ملكيش دعوه يا سجده يلا قومي معايا ننزل
ابتسمتلها سجده و قالتلها
سجده…حبيبتي معلش خليني هنا بلاش اضايقكوا
نغم…سجده بطلي هبل تضايقينا ليه يعني !!
اتنهدت سجده و بعدين قالتلها
سجده…طيب بصي المفروض دلوقتي اني هنام عشان هروح بكره الشركه لخالو ف خلينا بكره نقعد اوكيه
بصتلها نغم برفعة حاجب و قالتلها
نغم…طب م انا كمان عندي شغل بكره في الشركه و لازم اكون هناك بدري و مع ذلك قاعده معاهم عشان القاعده الحلوه مبتتعوضش يا سجده ف اخلصي بقى يلا و خلينا نقوم ننزل
سجده…معلش يا نغم اتمنى متزعليش مني
نغم…يعني دا اخر كلام عندك
ابتسمتلها سجده بهدوء و متكلمتش
نغم…طيب عموما احنا هنا ف الجنينه لو عوزتي تيجي تعالي
هزت سجده راسها و اول م نغم خرجت راحت سجده معيطه جامد و خرجت هي كمان من البلكونه قعدت على الكنبه الي ف اوضتها و هي زعلانه اوي
…..لا اله الا الله ….
رجعت نغم تاني و باين عليعا الزعل
هيام…ايه مرضيتش..؟
نفت نغم براسها و قالتلها
نغم…لأ يا طنط
شيرين…طب ليه كدا
نغم…مش عايزه تضايقنا بوجودها
هيام…ايه الكلام دا..؟
نغم…هي خايفه ماما تكون مضايقه منها
كملت بحزن حقيقي
نغم…اصلا طلعت لاقيتها قاعده ف البلكونه
شيرين…يا عمري اكيد كانت شايفانا و احنا بنضحك و هي فوق لوحدها
هزت نغم راسها
قالت هيام لأحلام
هيام…قوميلها يا احلام
بصتلها احلام و سكتت
كملت شيرين و قالتلها
شيرين…ايوا يا عمتو هي هتيجي لما انتي تقوليلها
اتنهدت احلام بقلة حيله و طلعت لسجده
…… استغفر الله العلي العظيم و اتوب اليه …..
كانت سجده لسه قاعده على الكنبه و بتعيط بحزن لأنها حسه انها وحيده
مسكت تليفونها و بعتت رستله لضحى
سجده….” صاحيه..؟ ”
معداش ثواني و سمعت صوت تليفونها بيعلن عن وصول رساله
بصت للتليفون و ابتسمت لما شافت رد ضحى
ضحى…” الساعه لسه 8 المغرب …؟ ”
ضحكت سجده على رد ضحى و فتحت جهات الاتصال و رنت عليها
لحظات و سمعت صوت صاحبتها
ضحى…قوليلي مين هينام الساعه 8 …؟
كملت بمرح
ضحى….ايييه عندنا مدرسه بكره مثلا
ضحكت سجده و هي لسه اثار العياط باينه على وشها
سجده…يا ستي كنت بسأل عادي
لحظت ضحى صوت سجده و قالتلها
ضحى…كنتي معيطه…؟
سكتت سجده و متكلمتش
ضحى…مالك يا جوجو…؟
سجده…حسه اني وحيده يا ضحى
زعلت ضحى جدا عشانها و قالتلها
ضحى…ليه بس
حكتلها سجده الي حصل
ضحى…طب م هي جتلك لحد عندك و قالتلك تيجي تقعدي معاهم يا سجده ليه موافقتيش مادام زعلانه كدا و حسه انك وحيده
سجده…مش عايزه خالتو تضايقك مني يا ضحى
كانت لسه ضحى هترد عليها بس سكتت لما خبط الباب و سجده قالت
سجده…اتفضل
دخلت احلام و سجده قالت لضحى
سجده…طيب هقفل دلوقتي يا ضحى و هبقى اكلمك تاني
ضحى…طيب سلام
سجده…سلام
ابتسمت سجده لخالتها و قالتلها و هي بتشاور على الكنبه
سجده..تعالي يا خالتو اتفضلي
ابتسمت احلام و قعدت جمبها
احلام…سايباني ليه موحشتكيش ..؟ دا انا بقالي 22 سنه مشوفتكيش حتى !! … طب دا انتي حتى و انتي صغيره كنتي بتفضلي تقوليلي انك بتحبيني اوي يا سجده
كملت بابتسامه
احلام…كنتي صغيره 4 سنين لسه اكيد مش هتفتكري
سجده…فاكره
بصتلها احلام من نبرة صوتها الي باين عليها العياط
اتفجئت احلام لما لاقيتها بتعيط
احلام…بتعيطي ليه يا حبيبتي
سجده…حقك عليا يا خالتو انا اسفه على كل حاجه متزعليش مني
اتخضنت احلام من كمية العياط الي سجده بتعيطه
حضنتها و قالتلها
احلام…حبيبتي انا مش زعلانه منك اوعي اشوفك بتعيطي كدا تاني
قامت سجده خدت مناديل تمسح عينيها و قالتلها
سجده…انا بس مكنتش عايزه انزل عشان متضايقيش من وجودي لكن انا ندمت اني سمعت كلام ماما و عاملت نغم بأسلوب وحش
كملت بعياط اكتر
سجده…نغم كانت اكتر من صحبتي يا خالتو كنت بعتبرها اختي و بسبب كلام ماما كرهتها بس ندمت يا خالتو
اتنهدت احلام بحزن و قالتلها
احلام…حبيبة قلب خالتو احنا مش زعلانين منك احنا عارفين انك مكنتيش تقصدي اوعي تعيطي بالمنظر دا تاني اوكيه
هزت سجده راسها و ابتسمتلها
ابتسمت احلام و قالتلها
احلام…يلا تعالي ننزل
و نزلت هي و سجده
……… استغفر الله العلي العظيم و اتوب اليه ……
شيرين…تفتكروا هتيجي مع عمتو..؟
هزت نغم راسها يمين و شمال بعدم معرفه و قالت
نغم…مش عارفه يا شيرين
كملت بحزن
نغم…اصلا سجده صعبت عليا اوي
سكتوا بحزن و هما مش عارفين يعملوا ايه
بس قامت نغم و هي بتبستم بفرحه لما لاقت سجده جايه مع احلام
راحتلها نغم بسرعه و حضنتها
نغم…شاطره يا جوجو انك جيتي شاطره اوي بجد
ابتسمتلها سجده و قالتلها
سجده…جيت عشان متزعلوش
نغم…قولتلك ماما عمرها م هتضايق من وجودك
هزت سجده راسها بابتسامه و هي فرحانه بحبهم ليها
و راحت قعدت معاهم و فضلوا يضحكوا
…… سبحان الله و بحمده سبحان الله العظيم …..
في قصر رضوان
كان مراد واقف في الجنينه و هو بيكلم حسام (مهندس الديكور)
جت خديجه امه و وقفت
قفل مراد مع حسام و ابتسم لأمه باحترام
مراد…ازيك يا امي
تجاهلت خديجه سؤاله و قالتله
خديجه…برضو مُصر انك تمشي و تسيبنا
مراد…همشي ايه بس يا امي دي الفيلا الي جمبنا هنا
خديجه…و ليه اصلا
مراد…عشان نغم اطلقت بسبب انها كانت عابشه ف نفس البيت الي خالتها الي هي حماتها كانت موجوده فيه
خديجه…امم طب اسمعني بقى يا مراد يا اما تفضل هنا يإما هتطلقها انا اصلا من الاول و انا مش حباها
مراد…يعني ايه الكلام دا…!!
خديجه…يعني يا تفضلوا هنا يا اما تطلقوا و كل واحد يشوف حياته
مراد….. و انا مش هطلق نغم يا امي
اتعصبت خديجه و قالتله
خديجه…. يبقى تنسى ان امك عايشه يا مراد ووووو
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ضحية عشق)
