رواية ضحية عشق الفصل الثامن عشر 18 بقلم مريم أحمد
رواية ضحية عشق الجزء الثامن عشر
رواية ضحية عشق البارت الثامن عشر
![ضحية عشق](https://camo3blog.com/wp-content/uploads/2024/07/ضحية-عشق-213x300.jpg)
رواية ضحية عشق الحلقة الثامنة عشر
كانوا قاعدين كلهم قلقانين جدا لحد م لاقوا الخدامه بتفتح باب القصر و دخلت سجده الي كان خدها ملفوف بشاش و عينيها الي مش مبطله عياط
كانت ضحى معاها و هي باين على وشها الزعل جدا
اول م شافوها قاموا كلهم و راحولها
مسكت صباح وشها و قالت بخوف و هي حسه ان قلبها هيقف
صباح…مالك يا سجده ايه الي عمل في وشك كدا!!!
بصت لضحى و قالت
صباح…مالها سجده يا ضحى طمنيني
اتكلمت ضحى بتوتر و حزن على سجده و هي بتقول
ضحى….كــ.. كنا ف النادي و..و فجأه زي م يكون حد كان معاه مطوه و ضرب خدها بيها
صوت شهقتهم المصدومه كلهم كان مالي المكان و هما بيبصوا لورش سجده الي كانت الدموع مغرقاه
كملت ضحى و هي بتقول
ضحى…على م جيت كان النلس طلبولها الاسعاف و خيطولها الحرج الي في خدها
صرخ حسن و هو بيقول
حسن….و فين أمن الزفت النادي ولا هو اي حد بلطجـ ـي
ماشي معاك مطـ ـوه بيدخل النادي المحترم دا
اتكلمت سجده و هي بتعيط و بتقول بصريخ
سجده….مش عايزه اي حد يتكلم في الموضوووع دا تاني لو سمحتوووا
يونس بغضب…م انا مش هسيب الي شوهه وشك كدا يا سجدههه
نزلت دموعها بقهر و قالت
سجده….انا عايزه اطلع اوضتي يا ماما
خدتها صباح و طلعتها اوضتها
و نغم الي كانت طول الوقت دا ساكته من كتر صدمتها و كمان خافت تتكلم يفتكروها شمتانه
قالت شيرين بحزن
شيرين…هو مينفعش يتعملها اي عملية تجميل تشيل اثر الغرز ؟
بصوا كلهم ليونس بما انه دكتور عشان يرد على السؤال و يطمنهم
اتنهد يونس بحزن على اخته و. قال
يونس…حتى لو خدها مش هيرجع زي الاول هيبقى برضو لسه في اثر خفيف
………………
ساميه….يا دنياااا!!!!
بصتلها دنيا و ابتسمت و هي بتقولها
دنيا…ايه يا ماما يا حبيبتي
ساميه…ايه انتي!! دا انا بكلمك بقالي ساعه و انتي مبترديش عليا
باست دنيا راس عمتها و قالتلها
دنيا…حقك عليا يا حبيبتي انا بس سرحت شويه
هزت ساميه راسها و قالتلها
ساميه…مش زعلانه منك يا حبيبتي
دنيا..قوليلي بقى كنتي عايزه ايه
ساميه…كنت عايزه اسألك عندك شغل بكره و هتسيبيني لوحدي ولا هتقعدي معايا
سكتت دنيا شويه و هي مش عارفه تقولها ايه و في نفس الوقت خايفه تسيبها لوحدها بعد الرساله الي بعتتها لسجده
و ساميه لما لاقيتها سكتت كدا زعلت و قالتلها
ساميه…انتي مش عايزه تردي عليا ليه انتي زهقتي من وجودي يا دنيا
زعلت دنيا جدا من نفسها و قالتلها
دنيا…ايه يا حبيبتي الي انتي بتقوليه دت بس اوعي تقولي كدا تاني انا بس دماغي مشغوله شويه بسبب الشغل
ساميه…بمناسبة الشغل كنت عايزه افكرك بحاجه
بصتلها دنيا بتركيز و قالتلها
دنيا..ايه هي؟
ساميه…اوعي يا دنيا تزوري ورق عشات فلوس او تإذي حد يا بنتي ازعي تعملي كدا
بصت دنيا قدامها و سرحت بخوف لما افتكرت ورق القصر الي زورته لسجده
مسكت تليفونها بسرعه عشان تمسح الرساله قبل م سجده تشوفها بس للأسف اول م جت تمسحها تليفونها فصل
قامت بسرعه عشان تلحق تمسحها قبل م سجده تشوفها و هي خلاص حسه ان قلبها هيقف من كتر التوتر و الخوف
…………….
راحت شيرين لنغم و قالتلها
شيرين..
من رأيي تطلعي ليها يا نغم
بصتلها نغم و قالت
نغم..فكرت فيها لكن هيتقال اني شمتانه
شيرين..بالعكس انتي لو متطلعتيش هسقولوا فرحانه
سكتت نغم شويه و هي مش عارفه تعمل ايه
قالتلها شيرين بتأكيد
شيرين. … يلا اطلعي يا نغم
هزت نغم راسها بهدوء و طلعت لسجده
…………..
كانت قاعده على الكنبه و هي بتعيط جلمد يحزن على وشها الي اتشوهه
سمعت باب الاوضه بيخبط صرخت بعصبيه و هي بتقول
سجده….قووولت سيبوووني لوحدييييي
اتفتح الباب و دخلت نغم الي سجده اول م شافتها قامت وقفت بغضب كبير و هي بتبصلها بغل و بتقولها
سجده….خـــيـــر جـــااااايه تــشــمــتــي فــيــااا!!
اتكلمت نغم بهدوء و قالت
نغم…انا مبشمتش في حد يا سجده لأن الشماته حرام انا بس جيت اطمن عليكي
سجده بغضب…و تطمني عليا ليييه شايفاني عيله صغيره
بصتلها نغم باستغراب و كانت لسه ختتكلم بس سكتت بصدمه لما سمعت الكلام الي سجده بتقوله
سجده…خلي بالك عملات التجميل دلوقتي كتير اوي و بعمليه واحده هخفي الاثر بتاع الخياطه و وشي هيرجع زي الاول يا نغم
اتصدمت نغم من كلامها و قالت
نغم…قولي ان شاء الله يا سجده بس انتي بتقوليلي الكلام دا ليه؟
ضحكت سجده بسخريه و قالت
سجده…عشان بس متفتكريش انك بـ كده بقيتي احلى مني ولا حاجه لا يا نغم يا حبيبتي مش انتي الي ف الاخر تبقي اجمل مني يا نغم .. اصل اكيد يعني انا احسن منك في كل حاجه ..عندي بيت و عيله و اخواتي بيحبوني و اصحاب انما انتي بقى ليكي مين …هاله ؟ الي مبقتش بتكلمك و زهقت منك و من مشاكلك؟؟ ولا شيري الي متعاطفه معاكي بس و شويه و هتسيبك و ترجع تصاحبني انا تاني؟؟؟
خلي بالك انا مش عايزاكي تزعلي من كلامي خالص انا بس مش عايزاكي تنسي انك هتفضلي لوحدك يا نغم هتعيشي و هتموتي لوحدك و محدش هيفتكرك اصلا ووووو
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ضحية عشق)