رواية صوت الحب الفصل الثالث 3 بقلم سيمو
رواية صوت الحب الجزء الثالث
رواية صوت الحب البارت الثالث
رواية صوت الحب الحلقة الثالثة
ضحي كانت بتحاول مع يوسف ع قد ماتقدر كل يوم تفضل تتكلم معاه في مواضيع كتير اوي وساعات كانت بتكلمه عن نفسها وعن حياتها بس هو مكانش بيدي اي رد دائما سرحان وبيتجاهلها بس هي مكنتش بتياس كانت بتاكله بايديها وتديه العلاج حتي لما فك الجبس بتاع رجله وأيده كانت معاه وبقت تعمله هي جلسات علاج طبيعي ودائما مبتسمه وسعيده
أما عن يوسف كان مستغرب جدا اهتمامها بيه خصوصا انوا كان ف الاول بيرفض الاهتمام دا لكن مع إصرارها الغريب ابتدي يتعود ع وجودها معاه وفرح لما لقها بتعرف لغه الاشاره وبتفهمه بسرعه ومع مرور الوقت ابتدوا يبقوا صحاب لكن الفرحه مش بتدوم.
………….
في يوم يوسف كان بيتصفح ف النت واتصدم لما لقي خبر زواج حبيبته بصاحب الشركه الي كان شغال فيها اتجنن وبقي يكسر ف كل حاجه قدامه
ضحي دخلت واتفاجئت بحالته لكنها فهمت خصوصا انوا حسن بلغها بخبر جواز نسمه لما شافه علي النت عشان كده هي حبت تروحله وكانت خايفه من رد فعله وحصل الي كانت متوقعاه حاولت تهديه لكنه مسمعش منها لدرجه انوا زقها ودماغها اتخبطت في السرير جري عليها بعد ما شاف دماغها وهي بتنزف كان متردد يمد أيده عشان يقومها بس هي قامت وحدها بصتله بحزن وقالت كنت فاكره انك اتغيرت وانك بقيت اقوي ليه تعمل ف نفسك كده ليه مصمم تخسر كل حاجه عشان ناس متستهلش ع العموم انا اسفه جدا اني حاولت اغيرك لأن من الواضح انك حابب تفضل كده كنت فاكره انك أقوي وهتقدر تتخطي الماضي بس الظاهر كنت غلطانه يا خساره يا يوسف خساره
سابتوا ومشيت ومجرد ما خرجت انهارت في العياط وهي بتضرب علي قلبها اسكت بقي لسه برضوا بتدق عشانه حتي بعد ما اتاكدت انوا مش شايف حبك حتي بعد ما شوفته وهو بيتخلي عن الدنيا بسبب غيرك يااارب انا تعبت من الحب دا يارب ريح قلبي من الوجع الي فيه دا انا عارفه اني بحمله فوق طاقته بس غصب عني مش عارفه ابطل احبه ولا قادره اشوفه بيتعذب وفضلت تبكي بوجع
حسن قرب منها واتكلم بحزن ضحي انا اسف عارف انك بتتعذبي بس مفيش بايدي حاجه انا حاولت بس انتي الي….
ضحي قاطعته بس متكملش انا عارفه الي هتقوله وكمان عارفه اني انا الي اخترت اكون ف الموقف دا وان محدش أجبرني وكنت عارفه النتيجة من الاول بس مكنتش متوقعه انوا هيفضل يحبها حتي بعد ما سابته وكملت بوجع مكنتش فاكره انوا بيحبها اوي كده
حسن باعتراض صدقيني ياضحي هو مبيحبهاش دا وهم مش اكتر هو كان مصدق كذبها وزيفها بس لما هيشوف الحب الي في عيونك اكيد هيفوق صدقيني مسيره هيعرف الحقيقيه ويتاكد انك انتي الحب الي عاش بيدور عليه
ضحي بحزن متتضحكش عليا يا حسن هو أصلن ميعرفش انا مين انا بالنسباله دكتوره نفسيه مش اكتر دا حتي دي انا كدبت فيها ومش عارفه هيكون ايه رد فعله لما يعرف اني مجرد ممرضه انتحلت شخصيه دكتوره
حسن صدقيني مش هتفرق اذاكنتي دكتوره ولا ممرضه المهم حبك ليه المهم انك عملتي كده عشانه عشان تفضلي معاه وجنبه
ضحي بس برضوا دا يعتبر كدب وانت عارف كويس هو ببكره الكدب ومش بيسامح فيه
حسن يعني ايه هتسيبيه بعد دا كله هتقدري تبعدي عنه
ضحي للاسف مش قادره و كملت بدموع حتي لو عاوزه بس قلبي مش راضي يبعد ولا هاين عليه يسببه كده لسه متمسك بيه برغم كل الي شافه منه مشيت ضحي وحسن اتنهد بحزن مش عارف يعمل ايه
عند يوسف
كان بيفتكر الي حصل ودموعه بتنزل كل حاجه حصلت كانت بتمر قصاد عنيه
…….فلاش بالك……
كان جايب لها خاتم وبوكيه ورد وفرحان جدا انه خلاص حلمه اتحقق وهيخطب حب حياته كان مستنيها بس اتجمد في مكانه لما لقها في عربيه واحد وبتبوسه في خده قبل ما تنزل يوسف مبقاش عارف يعمل ايه
اتقدمت عليه وقعدت علي التربيزه ولاحظت الورد و الخاتم الي معاه وابتسمت بستهزاء وقالت ،،،
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية صوت الحب)
