رواية صوت الحب الفصل الأول 1 بقلم سيمو
رواية صوت الحب الجزء الأول
رواية صوت الحب البارت الأول
رواية صوت الحب الحلقة الأولى
انت بتقول ايه مين الي انتحر انت اكيد بتكذب صح بتكذب عليا عشان مزعلش منو انا انا مش زعلانه انو هيخطب هو صحيح كده ابقي خسرته بس طالما عايش مبسوط يبقي اكيد انا بخير وعايشه انما كلامك دا كدب مسكته من قميصه وهي بتصرخ فيه رد عليا يا حسن ها يوسف كويس اكيد كويس انت كذاب صح قولي انك بتهزر وانا هصدقك ارجوك قولي دا هزار وانوحبيبي بخير
مسكتها صحبتها وهي بتحاول تهديها ضحي بالله عليكي اهدي كفايه قطعتي قلبي
ضحي بانهيار مني هو بيكدب صح قلبي بيقولي يوسف بخير وانا بصدق قلبي طب حسن انا اسفه انت بتبكي ليه ها ليه انت زعلان اني بعيط طب انا خلاص سكت مش هعيط بس رد عليا بالله عليك
حسن بانهيار بس ارجوكي كفايه مش وقت كلام يوسف بين الحياة والموت مفيش وقت ارجوكي انا لازم امشي لازم اروحله
ردت وهي بتهز دماغها يعني ايه يعني انت بتتكلم جد يوسف يوس…… وفجاه اغمي عليها
مني جريت عليها وقالت ضحي الحقني يا حسن دي مش بترد عليا
حسن ،يا الله انا هلقيها منين ولا منين تعالي نوديها المستشفى وكمان عشان اطمن علي يوسف يلا مفيش وقت
ف المستشفي
حسن ومني كانوا ع أعصابهم قلقنين علي يوسف وضحي
وبعدين ف تعب الاعصاب دا الدكتور اتاخر اوي دا بقالهم اربع ساعات جوه انا خايف قوي علي يوسف
مني مسكت أيده عشان تهديه أن شاء الله خير ربنا اكيد مش هيحرمك منو هو عالم بحالنا يوسف طيب وربنا هيوقف معاه ومعانا
حسن بص لايدها الي مسكه أيدوا وابتسم و هي لاحظت وشالت أيدها وهي هتموت من الكسوف
الممرضه خرجت من عند ضحي وطمنتهم انها بخير بس محتاجه راحه دخلوا الاوضه بتاعتها لقيوها هتقوم من علي السرير وبتشيل المحاليل
مني جريت عليها انتي هتعملي ايه مينفعش تقومي من مكانك لازم ترتاحي
ضحي ،عاوزه اشوفه لازم اطمن علي يوسف انا لازمه اشوفه
حسن ،اطمني أن شاء الله خير هو لسه في اوضه العمليات
بس هي مسمعتش وحاولت تقوم انا لازم اكون معاه مش لازم اسيبه ابعدوا عني
مني وهي بتحاول توقفها انتي اجننتي هتروحي فين انتي تعبانه ولازمك راحه
ضحي ،مش هعرف ارتاح غير لما اشوفه انتي ناسيه اني ممرضه انا لازم اكون معاه دلوقتي مش هسيبه لوحده مهما حصل
………….
خارج اوضه العمليات كان حسن واقف مستني وجات ضحي ومني انتي ايه الي قومك من السرير الدكتور قال لازم ترتاحي
ردت عليه مني انا قلتلها ومسمعتش الكلام
خرج الدكتور وحسن قرب منه وقال اخبار يوسف طمني
الدكتور للاسف اتعرض لكسر في أيده ورجله وكمان نزف دم كتير ومحتاجين له دم مين هنا فصيلته A
ضحي أنا نفس الفصيله ممكن اتبرعله يا دكتور
مني، استني انتي تعبانه مينفعش تعملي ،،،
قطعت كلامها دا يوسف يا مني يعني عمري كله مش قليل عليه
حسن استني وانا كمان هتبرع يلا بينا
اتبرع حسن وضحي بالدم واتنقل يوسف للعنايه المركزه عشان حالته لسه خطيره
مني ،اظن كده اطمنتي ع يوسف يلا بينا نروح
ضحي ،لا روحي انتي انا ورايا شيفت لازم اروحه
مني يا بنتي انتي تعبانه هتشتغلي ازاي
حسن ،اسمعي كلام مني روحوا انتوا ومش مهم شيفت النهارده انا هطلبلك إذن واظن الدكتور قال بنفسه انك محتاجه راحه
ضحي وهي متوجه لاوضه يوسف ومين قالكم اني هروح المستشفي الي شغاله فيها
مني امال هتعملي ايه مش بتقولي وراكي شيفت في المستشفي
ضحي پابتسامه ايوه بس مش هناك هنا مع يوسف.انا هطلب نقلي لهنا عشان اكون جنبه مش هينفع اسيبه كفايه عليا بعد لحد كده انا هفضل معاه لحد ما يقوي ويرجع احسن من الاول
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية صوت الحب)
