رواية صمم يجرحني الفصل الأول 1 بقلم منى محمد
رواية صمم يجرحني الجزء الأول
رواية صمم يجرحني البارت الأول
رواية صمم يجرحني الحلقة الأولى
-ليلي إنتي في عريس متقدملك و بابا شايفه مناسب ليكي
رديت بفزع و قولت: بس أنا قدامي سنه لما أخلص تعليم و مبفكرش في الحاجات دي يا ماما لو سمحتي
-خلاص يا بنتي تعالي إتكلمي مع باباكي في الصالون هناك قاعد
-لا يا ماما ممكن تقوليله إنتي أنا هذاكر شويه
-حاضر يا ليلي
قفلت باب الأوضه و فضلت أعيط و أسرح و أفكر في محمود هو إزاي مبيردش عليا هو مش بيحبني؟كان بيقول إني هبقي ام لعياله و إنه شاف الحُب لما شافني إيه إللي بيحصل ده؟
-الو محمود؟
أيوه سامعك يا ليلي
-وحشتني أوي مبتردش علي المسدجات بتاعتي ليه هو أنا مش واحشتك؟
الصراحه يا ليلي مش هقدر أكمل معاكي
-لقيت دموعي غصب عني نازله مقدرتش استوعب كلامه و حاولت اكدب نفسي
-إنت بتقولي أنا الكلام ده؟
أكيد يا ليلي مش بكلم نفسي سلام
-قفل السكه في وشي أنا من الصدمه مدرتش بنفسي غير و أختي بتقولي:
فوقي يا ليلي مالك؟
-مسحت دموعي و قولت مفيش حاجه ضغط مذاكره بس
طب ارتاحي شويه
-لا هبقي كويسه
ليلي جايلك عريس قولتي أو عملتي إيه مع محمود لازم يعرف صح؟
-مقولتش حاجه يا نسمه و مفيش كلام هيتقال
بتعيطي ليه دلوقتي؟فيكي إيه؟
-من شويه كلمته قالي مش هقدر أكمل معاكي
الندل الخسيس إزاي وهمك بالحُب و إتخلي؟هو مش قد كلامه نسي الحب و أفعاله
متزعليش نفسك ميستاهلش
-غلطت و ظلمت نفسي في دخوله حياتي لأول مره أختار غلط أنا بشفق علي نفسي أوي يا نسمه دموعي ليها حق تنزل أنا كنت رافضه الحُب كنت رفضاه
متعمليش في نفسك كده كفايه عتاب و زي ما قولتي إختيار غلط
-فعلاً لازم أبطل عياط أنا هبعتله مسدج دلوقتي و هنهي الموضوع و مش هفكر فيه تاني
-هتقولي إيه؟
هبعتله أقوله:
(شفت نفسي في مرايتك
كانت عباره عن بحر مالح انا غرقت فيه
الكل نبهني محدش قالك تحبيه
كنت بشوفها صافيه مفهاش اذيه
قلبك كان صعبان عليا
عيونك كانت بتوحشني
مسمعتش كلام حد فكرتك بس بتحبني
و إنك هتعمل المستحيل علشان مصلحتي
إزاي قدرت تِجرح فيا؟
كان سهل عندك الاذيه
و بتفرح لما بتشوفني مذلوله
مرايتك كانت مكسوره و ضاحكه علي كل الناس
كلامك ليا كان جميل
كان سبب في إني اصدقك و بالمره أشتاق و أحبك
إزاي جالك قلب تعيش؟
و إنت كاسر قلوب بنات
لما شوفتك حبيت دُنيتي
و لو تعرف في لحظه كرهتها
لومت نفسي إني صدقتها)
تفتكري الكلام ده هيفيد بشئ؟
-لازم يعرف إنه شخص وحش أوي من جواه يا نسمه و إني حبيته و ندمت علي الحُب ده
هتعملي إيه في العريس اللي متقدملك يا ليلي؟
-و لا حاجه يا نسمه هرد الأذي بأذي
إزاي؟
-هقابل العريس و هقعد معاه و لو طلع مناسب هوافق خلاص كده يا نسمه مفيش وجع أكتر من إللي شفته من محمود و لازم أنهي الوجع ده
-بس أنا مش عيزاكي تكوني سبب في أذي حد نفسياً لو العريس إللي جاي مش مناسب بلاش توهميه بلاش رد الوجع في قلب حد تاني يا ليلي و محمود راح فَ لطف من ربنا و مش ندور علي السبب
-متقلقيش بابا علمنا الإنسانيه و بنراعي الشعور كويس
أنا هروح أجهز مع ماما الأكل
-روحي يا نسمه
ضحكت ضحكه سمجه و قولت في بالي إيه الدنيا دي للدرجادي مشاعرنا رخيصه للدرجادي مفيش إيمان و لا رحمه في لحظه حببني في الدنيا و في لحظه كرهني فيها
مالك يا ليلي؟
-بصيت في عيون بابا و فضلت مركزه معاه و هو منبهر و مخضوض عليا و لقيته للمره التانيه بيقولي مالك يا ليلي؟
-جريت أحضنه و فضلت أعيط و مش عارفه أهدي و جسمي بقي فيه رعشه و حاول يهديني
ليلي مالها يا بابا؟
مش عارف يا نسمه عصير ليمون بسرعه يا بنتي
حاضر يا بابا
مالك يا ليلي؟
-مفيش حاجه يا بابا أنا بس مخنوقه شويه
لو في حاجه مزعلاكي فَ حقك عليا أنا و لو في مشكله قولي نحلها بس مش عايز أشوفك ضعيفه كده
-نمت في حضن بابا ساعات حتي هو نام و أنا فضلت صاحيه بفكر في محمود مش قادره أنساه و عيني من الدموع مبقتش شايفه
قومت دخلت أوضتي و نمت علي سريري حاسه نفسي مكسوره أوي لقيت صحبتي فاتن بترن عليا و بتقول:
إزيك يا ليلي؟
-الحمدلله يا فاتن إنتي أخبارك إيه؟
أنا كويسه قولت أطمن عليكي بقالك يومين مبتنزليش الجامعه
-اه تعبانه شويه بس إن شاء الله هنزل الأسبوع الجاي
نسيت أقولك إن محمود الأول علي الدفعه خطب دعاء
-قلبي وجعني أوي و من الصدمه لساني وقف و حاولت أرد علي كلامها بس مقدرتش و دموعي نزلت
ليلي روحتي فين؟
-محمود مين يا فاتن محمود الشربينى؟
اه
-رميت الموبايل و فضلت أعيط و أكتم صوتي في المخده و فتحت شباك أوضتي و بصيت للسما و فضلت أقول يارب و أعيط يارب و أعيط
ممدوح:سعاد لازم نجيب دكتور عايز أطمن علي ليلي
سعاد:لسه جايه من عندها قالتلي إنها كويسه أنا قلبي موجوع عليها أوي
ممدوح:بنتك مش كويسه يا سعاد
سعاد:هنعمل إيه في العريس إللي جاي بعد يومين؟
ممدوح:مش هنعمل حاجه غير لما نطمن علي بنتنا
-لقيت بابا داخل عليا الصبح الأوضة و بيقولي:
أقول إيه للعريس إللي جاي بكره يا ليلي؟
لو عيزاني يا بنتي أرفض أنا معنديش مانع
-لا يا بابا لا هقعد معاه و لو كويس ربنا يسهل
هو إسمه إيه يا بابا؟
-إسمه بسيوني
فضلت أضحك و قولت هتجوز بنتك لواحد إسمه بسيوني يا بابا طب فين حازم حازم؟
بابا في وسط الضحك قالي ضحكتك حلوه أوي يا ليلي
-ربنا يخليك ليا يا بابا
و يخليكي ليا يا بنوتي
-بابا خرج و فضلت قاعده في الأوضه و مسكت الموبايل مسحت كل حاجه خاصه بِ محمود من شتات و صور و كل حاجه ممكن تفكرني بيه و زي ما نسيني بسهوله أنا هنساه
إيجا الليل و الجو جميل عملت فنجان الشاي بتاعي و روحت البلكونه أقعد فيها و أنا بشرب الشاي بصيت علي الناس و الجو كل حاجه كانت جميله و سمعت صوت غنوه بتقول:
ملكه ، جمال، الناس”
“دلوقتي ، ملكي، خلاص”
“يا، مثبت، الاحساس”
“جواها، ثبتني “
“هقفل ، عليها، بيبان”
“مرضاش ، جمالها، يبان”
“من ، حقي، ما، انا، كسبان”
“و، يا، بختي، حبتني”
-سرحت في جمال الأغنيه شئ من الروعه ميتوصفش
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية صمم يجرحني)
