رواية صماء لا تعرف الغزل الفصل التاسع والعشرون 29 بقلم وسام الأشقر
رواية صماء لا تعرف الغزل البارت التاسع والعشرون
رواية صماء لا تعرف الغزل الجزء التاسع والعشرون
رواية صماء لا تعرف الغزل الحلقة التاسعة والعشرون
تنتظر بالأسفل بسيقان مهتزة لم يهدأ حسدها من الانتفاض كل لحظة تحيطها سحابة من الدخان نتيجة احتراق علبة كاملة من سجائرها …لا تعلم كيف لبت رغبته في المجئ ..عندما انهار بين أيديها لتحتويه محاولة تهدأ نوبات غضبه ليطلب منها الحضور معه بكل اصرار لتشهد بعدها نوبات صراخه وصراخها مانعة نفسها اكتر من مرة من التدخل للفصل بينهما بعد اخر مرة صعدت فيها محاولة منها أثنائه عما يقوم به إلا أنه صرخ بوجهها ونصحها بعد التدخل.. لينتفض جسدها فجأة نتيجة سماع صراخ متألم الا انها هذه المرة لم تستطع الصمود اكتر لتجري بحذائها العالي السلالم الفاصلة بينهما وتتجه الي الحجرة المحتجزة بها فتدفع الباب بقوة لتشاهد ماشل اطرافها.. غزل متكومة أرضًا بجسدها الضعيف حليقة الرأس وحولها خصلات شعرها مبعثره بجوانب الحجرة.. تمسك بكف يدها تبكي بحرقة ويقف أمامها شخص غريب عنها لم تعرفه من قبل.. شخص يسيطر عليه غضبه ليؤذي اقرب الناس اليه ..ليرفع نظره لها وتنتظر موجة غضبه بسبب كسر اوامره بعدم التدخل ..لتتفاجأ بمد يده اليها كدعوة منه لتتحرك اتجاهه بأرجل مهتزة ويلف ذراعه حول خصرها بقوة ليقول:
– كويس انك جيتي.. عشان اعرفكم علي بعض ..اكيد انت عارفة مين دي ..بس غزل ماتعرفش انتِ مين بالنسبة لي.. لترفع غزل أعينها عند ذكر اسمها فتشاهد أمرأه ذات شعر اشقر مرتديه ملابس قصيرة وكعبا عاليا.. تحاول التذكر متي رأتها من قبل؟ ولماذا يضمها يوسف بتلك الطريقة الحميمية.. وقبل أن ان تسأل نفسها عن سبب وجودها في هذا المكان البعيد معهم.. سمعت صوته يقول:
– اعرفك يا غزل بنانسي.. نانسي اللي استحملتني كتير في أوقات ضعفي وقوتي.. نانسي اللي حضنها كان بينسيني كل همومي.. المخلصة ليا حتى بعد ما سبتها وبدلتها بواحدة زباله زيك.. زمان كنت خايف تكتشفي في وم علاقتي بيها بس دلوقتي احب أكون دقيق في تعريفها ليكي، اقدملك نانسي.. مراتي الاولي!
كلًا منهم يشعر كأنه بدوامة أفكاره لا يصدق احدًا ما حدث ومايحدث حتى الان مجتمعين منذ ساعات بحجرة الضيوف منهم من يحاول ربط الأحداث ومنهم مايجري اتصالاته محاولا ايجاد اَي معلومة عن مكانهما.. يدق جرس الباب فينقض كلامنهم مستعدًا لتلقي اي خبر.. ليشاهدوا من يدخل متكئ علي عصاه مستندًا على مساعده.. ليقف كلامنهم في استقباله ويجلس على اقرب مقعد بتألم واضح عابسًا موجهًا حديثه لابن أخيه:
– فين بنت عمك يا يامن؟ هي دي الأمانة اللي سبتهالك وسبتها لأخوك؟ ليشيح يامن وجه حرجًا.. نعم قصر في حمايتها من أخيه.. عندما وافق أخيه ان يخفي حقيقة إمكانية انجابه.. عندما تخاذل مع أول موقف اهانها به كان عليه ان يبذل أقصى مالديه لينفذها من تقلبات أخيه التي تصل حد المرض.. لما يشعر بهذا الالم المبالغ فيه نعم يحبها يخاف عليها من أخيه.. يسعد لسعادتها ويتألم لألمها.. هل مايشعر به الآن شيء طبيعي ككل الحاضرين؟ ليقول شادي:
– ناجي بيه؟ انت ماتقلقش احنا بنحاول ندور عليهم في كل حته وانا ويامن عملنا اتصالتنا بعد معارفنا.. وأكيد هنعرف مكانها قريب.
ناجي بتعب ظاهر:
– بعد ايه؟ بعد ما يقتلها.. بعد مايقتل بنتي اللي فضلت سنين أدور عليها؟ عملت إيه غزل عشان تعاني في حياتها كده.. كل ده ذنبي انا وربنا بيخلصوا مني.. ويرفع نظره ليواجهه ملك المنكمشة في جلستها ويظهر عليها علامات الأعياء الشديد.. ويكمل موجهها حديثه لها:
– ربتكم وراعتكم بعد وفاة أبوكم واعتبرتكم اولادي..في الاخر تورطي بنتي الورطة دي وجوزها يفتكر انها بتخونه بسببك؟
لتصدم ملك من معرفة عمها بالتفاصيل وتحاول اجلاء صوتها ولان بكائها يزداد لتضع وجهها بين كفيها وتقول:
– ما اقدرتش اخرج أواجهه.. ماقدرتش.. سامحني ياعمي انا السبب.. انا السبب.
لتجد تقى تضمها إلى حضنها قائلة بتأثر:
– اهدي يا ملك.. أكيد هي بخير.. يوسف بيحبها وعمره ماهيأذيها.
لترفع عينيها لتجفل للحظة من العينين الناظرة لها بغموض فتشيح نظرها عنه بسرعة لتداري ارتباكها.. لتقف متجهه إلى المطبخ قائله:
– أأنا ..انا راحة..اشرب.
لتتبعها نفس العينين الغامضتين حتى اختفت داخله..
ليقول يامن لعمه:
– انت عرفت إزاي اللي حصل مين بلغك؟
ناجي:
– انت فاكر اني سايب بنتي ومش عارف ايه اللي بيحصلها يايامن؟ انا عارف كل حاجة.. وعارف اللي حصل يوم الفرح.
ليصدم يامن من حديثه ويقول هاربًا من موقفه المخزي:
– انت شكلك تعبان أنا هروح اجبلك عصير بارد.
ليتحرك مسرعًا حتى يهرب من نظرات عمه اللائمة.
يستند بكتفه على إطار الباب يراقبها من خلفها وهي مممسكة بكوب المياة وصنبور المياة مفتوح.. يبدو لمن يراقبها انها شاردة في امر ما جعلها تنسي إغلاق الصنبور.. ليلاحظ تشنج جسدها واهتزازه بدون صوت لترفع بعدها أناملها تمسح وجهها.. فبدي له انها تبكي بصمت.. يقترب بهدوء بخطوات بطيئة لم تشعر بها حتي وقف خلفها قائلًا:
– كل ده بتشربي؟! انتِ شربتي محافظة كاملة.
لتنتفض عند سماعه صوته وتخفي وجهها عنه حتي لا يلاحظ بكائها وتحاول المرور من جواره إلا انه رفع يده يمنعاها لترفع أعينها متعجبة من تصرفه لتري نفس نظرة الغموض التي لا تفهمها لتسمعه يقول بهدوء :
– كنتي بتعيطي؟!
لتهز رأسها بلا بدون الإجابة.. وتهرب من أعينه باشاحة وجهها ببعض من الكبرياء.. ليرفع أنامله ويمررها على وجنتها اليسري يقول:
– انا اسف.
لتتعجب من حالة عاقدة حاجبيها بتسأل عن سبب اسفه.. فيكمل:
– اني جرحتك بكلامي.. ورد فعلي.. عايزك نسامحيني ياتقى صدقيني غضبي عماني.. انا اسف.
لتقول بكبرياء مزيف وبسخرية واضحة:
– ماتقلقش يادكتور يامن مسمحاك.. عن إذنك.. لتحاول المرور إلا أنه يقبض علي ءراعها مانعاً إياها من التحرك ليقول:
– في حد تاني لازم يسامحني. فيقترب منها ويطبع قبله على وجنتها اليسري قائلا:
– سامحيني إني تجاوزت حدودي ومديت ايدي عليكي وده مش من حقي ان اعمل كده.
الا انه يفاجئ برد فعلها تدفعه بقوة للخلف ليتعثر قائلة:
– إياك تفكر تلمسني تاني انت فاهم.. اللي بنا انتهى.. وأنا فعلًا غلطت لما سمحتلك تتجاوز حدودك معايا واحنا مافيش بينا رابط شرعي.. ولو كنت امنتلك من قبل كده ده لان كنت معتبراك شيء مختلف بالنسبة لي.
يامن بإرهاق يغمض عينيه بقوه ويفرك جبهته لتظل صامته تراقبه قائله:
– انت كويس.. تحب أنادي لحد.
ليبتسم بإرهاق على طيبتها يعلم أنها تعشقه ولكن من الصعب عليه مواجهه نفسه بذلك بعد علمه بحبها لاخيه من قبل اعتبر ان علاقتهما كتبت نهايتها قبل بدايتها.. ليقول:
– لو سامحتيني من قلبك هكون كويس.. أنا هقولك انك أحسن بنت شوفتها في حياتي واي كلمة طلعت مني جرحتك بيها انت عكسها ياتقى يمكن تصرفك غلط بس جواكي نضيف وانا متاكد من ده.. عايز اطلب منك تسامحيني.. لان يمكن مايتكتبش لينا نشوف بعض تاني.. لينقبض قلبها من حديثه وقبل ان تسأله معنى حديثه يصدح رنين هاتفه الخاص ليسرع بالاجابه مبتعدا عنها قائلا:
– ايوه.. تمام.. في رسالة.. مع السلامة.
لتقول:
– في حاجه؟ ليقول يامن بغموض مطمئنا إياها:
– لا.. دي المستشفي بتشوف هرجع امتى، نكمل كلامنا بعدين عن إذنك.
لينصرف تاركا خلفه قلبا مكسورا يتمني الرجوع إلى سكنه.
………..
قبل ساعة في الشاليه.
تقف نانسي صارخة بوجه يوسف المتعرق من شدة المجهود مانعة إياه من الاقتراب من الحجرة مرة اخري فبعد تعريفه لها بأنها زوجته ثارت غزل تتهمه بأبشع الصفات الدنيئه كانت في حالة من الانهيار التام لتلاحظ بعدها خلع يوسف حزام بنطاله ليلف طرفه علي يده وتصرخ بوجهه ان يتوقف عما يفعل فهذا سوف يقتلها الا انه دفعها بقوة لترتطم أرضًا متألمة وتشاهد وصلة تعذيبه لها مع علو صراخها المتألم ويرفع في كل مره يده باقصي قوته لترتطم القطعه المعدنية بحزامه بجسدها فينتج جروح غائرة بجسدها وأذرعتها الا انها لاحظت عدم مقاومتها كلما فعلته حماية وجهها وخصرها من بطشه.. لتندفع إليه مرة أخرى محاولة سحب الحزام من يده صارخة بوجهه مهددة أنها ستبلغ عنه إذا تمادي أكثر من ذلك.. لتتركها غارقه بجروحها ودمائها السائلة.. لا يصدر منها إلا كلمات تخرج متألمة.. مغلقة بابها قائلة:
– انت أكيد مجنون.. انا مش هستني دقيقة واحدة معاك.. ليضغط على ذراعها بقوه غاضبة:
– ايييييه.. هتسبيني انتِ كمان..خلاص يوسف الشافعي مبقاش مالي عينكم؟ بس اقسملك لو فكرتي انك تسيبيني يانانسي لأقتلك فاهمه هقتلك زي ما هقتلها.
تحاول نانسي تمالك نفسها مهدئة إياه:
– يووسف..حبيبي انت عارف ان مقدرش ابعد عنك انا بقول كده عشان خايفة عليك تقتلها وتروح في داهية.
لتلاحظ هدوئه فتكمل:
– انت مش كل اللي عايزه تنتقم منها.. وتخليها تمضي على الأوراق؟ أنا هخليها تمضي روح انت خد شاور وانا هتصرف.
يوسف بحقد:
– هتتصرفي ازاي؟
نانسي بإثارة:
– ملكش فيه بقى أنا هتصرف.. يلا يابيبي خد شاور ..واستناني لانك واحشني مووت.
وتقترب منه لتطبع قبلة علي شفتيه ليتحرك الي الحجرة الاخري ويختفي عن أنظارها لتتبدل ملامحها للجمود مرة اخرى فتندفع عائدة للحجرة المحتجز فيها غزل وتقترب منها ببطء لتجلس بجوارها منادية عليها بتأثر:
– غزل. انتِ سمعاني؟ غزل فوقي.. مافيش وقت.. انا ماصدقت يوسف سابني معاكي لوحدنا.. غزل ارجوكي فوقي.
لتفتح غزل أعينها المكدومه لتقول:
– عايزه اشرب.. عطشانة.
نانسي بخوف:
– هجبلك اللي انتِ عايزاه.. بس اسمعيني كويس.. انتِ لازم تمضي على الأوراق قبل ما يوسف يرجع.. صدقيني يوسف مش طبيعي.. هيقتلك.
…………..
تدخل بثقة وعلى وجهها سعادة ليست مناسبة لمثل هذا الوقت لتجده مستلقي على السرير شارد متجهم الوجه لتقف مستنده على إطار الباب ملوحة بملف احمر قائلة:
– مش عايز الورق؟
لينظر اليها غير مستوعب لكلماتها وينتفض واقفًا أمامها جاذبًا الملف من بين أيديها ليري امضاء غزل على كل الأوراق يقول:
– عملتيها ازاي؟
نانسي بثقة:
– ده شغل ستات مالكش فيه.
لتراه يدفعها حتى يمر من الباب قائلًا:
– في حاجه واحدة ناقصة لازم اعملها.
ينقبض قلبها قائلة:
– حاجة ايه؟ سيبها هي عملت اللي أنت عايزه.
يوسف بتحدي:
– لا.. حاجه تانيه.
يدخل عليها يجدها متكوره بوضع الجنين فاتحة أعينها ينساب منهما الدموع فينحني ليكون بمستواها.. قائلا:
– عارفة ياغزل.. انا قد ايه سعيد دلوقتي.. سعيد عشان بقيتي في الشارع.. اللي انتِ جايه منه.. عارفة الورق اللي انتِ
مضتيه ده كان ايه؟ أول ورقه تنازل عن نصيبك في الشركة بيع وشراء ليا.. الورقه التانيه توكيل عام منك.. الورقه التالتة والرابعة دي بقي اللي قنبلة.. اعتراف منك انك كنتِ على علاقة بجاسر واللي في بطنك ده منه وانك متنازلة عن كل حقوقك حتى نسب اللي في بطنك مش هتقدري تنسبيه ليا.. الرابعه ورقة طلاقك كانت ناقصة أمضتك المصونة.. أنا طلقتك ياغزل رسمي ورميتك زي الزبالة اللي برميها.. احب اقولهالك في وشك.. انتِ طالق ياغزل.. انتِ طالق.. طالق.
ليلاحظ عدم ردها او انتباهها له وشرود عينيها الدامعة ليصرخ بوجهها:
– مش بتردي ليه؟ استريحتي دلوقت؟ اديني طلقتك عشان تروحي للكلب اللي زيك.. ردي عليا..
ليجد ثباتها فيقف بغضب ويقوم بضربها بقدمه بطنها وجسدها صارخًا:
– ردي.. استريحتي؟ مبسووووطه.. اتكلميييي؟ عملتي كده ليه فيا؟ فينا؟ ليييه؟ أنا كنت بحبك بعشقك.. خنتيني ليه؟
لتبعده نانسي عنها تقول:
– حرام عليك كفاية.. كفاية هتموت في ايدك.. لتسحبه بقوة إلى الخارج ناظرة اخر نظرة علي الملقاة التي ذاقت الألوان من العذاب.
……….
– أظن أنت عملت اللي انت عايزه سيبها تروح لحالها يا يوسف.
قالتها نانسي بترجي.. ليلتفت لها بعصبية صارخًا بها:
– لسه ماشفتش غليلي منها.. مش هسيبها غير لما تبوس جزمتي عشان ارحمها.
لتقترب إليه بضع خطوات لتضع يديها على صدرة وتهمس له:
– ممكن تهدي بقى.. عشان أنت وحشتني اوي.. انا لحد دلوقت مش مصدقة انك اعترفت بجوازنا.
يرفع يده ويمسك كف يدها المستند علي صدره ويرفعه ليطبع قبلة على باطن يدها قائلا:
– مكنتش عارف انك بتحبيني أوي كده.. بس أوعدك ان كل الناس هتعرف انك مرات يوسف الشافعي بعد ما اتجوزك رسمي.
نانسي بعدم تصديق:
– انت بتتكلم جد؟ هتشهر جوازنا وهتكتب عليا رسمي يايوسف؟ أكيد بتهرج صح.
ليضمها بقوة إلى صدره لتلفح أنفاسه وجهها قائلًا:
– عمري كدبت عليكي؟ أنا دايمًا كنت صريح معاكي من بداية علاقتنا ببعض.. ولا ايه؟
لم ينتظر إجابتها لينحني إلى ثغرها ويقبلها قبلة هادئة تتحول سريعًا لقبلة عنيفة لتستسلم لاحضانه الدافئة وترفع ذراعيها وتحيط بعنقه.. فيزيد من ضمها حتى شعرت بألم عظامها.
…………….
في صباح اليوم التالي
يقود سيارته بجنون لايريد إلا أن يصل لها يفتك بها لم يبالي بسرعته الزائدة ولا بالسائقين الذين تناوبوا السباب والشتائم عليه بسبب تهوره أكثر من مرة وصدم سيارة أخرى ولكنه لم يتوقف ليفحص أضرار سيارته ولا سيارة الاخر.. كل ما يهمه يلحق بها ليسب بصوت عالي ويضرب طارة القيادة بغضب فتدور الأفكار برأسه والشكوك.. كيف هربت من بين يديه؟ كيف استطاعت بهذه الحالة؟ يجب عليه استعادتها.. ناره لم تبرد بعد.. سيذيقها شتى العذاب.. فقط يجدها وسيجدها.
يصل إلى بوابة الفيلا ليوقف السياره بسرعة فتصدر صريرًا عاليا ويخرج منها غير مباليًا باغلاقها ويتقدم بخطوات اشبه بالركض حتى وصل للباب الرئيسي للفيلا ليضربه بقبضته ضربات متتالية اشبه بطرقات الشرطة التي تداهم البيوت بحثا عن اللصوص لتفتح له هناء الباب برعب فيدفعها للخلف بقوة صارخا:
– فين غزل؟
لترتعش من هيئته الغريبة وشعره المبعثر وقميصه الغير مغلق:
– يوسف بيه.. غزل هانم مش مش هنا.. دول كانوا بيدورا..
ليقطع حديثها راكضًا على درجات السلم ويفتح جميع الغرف فيجدها خالية.. ليصرخ بهناء من أعلى السلم:
– فين الناس اللي هنا؟ ملك فين!
ليجيبه صوتًا صارمًا من الأسفل ينم عن غضبه:
– ملك مع جوزها.
ليصدم يوسف من وجود عمه واقفًا شامخًا أسفل الدرجات فينزل درجاته ببطء وقبل ان يستفسر عما قاله الأخير أكمل بنبرة اشد قسوة:
– فين بنتي يايوسف؟
يوسف بتحدي:
بنتك المصونة.. بنتك اللي جوزتهالي طلعت خاينة.. بنتك…
ليقطع كلماته لطمة من يد عمه ويصرخ به:
– اخرس.. اوعى تجيب سيرتها على لسانك الوسخ.. بنتي أشرف منك، فين غزل يايوسف؟ عملت فيها إيه بتهورك وجنونك؟
ليرفع وجهه مصدوم من ضرب عمه له فهي أول مرة تصدر منه.
ليقول:
– بتضربني؟ بدل ماتخدني في حضنك وتصبرني علي اللي بنتك عملته.. بنتك نامت في حضن راجل تاني! وحملت منه وجت عشان تلزقهولي.. وده اكبر دليل على خيانتها وإني صادق.. عشان انا مش ممكن اخلف.. فاهم يعني ايه مش بخلف؟
فيبتعد عنه ناجي مستند على عكازه بضعف ويجلس على اقرب كرسي.. يقول:
– انت غبي.. طول عمرك غبي.. متهور وعامل زي اللي بيقتل صاحبه.. عمرك فكرت للحظة تتاكد من تحاليلك قبل ماترمي بنتي بالباطل؟ هي دي الأمانة اللي وصيتك عليها؟ ده انا أما عرفت حالتي مالقتش غيرك وعجلت بجوازك منها لان كنت حاسس انك بتحبها وهتحافظ عليها لوجرالي حاجه!
يوسف بتحدي:
– كنت عايزني اتفرج عليها وهي بتخوني؟ ده موتها حلال فيها.. المفروض تشكرني عليه.
ناجي بضعف وكسره واضحة:
– ارجوك يابني اعتبره اخر طلب.. قولي هي فين؟ وانا هاخدها ونسافر بس قولي مكانها ريح قلبي عليها.
يوسف بتوتر:
– كان نفسي اقولك بس.. بس هي هربت وأنا مش عارف مكانها وكنت جاي ادور عليها.
ليغمض ناجي أعينه لفقدانه اخر امل يقول:
– انا قلبي حاسس ان مش هلحق اشوفها واحضنها.. واعوضها السنين اللي راحت مننا.. ليقف بصعوبه مستندًا على عكازه رافضًا مساعدة يوسف له قائلًا ببكاء اثناء انصرافه:
– لله الامر من قبل ومن بعد.. لله الامر من قبل ومن بعد.
حتى يتلاشى صوته ويختفي خلف باب حجرته.. ويقف يوسف بغضب وسط المكان الخالي إلا منه لا يعلم من أين يبدأ البحث.
……………
ليخرج لا يعلم من أين يبدأ البحث مؤكد ستلجأ لعشيقها.. سيقتلهما معًا إن وجدها معه.. بعد مرور اليوم رجع إلى شقته الخاصة مرهق الجسد متألم النفس.. لايصدق أنه حتى الآن لم ينجح في الوصول إليها.. أين هربت؟ ومن ساعدها؟ اسئلة عديدة متراكمة لايجد لها اجابه.. من المستحيل ان تكون نانسي من ساعدتها.. مستحيل ان تخونه هي الاخرى، وإذا هي من قامت بذلك كيف ساعدتها وقد قضي ليلته بين أحضانها حتى الصباح.
ليجلس على اقرب مقعد ويقوم بفك أزرار ويمد ساقيه للأمام علي طاولة تتوسط الحجرة.. مغمض العينين.. لتخرج نانسي عندما سمعت صوت غلق الباب بتوتر حاولت إخفائه وتستمر في مراقبة ملامحة لعلها تستنتج شي منها.. لتنتفض عند سماع صوته المخيف يقول:
– هتفضلي واقفة عندك كتير؟
لتقول بخوف:
– انت عرفت إني واقفة ازاي؟
– عيب عليكي تسالي.. انا حافظ تصرفاتك كويس.. اول ما بتسمعي صوت المفتاح بتجري عليا تتعلقي في رقبتي.. بس الغريبة انك معملتيش كده المرة دي! ايه زهقتي انتي كمان مني؟
تقترب حافية القدمين تحلس بجوار قدمه:
– أنت عارف ان كلامك غلط وانا عمري ما اقدر ابعد عنك.. بس…
يفتح أعينه الدموية وينظر لها بأعينها المتوترة يقول:
– ايه.. بس ايه؟
فتقوم بعض شفاها السفلي قائلة:
– الحقيقة.. حاسة اني بقيت خايفة منك بسبب اللي حصل لغزل على ايدك.. مكنتش أتوقع انك تكون بالقسوة دي مع اللي كنت بتحبهم.
يقترب من وجهها ويربت على وجنتها برتابة يقول محذرًا:
– دي اقل حاجة مع اللي بيطعني في ضهري يا.. يانانسي
تبتلع ريقها بتوتر الا انها تشتم رائحة غريبة بأنفاسه لتقول متعجبة:
– انت سكران؟!
ليجيبها بثقة:
– انتِ عارفة اني مافيش حاجة بتأثر فيا حتي لو شربت المحيط.
لتقف نانسي رافضة لحالته:
– انا هعملك فنجان قهوة يفوقك.
إلا انها كادت تتحرك لتجده يقبض على ساعدها بعنف قائلا:
– انتِ خرجتي النهارده؟
تبقى على ثباتها لا تلتفت إليه.. مؤكد انه يراقبها.
لتقول:
– ايوه.. نزلت اشتري شوية حاجات.. البيت كان محتاجها.
لينظر لها نظرة ثاقبة:
– بعد كده ما تتتحركيش إلا أما اعرف انتي رايحة فين؟ مفهوم؟
لتهز رأسها بتوتر وتنسحب بخوف إلى المطبخ لتتذكر مافعلته من عدة ساعات مستغلة بحثه عن غزل.
فتدخل يدها بجيب بنطالها لتخرج هاتفها بتوتر وترسل رسالة إلى مجهول وعندما اطمأنت انها تم استلامها قامت بحذفها بايدي مرتعشة.. وتزفر زفرة قوية عازمة علي تنفيذ مايخدم أهدافها قبل الجميع.
أما عنه فما يراه يجد رجل متبلد المشاعر لا يشعر باحاسيس من حوله، شخصًا كارهًا كل من حوله إلا نفسه شخصًا يسعى لغاياته ولاهدافه بدون التفكير من سيتدمر ومن يدفع الثمن.. ولكن الحقيقة عكس ذلك فهذا الشخص المتبلد الأناني داخله شخص مهزوم مطعون من أحبته من أنقى إنسانة عرفها.. من تمني قضاء العمر كله بجوارها.. من علمته حروف الغزل على يدها من حبيبته وعشيقته.. وزوجته.. غزل.. لا يتخيل حتى الآن كيف وصل به الحال لما فعله بها، يوجد جانب بسيط بقلبه
يتألم لهذه الذكرى ليسأل نفسه هل هو الآن حصل على راحته وفاز بانتقامه أم كان ينتقم من نفسه بها؟ ها هو الان عاد به الزمن ليستلقي بسرير عشيقته الأولى كأن أحداث حياته كانت رحلة وانتهت، ليعود مرة أخرى كما كان لتهبط دمعة من جانب عينيه المغلقة باستسلام مغزي تدل على هزيمته وقهره يكابد كثيرا عدم إظهارهما يكفيه خزيه أمام نفسه.. ليسمع فجأة صوت رنين هاتفه ولكنه لم يبدي رغبة في الرد انتظر وانتظر حتي ينقطع الرنين وهو علي ثباته واستلقائه ليعود مرة أخرى الرنين فيمد يده يخرجه من جيبه فيجده أخيه.. ليسرع بغلق هاتفه حتى لا يزعجه أحد مستسلمًا لنومه.. فآخر شخص ممكن أن يتحدث معه حاليًا هو يامن.
……………..
بعد مرور اربع سنوات
يجلس خلف مكتبه مرتديًا نظارته الطبية السوداء التي بدأ يلجأ إليها مؤخرًا يراجع بعض الأوراق التي تحتاج إمضائه.. فهو اصبح دائم الحضور لمتابعة أعماله لتأتي منه لفتة اعتاد عليها لشيء ساكن فوق مكتبه بجوار يديه اليمنى فهو إطارين بهما صورتان لأجمل مارأت عينه كان حريصًا على ألا تختفي عن عينه لحظة واحدة حتى تقبض روحه منذ اربع سنوات.. ليبتسم بتألم ويلمس الإطار باصبعي السبابة والإبهام حتى تواجهه صورتها بفستان زفافها وابتسامتها المشرقة تدل على سعادتها أما الصورة الأخرى فكانت لها أيضًا ولكنه التقطها لها خلسة عندما كانت محتجزة بالشالية الخاص وكانت تنظر للبحر من أمامها تاركة لخصلاتها البنية الحرية شاردة في أيامها التي كانت تجهل انها تحمل فيها الكثير من الالم فاليوم الذكري الرابعة لاختفائها من حياته وفقدانه لها للأبد.
فيأتي طرقًا على الباب ويدخل شادي بملامحه القاتمة كما اعتاد عليه منذ سنواته الأخيرة ليقول مختصرًا برسمية:
– حضرتك خلصت الأوراق؟
لينظر له يوسف بهدوء ينافي ضيقة من تصرفاته:
– لسه.. ياريت تقعد لحد ما اخلص الورق.
فيسمع زفرة قوية خرجت من شادي ليجلس متضرًا فيكمل موجهًا حديثه للأخير وهو مستمر في الاطلاع على الأوراق:
– مستعجل ليه على الأوراق؟ مش لسه شوية على ميعاد الانصراف؟
كان يسأله وهو يعلم سبب استعجاله لأخذ الأوراق ولكنه يريد الضغط عليه ليفصح عما يجيش به قلبه منذ سنوات.. ليجيبه مختصرًا بدون النظر إليه:
– عندي مشوار مهم.
ليسأل يوسف:
– عيد ميلاد غزل مش كده؟ فيتحرك من خلف مكتبه مستندًا على عكاز خشبي ليسير بصعوبة متألما بسبب إصابته بقدمه اليمنى التي خضعت للكثير من العمليات الجراحية لتركيب الشرائح المعدنية بها يفتح خزانة خشبيه ويخرج منه صندوق ملفوفة بأوراق الهدايا اللامعة ومربوط بأشرطة من الستان الزهري ويتقدم بعرج يضعها أمام شادي على المكتب قائلًا:
– ياريت توصل الهدية دي بما إني ما اتعزمتش وكمان هكون شخص غير مرغوب فيه.
شادي بسخرية:
– إيه اللي مخليك واثق إن الهديه مش هترجع زي كل سنة.
يوسف بابتسامة:
– محاولة مش اكتر ومتنساش انه واجب عليا.. لولا أنهم مش حابين يشوفوني.
ليمد يده بالأوراق ويقول:
– تقدر تمشي بدري عشان تلحق مشوارك.. فيقف شادي ممسكاً بالصندوق الضخم متضررًا والأوراق وقبل أن يخرج سمع صوت يوسف:
– مش ناوي تسامحني ياشادي؟
لم يلتفت له فيجيبه:
– صاحبة الشأن لما تبقى تسامحك نبقى نسامحك.. وانا هنا موظف زي أي موظف.. عن إذنك يا.. يوسف بيه.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية صماء لا تعرف الغزل)
