رواية صغيرتي المجنونه الفصل الثالث والعشرون 23 بقلم منة ممدوح

رواية صغيرتي المجنونه الجزء الثالث والعشرون

رواية صغيرتي المجنونه البارت الثالث والعشرون

رواية صغيرتي المجنونه الحلقة الثالثة والعشرون

وفي ثواني كان هو من يقف أمام زياد وهو كا البركان من شدة الغضب.. وشده بقوه من علي الأرض وفضل يضربه بالوكس في وجهه..
زياد: بيزقه جامد..أنت أتجننت يا رعد فيه أيه؟ أيه اللي حصل لكل ده؟؟؟؟
رعد: وهو بيشده من تلبيب قميصه وبيضرب فيه بغضب وبكل قوته..اه أتجننت أنت أزاري تتجرا وتطلب أيدها قدامي وبيفضل يضرب فيه…
زياد: بعصبيه.. وانت مالك أنت أطلب أيدها ولا…
ولم يكاد يكمل كلامه…الا أن أنقض عليه رعد وهو يكيل له اللكمات ويضربه بقوه جعلت ووجهه ينزف..
رعد: بعصبيه وصوت عالي.. لانها مراتي مراتي..
في الوقت ده بيكون الشباب سمعوا صوت رعد وبيروحوا جري بيلاقو رعد بيضرب زياد و زياد ينزف… بيمسكوا رعد ويحوشوه بالعفيه من علي زياد…
زين: بتساؤل وهو بيقوم أخوه…فيه أيه يا رعد أيه اللي حصل لكل ده؟؟؟
رعد: بعصبيه.. الاستاذ بيطلب أيد مراتي.. وبيحاول يفك نفسه من الشباب ويضرب زياد لكنهم بيسيطروا عليه….
زين: بتساؤل.. مراتك مراتك مين هو انت متجوز؟؟
رعد: أيوه.. رودينا تبقي مراتي..
لحظة صمت و الجميع في حالة زهول مما سمعوه معادا الحسن لانه كان عارف كل حاجه من البدايه…
ولم يكسر ذلك الصمت سوي رودينا وهي تقترب منه بهدووء بتحاول تخفي صدمتها…
رودي: بعيداً عن كل اللي حصل وإني كنت هرفض عرض زياد من البدايه…مين اللي متجوز مين لاني مخدتش بالي؟؟
رعد: وهو يفك نفسه من الشباب…. أنا متجوزك أنتي أنتي مراتي علي سنة الله ورسوله..
رودي: بصدمه.. أزاي؟؟؟
رعد: بالتوكيل اللي أنتي عملاه ل خالد..
رودي: بصدمه أكبر… خالد خالد مين خالد أبويا.؟؟
رعد: بهدووء.. أيوه خالد طلب مني أتجوزك وأجيبك الصعيد هنا علشان أحميكي ومكنش ينفع…
رودي: بمقاطعه.. مكنش ينفع ايه؟ ها مكنش ينفع ايه.. يعني كل الفتره دي وانت بتكدب عليا… وخالد.. خالد اللي مبثقش في حد في الدنيا قده يكسر ثقتي بالطريقة دي يعني كل الفتره دي انت وخالد مظبطينها مع بعض…..
رعد: رودي.. أنا..
رودينا: بصدمه.. لا.. متتكلمش أنت أصلاً كذاب وكل اللي أنت قولته دلوقتي كذب في كذب خالد عمره ما يكسرني بالطريقه دي…
رعد: وهو بيقرب منها وبيمسكها من كتفها جامد…. رودي أسمعيني أحنا عملنا كل ده لمصلحتك صدقيني..
رودي: بسخرية.. لمصلحتي اه ويترا بقاا مصلحتي دي بالكدب يا حضرة الظابط..؟
رعد: أحنا مقصدناش كده أحنا كنا بنحميكي يا رودي…
رودي:بحده وقوه مصطنعه تحاول أن تكبت بها دموعها…
أسمي دكتوره رودينا النجار يا حضرة الظابط ولا أنت نسيت نفسك… ومن اللحظه دي أنا بقطع علاقتي بيك و ب خالد من اللحظه دي أنت مجرد الظابط اللي بيحرسني وبس وكلها الليله دي ومهمتك تخلص يا حضرة الظابط.. وصدقني وعد منى هندمك أنت وخالد علي كسرتي دي… وبتنزل دموعها ولكنها بتمسحها بسرعه وبتطلع تجري علي أوضتها..
والبنات بيعيطوا عليها وبيجروا وراها…
وفي الوقت ده بيكون كل اللي واقفين بيتاهمسوا بالكلام علي رعد.. معقوله العمده يتعمل فيه إكده..؟؟
رعد: بحده.. برا كلكوا برااا…
الحسن: بغضب.. أنت أتخبلت يا ولد بتطرد الناس من بيتي…
رعد.: بأحترام لوالده…أني أسف بس كنت عايزني أعمل ايه يا بوي..؟؟
الحسن: بحكمه ورزانه…خود خيك يا زين ياولدي وديه المستشفى يتعالج…وفعلاً زين أخد زياد ومشيو…
الحسن: يلا ندخل نكمل كلامنا جواا…
أنت اللي غلطت من الأول يا ولدي…غلطت لما ضربت زياد وغلطت لما أتفقت مع خالد و أتجوزت مراتك من غير علمها و غلطت لما كسرت ثقتها في عمها و أبوها اللي رباها…
رعد: بيتكلم بندم.. أني خابر إني غلططت يا بوي لاني في الأول كنت مفكرها مهمه والسلام بس حبيتها يا بوي عشقتها وخايف تضييع مني أو أخسرها…
وليد: أنا حاسس بيك وبمشاعرك يا رعد بس أنت متأكد انك كده مخسرتهاش.. صدقني أكتر حاجه بتوجع رودينا الكذب مابالك لما يكون من أقرب أتنين ليها…
رامي: بحزن… أنا خايف علي رودي هي أكيد موجوعه من اللي حصل..
فريده:بحنيه.. أني هطلع أشوفها يا ولدي لاني مش هتحمل أنها تزعل أكده…
وبتطلع تلاقي ريحانه و حور و لين قعدين قدام أوضة رودي وبيبكو وهما سمعين كلامها…
بتروح تحضنهم وتقعد جنبهم وتسمعها..
رودي بتتكلم في الفون بعياط وكسره…الوو يا خالد..
خالد: بخضه مالك يا رودي يا حبيبتي؟؟
رودي: ببكاء… أنت بجد خايف عليا ياخالد..؟
خالد: لو مخفتش عليكي هخاف علي مين يا بنتي دانتي دنيتي كلها…
رودي: وليه عملت فيا كده يا بابا ليه كسرت ثقتي فيك وانت عارف أنك غالي عندي أوي وهتوجع منك أوي..
خالد: فهم قصدها…أنا…
رودي:ببكاء مرير… عارف يا بابا أنا قلبي واجعني منك قد ايه؟..قد الوجع اللي حسيت بيه لما أهلي ماتوا..أنا عمري ما حسيت أني يتيمه لانك كنت موجود في حياتي وكنت ليا كل حاجه..بس دلوقتي حسيت أني فعلاً يتيمه..
أنا حبيتك حب أكتر من الحب اللي حبيته ل بابا الحقيقي و بقد ما حبيتك موجوعه منك…. تعرف أني حبيت رعد فعلاً من كل قلبي بس بقيت بكرهه وبكرهك يا بابا لانكم كسرتو ثقتي كسرتو قلبي…
خالد: ببكاء… انا يا بنتي عملت كا ده علشان أحميكي علشان متروحيش مني زي ما أبوكي راح مني يا بنتي..
رودي:بس بس…و قفلت الخط بصراخ وهي بتكسر كل حاجه في الأوضة وبتبكي مش عايزه أسمعك مش عايزه أسمعكم كلكم… اااااااه.
فريده والبنات سمعوا صراخها من برا وحاولو يدخلولها بس هي مردتش علي حد ولا فتحت الباب..
الحسن ووليد و رامي طلعو لقم فريده والبنات قعدين وبيبكوا علي بكاء رودي..
الحسن: أخد فريده في حضنه…يلاا يا فريده سبيها مع نفسها شويه وانتو يا بنات سيبوها لحالها شويه…
وليد و رامي أخدو البنات وراحو قعدو في الجنينه الخلفيه وهم زعلانين من اللي حصل..
و زين جه يتطمن علي حور ويروحها بعد اما وصل أخوه ووالده البيت..
بس هي رفضت و أتصلت علي والدها قالتله أنها هتفضل مع البنات علشان رودي..
ووالدها وافق انها تفضل معاهم لانه كان خايف علي رودي زيها وقلها تبقي تطمنه عليها…
وزين رفض يسيبها وقعد معاهم..
رامي: بتسأول.. هو معاد المؤتمر بتاع رودي أمتا؟
وليد: المفروض بكره الصبح.. الحرس هييجو يخدوها في موكب لأستلام المنصب و تسليم البحث..
زين: تفتكروا هتبقي مليحه لوقتها…
لين: بدموع.. رودي قويه وهتقدر..
ريحانه: أني زعلانه عليها جوي وزعلانه من رعد خوي جوي…
حور: فعلاً رعد مكنش لازم يصدمها فيه بالشكل ده هو خذلها وخالد كمان..
بقلمي: منه ممدوح ❤😎
Menna Mamdouh❤😎
وفي الوقت ده رعد كان قاعد في بلكونة أوضته وبيسمع بكاء رودي وهو ندمان علي تصرفه الغبي ده وزعلان أنه كان السبب في بكاها.. ونفسه يروح أوضتها ويأخدها في حضنه بس عارف أنه كده هيخليها تكرهه أكتر… وفجاه سمعها بتكلم حد في الفون..
رودي: بتسمع صوت الفون بتشوف مين المتصل.. بتمسح دموعها وبتبتسم أبتسامه بسيطه.. الوو..
المتصل: اممم حساكي زعلانه أحكيلي مالك؟
رودي: بسخريه..دا علي أساس أنك ماشيه بأحساسك أوي حبيبتي أنتي عايشه مع حيوانات مفترسه.. غريبه أنك تتكلمي عن الاحساس كده أقلق وأعرف أنك عملتي مصيبه…
المتصل: حبيبتي اللي فهماني.. احم
رودي: بيأس منها أحكي يا مصيبة حياتي عملتي أيه…أوعي تكوني موتتي شراكن..
المتصل: والله ما حصل شراكن لسه عايش… بس أنا اللي….
رودي: بنفاذ صبر أحكي عملتي ايه؟؟
المتصل: والله ما عملت حاجه.. دول هما اللي عيزين يقتلوني لاني فضحتهم وكشفت أنهم بيقتلوا الحيوانات و بيتاجرو في العاج في السوق السوداء… أسكت يعني يرضيكي أسكت وهما عيزين يقتلوا جااكا وياخدو أنيابه يتاجروا فيها.؟
رودي:بعصبيه… وهما مين دول اللي بيتجراوو علي جااكا؟؟
المتصل: تجار عاج من نيجريا عارفه مين زعيمهم؟؟
رودي: بغضب.. مين؟
المتصل: ماركو جيم..
رودي:بسخريه..امم شكله محرمش من أخر مره بس عندي المره دي لازم أنهيه متقلقيش أنتي وروحي المكان السري بتعنا وأنا هبعتلك حرس حالاً..وكلها يومين وأكون عندك بس أخلص اللي ورايا هنا…
المتصل: أوكي.. بس متفتكريش أني ماخدتش بالي بس سيباكي براحتك لما نتقابل…
رودي.: بحزن: لما نتقابل هحكيلك… وقفلت معاها وقامت غيرت هدومها و نزلت تحت بسرعه…
كل ده و رعد كان سامعها وسمع المكلمه كلها ومستغرب كل الاسماء اللي سمعها دي..
رعد: بتساؤل.. مين ماركو ده؟ ومين جاكا؟ ومين شراكن؟ ومين اللي هي كلمته ده أصلاً؟ وأيه علاقة رودي بتجار العاج؟.. لا وكمان مجرم خطير من نيجيريا…
رعد: بغيره…لا وبتقوله أنها هتسافرله…
دا أنا أقتلها وأقتله وأقتل نفسي واخلص..
ونزل رعد وراها بسرعه بس ملقهاش فضل يدور عليها في القصر كله مش موجوده….
رودي: الووو..أكرم قابلني في الجبل اللي كنت خاطفني فيه حالاً..
أكرم: ثواني واكون عندك جميلتي…. وداعاً.
وبيروح أكرم للمكان…. وفجأااه……؟؟؟؟؟؟؟؟
___________________________________________________________
________________
___________
ياترا أيه اللي هيحصل؟؟؟
ومين اللي رودي كلمتها دي؟؟
ومين كل اللي قالت عليهم وايه دخل رودينا بتجار العاج؟؟؟