رواية احببت صغيرتي الفصل الثالث 3 بقلم إسراء ابراهيم
رواية احببت صغيرتي الجزء الثالث
رواية احببت صغيرتي البارت الثالث
رواية احببت صغيرتي الحلقة الثالثة
اتفاجئ عمر بجميلة وهيا واقعة عالارض مغمي عليها وهاجر جمبها منهارة من العياط والخوف واول ما شافت عمر قالتله بلهفة:
ابيه عمر الحق ماما والنبي معرفش مالها
عمر جري علي جميلة وشالها دخلها اوضتها وعمل الازم وبعد شوية فاقت بتعب وبصت لهاجر اللي واقفة خايفة ومرعوبة ومدت جميلة ايدها ليها بحنان فاترمت هاجر في حضنها وهي بتعيط بحرقة وعمر كان قلبه بيتقط*ع عليها وهو شايفها كدة
هاجر اتكلمت بعياط وهيا متبتة في جميلة:
ليه تعملي فيا كدة انا كنت هموت من الخوف عليكي
جميلة عيونها دمعت وخافت علي هاجر اكتر لانها ضعيفة اوي ومتعلقة بيها فبصت لعمر وهو فهم اللي بيدور في دماغها وحرك راسه ليها كأنه بيأيد قرارها فاتنهدت حنان وقالت بتعب:
هاجر انتي كبيرة دلوقتي ولازم تسمعيني وتفهمي اللي هقؤله لازم تبقي قوية يا هاجر عشان هتكوني لوحدك
هاجر خرجت من حضنها وبصتلها باستغراب وقالت بخوف:
لوحدي ازاي انا مش لوحدي انتي معايا وعمرك ما هتسبيني ومسكت ايديها وكملت مش كدة يا ماما
جميلة عيطت وحركت راسها يمين وشمال وقالت بحزن:
علي عيني يا بنتي بس مش بأيدي انتي مؤمنة وعارفة ان الانسان مبتلي وانا الحمد لله راضية بس خايفة عليكي هاجر انا تعبانة عندي كانسر ومش هعيشلك العمر كله يا بنتي
هاجر قامت وقفت وهيا بتحرك راسها يمين وشمال بع*نف وبتقؤل بغضب:
لا انتي بتكدبي عليا انتي كويسة بس زعلانة مني صح عشان كدة عايزة تسيبيني
جميلة بعياط وهي بتحاول تقوم:
حبيبتي انتي مش لوحدك عمر هيبقي معاكي ومش هيسيبك ابدا هو وعدني بكدا
هاجر بصت لعمر فجأة وفهمت سبب عصبيته امبارح و طلب جوازه منها فبصتله بغضب وقالت:
انتو كدبتو عليا انتو كلكم مش بتحبوني وبصت لامها وقالت وانتي كمان مش بتحبيني عشان كدة عايزة تسيبيني وتمشي وسابتهم وجريت علي برة وجميلة بتنده عليها كتير بس هيا مردتش فجميلة بصت لعمر برجاء
وقالت:
عمر روح وراها احسن تعمل في نفسها حاجة روح بسرعة
عمر حرك دماغه بإيجابية وسابها وجري علي برة ورا هاجر
………………………………..
في الكلية عبد الرحمن كان قاعد في الكافتريا لحد ما دخل محمد صاحبه ولما شافه قرب منه بسرعة وقعد وهو بيقؤل باستغراب:
معقؤلة متحضرش محاضرتها طب ازاي دي اول مرة تعملها بقالك سنتين مش بتفوت محاضرة واحدة
عبد الرحمن بصله بضيق وقال:
انا تعبت يا محمد هيا مش راضية تسمع ولا تفهم طب حتي تديني اشارة بس وتشوف انا هعمل عشانها ايه
محمد بصله بغموض وقاله:
للدرجادي بتحبها يا صاحبي
عبد الرحمن اتنهد بحزن وقال:
اوي يا محمد كل حلمي انها تكون من نصيبي
محمد كان متردد انه يتكلم بس حسم قراره وقال يتنهيدة:
كانت بتدور عليك انهاردة
عبد الرحمن استوعب الكلمة ثواني بس فجأة اتعدل بلهفة وقاله وهو بيمسك ايده:
انت قولت ايه يا محمد
محمد ضحك علي شكل عبد الرحمن ولهفته وقاله بتريقة:
والله انت خلاص لسعت مش مصدق ان الحب يعمل في الراجل كدة ياض انشف مش كدة
عبد الرحمن بنفاد صبر:
يا محمد قول بقي يعني ايه كانت بتدور عليا؟
محمد بصله واتكلم بجدية:
ايوة يا عبد الرحمن انهاردة لما دخلت المحاضرة كنت مركز في الشرح بس حسيتها عمالة تدور بعينها عليك ولما بصتلي حسيت كانها بتسألني بعنيها انت فين ولما لقتني ركزت في تعبيراتها اتوترت وخلصت المحاضرة وخرجت علطول
عبد الرحمن فجأة ابتسم ورجعله الامل من جديد وقام حضن محمد بفرحة وجري خرج من الكافتريا ومحمد اتصدم من اللي عبد الرحمن عمله وقال وهو بيضحك بصدمة:
نهار اسوح الواد مخه ضر*ب خالص يا عيني
…………………………………..
كانت قاعدة هاجر علي سور النيل وعمالة تعيط بحرقة وكل تفكيرها ان امها هتسيبها وتمشي وهتبقي لوحدها قرب عليها عمر اللي اتنهد براحة اول ما لقاها وقعد جمبها وهو باصص للنيل وبيقؤل:
هتفضلي تعيطي كدة كتير
هاجر مسحت دموعها بع*نف وقالت:
انت مش دكتور عالجها خليها كويسة خليها متسيبنيش
عمر بصلها بحزن وصعبت عليه فقال بحنان:
هاجر مامتك دلوقتي محتجالك اوي مش لازم تنهاري وتبينيلها انك ضعيفة خليها تبقي مطمنة عليكي حاولي تخبي حزنك وتفرحيها انتي كبيرة وفاهمة انا بقؤلك ايه لازم تكوني قوية عشانها عشان هيا تبقي مرتاحة
هاجر سندت دماغها علي كتفه بتعب واتنهدت بحزن وهيا بتفكر ان عمر عنده حق في كل اللي ببقؤله فقالت بهدوء:
حاضر يا ابيه عمر
عمر ابتسم وقالها وهو بيقوم وبيقومها:
طب يلا نرجع عشان مامتك خايفة عليكي اوي ولازم نروح نطمنها
هاجر حركت راسها بإيجاب ومشيت معاه لحد ما وصلو البيت وقبل ما يطلعو سوا اتفاجئ عمر برنا بتوقف عربيتها وبتنزل منها وبتقرب عليهم وهيا بتقؤله بلهفة:
عمر حبيبي انت كويس قلقتني عليك اوي
عمر اتوتر وبص لهاجر اللي كانت مصدومة من اللي حصل وعقلها بيردد كلمة رنا وهيا بتقؤل لعمر حبيبي فبصت لعمر وسابته ودخلت البيت وعمر نفخ بضيق وقال:
احم رنا انتي ايه اللي جابك هنا دلوقتي يا رنا
رنا باستغراب وحزن:
بقي كدة يا عمر يعني انا كنت خايفة عليك عشان اتأخرت ومجتش وخصوصا اما كلمتك كتير ومردتش عليا وجيت اطمن عليك وفي الاخر تقؤلي جاية ليه
عمر بصلها بأحراج وقال بتوتر:
اسف يا حبيبتي بس انا كنت مشغول شوية
تقدري تروحي انتي وانا شوية وهحصلك تمام
رنا بابتسامة وحب:
ولا يهمك يا حبيبي بس هيا مين دي اللي كنت داخل البيت معاها
عمر اتوتر وقال بجدية:
دي تبقي قريبتي هبقي احكيلك بعدين المهم روحي انتي وخدي بالك من نفسك
رنا ابتسمت وقالت برقة:
اوك بيبي يلا بااي وسابته ومشيت وعمر اتنهد بضيق وطلع بسرعة علي فوق
……………………………………….
خبط عبد الرحمن علي مكتب نورهان وفتح الباب ودخل بفرحة بس وقف مكانه بصدمة وهو شايف واحد واقف قدام نورهان وماسك ايدها بيبوسها ونورهان اول ما شافت عبد الرحمن اتوترت وشدت ايدها بسرعة وغضب وهيا بتبص للشخص ده اللي بص لعبد الرحمن وقال بغرور:
هيا وكالة من غير بواب مش في باب تخبط عليه يا بني ادم انت
عبد الرحمن كان مصدوم من اللي شافه فقال بهدوء:
اناا اسف مقصدش ادخل علي غفلة
نورهان بصتله بحزن وبصت للشخص وقالتله:
لو سمحت يا معتز اتفضل عشان عايزة اشوف شغلي
معتز بصلها وابتسم بغرور وقال:
تمام يا نور هكلمك بليل وابقي ردي هه سلام وسابهم وخرج
نورهان اتنهدت بحزن وراحت قعدت علي مكتبها وبصت لعبد الرحمن وقالت بهدوء:
اقدر اساعدك في حاجة يا عبد الرحمن
عبد الرحمن قرب منها ومسكها من دراعها وقومها وهو بيقؤلها بغضب جحيمي:
مين ده وازاي تسمحيله يقرب منك ويمسك ايدك ويبوسها
نورهان بصتله بحزن وقالت بتعب:
لو سمحت يا عبد الرحمن الزم حدودك وياريت متدخلش في حياتي و..
قطع كلامها عبد الرحمن وهو بيقربها منه وبيقؤل بغضب اكبر:
متختبريش صبري يا نورهان عشان انتي لسة مشوفتيش عصبيتي
نورهان انهارت وقالت بدموع وهيا بتقعد:
ده معتز خطيبي اتخطبنا امبارح ارتحت كدة اخرج برة بقي وملكش دعوة بيا
عبد الرحمن وطي وقرب منها وهو بيشاور علي نفسه:
طب وانا بالنسبالك ايه هه اتخطبتيله وانتي عارفة اني بحبك وكنت بشوف نظرة الحب في عنيكي انتي كمان . انتي ازاي قدرتي تعملي فيا كدة ازاي قدرتي تخدعيني بملامحك اللي زي الملاك انتي طلعتي شيطانة
قال كدة وسابها ومشي وهيا حطت وشها بين ايديها وبقت تعيط بانهيار
…………………………………
كانت هاجر حاضنة جميلة امها وبتعيط وهيا وبتقؤلها بندم:
انا اسفة حقك عليا يا ماما انا بس كنت مصدومة ، ماما انتي هتتعالجي وهتكوني كويسة
طبطبت جميلة علي ضهرها بحنان وهيا بتقؤل:
انا عارفة يا حبيبتي. تعرفي انا مكنتش عايزة اقؤلك عشان متنهاريش كدة بس قولت لا لازم تعرفي عشان تبقي مستعدة والصدمة متكونش كبيرة عليكي
هاجر حضنتها اكتر بخوف:
لا متقؤليش كدة هتبقي كويسة ان شاء الله انا عندي ثقة في ربنا كبيرة وان شاء الله هتخفي
جميلة بصتلها بحب وباستها من دماغها وقالتلها:
ان شاء الله يا حبيبتي تعرفي انا مبسوطة انك هتتجوزي عمر وكدة هبقي مطمنة عليكي اكتر
خرجت هاجر من حضن جميلة بسرعة وهيا بتقؤل:
بس انا مش هتجوز عمر يا ماما
جميلة بصتلها باستغراب وقالت:
ليه ده انتي كنتي فرحانة وبعدين مش هنكدب علي بعض انا عارفة انك بتحبيه يا هاجر
هاجر ابتسمت وباست امها من دماغها وقالت بحزن:
بس هو مبيحبنيش يا ماما وانتي برضه عارفة
جميلة اتنهدت بحيرة وقالت:
مش هتفرق يا هاجر انتي بشطارتك بعد الجواز تخليه يحبك
هاجر قامت وقالت بحزن:
وانتي يرضيكي ان بنتك كرامتها تتهان كدة لا يا ماما انا عمر هطلعه من قلبي وحياتي وهو خليه مع اللي بيحبها وعايزها لكن اتجوزه غصب عنه او يتجوزني شفقة لا مش هيحصل
جميلة بصتلها بحب وقالت وهيا بتفتح دراعتها:
ماشي يا عندية بس تعرفي عندك حق
هاجر ابتسمت ودفنت نفسها في حضن امها وهيا بتستمتع بيه و بتقؤل بغرور مصطنع:
طبعا يا ام هاجر انا دايما عندي حق وضحكو هما الاتنين سوا بصوت عالي
………………………………….
تاني يوم كان الكل متجمع في بيت جميلة المرادي وكانه كلهم حواليها حتي عبد الرحمن مراحش جامعته وكذلك عمر مراحش المستشفي بس كلم رنا طمنها وكان الجو كله هزار وضحك وفرحة لحد ما سهير اتكلمت وهيا بتبص لهاجر اللي في حضن جميلة:
ها يا جميلة مش هتحددو كتب الكتاب امتي ولاانتو بتتقلو علينا
هاجر رفعت راسها وهيا في حضن جميلة وبصتلها بحزن وجميلة برضه بصتلها وابتسمت وهيا بتحرك راسها وبعدين بصت لسهير وقالت بهدوء:
هاجر مش عايزة تتجوز عمر يا سهير وانا مش هغصبها علي حاجة طول منا عايشة
عمر اتصدم وبص لهاجر اللي حاولت تتجنب نظراته وكانت باصة قدامها بشرود
سهير استغربت وقالت:
ازاي ده مش كنتي موافقة يا هاجر ايه اللي غير رأيك
هاجر بصت لعمر ورجعت بصت لسهير وقالت بمرح :
ايه يا سوسو انتي كنتي طمعانة فيا عشان امسحلك الشقة كل يوم مش كدة طب مش هيحصل بقي
ضحكت سهير وقالت بجدية:
ليه بس يا هاجر انتي مش عايزة تطمني امك عليكي وبعدين هو عمر وحش ده قمر اهو
ضحكت هاجر وقالت بهزار: لا يا ستي ده ابيه مينفعش اتجوزه وبعدين انا عايزة واحد شباب كدة انما ابيه عمر عجوز
عمر بصلها بصدمة و………..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية احببت صغيرتي)
