رواية صغيرة الأدهم الفصل الرابع 4 بقلم نوران أحمد
رواية صغيرة الأدهم البارت الرابع
رواية صغيرة الأدهم الجزء الرابع
رواية صغيرة الأدهم الحلقة الرابعة
ااتفاجات نسمه بصفعه قويه علي وجهها لتنظر بغضب وتقول : انتي ازاي تعملي كدا انتي متخلفه
نور بغضب : وانتي ينفع اللي عملتيه في ميرا
حور كانت بتحاول تهدي نور : اهدي يا نور مش في الجامعه
نسمه : مش ذنبي انها واحده شمال وجايه تعمل عليا انا شريفه
نور حاولت ابعاد حور لتضربها وقالت : دي انضف من 10 زيك يا زباله بس هقول اي ما هو الشمال شايف كل اللي حواليه زيه
اتعصبت نسمه من كلامها وكانت ناويه تضربها لولا دخول الدكتور فتصنعت البكاء بسرعه : يا دكتور ضربتني قدام الناس واهانتني اهانه كبيره
الدكتور : قدامي انتم الاتنين علي عميد الكليه
نسمه للعميد بدموع : حضرتك انا عايزه اتخذ إجراء معاها كلامها آذاني نفسيا كدا وضربتني قدام الدفعه كلها وسمعتني باظت بسببها
نور بسرعه : حضرتك البنت دي كذابه
العميد : انتي ضربتيها
نور : ايوه
العميد : تمام هتاخدي فصل من الجامعه اسبوع لو اتكرر تاني هتتحرمي من دخول الامتحان
ابتسمت نسمه بانتصار وشماته في نور
دخل شاب وقال : حضرتك انا عندي كلام عايز أقوله عن اللي حصل بين البنتين دول
العميد : اتفضل
حازم : حضرتك الانسه نسمه قالت كلام جارح جدا علي صديقه الانسه نور واعتقد ده سبب المشكله واللي خلي الانسه نور تعمل كدا
العميد : الكلام ده حصل
نسمه بدموع : يا فندم حضرتك انا مكنتش اقصد حاجه هما عشان صحاب بيتفقو عليا
حازم : حضرتك ده اللي حصل وعندي زملاء يشهدو بكدا
العميد : تمام نسمه انتي مفصوله اسبوع ده علشان غلطك بالكلام علي زميله ليكي وكذبك عليا
اما نور انتي مفصوله من الجامعه يومين وده لان تصرفك في انك تضربي حد من الجامعه غير مقبول ولو جتلي اي شكوه منكم تاني انا هتخذ إجراء مش هيعجبكم ابدا اتفضلوا
حور بقلق : اي يا نور حصل اي
نور بضيق : اتفصلت يومين لولا الشاب اللي دخل ده كان زمانه اسبوع
حور : واجب عليكي تشكريه
نور : بس يا ماما يلا نشوف عنوان ميرا اي عايزه اطمن عليها
حور : طب خليكي بكرا اجي معاكي عشان عندي محاضرات
نور : تمام انا هروح بقا سلام
خرجت نور بتفكر في ميرا وقلقها زياده وبتفكر في عمها وهي قلقانه يا تري يا دنيا مخبيه ليا اي تاني تعبت
وفي طريقها للبيت شافت واحد باين عليه الإجرام وأنه خطير بيجري ووراه شباب كتير
فرصتك جت يا بت يا نور طلعي غلك بقا استخبت في مكان ضيق ومسكت شومه كبيره من علي الارض واول ما الشخص ده جه يعدي ضربته علي رأسه بقوه
سقط الرجل ومسك رأسها وقال : انتي متعرفيش لعبتي مع مين ده انتي ليلتك سوده وجه يقرب منها ويمسك ايديها ضربته بقوه تحت الحزام أبقا شوف انت بقا يا حليتها لعبت مع مين وخلي بالك من كلامك
وصل أسر وبعض زملائه ونظر لنور فتره لحد ما قال : ما شاء الله عليكي يا انسه ضربتي ومسكتي مجرم خطير جدا مع انو مايبنش عليكي خالص
نور : ايوه يعني انت عايز اي هتديلي مكافئه علي تصرفي ده ولا لا
اسر : اكيد بشكر حضرتك انك ساعدتينا
ابتسمت وقالت : تمام سلام
***********
اول ما دخلت حور المحاضره سمعت البنات بيتكلموا عن دكتور جديد
البنت الأولي : بيقولو أنه مز اخر حاجه
البنت التانيه : لا وكمان شاب صغير
البنت الثالثه : يا بنتي ده بيقولو أنه عصبي وشديد جدا وبيسقط
البنت الأولي : حد يطول يبقا مع المز ده ويسيبه ويمشي ده يا بخت البنات اللي هتسقط معاه كفايه أنهم هيشوفو القمر ده علي طول يا خرابي علي جماله
ضحكت حور في سرها اي العيال التافهه دي الواحد ما بيصدق يطلع سنه احنا ناقصينه ده كمان
دخل الدكتور وبدأت البنات تبصله بإعجاب شديد ويتكلمو عن قد اي هو جميل
لفت انتباهه حور اللي كانت قاعده بعيد عن البنات والولاد في مكان بعيد لوحدها ومرفعتش عيونها من علي الاسكتش بتاعها انتبه لنفسه وبدأ بشرح المحاضره
*************
في المستشفي
الممرضه : دكتور مازن محتاجين حضرتك في حاله مستعجله ضروري
ذهب بسرعه مازن ليتفقد الحاله وبعد الانتهاء خرج ولفت انتباهه بنت جمالها الطبيعي والهادي ورقتها خدودها و أنفها المحمرين من كثره البكاء كم كان منظرها لطيف بالنسبه له ولاكن شعر بالم في قلبه لنزول دموعها
ذهب اليها مازن وقال : في حاجه يا انسه اقدر اساعدك في حاجه
شهد بدموع : حضرتك بابا وماما جوه كل شويه حد يدخل ويطلع عايزه اطمن عليهم ومش عارفه
مازن : الف سلامه عليهم خليكي هنا وانا هدخل اشوف الوضع عامل ازاي واطلع اطمنك
شهد : ياريت لو مش هتعب حضرتك
دخل مازن : اي الاخبار يا دكتور يوسف
الدكتور يوسف : واحده من الحاله سكته قلبيه وبنحاول نعمل اللي نقدر عليه والتانيه في غيبوبه
مازن : في امل في علاجهم يطلعو بخير
دكتور يوسف : الحجه الكبيره معتقدش بس الاب ممكن واحنا بنحاول نعمل اللي نقدر عليه بردو
مازن : تمام شكرا جدا وخرج
شهد جريت عليه بسرعه : ها هما بخير
مازن بيحاول يطمنها : هيكونو بخير متقلقيش المهم دلوقتي روحي كلي وارتاحي وابقي تعالي بكرا شوفيهم
شهد بدموع : مش همشي من هنا غير وهما معايا
مازن : اسمعي الكلام يا انسه وجودك هنا ملوش لازمه روحي ارتاحي
شهد : ولو حصلهم حاجه
مازن : متقلقيش انا هبات معاهم النهار ده وعايزه تاخدي رقمي تتصلي عليا في اي وقت تطمني خديه
شهد : تمام ياريت حضرتك
مازن : تمام هاتي رقمك هتصل بيكي وانتي سجليه
شهد قالت له الرقم
مازن : حضرتك انسه ؟؟؟
شهد : اه حضرتك اسمي شهد
مازن : تمام يا شهد رن عندك اهو سجليني انا مازن
شهد : تمام شكرا جدا يا دكتور
خرجت شهد من المشفي وهي بتفكر هتجيب فلوس المستشفي دي منين بس واتفتكرت اللي وصل أهلها الحاله دي
فلاش باك
كانت شهد في محل الجزاره بتجيب لحمه وكانت بتكلم صاحبتها منه : يا بنتي مش عارفه اجيب الكتب دي منين الكتب مهمه جدا عندي وكل ما اكلم بنت تقولي لا انا محتفظه بيهم ومش هقدر اطلعهم كأنه كنز خلاص تمام يا قلبي هكلمك أما اروح سلام
كريم ابن الجزار : كتب اي اللي محتاجاها يا انسه شهد
شهد : ولا حاجه متشغلش بالك
كريم : اصل انا عندي كتب كتير ممكن يكون منه
شهد : بجد ياريت
كريم : بصي هدي الكرت بتاعي اهو كلميني عليه واكتبيلي اسم الكتب اللي محتاجاها ولو عندي هقولك
شهد بفرحه : تمام شكرا جدا
وروحت البيت حكت لمامتها كل اللي حصل
شهد : ماما هو انا كدا صح ولا حرام عليا
ام شهد : يا حبيبتي ادام هتتكلمي في حدود الزماله وبحدود واحترام فين المشكله
شهد : اصلا مش مؤمنه بالصداقه بين الولد والبنت
ام شهد : يا بنتي الدنيا اتغيرت ولازم تتعاملي مع الناس طبيعي جدا في شغلك تعاملي شباب
شهد : تمام يا ماما
بعت شهد لكريم السلام عليكم وبعت اسماء الكتب اللي محتاجاها
بدأ كريم يبعت لشهد كتير يطمن عليها وبعت ليها كتب وقال ليها تيجي تاخدهم من المحل في اي وقت وشكرته شهد
كانت في بنت اسمها هديه بتاخد درس عند شهد وام هديه دايما تطلب منها حاجات وفي يوم ما بعد ما خلصت شهد دراستها اخيرا لقيت ام هديه وواحده معاها
ام هديه : متروحي يا ام شهد تعملي حاجه نشربها كدا
قامت ام شهد
ام هديه وهي بتبص علي شهد ولاويه بوزها : احنا جايينلك بخصوص كريم
شهد ببراءه : ايوه ماله
ام هديه بعوجه بق ومش عاجبها كلام شهد ولنظره ضيق : يعني انتي مش عارفه احنا جايين ليه
شهد : لا مش عارفه
ام هديه : مش بتكلمو بعض اكيد قالك
شهد : لا معرفش حاجه هو في اي
ام هديه بنضره مستفزه وضيق هي وام كريم : جايين نطلب ايدك لكريم
انصدمت شهد ومبقتش عارفه تعمل اي واول ما مامتها دخلت جريت شهد علي غرفتها ولقت اخت كريم داخله عليها وبتقول : ده ماما وبابا كانو رافضين أنهم ييجو بس كريم فضل يكسر في مرايات البيت كلها وساب البيت ومشي فتره لحد ما ماما وافقت انها تيجي عارفه لما تتجوزو انا هفضل طول النهار عندك في البيت وفي البانيو بتاعكم علي فكره ماما قالت ليا أفتش في الفون بتاعه واشوفه بيضحك مع مين وبيكلم مين ولقيته انتي وشوفت الهديه اللي هو جايبهالك وكنت عارفه انك حبيبته مش بيخلي حد يقرب من اي حاجه هو جايبها ليكي واخويا قال لماما أن حبيبته بتجيله المحل وأنها انتي
صدمت شهد واحمرت خجلا وبعتت لكريم : مامتك عندنا
كريم : بجد مش عارفه اقولك اي انا محروج جدا
وبعت كريم صوره للحلويات وأنه المره الجايه لما نوافق عليه هييجي بيها وبعت صور لرزم فلوس كتير وقال ده مرتبي في الشهر وان الف مين يتمناه
كانت شهد مكسوفه جدا ومش عارفه تعمل اي خصوصا وأنها مش مرتاحه ليه خالص
بعد ما مشيو الناس دخلت امها عليها : ها ياشهد اي رايك
شهد : لا يا ماما خالص
ام شهد : انا بردو بقول كدا تمام يا حبيبتي هقول لابوكي ونرفضهم
رفضت ابو شهد العريس بطريقه محترمه جدا أنه ممتاز بس بنته لسه بدري عليها ومش هتتجوز من هنا فضل كريم يبعت ناس كتير لاهل شهد يقنعوهم ولاكن كانو دايما بيرفضوا
وفي يوم شهد : ماما انا هروح عندي حفله ارسم فيها علي وشوش الاطفال كويسه وبعدها هروح حديقه العاب ارسم وشوش للاولاد وبعدها هروح احاول ابيع لوحاتي وأشوف شغل واجي
ام شهد : تمام يا قلبي خلي بالك من نفسك يا حبيبتي
قبلت شهد امها وخرجت
بعد ما رجعت البيت وهي تعبانه جدا اتفاجات بالبيت كله متكسر واهلها واقعين علي الارض ووووو
كدا خلصت حلقتنا استنونا في بارت جديد مع السلامه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية صغيرة الأدهم)
