رواية صعيدي دمر لي حياتي الفصل الثالث عشر 13 بقلم أيات الرحمن
رواية صعيدي دمر لي حياتي الجزء الثالث عشر
رواية صعيدي دمر لي حياتي البارت الثالث عشر
رواية صعيدي دمر لي حياتي الحلقة الثالثة عشر
كلنا دلوقتي عايزين نعرف كنزي شافت ايه وايه الدم اللى كان على الأرض وايه اللى صقر اخده من الاوضه المقفوله تابعوا معايا
….
كنزى لما شافت دم على الأرض طلعت تجرى على الباب بس لقيته مقفول حاولت تفتحه مفيش فايده
حست كأن في حد واقف وراها
بتلف بخوف شديد تشوف قطه سوداء اللون بشعة المنظر
كنزى: عااااااااا بابا ااااااا
القطه كانت ثابته مكانها مش بتتحرك خالص ومفيش حد سامع صوت كنزى
كانت نظرات القطه لكنزى نظرات مرعبه جدا وفيها بعض الشر
كل حاجه كانت في الاوضه بتتكسر حتى صور فهد والكتب كانت على الأرض
والصور كانت بتنزل دم
وكل ده وكنزي بتصرخ وب
تطلب من حد يساعدها ولكن مفيش حد سامع حاجه
#بقلمي_أيات_عبدالرحمن
وفجأة اغمى عليها
فاقت كنزى وكان متركب في ايديها محلول
خيري بخوف عليها: ألف سلامة عليكي يا حبيبتي ايه اللي حصل معاكى عشان اغمى عليكي
كنزي حكت على كل اللى شافته في الاوضه بس بتعب
خيري: بس انتى ماكنتيش في الاوضه انتى وقعتى من على السلم
حتى راسك انجرحت
كنزي: لا يا بابا انا كنت جوا في الاوضه المقفوله والقطه
خيري: هششش بلاش تخاريف
كنزي: لا والله يا بابا دى مش تخاريف
خيري: طب ممكن تهدي
كنزي: حاضر بس ارجوك خليك معايا
خيري: حاضر
ونامت كنزى ومر على كل الكلام ده اسبوعين
في خلال الاسبوعين دول كنزى كانت بتشوف كوابيس مرعبه اوى وفى كل مكان تقف فيه تحس ان في حد معاها
وبقيت تشوف تخيلات
فهد خرج من المستشفى ورجع البيت
وطبعا زى ما اتفقنا أنه فاقد الذاكره
الجد: نورت بيتك يا ولدي
فهد هز رأسه وخلاص
بدريه: حمد الله بالسلامه يافهد بيه
فهد هز رأسه ليها
نهال بهمس لمحمد: هو الدكتور قال إنه فقد الزاكره صح
محمد: ايوه
نهال: طب هو ليه مش بيتكلم
محمد: ماخابرش عاد هو من وقت الحادثه وهو ما اتكلمش خالص
الجد: يلا ياصقر خد اخوك على جاعته عشان يرتاح
صقر: حاضر يا چدى
فهد اول مادخل اوضته كان بيبص فيها بإستغراب وكأنه اول مره يشوفها
صقر: ادخل يا خوي
ودخله وسنده لحد ما نيمه على السرير
صقر: فهد اخليهم يحضروا الوكل
فهد بيبص ليه وساكت
صقر: مالك يا فهد فيك ايه
طب رد طيب
فهد: هو انت مين
صقر: يا فرج الله
فهد: هو ده اسمك
صقر: واخيرا نطقت
فهد: وده اسم والدك
صقر: أسمى واسم والدى مين
هو مش لسه چدى قايل لى صقر جدامك
فهد: صقر دا اسم انسان
صقر: لا حيوان
فهد: ووالدك اسمه ايه
صقر: محمد
فهد: ازاي
صقر: مش فاهم حاجه ازاى يعنى
فهد: انت صقر ووالدك محمد
صقر: طب ما انت فهد وابوك محمد
فهد بإستغراب : هو انا اسمي كده فعلا
صقر: لا مستعار
فهد: كويس
صقر: هو ايه
فهد: أن مش أسمى كده
صقر: ارتاح يا خوي شكلك هتفضل في الرحلة دى كتير جوي جوى
فهد: هو يعني ايه جوى
صقر: يعنى اوى بس بلغة الصعيد اسمها جوى
فهد: وانت صعيدي
صقر: يعني نص صعيدي ونص مصرى
فهد كان بيبصله من تحت لفوق
صقر: هو انت بتبصلى كده ليه
فهد : هو انت اتنين في بعض
صقر: لا انا واحد بس
فهد: طب ليه بتقول نص ونص
صقر: هو احنا هنرقص
فهد: هو انت بتعرف ترقص
صقر: هو انت فاقد الذاكره ولا اتخبلت فمخك
فهد: يعني ايه اتخبلت
صقر: يعنى ربنا يديك الصحه
فهد: شكرا
صقر: عايز حاجه
فهد: ايوه
صقر: اللهم طولك يا روح
فهد: انا خايف
صقر: فهد الدمنهوري بنفسه خايف
فهد: مين الدمنهوري ده
صقر: لا دا انت عايز قلب سليم
الباب خبط وبدرية دخلت ومعاها الغداء لفهد
بدريه: تؤمر بحاجة تانيه يا صقر بيه
صقر: بالله عليكى جولى لاى حد ياجى ينقذنى
بدريه: ليه كفى الله الشر
صقر: من ده
بدريه: دا فهد بيه كيف قطعة السكر
صقر: طب خليكى معاه
وطلع وسابها
شويه وبدرية نازلة وعايزه حاجه للصداع
الجد: فهد كل يابدريه
بدريه: ها دا معايزش ياكل ديه عايز راديون يقعد جاره انا مش مصدقه أن ده فهد بيه اللى الكلام كان بيطلع منه بالجطاره
صقر: صدقتنى يابوي
محمد: عايز يعرف كل حاجه في البيت ياولدى هو مش كان عايش فيه
بعد شويه كنزي طلعت عند فهد
كنزي: ازيك يا فهد عامل ايه
فهد: الحمد لله انتى مين
كنزى: انا كنزى
فهد: كنزى مين
كنزي: مراتك
فهد: قولى والله كده
كنزي: والله
فهد: انا متجوز كمان هو انا ممكن أسألك سؤال
كنزي: اتفضل
فهد: هو انتى اتجوزتى ازاي
كنزي: قضاء وقدر
فهد: كنتى بتحبيني
كنزي: موت
فهد: قولى والله
كنزي: استغفر الله العظيم يا رب
فهد: هو انتى حلوة كده ازاى
كنزى: زى الناس
فهد: هما الناس حلوين كده
كنزي: اكيد
فهد: ممكن اشوفهم
كنزي: هما مين
فهد: الناس
كنزى: لما تخف شويه اوعدك هخليك تشوفهم
مر اسبوع وفهد مجنن كل اللى فى البيت بأسئلته
وحوالي من الساعه ٢ونص بالليل وفاء صحيت من نومها وعايزه تشرب لقيت مفيش ميه وطبعا لو صحت صقر هيرميها من الشباك
قامت ودخلت على المطبخ وشربت وهي راجعه شافت فهد ماشي على رجليه
وفاء: فهد معقول بس فهد متجبس
ازاى يمشي
وفاء من النوع الجبان أوى بس الفضول خدها انها تمشي وراه وتشوف هو هيروح فين
فهد ماشي وهي وراه لحد ما وقف مره واحده ولف ليها
وفاء بصراخ عالى اوى: صقققققققر عااااااااا صقققققققر واغمى عليها
وفاء شافت ايه من فهد خلاها تصرخ كده مع العلم أن فهد نايم فوق
هو وكنزي
يتبع…
لقراءة الفصل التالي : اضغط هنا
لقراءة الرواية كاملة اضغط علي : (رواية صعيدي دمر لي حياتي)
