رواية صراع عائلي الجزء الثاني الفصل الأول 1 بقلم رنا سليمان
رواية صراع عائلي الجزء الثاني البارت الأول
رواية صراع عائلي الجزء الثاني الجزء الأول
رواية صراع عائلي الجزء الثاني الحلقة الأولى
داليدا:يا نور حرام عليكي نفسك …….انتي مكلتيش حاجة من الصبح كده هيجرالك حاجة يا نور
علياء:هو انتي فاكره اللي انتي بتعمليه دا هيرجع دادة رحمه؟!…….تبقي غلطانه يا نور انتي كده بتموتي نفسك ب البطيء يا نور
نور:يا رب اموت وارتاح من كل حاجة
فاطمه:بعد الشر عليكي يا نور……اية اللي انتي بتقوليه دا يا حبيبتي
نور:عايزني اعمل ايه بعد اللي حصل دا يا فاطمه……..دادة اتقتلت وانا وانتو عارفين كويس اوي مين اللي عمل كده……..اخواتكم هربوا من السجن علشان ياخدوا حقهم مني علي اللي عملته فيهم دا ……..هما عارفين كويس اوي اني قد ايه بحب دادة رحمة وعلشان كده قتلوها والله اعلم الدور علي مين فيكم
علياء:انا مش عارفه هما هربوا من السجن ازاي
نور:مش مهم هربوا ازاي يا علياء……..المهم انهم هربوا وانهم مش ناويين علي خير
فاطمة:لا يا نور…….ان شاء الله يتقبض عليهم و يتحاسبوا علي اللي عمله دا
داليدا:ان شاء الله حق دادة هيرجع يا نور
نور:مش لما حق جدو يرجع الاول يا داليدا يبقي حق دادة رحمة يرجع
علياء:قصدك ايه يا نور
اتنهدت وبصيت قدامها بحُزن
نور:مقصدش حاجة يا علياء……..انا تعبانه وعايزه ارتاح شوية……..يا ريت تسبوني لوحدي لو سمحتم
فاطمة:يعني مش هتاكلي يا نور
هزيت راسها ب لا…….نامت علي السرير واديتهم ضهرها……..بصوا عليها بقلة حيلة وحُزن……..خرجوا من الاوضة وقفلوا الباب وراهم………اخدت تلفونها وبصيت علي صورتها معاها……..فضلت باصه علي الصورة وهي مانعه دموعها انها تنزل
قاعد علي الكنبه…….سرحان وبيفكر فيها……..قربت منه ومسكت ايده……..فاق من سرحانه وبصلها ب ابتسامة…….باس ايديها
اية:سرحان في اية؟!
حازم:مفيش………بفكر في اللي ممكن يحصل لو نور عرفت اللي بينا دا
اسيل:انا مش فاهمة انت ازاي بتخاف من اللي اسمها نور دي اوي كده…….هو احنا بنعمل حاجة عيب ولا حرام يا حازم…….حبيبي انا وانت متجوزين ووجودك هنا طبيعي جدا……..يعني حتي لو عرفت هي ملهاش عندك حاجه علشان تمنعك ولو مش عجبها تطلقها عادي يا حازم
حازم:لا يا اسيل…….انا بحب نور وانتي عارفه كده كويس…….وعمري ما هطلق نور ابدا……..وخلي بالك يا اسيل لو نور عرفت باللي بينا دا انا مش هرحمك ابدا
تلفونه رن……..بعد عنها ومسك التلفون…….رد عليه
حازم:خير
زياد:لسه فاكر ترد دلوقتي……..انا مش قولتلك تخلي تلفونك جمبك وترد عليا اول ما ارن عليك
حازم:مكنتش فاضي يا زياد وبعدين انت عايز مني اية تاني انا مش عملت اللي انتو عايزينه اية اللي عايزينه منه ولسه معملتهوش
زياد:هنستاك في بيت اسيل مراتك القديم ……..نص ساعة وتبقي عندنا علشان لو اتاخرت علينا انت عارف كويس اوي احنا ممكن نعمل ايه يا حازم
قفل في وشه السكه……..اتنهد بتعب ومكنش عارف يخلص من المصيبه اللي وقع نفسه فيها دي ازاي……حط تلفونه في جيبه……خرج بسرعه من البيت من غير ما يرد عليها ولا يكلمها
قاعدين علي الكنبة………ساكيتن ومحدش فيهم بيتكلم……..بدات تتكلم بحُزن
فاطمة:احنا هنفضل عايشين في الرعب دا كتير لحد ما فايز وزياد وكريم وحاتم يرجعوا السجن
علياء:عايزانا نعمل ايه يا فاطمة………احنا زودنا الحراسه هنا وفي الشركة ومفيش حد فيهم بيمشي من غير حراس هنعمل ايه اكتر من كده
داليدا:تفتكري ان دا الحل يعني يا علياء ؟!……..اننا نعيش خايفين لحد ما هما يتمسكوا ويرجعوا السجن من تاني…….المفروض انهم هما اللي يخافوا يا علياء مش احنا
فاطمة:اللي انا نفسي افهمه ازاي هما الاربعه قدروا يهربوا من السجن ويعملوا اللي هما عملوه دا……..انا بجد مش قادره استوعب اللي بيحصل دا
علياء:الظاهر اننا مش مكتوب علينا اننا نهدي ونعيش حياتنا زي باقي الناس……..كنت فاكره اننا خلاص هنعيش حياتنا وكل حاجة انتهيت بس لا………احنا حياتنا بتدمر مش بتتحسن
داليدا:كفاية بقي كلام في الموضوع دا……..اطلعي يا فاطمه صحي نور…….حاولي تقنعيها انها تنزل تاكل…….وانا هطلع اطمن علي نادر وعائشة
فاطمة:ماشي
راحت علي اوضتها علشان تصحيها وهي راحت علي اوضه الاطفال…….تلفونها رن…….مسكته وبصيت فيه وبعدين بصيت عليهم………رديت عليه وبدات تتكلم بصوت واطي
علياء:ايوة
كريم:انتي فين
علياء:في البيت……..هكون فين يعني
كريم:انا عايز اشوفك ضروري
علياء:تشوفني فين……..انا مش هقدر انزل من البيت دلوقتي خالص
كريم:براحتك……..بس انتي لو مجتيش تقابليني انهارده هجيلك انا وهقول للكل علي كل حاجة يا علياء وانتي عارفه ايه اللي هيحصل ساعتها
كانت هترد عليه……..سمعت صوت زعيق جاي من فوق……..ركيت التلفون وطلعت تجري علي فوق
قاعد قدامهم بعصبية……..بيهز في رجله…….اتكلم وهو مبتسم وحاطط رجل علي رجل
حاتم:مالك يا حازم……قاعد متوتر وقلقان كده لية
زياد:اية خايف ل مراتك تعرف حاجة ولا اية يا حازم
حازم:انا مش فاهم انتو جايبين برود الاعصاب اللي عندكم دا منين…….انتو ازاي بعد اللي عملتوه دا مش خايفين البوليس يعرف مكانكم ويقبض عليكم
كريم :وانت فاكر ان لو دا حصل هيتقبض علينا لوحدنا يا حازم……..تبقي غلطان…….يا حبيبي احنا لو رجعنا للسجن تاني مش احنا لوحدنا اللي هنتأذي……..انت كمان هتروح في الرجلين معانا وهيتقبض عليك ونور بدل ما تساعدك هتساعد البوليس في انه يقبض عليك وتنتقم منك يا حبيبي علي كل اللي عملته
حازم:هو انتو عايزين مننا ايه مش كفايه اللي حصل لنور من وراكم قبل كده وماما رحمة الله يرحمها……..عايزين ايه تاني اكتر من كده…….حرام عليكم سيبوها في حالها بقي انتو عايزين منها اية ……..كفايه اوي لحد كده
الباب خبط……..بداو يبصوا لبعض بقلق وخوف
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية صراع عائلي الجزء الثاني)
