رواية صدمة الفصل الأول 1 بقلم ضحى ابراهيم

رواية صدمة الجزء الأول

رواية صدمة البارت الأول

رواية صدمة الحلقة الأولى

– يوووه انا زهقت بقا
– من اي بس يا زينه
– منه يا مودة كل ما اروح في حته الاقيه في وشي
– طب مش قولتي هتنسيه
– مش عارفه كل شويه تلاقيه بيكلم بنت شكل دا الجامعه كلها لاحظت دا طب اتقدملي ليه وليه كان بيقولي بحبك
– انسيه بقا ميستاهلش دا كله الحياة تجارب يا زينه ولازم نتعلم منها
– اه فعلا يا لهوووي احنا اتأخرنا على المحاضرة والدكتور جديد ممكن يزعق
“لسه زينه بتجري خبطت في جسم طويل عريض ورياضي ”
– الله مش تفتح يا اعمى
– انا اللي اعمى بردو ولا انتي اللي حوله
– اي قله الادب دي وكمان ليك عين تغلط هقول اي ما انت شكل عقلك مش فيك اجري يلا روح دور عليه
– انتي اتهبلتي انتي عارفه انتي بتكلمي مين
– هيكون مين يعني ابن صاحب الجامعه
“سالته زينه ومشيت عشان تلحق المحاضرة”
– الحمدلله لحقنا قبل ما الدكتور يدخل لولا البأف اللي اتخبطت فيه دا عصبني
– اهدي يا زينه انتي اللي خبطي فيه
– بقولك اي انتي..
– هشششش الدكتور دا
” واتصدمت زينه لما بتبص مره واحده أنه الشخص اللي خبطت فيه ”
– يا ليله منيله هو يوم عسل انا حاسه
– الأستاذة اللي قاعده بتكلم ورا قومي اطلعي بره ومتحضرليش محاضرة تاني عشان تبقي تتكلمي كويس
“جت زينه تقوم هي وموده”
– لا انتي بس البنت اللي جامبك متكلمتش
– بس يا دكتور
– انتي هتردي عليا يلا بره
” أحرجت زينه جدا وخرجت والدموع في عينيها”
فونها رن
– الو يا بابا
– الو يا زينه يا حبيبتي عامله ايه
– الحمدلله بخير يا بابا وحضرتك عامل اي
– الحمدلله بخير بقولك احنا لازم ننزل البلد انهارده جدك تعب هتيجي امتى عشان تحضري الشنطه
– بس يا بابا انا معرفش حد هناك و..
– دا جدك يا زينه لازم نروح كلنا
– حاضر يا بابا انا جايه في الطريق
“انا لازم اروح بس قبل ما اروح لازم اعمل حاجه”
“شافت زينه الدكتور اللي اتخانقت معاه رايح على عربيه وشغلها بس فجأة حد من الطلبه نده عليه وراحله وهي راحت من ورا العربيه وبوظت الكويتش بتاع العربيه وركبت بسرعه ومشيت ومن حظها المكان مكنش فيه كاميرات ”
تفتكروا اي اللي هيحصل والدكتور هيعمل اي لما يعرف
“جهزت زينه الشنطه وسافروا البلد في الصعيد اول ما وصلوا ”
– يا هلا بالحبايب والله اتوحشناكم
– عامله اي يا امي وابوي فين
– مرحب بالغالي ولد الغالي
– اتوحشتني يا ابوي كيفك وكيف جدي
– زين يا ولدي وجدك صحته في النازل ..مرحب بالغالية
– ازيك يا بابا عامل اي
– اكده يا بنيتي واحد وعشرين سنه بعاد ما حدا بيشوفكم واصل
– والله انتو واحشنا اووي واهو جينا
– نورتي الصعيد كلها يا بنيتي وفين الغاليه الصغيرة
“ظهرت زينه وسلمت على جدها ”
– تعالي في حضني يا بنت الغالي والله كان بودي عريسك يكون اهنه انهارده بس خلاص هو على وصول
“لحظات صدمه من الجميع “