رواية صدفه غير متوقعه الفصل السابع 7 بقلم نور محمد
رواية صدفه غير متوقعه الجزء السابع
رواية صدفه غير متوقعه البارت السابع
رواية صدفه غير متوقعه الحلقة السابعة
ريان بتفكير: ” موافق
مراد بخوف علي اختو: ” موافق
فهد بتردد: ” موافق
اللواء خلاص بكرا هنحدد كل حاجه و احتمال برضوا يكون كتب كتبكم بكرا و هتسافرو علي طول الي انجلترا
ريان بصلو بصدمه
ريان بصدمه: ” مش قليل اوي الوقت ده
اللواء: ” هو انت هتتجوز حقيقي
دي مهمه يا حاضرة الظابط
ريان: ” احم تمام يا فندم
انا جاهز في اي وقت
اللواء: ” وانت يا فهد انا عرفت والدك وهو موافق كل الي عليك انك تعرف نور وتفهمها كل حاجه
فهد: ” تمام يا فندم
اللواء: ” اتفضلو ارتاحوا انهارده علشان هنبدا الشغل من بكرا
ريان: ” تمام يا فندم عن اذن حضرتك
خرج ريان
فهد: ” حضرتك متاكد ان مفيش اي خطورة على حياة نور
اللواء بتنهيده: ” علي حسب لو هي ادت دورها صح و محدش شك فيها هتبقي تمام لكن لو اتشك فيها فالله اعلم بقي هيبقي في خطر علي حياتها ولا لا
مراد: ” خير ان شاء الله
استاذن انا
فهد: ” استني يا مراد
استاذن انا كمان بعد اذن حضرتك
خرج مراد هو وفهد
متوجهين الي منزلهم
بعد وقت وصل فهد و مراد ودخلوا الي المنزل
مراد: ” السلام عليكم
سيران: ” وعليكم السلام ورحمه الله وبركاته
اول لما شافت فهد جريت علئ حضنتو
سيران: ” بقي كده يا فهد تيجي مصر وانا اخر واحده اشوفك
فهد: ” معليش والله كان عندي شغل انا حتي نزلت من المطار ورحت علي الفيوم علي طول وكمان انا اصلا مشفتش بابا يعني مش اخر حد تشفني
المهم دلوقتي بابا جه ولا لسه
سيران: ” لا يا حبيبي لسه مجاش بس زمانه جي
فهد: ” تمام
إه صح نور فين كنت عايزها في موضوع مهم
سيران: ” شوفها في المطبخ
لما تكون مش لقيها شوفها في المطبخ ليل نهار قاعدة في ده انا بفكر اجبلها سرير في المطبخ بدل مهي رايحه وجايه كده
فهد بضحك: ” هههههه
انا داخل اشفها
مراد هتيجي معايا ولا لا
مراد: ” لا انا مش قادر ابقي قولها انت وانا هخص انام بقي تصبح علي خير
فهد: ” وانت من اهله
ذهب ريان الي المطبخ و بالفعل شاف نور قاعدة عماله تاكل
فهد: ” مفجوعه هانم بعد اذن حضرتك هقطعك عن الاكل شويه
نور بصتلو بغيظ: ” نعم عايز ايه مش شايفني باكل ولا مبيحلوش الكلام غير وانا باكل
فهد: ” مانتي طول عمرك بتاكلي ايه الجديد يعني انا لو استنيت لحد ما تخلصي مش هنخرص
المهم دلوقتي اغسلي ايدك وتعاليلي بره عايزك في موضوع مهم
قال ذلك وخرج
نور ببرطمه: ” ايه يعني الي هيبقي اهم من الاكل
فهد بصوت عالي: ” خلصي يره ومتبرطميش
نور بتافف: ” شكلنا مش هنخلص
قامت نور وخرجت من المطبخ
في الرشيبسن
كان فهد يجلس مستني رد نور بعد لما قالها الموضوع
نور: ” هو مفيش حل غير ده
فهد: ” للاسف لا
نور بغيظ: ” مفيش غير ريان يعني
مافي كتير غيره اسمعنا هتجوزوني ده
فهد بهدوء: ” نور ريان هو كده كده هيبقي في المهمه دي انتي اصلا لو موفقتيش هيشوفو واحده غيرك
نور: ” انت قصدك تقول اني مليش لازمه
فهد: ” انا مقلتش كده انا بفهمك بس
كمان متنسيش إنه ظابط لكن انتي هتخلصي المهمه دي وترجعي لي حياتك الي هي اصلا مهندسه متنسيش ده
نور: ” اكيد مش هنسي يعني مش لازم تفكرني
كملت بحماس المهم قولي الناس الي المفروض نقبض عليهم دول ناس مافيا بجد زي بتوع الافلام كده
فهد بتريقه: ” لا مزيفين
اومال ايه يابنتي يعني احنا هنهزر
نور: ” خلاص ياعم متزعكش
فهد: ” لا حول ولا قوه الا بالله
المهم دلوقتي موفقه ولا لا
نور بحماس: ” موفقه
اه صح ريان عارف اني هيبقي مراتوا ولا لسه معرفش
فهد: ” عرف قبلك
نور: “. لما عرف بقي عمل ايه
اكيد يعني كان طاير من الفرحه لما عرف هو اصلا كان يحلم ابصلوا اصلا
فهد بسخريه: ” انتي هتقولي ده كان ميت من الفرحه
نور: ” انت بتتريق صح
قولي كده بالتفصيل قال ايه عليا
فهد: ” خلاص يا نور قفلي علي الموضوع
قال ذلك ومشي
بس وقفتوا نور وقالت
هو مراد كان معاكم
فهد: ” ايوه لي
نور: ” يعني عرف الموضوع
فهد: ” اه روحي بقي زني علئ علشان يقولك كل حاجه
نور: ” علي فكرة انا مش بزن
ذهب فهد دون الرد عليها
دلفت نور الي غرفت شقيقها بعد ان اذن لها بالدخول
نور: ” ازيك يا مارو
مراد: ” بت مش كلتلك الف مره متقليش الاسم ده
وكمان عيب لما ابقي ظابط وتقليلي كده مش كفايه قبل كده قلتها قدام صحبي
نور بتذكر
F
مراد كان واقف هو وصديقه مستنين نور لما تخلص كليه علشان يروحها
اتت نور واو لما شافت مراد
قالت
نور: ” اتاخرت عليك يا مارو
صاحبه بضحك: ” حلو الاسم ده
مراد بغيظ: ” اخلص يره وبصي لي اخته بغضب وقال
مراد: ” قدامي علي العربيه لحسن والله هامشي و شوفي بقي مين هيوصلك او اركبي مواصلات بقي
B
نور: ” يااا انتي لسه فاكر
مراد بغيظ: ” ودي حاجه تتنسي دي
نور: ” المهم سيبك دلوقتي من الموضوع ده وقولي ريان لما عرف إن انا هيبقي مراتوا عمل ايه
مراد برفع حاجب: ” وانتي مالك
نور: ” ياعم انا كنت بسال عايزه اشوف رده فعلوا كانت عامله ازي لما عرف إنه هيتجوزني اكيد كان طيران من الفرحه صح
مراد: ” اوي ده كان هيموت من الفرحه
نور: ” ياعم متقول بقي عمل ايه
انت هتبقي زي اخوك
مراد: ” عادي يعني اتصدم لما عرف
نور: ” ياعم اكيد يعني اتصدم
هو يطول اصلا يبص في وشي
مراد: ” عندك حق والله يقرف
نور بغيظ: ” يابني متقول بقي قال ايه
مراد بتنهيده حكلها كل الي حصل
نور: ” نعم قال عليا ايه كده ماشي
مراد: ” ايه هموتي الواد ولا ايه
نور: ” لا مش هموتوا هعمل في حاجة اوحش
مراد: ” هو في حاجه اوحش من انه يتجوزك
نور بزهول: ” انت بقول ايه انت اكيد مش قصدك
مراد بكذب: ” اكيد يعني انا اقدر اقول كده برضو ده انا حتي رديت علئ لما قال كده و قولتلوا انت تطول اصلا تتجاوزها
نور: ” جدع يا مارو حبيب اختك
مراد بنرفزه: ” برضوا هتقولي مارو اخرجي يا بت برا
طلعت نور بره وهي بتضحك
عده اليوم علي ابطالنا
تاني يوم
كانوا كلهم متجمعين لي كتب الكتاب
كان ريان ينظر لي نور نظرات كلها شر وهي
تنظر ليه بنظرات كلها برود و تواعد
جه الماذون وبدا كتب الكتاب
انتبهت نور علي اخر جمله كلها
بارك الله لكم وبارك عليكما وجمع بينكما في خير
خلصوا كتب الكتاب و الماذون مشي
ريان بسخرية: ” يره يا عروسة
ورانا طياره
نور وهي تودع مامتها
نور: ” سلام يا ماما انا عارفه اني هوحشك ومتقدريش تستغني عني بس يره بقي معليش
قاطعها سيران
سيران: ” ياااا اخيرا هرتاح ومحدش هيخلصلي الاكل بتاع البيت
ربنا معاك والله يابني
نور: ” قصدك ايه يا ماما قصدك اني مفجوعه
طب ماشي مش هتشوفي وشي تاني
مراد: ” ياستي امشي انتي بس ومتشليش اي هم
اهو نرتاح شويه
نور بزعل مصطنع ماشي يا مراد
بقي دي العشره الي بينا
وانتي يا ماما مهنتش عليكي ده انا حتي بنتك
مراد: ” الله حلو اوي التمثيل ده
نور بفخر: ” احم ايه رايك
مراد: ” تحفه
النصراوي: ” خلي بالك علي نفسك يا حبيبتي
خلي بالك منها يا ريان
ريان بابتسامة: ” متخفش يا عمي
فهد: ” نور بلاش غباء علشان غباءك ده هيوديكي في داهيه
وحاولي متخليش حد يشك فيكي
نور بثقه: ” متخفش محدش هيشك فيا يره سلام بقي
ودعتهم نور ثم ذهبت هي و ريان
ذهب معاها مراد و فهد علشان يوصلوها الي المطار
بعد لما وصلوا المطار وضعت نور إخوتها وركبت مع ريان الطيار
ودي كانت اول مره تركب طيار
ريان: ” ايه خايفه
نور: ” وانا هخاف من ايه يعني
ريان: ” يعني مثلا علشان دي اول مره تركبي طياره
نور: ” وانت عرفت منين إن دي اول مره تركب فيها طياره
ريان: ” مراد الي قال وكمان شكلك قلقانا
نور: ” مركش دعوه قلقانا ولا لا دي حاجه متخصكش
ريان: ” بس خلاص خلصنا مش جايين نتخانق هنا
نور سكتت بضيق
بعد وقت ليسا بقليل وصلوا انجلترا
نور وهي شبه نايمه احنا هنروح امته بقي انا اخلاص مش قادره
ريان: ” خلاص قلبنا نوصل الفندق اهو وزي ما اتفقنا احنا قدمهم بنحب بعد و متنسيش تحطي المخده في بطنك علشان المفروض ان حضرتك حامل
نور: ” هي فين المخده صحيح
ريان: ” اهه
اعطاها ريان المخده
اخذتها نور منو و وضعتها في بطنها
نور: ” انا خايفه لحسن تقع مني
ريان: ” لي مش رابطها كويس
نور: ” مش عارفه
ريان: ” وريني كده
نور: ” اوريك ايه
ريان: ” تصدقي انا غلطان عارفه يا نور لو المخده وقعت منك مش هيحصلك كويس
نور: ” خوفت انا كده
ريان: ” بس بقي علشان وصلنا
وصلوا قدام الفندق نزل ريان و نور من السيارة
و دخلوا الي الفندق اول لما داخلو كان مايكل في استقبالهم
مايكل: ” (كيف حالك بلاك )
How are you, Blake?
ريان و يدعي بلاك : ” ( بخير)
I’m fine.
مايكل اول لما شاف نور بصلها بإعجاب واضح
وقال (مرحباً بك سيدة سيلا)
Welcome.mrs Sila
مايكل: ” علي فكره انا بعرف اتكلم مصري كويس اوي
نور بقرف: ” مانت بتعرف تتكلم مصري اهو اومال قرفنا لي من الصبح
ضربها ريان بخفه علي قدمها وهمس بغضب: ” ما تفضحيش الدنيا
وغضب من نظراته الي نور و قال
ريان……
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية صدفه غير متوقعه)
