رواية صدفه الفصل العاشر 10 بقلم مريم أشرف
رواية صدفه الجزء العاشر
رواية صدفه البارت العاشر
رواية صدفه الحلقة العاشرة
دخلت بين الناس وهي بتقول:
– هو..أكيد هو..
وقفت قدامو وقالت بفرحه:
– أنس..أنس أنا بسمه فاكرني؟
بصلها أنس بذهول وقال: بسمه؟!!..انتي بتعملي ايه هنا؟..بص على الصحافة وكمل:
– يخربيتك هتفضحيني..
:أنس بيه انت بتعرف الآنسه..بتقربلك ايه؟
: أنس بيه هو ممكن نشوفك عريس قريب؟
: يا آنسه ممكن نسألك؟
أنس بعصبيه:
– أظن دي حاجه خاصه وملكمش دعوه بيها خالص..قال كده وشد بسمه لجوه..
بسمه عيطت: أنا آسفه والله ماكان قص..
أنس: وحشتيني يا بسمه..أنا مش مصدق انك هنا قدامي..
بسمه مسحت دموعها وردت: بجد وحشتك؟
ابتسم: آه..ماما كان عندها حق..انتي اللي بتحلي البيت و
زياد من برا: بسمه!!..بسمه!!
أنس باستغراب:
– أخوكي مش كده..قالها وهو بيشاور عليه من بعيد..
بسمه:
– اه احنا كنا طالعين لمشوار صغير وفجأه لمحتك وجيت جري أشوفك..
ابتسم بمشاكسه:
– جيتي جري آآه..
بصت على تحت بخجل وقالت:
– أصل..كنت بتسلى وأنا بشوفك بتعاني من تصرفاتي الغبيه..
أنس بجديه:
– آه يا ختي يوم ما شفتك عملتيلي مصيبه..ويوم ما رجعتي تاني عملتيلي مصيبه أكبر منها هسكت الصحافه دول ازاي أنا دلوقتي؟!
بسمه:
– قولهم ان أنا خطيبتك..اتقدملي يا أنس..
أنس برق:
– نعم؟؟؟؟!!..انتي جالك erreur في دماغك ولا ايه؟
بسمه ضحكت:
– والله ده الحل الوحيد..وكمان أنا..أنس أنا بح..
وقفت لما شافت أخوها داخل والأمن بيشدو لبرا..
أنس: سيبوه!!
دخل زياد ومسك ذراع بسمه:
– يا مجنونه..لأ ده انتي لازم أخاف منك..كده تجري وتخليني أجري وراكي..بص على أنس بتركيز بيحاول يفتكرو وقال:
– آسف يا أستاذ عالإزعاج بس اختي بتحب تقلب عيله من وقت للثاني..
أنس ضحك:
-لأ واضح انها عيله و..كمان عبيطه..
بسمه كشرت:
– ماشي يا أنس الزفت..
زياد:
– احترمي نفسك يا شيخه ويلا ورايا عملتلنا فضيحه مع الناس!!
بسمه بصت على أنس وابتسمت:
-فكَّر!!
أنس باستعباط:
– أفكر في ايه؟..لاااااااا واضح ان دماغها فاشله..بس..ايه ده؟؟؟..البنت مشيت..صوت من جواه:
– ومالك لو مشيت مش كفايه اللي عملتو فيك..
-لأ أنا بحبها..بتحبها ايه دي مجنونه…لأ انا بموت في جنانها..براحتك وانت الخاسر..لأ مش هندم بإذن الله..
نده على المساعده فجت تجري..
: نعم يا بيه حضرتك ناديت عليا؟
أنس: آه..شوفتي البنت اللي كانت هنا شويه مع أخوها..
:ايوه أنا شفتهم دلوقتي داخلين محل البيبي اللي هناك ده..
أنس غمز:
– شاطره..بصي أنا عاوزك تراقبيهم وتجيبيلي عنوان بيتهم ماشي؟
المساعده ابتسمت:
– شكل كلام الصحفيين هيطلع صح..
أنس بيمثل العصبيه:
– امشي يا بت من هنا لخبطك..هو عشان انتي بنت عمتي تتمادي عليا؟
المساعده ضحكت:
– خلاص يا عم متبقاش كشور كده..انا رايحه اهو..
عسل أوي أنس ده😅..ايه رأيكم في أبطالنا وبالخصوص بسمه المجنونه😁
__________________________
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية صدفه)
