رواية كانها روايه الفصل الثالث 3 بقلم آية الفرجاني

رواية كانها روايه الجزء الثالث

رواية كانها روايه البارت الثالث

رواية كانها روايه الحلقة الثالثة

احمد كان بيفتكر الي اسماء عملتو عند الدكتور لماالدكتور جيه يشوف رجلها
#فلاش
.. الدكتور
ممكن يانسه اشوف رجلك
اسماء باستغراب:
ليه عايز تشوفها
الدكتور واحمد واميره بصولها
اسماء بعفويه:
روح هات دكتوره مش هخليك تشوف رجليا
احمد بصلها بفخر وسكت
الدكتور..
يانسه هكشف عليكي ازاي ثم ان مفيش غيري هنا
اسماء:
اسماء اه قول كده بقي عايز تتحرمش بيا انا مش هوريك رجلي ابدا
الدكتور بضحك يبنتي ايه اتحرمش دي وبعدين انا دكتور ولا انت مش شايفه البالطو ده والمستشفي دي
اسماء بتوتر:
هو هو بص انا رجلي مفهاش حاجه يعني اتخبتطت وخلاص هات اي حاجه وانا همشي علي طول والله
احمد والدكتور واميره ضحكو لما عرفو انها خايفه
احمد:
يأنسه الدكتور هيعمل اشاعه الاول وبعدين هيشوف
ولو متوتره عشان انا واقف هخرج
اسماء بهمس:
يريت والله تخرج دا انت عاملي توتر اكتر من امتحان دكتور المدافن
احمد سمعها وضحك في نفسو وخرج
الدكتور..
هنعمل اشاعه الاول
بعد فتره
رجلك فيها كسر بس بسيط ممكن يلم مع نفسو لو حافظتي عليه
بس الافضل تعملي تجبيره عشان الحركه
الدكتور عملها تجبيره واحمد دخل
احمد:
خير ي دكتور
الدكتور..
متقلقش الحمدلله كسر بسيط وانا حطيت ليها جبيره
وانشاءالله بالكتير شهر وتبقي كويسه
احمد خرج يجيب الدوا الي الدكتور قال عليه واميره واسماء فضلو يتكلمو
اميره:
بقتي كويسه دلوقتي
اسماء:
اه الحمدلله
وبعدين قالت بتوتر هو راح فين وبتبص حواليها
اميره:
راح يجيب الدوا الي الدكتور قال عليه
اسماء بسرحان:
امم صدقي يبت ي اميره الولا ده شبه التركين كده
ولا شعره يلهوي
احمد كان جيه من وراهم ولسه هيتكلم سمعها وهي بتقول عليه كده ابتسم و تلقائي حط ايدو علي شعره
اكملت عارفه يبت ي اميره الولا المز الي كان اسمو يزن في مسلسل فضيله
اميره شافت احمد واقف ورا اسماء
وقالت بكسوف:
امممم
اسماء:
بس الفرق لون العيون دا عيونه سوده
اميره بتبرق ليها:
امممم
اسماء:
في ايه يبت متتكلمي عماله تزومي كده ليه
اميره بتوتر:
استاذ احمد
اسماء بخوف وتوتر:
قالت بهمس متقوليش انو ورايا
اميره هزت راسها باه
اسماء كانت عايزه الارض تنشق وتبلعها ولفت ليه وهي بتبصلو ببراه
احمد لما شفها كده كتم ضحكتو وقال
الدوا يانسه اسماء مكتوب عليه المواعيد بالشفاء ان شاءالله يلا عشان اوصلك
اسماء اخدت الدوا وهيا متوتره واديتو لاميره
احمد: احم تحبي اساعدك
اسماء وهيا مكسوفه شكرا لحضرتك
#عودة
ام احمد بابتسامة
الي واكل عقلك
احمد بصلها وفاق مره واحده وقال
مفيش افتكرت حاجه كده
حمزه بغمزه:
ويترى ايه هيا بقي
احمد بصلو بغيظ
مفيش موضوع في الشغل بس
سلمي باتسامه:
بس من امتي وانت بتجي من الشغل مبسوط كده دا انت دايماو بتجي مدايق وزهقان وبعدين الي اعرفو
انو عندك مشكله وكمان فارس كلمني وكان بيسال عليك وانو اتصل بيك كتير وانت مردتش وقال
انو في مشكله جامده مزعلاك في الشغل
غمزت لحمزه وقالت
ولا ايه رايك ي حمزه
حمزه:
والله ي ماما عندك حق شكل ابنك مخبي علينا حاجه وحاسس انو الموضوع فيه بنت كده
احمد بصلهم جامد وقام مشي
سلمي وحمزه ضكحو جامد
سلمي بضحك:
حاسه انو بسبب البنت الي خبطها انهارده
حمزه باستغراب:٠
بنت مين دي ي امي الي خبطها
سلمي بتنهيده:
اخوك وهو رايح الشغل خبط بنت بس الحمدلله قال انها كويسه وهو وصلها علي البيت وهنروح نشوفهابكره
حمزه:
امم قولتيلي انا قولت برضو الموضوع فيه بنت
سلمي:
تعرف لو الموضوع حقيقي مش هسيب البت دي
❤❤❤❤❤❤
عند اسماء قاعده متوتره ومش عارفه تعمل ايه
دخل بابها عليها
محمد:
اخيرا صحيتي
اسماء بتوتر:
بابا با بابا هو
محمد بزعيق: هو ايه كنت مستنيه ايه يحصل لما تكلمني ها معاكي تلفون ليه مشيلك تلفون ليه انا
تتعملي حادثه ومعرفش غير وانتي جايه البيت
لا وشاب كمان الي موصلك تعرفي لولا انو الشاب طلع فعلا محترم وابن ناس انا مكنتش هسكت علي الموضوع ده
امها جت علي الزعيق واخوها
حماده:
في ايه ي بابا بتزعق ليه وبعدين بص علي اسماء لقها
بتعيط
ورجلها متجبسه
حماده بفزع وراح نحيتها
مال رجلك ايه الي حصل
ثناء:
الحمدلله يبني في شاب خبطها وجبها لحد هنا
حماده بزعيق:
وانتو سبتوه يمشي كده بسهوله كان لازم يتحاسب
هيا ارواح الناس لعبه
محمد:
دا قضاء ربنا والشاب مقصرش معها وجبها لحد هنا
واعتزر والحمد لله
اكمل وهو بيبص لاسماء
الحق كله علي اختك الي حتي مكلمتنيش ولا كلمت حد منا
اسماء بعياط:
يبابا كنت خايفه اعمل ايه مجش في بالي خالص
اتصل بحد
محمد:
عيطي هو الي انت فالحه فيه انا ماشي بدل ما يجلي
جالطه منك ومن عمايلك
ثناء:
خلاص ي حبيبتي الي حصل حصل الحمدلله انك بخير
حماده قعد جنبها وقال بمزاح
والله اشكره لو شفتو هيريحني شويه واعمل الي عايزو بقي بدل الزن بتاعك علي القليل مش هلاقي حد ينقل اخباري ها الاخبار الي بتتنقل
اسماء بتوتر:
اخبار ايه انت قصدك ايه
حماده:
لا يحبيبي مش قصدي حاجه انا قولت حاجه
اسماء:
ماشي الا بقولك صح ممكن التليفون بتاعك
حماده:
ايه هيا وصلت للتلفون كمان بت انتي قوليلها تبطل الشك ده عشان انا زهقت
اسماء باستغراب:
هيا مين دي
حماده:
والله دا علي اساس انو مش رحمه الي قايلك تفتشي التليفون
اسماء بضحك:
لا والله انت فهمت غلط انا كنت عايزة ارن علي فوني لاني مش عارفه هو راح فين
حماده:
اااه اذا كان ماشي خدي اهو بس بحظرك والله لو طلع كلامك غلط انت عارفه هعمل ايه
اسماء: متخفش
كله خرج واسماء قعدت ترن علي الفون ومحدش بيرن
اسماء بزهق
يوووه اكيد سابه في العربيه عشان كده مش بيرد
❤❤❤❤❤❤
في مكان تاني في قري من قري الصعيد
كان في تجمع عائلي
وكان في راجل كبير في السن قاعد وحواليه اولاده
اتكلم:
حد من الي قاعدين وهو بيقول بزعيق
يعني ايه ي ابوي انت عايز تدي فارس زيو زينا في الورث
ابوه:
اخرس سد خشمك ده واتكلم معاي بادب انت شكلك
ناسي اني مين
اتكلم بتوتر:
ي ابوي مش قصدي بس فارس عمره ما نزل الارض
ولا يعرف حاجه عنها واني واخوي الي عمرنها وكل
الحاج انور بزعيق:
انت بتقول ايه عاد الي بتتكلم عنو دي ارضي واني الي تعبت فيها لحد ما بقيت اكده وبقيت نص ارض القريه بتاعت وانت كنت شايف انك تعبت فيها فانت
معملتوش حاجه جديده لو كان واحد فيكم بس اشتري حتت ارض حتي كنت هقول لكن كله تعبي اني ومحدش فيكم بقرر عني وفارس زيو زيكم ومحدش ضربك انت واخوك علي يدكم وخالكم تسيبو العلام
انت الي اخترتو تكنو فشله فارس الوحيد الي نصفني ورفع راسي وبجي مهندس قد الدنيا
ودي مالي واني حر نعمل الي اني عاوزه
والي مش عاجبو الباب يفوت جمل خلص الحديت لحد هنا
ولا كلامي غلط ي عبد الباقي
عبدالباقي:
حققك ي اخووي كلنا نشهد تعبك والله واشهد علي اكده ربنا يديمك بينا
انور:
فارس هيدلي علي اهنه يوم الجمعه الجايه هو ومرتو
مش عاوز حد يزعلو بكلمه انتو فاهمين عاد
عبدالباقي بغضب:
لاع ي اخوي لحد هنا واني مش هسكت هو ابنك علي عيني وعلي راسي لكن يرجع هنا لا ومرتو وياه كمان اني مش هسكت
اني لسه منستش الي حصل لبنتي بسببو واني
كنت هقتلو لولاك ي اخوي والله ما كنت سبتو
انور بهدوء:
انا مقدر موقفك ي اخوي وعارف انو الي حصل كان غلط واني بنفسي اتكلمت مع فارس
بس فارس حب البنيه واني مقدرش اغير قلبو
انت عارف القلب مش باليد وصدقني لو كنت شايف انو بنتك هتبقي مبسوطه معاه كنت وقفت قدامو واجبرتو يتجوزها
عبدالباقي:
وقف وهو متعصب وخرج
انور اتنهد وهو بيبص عليه وبيقول
ربنا يهديك ي اخووي وتحنن قلبك علي فارس عشان يرجع تاني يبقو وسط اهلو
عبد الباقي خرج وهو متعصب وقف لما حد نده عليه
ياسين:
اسنتي ي عمي عايز اتحدث معاك بخوص موضوع فارس
عبد الباقي بغضب:
جاي تقول ايه انت كمان هدافع عن اخوك مش اكده
ياسين بخبث:
لاع يعمي مين قال اني جاي ادافع عنو فارس غلط ويستحق القتل……..